Al-Taqwa Institute of Higher Education

  • Home
  • Al-Taqwa Institute of Higher Education

Al-Taqwa Institute of Higher Education Official Page of Al-Taqwa University Today it is a thriving academic and intellectual center dedicated to providing Afghans with a world-class education.
(1)

Since opening in 2012, ATIHE has grown from an initial enrollment of 150 students to more than 320 students in less than a few months. A non-profit, coeducational institution, ATIHE offers degrees in Political Science (LLB), Business Administration (BBA), and Economics (BEc). ATIHE also offers diploma programs in Business Administration (DBA) Information Technology (DIT), and English Language (DEL).

د لوی اختر د مبارکۍ پيغام!د التقوی پوهنتون رهبري د پوهنتون ټولو قدرمنو استادانو، اداري او خدماتي کارکوونکو، محصلانو او د...
27/05/2026

د لوی اختر د مبارکۍ پيغام!

د التقوی پوهنتون رهبري د پوهنتون ټولو قدرمنو استادانو، اداري او خدماتي کارکوونکو، محصلانو او درنو هېوادوالو ته د نېکمرغه لوی اختر مبارکي وايي.

لوی اختر مو مبارک، طاعات او عبادات مو د رب په دربار کې قبول او ژوند مو له علم، سولې او برکتونو ډک شه.

د نشراتو او ټولیزو اړیکو آمریت

د عرفې مبارکې ورځې او نېکمرغه لوی اختر په مناسبت د رخصتۍ خبرتیا!د کار او ټولنیزو چارو وزارت د خبرتیا پر بنسټ، د ۱۴۰۵ هـ....
25/05/2026

د عرفې مبارکې ورځې او نېکمرغه لوی اختر په مناسبت د رخصتۍ خبرتیا!

د کار او ټولنیزو چارو وزارت د خبرتیا پر بنسټ، د ۱۴۰۵ هـ. ش کال د روانې جوزا میاشتې له ۵مې نېټې څخه تر ۹مې نېټې پورې، د عرفې مبارکې ورځې او نېکمرغه لوی اختر په مناسبت په ټول هېواد کې عمومي رخصتي اعلان شوې.

د التقوی پوهنتون ټولو درنو محصلینو او کارکوونکو ته خبر ورکول کېږي، چې د رسمي رخصتیو له پای ته رسېدو وروسته د پوهنتون ټول تدریسي او اداري فعالیتونه د جوزا میاشتې په ۱۰مه نېټه د یکشنبې په ورځ بېرته په عادي ډول پیل کېږي.

د نشراتو او ټولیزو اړیکو آمریت

د لوی اختر د قربانۍ د احکامو په اړه علمي سمینار وړاندې شو!د التقوی پوهنتون د فرهنګي چارو اصلي کمېټې له لوري، د دعوت او ا...
25/05/2026

د لوی اختر د قربانۍ د احکامو په اړه علمي سمینار وړاندې شو!

د التقوی پوهنتون د فرهنګي چارو اصلي کمېټې له لوري، د دعوت او ارشاد آمریت په همکارۍ، د لوی اختر د قربانۍ احکام تر تر سرلیک لاندې دیني ـ علمي سمینار وړاندې شو، چې پکې د پوهنتون رهبرۍ، استادانو او کارمندانو ګډون درلود.

یاد سیمینار د قرآن کریم د مبارکو آیتونو په تلاوت سره پیل شو، ورپسې د دعوت او ارشاد آمر مولوي سمیع الله صافي د قرآن کریم د مبارکو آیتونو او نبوي احادیثو په رڼا کې د لوی اختر، د قربانۍ فضیلت، شرعي احکامو او اړوندو مسایلو په اړه هر اړخیز معلومات وړاندې کړل.

نوموړي د قربانۍ تعریف او تاریخچه، شرعي حکم، د ذوالحجې د لسو ورځو فضیلت، د تشریق تکبیرات، د قربانۍ د نصاب شرایط، د قربانۍ د څارویو ډولونه، د حیوان عمر او عیبونه، د ذبحې مسنونه طریقه، او د قربانۍ د غوښې د وېش اړوند مهم موضوعات په تفصیل سره تشریح کړل.

همدا راز ګډونوالو ته د عرفې ورځې د روژې نیولو اهمیت او د قربانۍ نه کولو د وعید په اړه معلومات وړاندې شول، ترڅو د اسلامي شعائرو د سم درک او عملي تطبیق زمینه لا پیاوړي شي.

د سمینار په پای کې ګډونوالو خپلې پوښتنې مطرح کړې، چې د دعوت او ارشاد آمر مولوي سمیع الله صافي له لوري ورته د اسلامي اصولو مطابق ځوابونه وویل شو.

د نشراتو او ټولیزو اړیکو آمریت

د اقتصاد پوهنځي محصلانو ته علمي سمینار وړاندې شو!د التقوی پوهنتون د اقتصاد پوهنځي دویم سمستر محصلانو ته د یاد پوهنځي است...
24/05/2026

د اقتصاد پوهنځي محصلانو ته علمي سمینار وړاندې شو!

د التقوی پوهنتون د اقتصاد پوهنځي دویم سمستر محصلانو ته د یاد پوهنځي استاد عطاءالله زاهد له لوري د «Key Factors Behind the Decline of Small and Medium Enterprises (SMEs)» تر عنوان لاندې علمي سمینار وړاندې شو.

ښاغلي زاهد په یاد سمینار کې د کوچنیو او منځنیو سوداګریزو شرکتونو د کمزورۍ مهم عوامل تشریح کړل. نوموړي د مالي ستونزو، د بازار د سیالۍ زیاتوالي، کمزورې ادارې، د مسلکي مهارتونو نشتوالي، اقتصادي بې ‌ثباتۍ او د مناسبې بازار موندنې د نه شتون په اړه هر اړخیز معلومات وړاندې کړل. همداراز یې د SMEs د پیاوړتیا لپاره د نوښت، اغېزمن مدیریت او مناسبې اقتصادي پالیسۍ پر اهمیت هم خبرې وکړې.

د سمینار په پای کې د محصلانو له لوري بېلابېلې پوښتنې مطرح شوې، چې د ښاغلي زاهد لخوا ورته منونکي ځوابونه ورکړل شو.

د نشراتو او ټولیزو اړیکو آمریت

د اقتصاد پوهنځي محصلانو ته علمي سمینار وړاندې شو!د التقوی پوهنتون د اقتصاد پوهنځي شپږم سمستر محصلانو ته د یاد پوهنځي است...
24/05/2026

د اقتصاد پوهنځي محصلانو ته علمي سمینار وړاندې شو!

د التقوی پوهنتون د اقتصاد پوهنځي شپږم سمستر محصلانو ته د یاد پوهنځي استاد ښاغلي عارف الله شینواری له لوري د «Price Elasticity of Demand and Its Practical Application in Local Markets» تر عنوان لاندې علمي سمینار وړاندې شو.

یاد سمینار د قرانکریم د مبارکو آیاتونو په تلاوت سره پیل شو، ورپسې ښاغلي شینواري د پرانیستې وینا ترسره او د تقاضا د بیې ارتجاع مفهوم، ډولونه، د هغې اغېزمن عوامل او په محلي بازارونو کې یې عملي تطبیقات په تفصیلي ډول تشریح کړل. همداراز نوموړي څرګنده کړه چې د توکو د بیو بدلون د مصرفوونکو پر تقاضا څه ډول اغېز کوي او سوداګر څنګه کولی شي د بازار د اړتیاوو له مخې اغېزمنې اقتصادي پرېکړې ترسره کړي.

د سمینار په پای کې د محصلانو له لوري پوښتنې مطرح او ځوابونه ورته وویل شو.

د نشراتو او ټولیزو اړیکو آمریت

رقابتي سیالۍ ترسره شوه!د کمپیوټر ساینس پوهنځي د معلوماتي ټکنالوژۍ څانګې له لوري د محصلانو ترمنځ د (Tech Master: Conquer...
23/05/2026

رقابتي سیالۍ ترسره شوه!

د کمپیوټر ساینس پوهنځي د معلوماتي ټکنالوژۍ څانګې له لوري د محصلانو ترمنځ د (Tech Master: Conquer the Coding Arena) تر عنوان لاندې علمي او رقابتي سیالۍ ترسره شوه.

په دغه سیالۍ کېچې د یاد پوهنځي ګڼ شمېر محصلانوګډون درلود، د قرآن کريم د مبارکو اياتونو په تلاوت سره پیل شوه.

ورپسې د کمپیوټر ساینس پوهنځي رئیس، محمد صابر نیازي، د پرانیستې وینا پر مهال وویل چې پوهنځي تل د محصلانو د نظري زده کړو ترڅنګ عملي مهارتونو، نوښتونو او غیر نصابي فعالیتونو ته ځانګړې پاملرنه لري او هڅه کوي څو د ورته علمي برنامو له لارې د محصلانو استعدادونه وده ومومي او مسلکي وړتیاوې یې پیاوړې شي. همدارنګه له هغو ټولو محصلانو څخه، چې د یادې برنامې په تنظیم او بریالي ترسره کولو کې یې فعاله ونډه اخیستې وه، ځانګړې مننه او قدرداني وکړه.

ورپسې د برنامې د لارښود استاد په توګه ښاغلي نامزد پوهنيار عرفان الله عمر ګډونوالو ته د سیالۍ اړوند لازمې لارښوونې وکړې، ژوري هیئت یې معرفي او د ارزونې معیارونه یې په تفصیل سره تشریح کړل.

په دې سیالۍ کې د معلوماتي ټکنالوژۍ څانګې د سهار او ماښام دورو محصلانو ګډون کړی و، چې د دواړو ډلو ترمنځ سیالي په عملي ډول ترسره شوه.

په پای کې د ژوري هیئت له لوري د ګډونوالو پروګرامونه وارزول شول او د سهار دورې محصلین د سیالۍ ګټونکي اعلان شول. همدارنګه بریالۍ ډله د ځانګړو ډالیو او ستاینلیکونو په ورکولو وستایل شوه.

د نشراتو او ټوليزو اړيکو آمریت

د وخت مديريت تر سرليک لاندې علمي سمينار وړاندې شو!د التقوی پوهنتون درې ګونو پوهنځيو محصلينو ته د وخت مديريت په اړه علمي ...
21/05/2026

د وخت مديريت تر سرليک لاندې علمي سمينار وړاندې شو!

د التقوی پوهنتون درې ګونو پوهنځيو محصلينو ته د وخت مديريت په اړه علمي سمينار وړاندې شو.

ياد سمينار د قران عظيم الشان د مبارکو آيتونو په تلاوت سره پيل شو، ورپسې د پوهنتون د علمي چارو مرستيال، پوهنيار بختيار حليمي د پرانيستې وينا پر مهال د وخت د ارزښت، اغېزمن تنظيم او د وخت د سمې استفادې په اړه د سمينار ګډونوالو ته هراړخيزې څرګندونې وکړې. نوموړي وويل، وخت د انسان د ژوند تر ټولو ستره پانګه ده او په نننۍ چټکه او سياله نړۍ کې اړينه ده، چې هر انسان خپل وخت په منظم او اغېزمن ډول تنظيم کړي، څو وکولای شي خپلو علمي، مسلکي او شخصي موخو ته په برياليتوب سره ورسېږي.

وروسته د حقوقو او سياسي علومو پوهنځي رئيس پوهنيار محمد ظهور شريفي سمينار پيل کړ او د وخت د مديريت اړوند يې( د وخت مديريت پېژندنه، د وخت د مديريت ارزښت، د وخت د مديريت پر وړاندې خنډونه، د وخت د مديريت لارې چارې) او نورو اړوندو موضوعاتو په تړاو د سمينار ګډونوالو ته هر اړخيز معلومات وړاندې کړل.

د سمينار په وروستی برخه کې د محصلينو پوښتنو ته وخت ورکړل شو او سمينار په دعايې سره پای ته ورسېده۰

د نشراتو او ټوليزو اړيکو آمريت

د علمي شوری میاشتنی مجلس ترسره شو!۳۰/ثور/۱۴۰۵ هـ شد التقوی پوهنتون د ۱۴۰۵ هـ. ش کال د ثور میاشتې علمي شوری مجلس د پوهنتو...
20/05/2026

د علمي شوری میاشتنی مجلس ترسره شو!
۳۰/ثور/۱۴۰۵ هـ ش

د التقوی پوهنتون د ۱۴۰۵ هـ. ش کال د ثور میاشتې علمي شوری مجلس د پوهنتون رئیس ښاغلي زاهدالله سیدي په مشرۍ ترسره شو.

د پوهنتون رئیس ښاغلي زاهد الله سیدي په پیل کې د پوهنتون په کچه د ترسره شویو وروستیو اجرأتو او لاسته راوړنو په اړه خبرې وکړې او په یاده برخه کې د ټولو همکارانو د وروستیو لاسته راوړنو اړوند یې مننه وکړه.

ورپسې د علمي چارو مرستیال پوهنیار بختیار حلیمي د تېرې علمي شوری د پرېکړو د تطبیق څرنګوالی روښانه کړ، د نوموړي په وینا، د تېرې شوری زیاتره پرېکړې عملي شوي دي او هغه چارې چې لا نه دي بشپړې شوې، د اړوندو برخو له مسؤلینو سره په همغږۍ روانې دي چې ډېر ژر به تکمیل شي.

د اجنډا مطابق علمي شوری کې یو شمېر مهم موضوعات او موارد تائید او په ځینو نورو مهمو موضوعاتو بحث او پرېکړې هم د شوری د غړو له لوري ترسره شوې.

د نشراتو او ټولیزو اړیکو آمریت

د “Practical IT Skills Bootcamp” ځانګړې شپږ اونیزه برنامه پای ته ورسېده۲۹/ثور/۱۴۰۵ هـ.شد التقوی پوهنتون د کمپیوټر ساینس ...
19/05/2026

د “Practical IT Skills Bootcamp” ځانګړې شپږ اونیزه برنامه پای ته ورسېده
۲۹/ثور/۱۴۰۵ هـ.ش
د التقوی پوهنتون د کمپیوټر ساینس پوهنځي له لوري د “Practical IT Skills Bootcamp” تر عنوان لاندې ځانګړې شپږ اونیزه روزنیزه برنامه په بریالیتوب سره پای ته ورسېده.
یاده برنامه د لومړي سمستر محصلینو د عملي مهارتونو د پیاوړتیا، د ستونزو حل کولو وړتیاوو لوړولو، او مسلکي چمتووالي په موخه جوړه شوې وه.
وروستی درس د کمپیوټر ساینس پوهنځي رئیس، محمد صابر نیازی، له لوري وړاندې شو، چې په ترڅ کې یې د محصلینو د لا پرمختګ لپاره مهمې سپارښتنې او لارښوونې شریکې کړې.
د التقوی پوهنتون د علمي چارو مرستیال، پوهنیار بختیار حلیمي، د کمپیوټر ساینس پوهنځي له رهبرۍ او استادانو څخه مننه وکړه، چې د محصلینو د علمي او مسلکي ظرفیت لوړولو لپاره یې دا ډول ګټورې برنامې ترسره کړې دي.
په پای کې، له محصلینو وغوښتل شول چې د زده کړو تر څنګ عملي کار ته دوام ورکړي او خپل مهارتونه نور هم پراخ کړي.
د نشراتو او ټولیزو اړیکو آمریت

د «Crypto Currency»تر سرلیک لاندې علمي سمینار وړاندې شو!د التقوی پوهنتون د اقتصاد پوهنځي محصلانو ته د «Crypto Currency...
18/05/2026

د «Crypto Currency»تر سرلیک لاندې علمي سمینار وړاندې شو!

د التقوی پوهنتون د اقتصاد پوهنځي محصلانو ته د «Crypto Currency» تر سرلیک لاندې علمي سمینار د یاد پوهنځي استاد حفیظ الله نوري لخوا وړاندې شو.

سمینار د قرانکریم د مبارکو آیاتونو په تلاوت سره پیل شو، ورپسې ښاغلي نوري د پرانیستې وینا ترسره او د یادې موضوع اړوند خپل سمینار پیل کړ.
نوموړي د Crypto Currency پېژندنه، مشهورې بیلګې، د کارونې څرنګوالی، ګټې، خطرونه او په نړیوال اقتصاد کې یې رول په تفصیلي ډول تشریح کړ. همدارنګه محصلانو ته د ډیجیټلي اسعارو د راتلونکې، پانګونې فرصتونو او اړوندو اقتصادي اغېزو په اړه مهم معلومات وړاندې شول.

په پای کې محصلانو خپلې پوښتنې مطرح او ځوابونه ورته وویل شول.

د نشراتو او ټولیزو اړیکو آمریت

Address


Telephone

+93777323368

Website

Alerts

Be the first to know and let us send you an email when Al-Taqwa Institute of Higher Education posts news and promotions. Your email address will not be used for any other purpose, and you can unsubscribe at any time.

Contact The University

Send a message to Al-Taqwa Institute of Higher Education:

Shortcuts

  • Want your university to be the top-listed University?

Share