Rokhan University

25/05/2026

خبرتیا!

د عرفې مبارکې ورځې او د لوی اختر د رخصتیو په مناسبت، د ا.ا.ا د رسمي تقویم له مخې ذوالحجة الحرام میاشتې له ۹مې نېټې (سه‌شنبه ـ د عرفې مبارکه ورځ) څخه تر ۱۳مې نېټې پورې په ټول هېواد کې څلور رسمي کاري ورځې عمومي رخصتي اعلان شوې ده.
له همدې امله، د روښان پوهنتون ټولو درنو استادانو، محصلینو او اداري کارکوونکو ته خبر ورکول کېږي، چې د یادو رخصتیو له پای ته رسېدو وروسته به اداري چارې او د محصلینو تدريسي بهیر به د ذوالحجة الحرام په ۱۴مه نېټه، چې د جوزا میاشتې له ۱۰مې نېټې او د یکشنبې ورځې سره سمون خوري، بېرته په عادي ډول پيل شي.
د روښان پوهنتون مشرتابه د لوی اختر د رارسېدو په مناسبت ټولو هېوادوالو، په ځانګړي ډول د پوهنتون استادانو، محصلینو او کارکوونکو ته مبارکي وړاندې کوي او د لوی الله تعالی له درباره ستاسې د عبادتونو، دعاوو او قربانیو د قبلېدو هیله کوي.

اختر مو مبارک شه!

تقبل الله منا ومنکم صالح الأعمال.

درنښت
نشراتو آمریت

25/05/2026

روښان پوهنتون خپلو محصلینو او علمي کادرونو ته د غوره علمي او اداري اسانتیاوو د برابرولو په موخه مجهزه او عصري د جلسو خونه لري، ترڅو بېلابېلې علمي، اداري او اکاډمیکې ناستې په منظم او مناسب چاپېریال کې ترسره شي.

په دې خونه کې د استادانو، محصلینو او اداري کارکوونکو لپاره د غونډو، علمي بحثونو او همغږۍ مناسب امکانات برابر شوي، څو علمي او مسلکي فعالیتونه په اغېزمن ډول پر مخ ولاړ شي.

روښان پوهنتون هڅه کوي چې د معیاري زده کړو ترڅنګ، عصري تعلیمي او اداري اسانتیاوو ته هم ځانګړې پاملرنه وکړي.

د ۱۴۰۵ هـ.ش کال خزاني سمستر لپاره په معالجوي طب، ستوماتولوژي، فارمسي، اقتصاد او حقوق او سیاسي علوم پوهنځیو کې نوم لیکنه روانه ده.
نوم لیکنه: له جمعې پرته هره ورځ د سهار له ۷ بجو څخه د ماښام تر ۷ بجو پورې جریان لري.

د اړیکې شمېرې: 0780645778

پته: کابل ـ جلال‌اباد عمومي سړک، د عامې روغتیا روغتون مسجد ته مخامخ.

درنښت
نشراتو آمریت

23/05/2026

روښان پوهنتون خپلو محصلینو ته د معیاري او عملي زده کړو د برابرولو په موخه د نورو درسي اسانتیاوو تر څنګ مجهز او عصري کمپیوټر لیب هم لري، ترڅو محصلین وکولای شي په اړونده برخو کې د خپلې پوهې د لا زیاتوالي لپاره ترې استفاده وکړي.
په دې کمپیوټر لیب کې محصلینو ته د کمپیوټر اساسي مهارتونه، علمي پروګرامونه، انټرنېټي څېړنې، سافټویرونه او نورې اړینې تخنیکي زده کړې په معیاري ډول وړاندې کېږي.
روښان پوهنتون هڅه کوي، چې د نظري زده کړو ترڅنګ عملي مهارتونو ته هم ځانګړې پاملرنه وکړي، څو محصلین د راتلونکي کاري بازار غوښتنو ته بشپړ چمتو شي.

د ۱۴۰۵ هـ.ش کال خزاني سمستر لپاره په معالجوي طب، ستوماتولوژي، فارمسي، حقوق او سیاسي علوم او اقتصاد پوهنځیو کې نوم لیکنه روانه ده.
نوم لیکنه: له جمعې پرته هره ورځ د سهار له ۷ بجو څخه د ماښام تر ۷ بجو پورې جریان لري.

د اړیکې شمېرې: 0780645778

پته: کابل ـ جلال‌اباد عمومي سړک، د عامې روغتیا روغتون مسجد ته مخامخ.

درنښت
نشراتو آمریت

19/05/2026

لېسانس په اقتصاد کې!

روښان پوهنتون د ۱۴۰۵ کال خزاني سمستر کانکور ازموینې له لارې په اقتصاد پوهنځي کې نوي محصلین جذبوي.
که غواړئ د اقتصاد، مدیریت، سوداګرۍ او مالي چارو په برخه کې معیاري او عصري زده کړې وکړئ؛ نو د روښان پوهنتون اقتصاد پوهنځی ستاسو لپاره غوره انتخاب دی.
په دې پوهنځي کې د تجربه لرونکو او مسلکي علمي کادر غړو له لوري تدریس د معیاري او منل شویو مېتودونو پر بنسټ په پښتو او انګلیسي ژبو ترسره کېږي، ترڅو محصلین له نظري او عملي اړخه پیاوړي وروزل شي.
همدارنګه، د درسي پروګرامونو ترڅنګ بېلابېل غیري نصابي فعالیتونه لکه: علمي سمینارونه،ورکشاپونه، علمي سفرونه، عملي او مسلکي فعالیتونه
هم په دوامداره توګه ترسره کېږي، څو محصلین د کار بازار اړتیاوو ته چمتو شي.

نوم لیکنه: له جمعې پرته هره ورځ د سهار له ۷ بجو څخه د ماښام تر ۷ بجو پورې جریان لري.

د اړیکې شمېرې: 0780645778

پته: کابل ـ جلال‌اباد عمومي سړک، د عامې روغتیا روغتون مسجد ته مخامخ.

درنښت
نشراتو آمریت

18/05/2026

د روښان پوهنتون استادانو او اداري کارکوونکو ته " د پوهنتون درېیم پړاو ته د ځان ارزونې چمتووالي څخه د لیدنې " په اړه معلوماتي سیمینار وړاندې شو!

۲۸/ ثور /۱۴۰۵ هـ.ش

د روښان پوهنتون مسلکي پرمختیا مرکز له لوري استادانو او اداري کارکوونکو ته " د پوهنتون درېیم پړاو ته د ځان ارزونې چمتووالي څخه د لیدنې" تر عنوان لاندې معلوماتي سیمینار وړاندې شو، چې موخه یې د اعتبار اخستنې او ځان ارزونې پروسې په اړه د ګډونوالو پوهاوي لوړول او د راتلونکو ارزونو لپاره لازم چمتووالی و.
یاد سیمینار د قرآن کریم د څو مبارکو ایتونو په تلاوت سره پیل شو، ورپسې د روښان پوهنتون د علمي چارو مرستیال، پوهنیار حبیب الرحمن سربلند یاد معلوماتي سیمینار وړاندې کړ.
ښاغلي سربلند صاحب ګډونوالو ته د اعتبار اخستنې او ځان ارزونې عمومي معلومات، د چمتووالي څخه د لیدنې او ځان ارزونې بهیر، د پروسې پېژندنه، د چمتووالي څخه لیدنې بهیر ته لنډه کتنه، د ځان ارزونې ترسره کول او راپور یې لیکل، د درېیمې مرحلې اړوند لارښوونې، د ارزونې پر مهال اړینې سپارښتنې او له ارزونې وروسته ترسره کېدونکې کړنې په تفصیل سره تشریح کړې.
همدارنګه نوموړي د پوهنتون د کیفیت لوړونې، معیاري اسنادو تنظیم، او د اکادمیکو او اداري فعالیتونو د لا ښه والي په برخه کې د استادانو او اداري کارکوونکو پر ګډ مسئولیت ټینګار وکړ.
یاد سیمینار د ګډونوالو پوښتنو له ځوابولو وروسته په دعا سره پای ته ورسېد.

درنښت
نشراتو آمریت

09/05/2026

د ستوماتولوژي پوهنځي محصلینو ته د “Dental Composite” تر عنوان لاندې علمي سیمینار وړاندې شو!

۱۹/ ثور /۱۴۰۵ هـ.ش

د روښان پوهنتون ستوماتولوژي پوهنځي محصلینو ته د “Dental Composite” تر عنوان لاندې علمي سیمینار وړاندې شو، چې موخه یې د غاښونو ترمیمي موادو په اړه د محصلینو علمي پوهې لوړو وو.
یاد سیمینار د قرآن کریم د څو مبارکو ایتونو په تلاوت سره پیل شو. ورپسې د ستوماتولوژي پوهنځي مرستیال، ډاکټر افتخار احمد ځیګر د پیل وینا وکړه. نوموړي د Dental Composite موضوع د غاښونو د ترمیم او ښکلا په برخه کې مهمه وبلله او ویې ویل، چې د داسې علمي پروګرامونو ترسره کول د محصلینو د مسلکي وړتیاوو په پیاوړتیا کې اغېزناک رول لري. همدارنګه یې د ستوماتولوژي پوهنځي استاد، ډاکټر سمسور میرزا څخه د سیمینار وړاندې کولو له امله مننه وکړه.
وروسته د ستوماتولوژي پوهنځي استاد، ډاکټر سمسور میرزا د “Dental Composite” تر عنوان لاندې علمي سیمینار وړاندې کړ. نوموړي د Dental Composite ډولونه، ځانګړتیاوې، ګټې، د استعمال طریقې او په ترمیمي ستوماتولوژۍ کې یې ارزښت په تفصیل سره تشریح کړ. همدارنګه یې محصلینو ته د Composite موادو د سم استعمال او کلینیکي تجربو اړوند معلومات وړاندې کړل.
د ګډونوالو پښتنو له ځوابولو وروسته یاد سیمینار په دعا سره پای ته ورسید.

درنښت
نشراتو آمریت

07/05/2026

د ستوماتولوژي پوهنځي محصلینو تر منځ د پریزنټیشن رقابتي سیالۍ ترسره شوه !

۱۷/ثور/ ۱۴۰۵ هـ ش

د روښان پوهنتون ستوماتولوژي پوهنځي د محصلینو تر منځ د پریزنټیشن رقابتي سیالۍ په بریالیتوب سره ترسره شوه. دا سیالي د روښان پوهنتون د غونډو په عمومي تالار کې جوړه شوې وه.
پیل یې د قرآنکریم د څو مبارکو ایتونو په تلاوت سره وشو.
د سیالۍ د پرانیستې وینا د ستوماتولوژي پوهنځي د کلینیک ډیپارټمنټ آمر، ډاکټر مطیع الرحمن یوسفزي وکړه. نوموړي د دې ډول سیالیو پر اهمیت خبرې وکړې او یادونه یې وکړه، چې دا فعالیتونه د محصلینو علمي وړتیاوو لوړولو لپاره اړین دي.
ښاغلي یوسفزي صاحب وویل، چې د محصلینو تر منځ پریزنټیشن رقابتي سیالۍ ځانګړی اهمیت لري، ځکه د دې رقابتي پریزنټیشنونو له لارې محصلین زده کوي، چې څنګه خپلې نظریې په ډاډمنه او روښانه توګه وړاندې کړي. دا کار د هغوی د خبرو کولو او د ځان څرګندولو وړتیا زیاتوي. همدا راز په دې سیالیو کې محصلین زده کوي، چې څنګه په محدود وخت کې خپل پیغام روښانه او په اغېزناک ډول وړاندې کړي. چې دا مهارتونه په مسلکي ژوند کې خورا ګټور دي.
په دې سیالۍ کې شپږو تنو محصلینو برخه اخیستې وه، چې هر یوه خپله ټاکلې موضوع په تخنیکي او علمي ډول وړاندې کړه.
د ګډونوالو پریزنټیشنونه د موضوع د درک، وړاندې کولو طرز، او د ګډونوالو او ژوري هئیت پوښتنو ته د ځواب ویلو په اساس وارزول شوه.
د پایلو له مخې، درې محصلین د نورو په پرتله غوره وپېژندل شول:
1. احسان الله : لومړی مقام
2. محمد عثمان: دویم مقام
3. محمد هارون : درېیم مقام خپل کړ.

د پریزنټیشن رقابتي سیالۍ د محصلینو د علمي، مسلکي، او شخصیتي ودې لپاره بنسټیزه ونډه لري.

درنښت
نشراتو آمریت

05/05/2026

د ۱۴۰۵ لمریز کال خزاني سمستر کانکور ازموینې لپاره نوم‌لیکنه پیل شوه!

روښان پوهنتون، د ۱۴۰۵ لمریز کال خزاني سمستر لپاره په لاندې پوهنځیو کې نوي محصلین جذبوي:

۱- معالجوي طب
۲ ـ ستوماتولوژي
۳- فارمسي
۴- اقتصاد
۵- حقوق او سیاسي علوم

موږ د لاندې ځانګړتیاوو په درلودلو سره ستاسو چوپړ کوو.

- باتجربه، متخصص علمي کادر غړو درلودل.
- د معیاري نصاب شتون.
- د منظمو درسي ټولګیو درلودل.
- د زده کړیالانو د ظرفیت لوړونې لپاره د بېلا بېلو پروګرامونو تر سره کول.
- او له مهال ویش سره سم، د اغېزمنې زده کړې لپاره د عملي زده کړو اسانتیا.

خپل راتلونکی له دې ځایه پیل کړئ!
نوم لیکنه له جمعې پرته هره ورځ د سهار له ۷ بجو څخه د ماښام تر ۷ بجو پورې جریان لري.

د اړیکو شمېره:
0780645778

پته: جلال اباد، درېیمه ناحیه، عامې روغتیا مسجد ته مخامخ.

03/05/2026

د روښان پوهنتون ویاړونه!

د روښان پوهنتون رهبري ټولو ګرانو محصلینو ته، چې په اګزېټ (د فعالیت جواز NMLE )ازموینه کې بریالي شوي دي، مبارکي وایي.
ستاسې هڅې، زحمتونه او ژمنتیا زموږ لپاره د ویاړ ځای دی.
دا بریا ستاسو د هڅو، نه ستړې کېدونکي کوښښونو او د قوي ارادې پایله ده.
روښان پوهنتون تل هڅه کوي، چې خپلو محصلینو ته داسې علمي او مسلکي چاپېریال برابر کړي، تر څو هغوی وکولای شي خپلې وړتیاوې ثابتې کړي او د هېواد د روغتیايي او علمي نظام په پرمختګ کې مهم رول ولوبوي.
هیله لرو، چې د علم، مهارت او انساني خدمت په لار کې لا هم په همداسې مېړانه او ژمنتیا مخته لاړ شئ او د خپل هېواد لپاره د خدمت نوې بېلګې رامنځته کړئ.
ستاسې بریا، زموږ ګډ ویاړ دی!

درنښت
نشراتو آمریت

02/05/2026

30/04/2026

د ثور ۸ مه، د علمي سیمینار په ترڅ کې ونمانځل شوه!

۱۰ /ثور/ ۱۴۰۵ هـ ش

د روښان پوهنتون فرهنګي کمېټې له لوري د ثور ۸مه، د علمي سیمینار په ترڅ کې ونمانځل شوه.
سیمینار د قران کریم د څو مبارکو آیتونو په تلاوت سره پیل شو. ورپسې د حقوقو او سیاسي علومو پوهنځي رئیس، ښاغلي سیدرحمن ناصري، د پیل وینا وکړه. نوموړي د م.جاهدینو د تاریخي مبارزو او قربانیو ستاینه وکړه او د ملي ارزښتونو د ساتنې پر اهمیت یې ټینګار وکړ. هغه همداراز له استاد سید محمد امین ځلاند څخه د سیمینار د وړاندې کولو له امله مننه وکړه.
وروسته، یاد علمي سیمینار د حقوق او سیاسي علومو پوهنځي استاد، سید محمد امین ځلاند لخوا وړاندې شو. نوموړي د افغانستان د معاصر تاریخ مهم پړاوونه تحلیل کړل او د مجاهدینو د بریا تاریخي اهمیت یې په تفصیل سره بیان کړ. د هغه په وینا: «د ثور ۸ مه یوازې یوه تاریخي پېښه نه ده، بلکې د ملت د قربانیو او ازادۍ د ارزښتونو ژوندۍ نښه ده.»
ښاغلي ځلاند صاحب زیاته کړه، چې د م.جاهدینو قربانۍ باید تل وستایل شي او نوی نسل باید د خپل تاریخ، ملي هویت او اسلامي ارزښتونو په اړه بشپړ پوهاوی ولري.
یاد سیمینار د ګډونوالو پوښتنو له ځوابولو وروسته په دعا سره پای ته ورسېد.
روښان پوهنتون ژمن دی، چې د علمي، تاریخي او ملي ارزښتونو د خوندي کولو او ترویج لپاره به دا ډول پروګرامونه په دوامداره توګه تر سره کړي.

په درنښت
نشراتو آمریت