29/12/2021
د ځوان نسل فکرې روزنه...
اوله برخه.
نشرونکی ـ مولوی کریم الله حماد
الحمد لله وکفى والصلوة والسلام على سيد الانبياء محمد وعلى اله واصحابه اجمعين
په کومه نړۍ کې چې ژوند کوو، د حق او باطل د جګړو ډګر دى او د ادم عليه السلام له پيدايښت څخه تر ننه پورې د حق او باطل همدا جګړه روانه ده، د حزب الرحمن او حزب الشيطان دغه جګړه يوه ډيره اوږده او تاريخي پس منظر لري،
چې د يوې زمانې او ځاى پورې خاص نه دى، په هر ځاى او هر وخت کې په
مختلفو طريقو، شکلونو، لارو چارو او وسايلو تر ننه پورې روانه ده او تر قيامته به روان وي، مګر په هره زمانه کې د جګړې شکل او طرز عمل بدليږي.
که چېرې د تاريخ پاڼو ته ځير شوو، نو ټول حقايق به راڅرګند شي، کله ظالمو،
جابرو، باغي او طاغي پادشاهانو خلک د باطلې شرکي او کفري عقيدو منلو ته
مجبوروي او کله هم د شيطان لښکريانو د وژونکو، ذروي او کيمياوي اسلحو په
واسطه ملتونه او قومونه تر يرغل لاندې نيسي او خپل باطل او شيطاني عقيدى پر
هغوي تحميلوي او د نه منلو په صورت کې يې ژوندي تر خاورې لاندې ښخوي.
له پيړيو راهيسي، د ابليس لښکريان همدې ټکي ته متوجه وو، چې يو ملت له حقې عقيدې نه د جګړو او وژنو له الرې اړولو سره د هغوي دښمني نور هم
زياتوي او په مقابل کې يې پاڅون کولو ته هڅوي، بلکه مسلمانان نور هم په خپلو
عقيدو کلکوي. له همدې امله )نوى استعمار( د )زوړ استعمار( ځاى ونيوه او ګرمه جګړه په سړه
جګړه بدله شوه، پخوانې تګلارې، فکرونه، پلانونه او پرګرامونه بدل شول او يوه
نوى بڼه يې غوره کړه، چې دا يې تر ټولو خطرناکه او دردونکى دور پيل شو، دغه
نوى ارتداد هر کور، هر کلي، هر دفتر او هر فرد ته ورسيد.
قاضي اکبر اله ابادي د هند له مشهورو شاعرانو او د غربي تمدن له سختو
دښمنانو او انتقاديانو څخه دى، هغه په خپل يو انتقادي شعر کې وايي:
که فرعون د بني اسرائيلو د ماشومانو وژلو پر ځاى تربيتي او تعليمي مرکزونه
ودان کړى واى او د خپلو فکري انحرافاتو له لارې د هغوي ذهنونه وينځلى واى،
کيداى شي، داسې بدنامه شوى نه و، مګر داسې څوک نه و، چې هغې بيچاره ته
دا فکر ورکړى واى.....
نور بیا....
یادونه....
که مو لوستلې وی، کمنټ وکړئ پوسټ شئیر کړئ.
