البرلمان الطلابي
كيان في كليتنا بدأ مع بداية حركة التغيير اللي بدأت في البلد من بعد ثورة 25 يناير .. و بما ان كليتنا جزء من مجتمعنا اللي بنعيش فيه فطبيعي تتاثر بيه و تتطبع بلونه: عشان كده ممكن نعتبر البرلمان هو بداية تحريك الميه الراكدة في التمثيل الطلابي جوا كليتنا بعد الثورة .
• البرلمان ده ايه وظيفته ؟
ممكن نلخص دورنا في : مساعدة الطلبه فى الكليه بشكل عام و من الناحيه العلميه بشكل خاص ,
و بالتعاون مع اتحاد الطلبه بيقوم البرلمان بتجميع مشاكل الطلبه و عرضها ع الإدارة.
و كمان بيقوم البرلمان بتوصيل أى بيان بتطلعه الاداره للطلبه.
• ازاي بيتكون ؟
ببساطه الدفعه بتتقسم3 مجموعات و كل مجموعه بتتقسم 4 سكاشن , كل سكشن بيتم انتخاب 2 يمثلوه قدام الإدارة, و الانتخابات ديه بتبقى فى الاسبوع السادس من الدراسه و تحت اشراف الاتحاد الطلابي.
البرلمان بيبقى فيه 24طالب من نفس الفرقه: 2 من كل سيكشن . و في اول اجتماع لل24 نائب بيتم انتخاب الرئيس و نائب الرئيس للبرلمان الطلابي الخاص بكل فرقة .
• بعض من انجازات برلمانا الطلابي :
1-عمل صندوق للشكاوى و المقترحات باسم البرلمان و شعاره في مدخل الكلية بالمواساة .
2- تولى التنظيم داخل السكاشن و دخول الطلاب من خارج السيكشن .
3-وضع الجداول الأسبوعية و جداول الامتحانات بالتنسيق مع اللجنه العلمية بالاتحاد الطلابي.
4- توزيع تلخيصات وافية علي الطلاب لعملي بعض الموديولات الدراسية.
5- تنظيم الكثير من المراجعات الدراسية في مختلف المواد و المديولات.
6-عمل استفتاء طلابي فيما يخص مواعيد الامتحانات.
7-جمع الشكاوى و المقترحات التى تم رصدها من السكاشن و ارسالها للإدارة .
8 -عمل حصر دوري و بعد كل امتحان لجمع شكاوى الطلاب المتعلقة بالامتحان و توصيلها للإدارة لمراعاتها اثناء التصحيح .
9 –عمل استفتاء دائم عن الكتب و المحاضرات و نظام توازى الموديلات Online Feedback
10- تجميع أسماء الطلاب المتعثرين دراسيا و تولى مسئوليه ابلاغهم بأي تطورات تخصهم.
11 - بدء مشروع توصيل الكتب للطلاب بالمواساة بدلاً من الذهاب للمكتبة في الأزا ريطة (جاري تطوير المشروع).
12- تولي مسئولية تبليغ الطلاب الذين اقتربت نسبة غيابهم و التوسط لبعضهم في حل تلك المشاكل .
13- الذهاب الي رؤساء الاقسام قبل امتحان كل مديول لتوصيل كل استفسارات الطلبة الى الساده اعضاء هيئة التدريس و محاوله ايجاد اجابات وافية لجميع استفساراتهم قبل الامتحان .
بينظم شغلنا لايحة داخلية , يمكن مالناش لايحة رسميه حتي الآن بس ده بيعتبر ميزة مش عيب لأنه اصبح بيستمد قوته من حب الناس علي الأرض و الوقوف جنبهم و توصيل صوتهم جنباً إلي جنب مع الاتحادات الطلابية .
