21/08/2025
محدش يقدر يجى يمتنا ، دى جملة ميقولهاش غير حد فاجر ، و عارف ان اللى سانده من ورا الستارة افجر و اوسخ منه .
١-ل مياء عطيه (مديرة مديرية الطب البيطرى بالقليوبيه )
٢- ايهاب سراج الدين ( اسمه مذكور فى الشات بين لمياء و نسمه و لما سألنا عنه عرفنا انه سكرتير محافظ القليوبية 😱 )
٣- ايمان ريان ( نائبه محافظ القليوبية )
٤- نسمه عادل مفتاح ( اللى ماسكه مجزر الخانكه المطور و معتبراه ورثها )
٥- محمد على توفيق ( مدير ادارة الخانكه البيطرية الجديد و بيروح يسرق معاهم المجز فى نص الليل )
عصااااااااابه بتلعب بصحتنا و اكلنا و اكل عيالنا و فلوس البلد
انتوا عارفين الاسامى دى ايه ؟ و ظهرت ازاى واحنا بندور فى مخالفات مجزر الخانكه المطور ؟! متخيلين الفساد وصل لفين ؟! متخيلين ان اسامى و وظايف حكومية كبيرة يبقى ليها يد فى مخالفات مجزر لحمه حكومى ؟!
واحنا بندور ورا نسمه مكناش متوقعين ان فيه ناس مشاركه فى سرقة مجزر الخانكه المطور على حساب صحتنا و اكلنا و اكل عيالنا فى اغلى سلعة غذائية فى البلد
برغم .
-احنا كنا فالاول مستغربين من موقف لمياء عطيه اول ما مسكت مديرة المديريه ، و المديرية كلها قالتلها نسمه سمعتها وحشه من زمان ، و حتى مديرة المديريه السابقه د. امل العسيلى كانت دايما تقول ان نسمه دى مش مظبوطه و ازاى تخلوها فى مجزر اصلا ، و استغربنا ان لمياء من اول ما مسكت مديرية بيطرى القليوبية و هى بتدافع عن نسمه بروحها برغم اللى اتقالها عنها ، و قولنا يمكن معميه و مش شايفه الحقيقة ،،،،،،، بس الموضوع طلع غير ما احنا كنا مفكرين خالص 😥
👈 طلع ان الموضوع تقسيم فلوس من سرقة مجزر الخانكه الحكومى ( و احنا بنتكلم على مجزر واحد من ضمن مجازر كتير لحمه و دواجن فى القليوبيه تحت ايد لمياء ، غير باقى الاقسام من وقايه و تحصينات و مزارع اكيد هما كمان بيحصل فيهم تقليب و سرقة ) الست داخله من اول يوم مش مكفيها مرتبها الحكومى كمديرة مديرية الطب البيطرى فى القليوبية ، و بتخطط انها تعملها قروش او بمعنى اصح ملايين خلال خدمتها فالحكومة بالفهلوة و السرقة ، و مش هيطاوع لمياء دى غير واحدة حراميه زيها و نفسيتها ضعيفه و كانت البدايه نسمه مفتاح اللى ادتلها الاشارة لسكك التقليب بفهلوة ، و عشان الفضيحة اللى فاتت و المجزر اللى اتصور فى نص الليل ، فهما شغلوا دماغهم و كان لازم يأمنوا ضهرهم بناس تسندهم ، ايهاب سراج الدين سكرتير محافظ القليوبية + علاقة لمياء القوية بنائبه محافظ القليوبية اللى بيحتفلوا بعيد ميلاد لمياء فى مكتب نائب المحافظ فالقليوبيه دليل على صداقتهم القوية .
-نائبه محافظ و سكرتير محافظ مش مكفيهم مرتباتهم الحكوميه اللى بتعدى ٩٠ الف فالشهر ! محتاجين يشتركوا فى سرقة مجزر حكومى على حساب صحتنا و اكلنا احنا و عيالنا ؟! طيب انا كمواطن لو ليا مظلمه ، المفروض اروح اقدم مظلمتى للناس دى و هما من ورا الستارة غلط ! هما دول اللى الناس الغلابه يقفوا قدام مكاتبهم عشان طلبات بسيطه فى العيش و الحياة و دول يشخطوا و ينطروا فيهم !! دول اللى بيمثلوا المسئولين عن الناس فى البلد ؟!
-طيب عيالنا و احنا بنربيهم و بنشقى عليهم و وسط زمايلهم هيقولوا انا مامى وكيلة وزارة و بابى سكرتير محافظ و مامى نائبه محافظ و مامى مديرة مجزر بكل فخر ، و هما مش عارفين او عارفين ان فيه قروش و جنيهات و الوفات الجنيهات و ملايين الجنيهات الحرام دخلت فى بطنهم اثناء تربيتهم فى شكل رشاوى و مجاملات و تزوير و تدليس و ضياع حقوق و لعب فى حقوق الناس !
و الرسول عليه افضل الصلاة و السلام قال ( كل ما نبت من حرام ، فالنار اولى به ) .
-طيب عيالنا و احنا بنربيهم بالحلال على قد امكانياتنا مش هيبصوا لعيالهم و يتنمردوا على عيشتنا و عايزين نبقى زى ابن فلان و فلانه ؟! و دول عيال صغيرة مش هيفرقوا بين التربية بقرش حلال و التربية بقرش حرام + انهم هياكلوا اكل مش صحى و مشكوك فى امره .
( يعنى الاجيال الجايه هتدمر نفسيا لما تبص و تقارن و تدمر صحيا بأكل لحمه مشكوك فى امرها عشان البهوات عاوزين يعملوا ملايين من وظايفهم الحكومية )
-اول ما شوفنا الشات بين لمياء و نسمه و الجواب المبعوت عشان لو اتقفشوا بالليل فالمجزر من مجلس مدينة الخانكه ، فنسمه تطلعلهم الجواب يشوفوه و يمشوا ( و على حسب كلامهم ان محدش فاهم فى شغلهم اوى ) ، اول ما شوفنا الجواب مصدقناش و برغم اننا قارننا صورة الواتس فى الشات مع رقم لمياء المتسجل عندنا و طلع هى نفس صورة الواتس بتاعها ، فاحنا برضوا دورنا على دليل تانى و اضطرينا نبعت للمياء جوابات رسميه عشان ترد علينا رسمى و نقارن الامضا بتاعتها بالامضا و الخط فى الجواب اللى مبعوت لنسمه
-لما غلبان بيغلط او بيسرق من الحوجه ، بيتطبق عليه القانون بمنتهى الحزم ، دول موظفين و مرتباتهم عاليه جدا ، هيتحاسبوا و يتطبق عليهم القانون بمنتهى الحزم و اكتر ولا الموضوع هيعدى عادى و السرقة تزيد و اللحمه اللى عيالنا بياكلوها متبقاش مضمونه !
( الناس دى غير امينه و لا تصلح انها تبقى مسئولة عن صحة او حقوق الناس و لازم يترفدوا من وظايفهم بعد ثبوت الادلة و يتقدموا للمحاكمه )
-اول مرة المجزر اتصور فيديو و الدبح و السلخ و الاختام شغاله الساعة ٣ الفجر ، و لمياء و نسمه لما الفيديو وصلهم ، شغلوا دماغهم و بقت اللحمه بتيجى مدبوحه و متعلقه جاهزة فى عربيات الجزارين الشمال و العمال يطلعوا يختموها فى ربع ساعه , و العربيات تمشى بسرعة قبل ما حد ياخد باله و يصورهم لو طولوا فى الوقت جوا المجزر ، و الموضوع لو عدا والله المرة الجايه هيبقى ختم اللحمه الشمال بتاعت بعض الجزارين هتبقى فى اى طريق مقطوع بره المجزر ، و عشان كدا طلبنا ان اى تفتيش يحصل يبقى على كاميرات المجزر ( اللى بيلعبوا فيها و بيفصلوها بمزاجهم ) و مقارنه اعداد العجول على الكاميرات بكمية الحبر المستخدمه + قسايم الدبح المثبوته فى الدفاتر .
https://www.facebook.com/share/v/1AtnCm78bd/
-شايفين الفجور و لمياء بتقول لنسمه انا حابسه بتوع التفتيش عالمجازر فى المديرية و منعاهم ينزلوا يفتشوا عالمجزر !! ( ايه الفجور العلنى دا !!!) ، و مأمنه نفسها بسكرتير المحافظ و نائبه المحافظ ,,,,,,,,, و سيادة المحافظ شخصيا ميعرفش ايه اللى بيدور من المسئولين بتوعه من ورا الستارة )
-قسيمه الدبح لكل دبيحه بتبقى رسمى ٢٢٠ جنيه ، لمياء و نسمه بياخدوا من كل جزار لحمته شمال بيجى فى نص الليل ٤٥٠ جنيه زى ما مكتوب فى الجواب بتاعهم ، بيتورد منهم للحكومة ٢٢٠ و هما بياخدوا ٢٥٠ جنيه فى كل عجل مريض او ميت هيتختم رسمى ! شوف كل جزار هيجى بكام عربية و كل عربية فيها كام عجل ! لمياء بتاخد نسبه ٧٥٪ و نسمه ٢٥٪ عشان متقلبش عليها و التانيه تتذللها زى الكلبه و تقولها لا و النبى ما اقدرش ( حراميه بتتذلل لحراميه اكبر منها )
👈👈👈 و ايه اللى يخلى اى جزار يجى بلحمته فى نص الليل زى الحراميه و يدفع ضعف المبلغ الرسمى الا اذا كانت اللحمه دى لا تصلح للدبح سواء مريضه او ميته او اناث .
-انا مطلوب منى اكل كيلو لحمه انا و عيالى بالشىء الفلانى و معرفش دى لحمه عجل ميت ولا مريض عشان شويه حراميه زى دول قاعدين على كراسى فى وظايف حكوميه ، و مأمنيين نفسهم بناس تسندهم من ورا لو جت شكوى ضدهم او بلاغ !!
-بتلعبوا بصحتنا و اكلنا يا ولاد الكلب عشان فلوس تسرقوها ، و لحمه قرفتها وحشه بتاخدوها من جيوبنا و فلوس الدولة تبعتوها لناس عشان يحموكم من ورا الستارة ؟!
👈 مديرية الطب البيطرى فى القليوبيه مسكها دكاترة رجاله كتير ، و مجزر الخانكه المطور برضوا مسكه دكاترة رجاله كتير ، مشوفناش حد فى الرجاله بوساخه الاتنين الستات دول و فجرهم فى السرقة عينى عينك
رئاسة مجلس الوزراء المصري
هيئة الرقابة الإدارية
محافظة القليوبية ( المحافظ شخصيا ).
النيابة الإدارية
مباحث التموين القصر العيني
وزارة الصحة والسكان المصرية
مباحث الاموال العامه
وزارة الزراعة واستصلاح الاراضي - جمهورية مصر العربية
الهيئة العامة للخدمات البيطرية بجمهورية مصر العربية
وزارة التنمية المحلية
