https://www.facebook.com/135174440358422/

Joy Land Nursery, 1 ش سعيد ابو الدهب بجوار ملعب المونديال ط 11 الحوامديه, El Hawamdeya (2026)

01/09/2025

25/08/2025

"ماما ممكن أسألك سؤال؟"
"أيوه يا حبيبي قول"
"أنا عايز موبايل زي أصحابي"

🤔 الموقف ده اللي بيحصل في كل بيت تقريبا… ابنك داخل عليك بحلم الموبايل وانت محتار ترد تقول إيه!
تعالى نشوف الحوار ده بين أم وابنها وهي بتتكلم معاه من القلب ❤️
👈 كملوا البوست هيفرق معاكم

👦: ماما عايز أشتري موبايل زي صحابي
👩: ليه يا حبيبي؟
👦: علشان مش عايز اطلب منهم اتصل من تليفونهم تاني.. وكمان في الفسحة بيلعبوا عليه وأنا بفضل لوحدي

👩: بص يا حبيبي.. انت في المدرسة مين مسؤول عنك؟
👦: الميس
👩: تمام يبقى لو حصل أي حاجة تكلم الميس الأول ولو ما اتحلتش أنا وبابا موجودين نتدخل لكن فكرة إنك تتصل بيا من المدرسة يبقى معناه إنك ضعيف مش عارف تتصرف أو إن الميس مش بتساعدك.. وساعتها احنا اللي نتصرف مش انت

👦: يعني أقول للميس، ولما أرجع أحكيلك؟
👩: بالظبط يا روحي

👩: أما حكاية إن أصحابك بيلعبوا بالموبايل وانت لا.. فاكر لما قولنا اللي يمد إيده يبقى سرقة، واللي يمد عينه يبقى إيه؟
👦: طماع
👩: برافو.. واحنا مش عايزين نبقى طماعين
وبعدين عايز أقولك سر؟
👦: إيه يا ماما؟
👩: الموبايل بيسرق ذكاء الأطفال ويضعف مخهم لكن انت لما بتلعب في الحوش وتجري وتتحرك بتخزن حاجات أكتر في عقلك وبتخلي مخك أقوى

👦: طب ليه ماما اصحابي وافقت؟
👩: بص يا قلبي.. احنا مش بنقارن نفسنا بحد. كل بيت وله ظروفه. يمكن هما مش عارفين المعلومة دي يمكن عندهم أسباب تانية.. لكن احنا عندنا قناعة نبص للي في إيدينا وبس

👦: طب يا ماما ممكن تقولي لمامت أصحابي علشان الموبايل ما يسرقش ذكاءهم؟
👩: حاضر.. وانت كده ولد شاطر وجميل وربنا بيحبك علشان بتحب الخير لغيرك

💬 يا جماعة… أوقات كلمة بسيطة مننا لأولادنا بتغير تفكيرهم كله.
الكلام مش بس إقناع، ده تربية عقلية ونفسية بتعيش معاهم طول العمر