science linker

science linker Contact information, map and directions, contact form, opening hours, services, ratings, photos, videos and announcements from science linker, College & University, Cairo university Street, Giza.

مش مجرد أخبار، دي مساحة للفضول وللعلم الحقيقي.
شرح مبسّط للأقسام، نصائح دراسية وعلمية، فرص تدريب ومنح،
وآخر إنجازات البحث العلمي والتكنولوجيا.
من اختيار القسم لحد الاستعداد للمستقبل
الكلية معاك خطوة بخطوة 🔬✨

*"العالم كله خايف من 'زرار'.. والسر كله مستخبي في شوية بودرة!" ☢️*اليومين دول مفيش سيرة في الأخبار والتحليلات غير "التهد...
26/04/2026

*"العالم كله خايف من 'زرار'.. والسر كله مستخبي في شوية بودرة!" ☢️*

اليومين دول مفيش سيرة في الأخبار والتحليلات غير "التهديد النووي" وصراعات القوى العظمى.. بس هل سألت نفسك قبل كدة، هو إيه أصل الحكاية؟ واشمعنى العنصر ده بالذات اللي قالب الدنيا؟
الحكاية بتبدأ من "اليورانيوم" 🧪.. العنصر اللي يقدر يخليك ملك، أو يخلي العالم كله رماد في لحظة!
ليه العالم "مرعوب" منه ومتمسك بيه في نفس الوقت؟

📌*الوش الملاك* : في عز أزمات الطاقة وغلاء الأسعار اللي بنسمع عنها بسبب الحروب، اليورانيوم هو "الجوكر". شوية صغيرة منه تولد كهرباء تكفي بلد بحالها، ومن غير دخان ولا تلوث زي البنزين والفحم. يعني "طاقة نظيفة" بس بشروطها!
📌 *الوش الشيطان* : نفس العنصر ده لو "الإنسان" قرر يستخدمه بغباء في الحروب، بيتحول لأسلحة دمار شامل.. القوة اللي بتخلي الدول الكبيرة قادرة تهدد بعضها وتلعب على أعصابنا كل يوم.
📌 *الجانب الإنساني* : بعيد عن الانفجارات، اليورانيوم وأصحابه من العناصر المشعة ليهم فضل كبير في الطب، وتحديداً في تشخيص وعلاج أصعب الأمراض زي السرطان.
الخلاصة اللي بنشوفها في أحداث الساعة:
اليورانيوم في حد ذاته مش شر، هو مجرد "قوة جبارة" موجودة في الأرض.. البشر هما اللي بيختاروا: نستخدم القوة دي عشان ننور المستقبل؟ ولا عشان نطفي نور الكوكب كله؟
تفتكروا العالم في الظروف دي، هيفضل محتفظ بعقله.. ولا "الزرار" هيكون هو النهاية؟ 👇

#اليورانيوم #نووي #طاقة #حروب #مستقبل #معلومات #مصر #الآن

🎬 فاكرين في فيلم Interstellar لما سفينة Endurance انفجرت جنب كوكب مان؟ الصوت كان "بوووووم" قلب السينما 💥*العلم بيقول*: ...
16/04/2026

🎬
فاكرين في فيلم Interstellar لما سفينة Endurance انفجرت جنب كوكب مان؟ الصوت كان "بوووووم" قلب السينما 💥

*العلم بيقول*:
مايكل كين كان مفروض يقولهم "In space, no one can hear you boom".
الصوت عبارة عن اهتزاز جزيئات. الفضاء = فراغ = مفيش جزيئات = مفيش صوت.
يعني الانفجار ده في الحقيقة هيبقى عامل زي الستوري من غير صوت... ضوء ولهب بس، وانت قاعد بتتفرج صامت 😶

*الاستثناء الوحيد*:
لو انت راكب السفينة نفسها هتحس بالهبدة، بس مش هتسمعها. فرق كبير بين "تحس" و "تسمع" يا نولان.

*طب ليه بيعملوها ب صوت؟*
بسيطة: تخيل داخل سينما دافع 150 جنيه وتتفرج على انفجار صامت... هتطلب فلوسك وانت طالع 😂 هوليوود بتضحي بالفيزيا عشان الأدرينالين.

*تحدي ليكم*:
روح شغل أي مشهد انفجار فضائي وحط "Mute". مبروك، انت كده شوفت النسخة العلمية الصح 😎




فرصة مميزة للباحثين في مجال البروتينات العلاجية والتكنولوجيا الحيويةيُعد CERBioP مركز تميز متخصص في البروتينات الدوائية،...
12/04/2026

فرصة مميزة للباحثين في مجال البروتينات العلاجية والتكنولوجيا الحيوية

يُعد CERBioP مركز تميز متخصص في البروتينات الدوائية، يقدم خدمات متكاملة لتطوير وإنتاج وتحليل البروتينات العلاجية باستخدام أحدث التقنيات، ويساهم في دعم البحث العلمي والصناعة الدوائية في مصر من خلال حلول في مجالات الاكتشاف والتطوير وضمان الجودة.

في مجال التحليل، يوفر المركز تقنيات متقدمة مثل Mass Spectrometry وHPLC-MS/MS لتحديد هوية البروتين وتركيبه وتسلسله بدقة. وتشمل الخدمات تحليل الكتلة الكاملة للبروتين، وPeptide Mapping لدراسة التسلسل والتعديلات الكيميائية مثل الروابط ثنائية الكبريت، بالإضافة إلى Top-Down Analysis لدراسة البروتين في صورته الكاملة دون تكسير.

كما يقدم خدمات قياس تركيز البروتين وفصله باستخدام SDS-PAGE وHPLC، إلى جانب دعم مخصص لشركات الأدوية الحيوية بما يعزز تطوير المنتجات الدوائية في مصر.

📌 إعلان مهم: يعلن المركز عن فتح باب التقديم لمنح ماجستير ودكتوراه (تشمل كامل مصروفات العملي والتجارب ولا تشمل مصروفات الجامعة) في مجال الدراسة الجزيئية والتحليلية الحيوية للبروتينات العلاجية باستخدام Mass Spectrometry وتقنيات أخرى.

الشروط:
1- خريجو علوم/تكنولوجيا حيوية أو صيدلة
2- تفوق دراسي
3- تفرغ كامل
4- قدرة على القراءة المتعمقة والبحث والتعلم الذاتي للتقنيات الحديثة
5- يفضل المشاركون في برامج الماجستير والدكتوراه التي توفرها الوزارة

للتواصل ولمزيد من المعلومات 👇

​

الميدتيرم قرب… وأغلبنا حاسس إنه متأخر ومضغوط وتايه، بس الحقيقة إن لسه في وقت ولسه تقدر تعمل فرق، والفرق مش في إنك تبدأ ب...
26/03/2026

الميدتيرم قرب… وأغلبنا حاسس إنه متأخر ومضغوط وتايه، بس الحقيقة إن لسه في وقت ولسه تقدر تعمل فرق، والفرق مش في إنك تبدأ بدري أو متأخر، الفرق في اللي هتعمله من دلوقتي

الدرجات مهمة آه، بس مش هي اللي هتخليك تكمل، اللي هيخليك تكمل بجد هو إنك تفهم وتحس إنك بتتطور وبتبني نفسك مش بس بتعدّي امتحان، إنت مش بتذاكر ورق وخلاص، إنت بتبني عقل وبتقوي تفكيرك وبتكسر صعوبة كانت واقفة قدامك

حتى لو حاسس إنك تايه أو مش فاهم أو متأخر، ابدأ غصب عنك، متستناش مود ولا حماس، إنت اللي بتخلق الحماس وانت شغال، سيب فكرة إنك تعمل كل حاجة مرة واحدة وابدأ باللي قدامك وخلصه صح

ساعتين بتركيز أحسن من يوم كامل تسويف، صفحتين بفهم أحسن من كتاب محفوظ وانت مش فاهم منه حاجة، الخنقة اللي حاسس بيها دي عشان مركز على الخوف مش الهدف، فغيّر الزاوية وذاكر علشان تفهم علشان تبقى أقوى ونسخة أحسن منك

مش هتقدر تتحكم في الضغط اللي حواليك، بس تقدر تتحكم في رد فعلك، اقفل الموبايل وقوم دلوقتي وافتح أول حاجة وابدأ حتى لو مش جاهز، مفيش حد جاهز أصلاً بس في ناس قررت تتحرك

وصدقني كل دقيقة بتذاكرها دلوقتي بترجعلك ثقة وراحة ونتيجة تستاهلها، في الآخر إنت مش بس بتعدّي ميدترم، إنت بتثبت لنفسك إنك تقدر، فقوم شد حيلك وكمل للآخر لأنك قدها وأكتر

#الميدتيرم #عافر #مذاكرة #امتحانات

22/03/2026

عمرك ذاكرت محاضرة كويس… وبعدها بيومين حسيت إن دماغك عملت delete لكل حاجة؟

الموضوع ده بيحصل مع معظم الطلاب، ومش لأنك ذاكرت غلط…
لكن لأن المخ بطبيعته بينسى المعلومات اللي مابيراجعهاش بطريقة صحيحة.

علشان كده في تطبيق اسمه Anki بقى واحد من أشهر أدوات المذاكرة بين طلاب الطب والعلوم.

الفكرة ببساطة 👇
التطبيق بيعتمد على نظام اسمه Spaced Repetition
يعني بيظهرلك المعلومة في الوقت المناسب قبل ما تنساها.

بدل ما تراجع كل حاجة كل يوم، Anki:
• يكرر المعلومات الصعبة أكتر
• يقلل تكرار المعلومات السهلة
• ينظم مواعيد المراجعة تلقائيًا

وطريقة المذاكرة فيه بسيطة جدًا:
بتعمل Flashcards (بطاقات سؤال وجواب).

مثال:
Q: What is the function of reverse transcriptase?
A: It synthesizes cDNA from RNA.

الميزة هنا إنك مع الوقت هتلاقي إن المعلومات بقت ثابتة في دماغك لفترة أطول، ووقت المذاكرة بقى أقل.

لو بتعاني من إنك بتذاكر كتير لكن بتنسى بسرعة…
جرب تستخدم Anki لمدة أسبوع بس، وممكن تلاحظ فرق كبير.
Study smart, not hard✨
https://apps.ankiweb.net/

#الذاكرة #إنتاجية

19/03/2026

": السعادة هي الثابت الوحيد الذي نريده في معادلة حياتكم هذا العيد!

"من مدرجات العلوم ومعاملها.. كل عام و وأنتم بخير ومن نجاح إلى نجاح

"بمناسبة العيد، نتمنى لكم فرحة تفاعلها طارد للحرارة، ونجاحاً تركيزه 100%، وعمراً مديداً بـ Half-life لا ينتهي. كل عام وكلية العلوم بكل طاقمها وطلابها بألف خير!"

​

رجلك اتكسرت؟تتجبس؟ولا… تتلزق؟آه، تتلزق فعلًا! ✅لحد دلوقتي علاج الكسور بيعتمد على تثبيت العظام بمسامير أو شرائح معدنية.طر...
15/03/2026

رجلك اتكسرت؟
تتجبس؟
ولا… تتلزق؟
آه، تتلزق فعلًا! ✅
لحد دلوقتي علاج الكسور بيعتمد على تثبيت العظام بمسامير أو شرائح معدنية.
طريقة فعّالة جدًا… لكن أحيانًا بتحتاج تدخل جراحي أكبر، وفي احتمال التهاب، وممكن عملية تانية لإزالة المعدن، مع ألم وفترة تعافي أطول.
ومن هنا ظهر مفهوم ثوري اسمه Bone Glue.🦴
الفكرة ببساطة:
مادة لاصقة حيوية تمسك طرفي العظمة ببعض، وفي نفس الوقت تساعدها تلتئم طبيعيًا.
طب إزاي “لزق” يستحمل الضغط اللي العضم بيشيله يوميًا؟
العلم رجع للطبيعة 🌊
بلح البحر مثلًا بيفرز مادة لاصقة قوية جدًا تشتغل حتى تحت الميه وتتحمل ظروف قاسية.
باحثين في جامعات زي University of Sydney بدأوا يطوروا مواد تحاكي الفكرة دي، لكن تكون:
• متوافقة حيويًا
• قابلة للتحلل
• وتتحول تدريجيًا لمادة شبه العظم
أغلب التركيبات دي بتعتمد على فوسفات الكالسيوم — المكوّن الأساسي للعظم الطبيعي.
أول ما المادة تتحط على الكسر، بتتفاعل كيميائيًا وتكوّن شبكة صلبة تثبّت الطرفين.
ومع الوقت الجسم يبني عضم جديد مكانها، والمادة نفسها تتحلل تدريجيًا 👀
يعني مش مجرد “لزق”…
دي Scaffold، دعامة مؤقتة بتساعد الخلايا العظمية تشتغل أسرع وأكفأ.
التقنية دي واعدة جدًا في:
• كسور الوجه
• جراحات الأسنان
• الكسور الدقيقة الصغيرة
• خصوصًا عند الأطفال
لكن نكون واقعيين 👩🏻‍🔬
لسه مش بديل كامل للمسامير في الكسور الكبيرة اللي بتتحمل وزن الجسم، زي عظمة الفخذ.
إحنا حاليًا في مرحلة تجارب متقدمة، والنتائج مبشرة جدًا ✨
العلم أحيانًا مش بيخترع من الصفر…
هو بس بيفهم الطبيعة كويس، ويستخدمها بذكاء
#جراحة #ابتكار #عظام

**أنت اللي جيت ولا البحر اللي رماك ؟* يا جماعة، خلونا نفتح المعمل ونحلل الحقيقة بعيدًا عن المراجع والكتب.الكلية دي بالذا...
12/03/2026

**أنت اللي جيت ولا البحر اللي رماك ؟*
يا جماعة، خلونا نفتح المعمل ونحلل الحقيقة بعيدًا عن المراجع والكتب.
الكلية دي بالذات ليها سحر خاص، بس السؤال الأهم: أنت راضي بنصيبك؟ ولا لقيت حلمك الجديد؟ ولا عايش ضحية التنسيق؟

سواء كنت صاحب الحلم اللي من وهو صغير بيخلط صابون المواعين على الكلور وعايز يشوف هيفرقع ولا لا،
أو اللي دخل الكلية لأنه فعلًا بيعشق الكيمياء،
أو نفسه يفك شفرات الـ DNA،
وشايف نفسه "زويل القادم"،
أو حتى كان النصيب اللي جابك هنا...
لازم تعرف إن علوم مش مجرد شهادة، دي نمط حياة.
بنشوف العالم من خلالها بنظرة مختلفة، وبنحلل كل حاجة حوالينا... حتى القهوة اللي بنشربها.

📌مستنيين اعترافاتكم في الكومنتات.
دخلتها عن حب؟
ولا "عسى أن تكرهوا شيئًا وهو خير لكم"؟
إيه اللحظة اللي قلت فيها "أنا مكاني هنا فعلًا"؟
أو اللحظة اللي قلت فيها "أنا إيه اللي جابني هنا؟"
احكوا لنا الحكاية... خلونا نشوف مين فينا "عالم بالصدفة" ومين "عالم بقرار".


​
​
​

🌙✨كيف وصف القرآن مراحل تكوين الجنين قبل اكتشافها بقرون؟ تخيّل إنك تعيش قبل 1400 سنة…لا مجاهر، ولا أجهزة تصوير، ولا علم ا...
09/03/2026

🌙✨
كيف وصف القرآن مراحل تكوين الجنين قبل اكتشافها بقرون؟
تخيّل إنك تعيش قبل 1400 سنة…
لا مجاهر، ولا أجهزة تصوير، ولا علم اسمه Embryology أصلًا.
ومع ذلك، القرآن وصف مراحل تكوين الإنسان داخل الرحم بدقة مدهشة.
قال الله تعالى:
"وَلَقَدْ خَلَقْنَا الإِنسَانَ مِن سُلَالَةٍ مِّن طِينٍ
ثُمَّ جَعَلْنَاهُ نُطْفَةً فِي قَرَارٍ مَّكِينٍ
ثُمَّ خَلَقْنَا النُّطْفَةَ عَلَقَةً
فَخَلَقْنَا الْعَلَقَةَ مُضْغَةً
فَخَلَقْنَا الْمُضْغَةَ عِظَامًا
فَكَسَوْنَا الْعِظَامَ لَحْمًا"
(المؤمنون 12–14)
لو قرأنا الآيات دي بعين العلم الحديث هنلاحظ حاجة مدهشة.
1.مرحلة النطفة
وهي الخلية الصغيرة الناتجة عن اتحاد الحيوان المنوي بالبويضة.
بداية حياة الإنسان كلها تبدأ من خلية واحدة فقط.
2.مرحلة العلقة
في هذه المرحلة يلتصق الجنين بجدار الرحم ويأخذ شكلًا يشبه العلقة أو الكائن الذي يلتصق ويمتص الدم.
3.مرحلة المضغة
يصبح الجنين مثل قطعة لحم صغيرة كأنها ممضوغة، بسبب ظهور تقسيمات تشبه آثار الأسنان.
4.تكوين العظام ثم العضلات
بعد ذلك يتكوّن الهيكل العظمي للجنين، ثم تُغطّى العظام بالعضلات.
وهو نفس التسلسل الذي يدرسه اليوم علم Embryology.
العالم الكندي الشهير
Keith L. Moore
وهو أحد أشهر علماء الأجنة في العالم، ذكر أن وصف مراحل الجنين في القرآن يتوافق بشكل ملحوظ مع ما اكتشفه علم الأجنة الحديث.
المذهل أن هذه المراحل الدقيقة لم يكن من الممكن رؤيتها أو دراستها إلا بعد اختراع المجاهر والتقنيات الحديثة في القرن العشرين.
ومع ذلك…
ورد وصفها في القرآن منذ أكثر من 1400 سنة.
🌌
فسبحان من خلق الإنسان، وذكر لنا رحلة خلقه بهذه الدقة،
ليدعونا للتفكر في أنفسنا قبل أي شيء.
"وَفِي أَنفُسِكُمْ أَفَلَا تُبْصِرُونَ"
اللهم زدنا علمًا ويقينًا 🤍

أخطر كذبة بنقولها لنفسنا كل رمضان:"رمضان مش وقت مذاكرة" 😴والنتيجة؟30 يوم بيعدّوا… تأجيل وتراكم وضغط قبل الامتحانات.الحقي...
05/03/2026

أخطر كذبة بنقولها لنفسنا كل رمضان:
"رمضان مش وقت مذاكرة" 😴
والنتيجة؟
30 يوم بيعدّوا… تأجيل وتراكم وضغط قبل الامتحانات.
الحقيقة؟
رمضان ممكن يكون أقوى فترة تركيز في السنة لو اتنظم صح.
كان دكتور دايمًا يقول:
"نجاحك بيبدأ من يوم عيدك"
مش يوم النتيجة…
لكن الأيام اللي غيرك بيعتبرها راحة:
رمضان، الإجازات، الأعياد.
لأن نجاحك بيتحدد في الوقت اللي غيرك بيأجل فيه ⏳
ووسط النظام ده… مخك بيشتغل بطريقة مختلفة.
أثناء الصيام الجسم بيحوّل مصدر طاقته لـ ketones،
وده مرتبط بزيادة صفاء ذهني وتحسّن في بعض وظائف الإدراك حسب أبحاث منشورة في Journal of Nutrition, Health & Aging.
يعني الصيام مش ضعف…
ده صفاء ذهني لو اتنظم صح.
أفضل أوقات المذاكرة في رمضان:
• بعد الفجر أقوى تركيز، والمواد الصعبة بتكون أسهل.
• قبل الإفطار بساعتين هدوء كامل ووقت ممتاز للحل والتطبيق.
• بعد التراويح مراجعة خفيفة أو حفظ، والمخ لسه شغال كويس.
الفرق مش ذكاء…
الفرق مين استغل رمضان ومين ضيّعه.
رمضان ممكن يبقى نقطة تحوّل دراسي في حياتك…
أو شهر تأجيل جديد.




مش كل يوم بتصحى تلاقي فرصة دكتوراه ممولة بالكامل في ألمانيا أو النمسا مستنياك !لو أنت باحث طموح وبتدور على انطلاقة عالمي...
02/03/2026

مش كل يوم بتصحى تلاقي فرصة دكتوراه ممولة بالكامل في ألمانيا أو النمسا مستنياك !

لو أنت باحث طموح وبتدور على انطلاقة عالمية؟ نفسك تشتغل في أرقى المعامل الأوروبية بمرتب كامل وبيئة بحثية تفتحلك أبواب مستقبلك؟

اخترنالك فرصتين من دهب، ومش بس لخريجي علوم، دي كمان فرصة مثالية للمهندسين والباحثين في المراكز البحثية المختلفة.

🇩🇪 الفرصة الأولى: ألمانيا (مركز هيرهون للبحوث - Hereon)
التخصص: كيمياء/فيزياء السطوح والمواد (Water at Catalytic Interfaces).
ليه الفرصة دي؟ هتشتغل في واحدة من أكبر مراكز أبحاث "هلمهولتز" العالمية. البحث بيركز على مستقبل الطاقة الخضراء

🇦🇹 الفرصة التانية: النمسا (جامعة فيينا - University of Vienna)
التخصص: مساعد جامعة (Pre-Doc) في مجالات بحثية متقدمة.
ليه الفرصة دي؟ جامعة فيينا من أعرق وأقدم جامعات العالم. والعيش في فيينا (اللي دايمًا بتتصنف من أفضل مدن العالم للعيش) تجربة لوحدها!

💡 التقديم المرة دي "مختلف"
للمهندسين والباحثين لأن الفرص دي مش مقتصرة على "الكيمياء التقليدية"، لكن كمان فاتحة الباب للتخصصات البينية (Interdisciplinary) زي هندسة المواد، الطاقة المتجددة، والفيزياء التطبيقية.
التمويل: الوظايف بمرتبات مجزية (Fully Funded) تأمن لك مستقبلك
وتقدم لك تركيز كامل على بحثك.
الفرص المهنية: دكتوراه من ألمانيا أو النمسا معناها إن اسمك هيبقى مطلوب في أكبر الشركات العالمية والجامعات المرموقة.

قدم على فرصة تغير مستقبلك بالكامل ✨

🔗 روابط التقديم هتلاقيها في أول كومنت

#دكتوراه #ألمانيا #النمسا

Address

Cairo University Street
Giza

Website

Alerts

Be the first to know and let us send you an email when science linker posts news and promotions. Your email address will not be used for any other purpose, and you can unsubscribe at any time.

Shortcuts

Share

Category