Eman Samir / Business and leadership coach

12/04/2026

19/03/2026

عيد سعيد عليكم جميعاً
كل عام و انتم طيبين و بخير وسعادة ❤️

06/03/2026

مش محتاجين ناس كتير مش محتاجين زحمه
في رحلة حياتنا بنتعلم ان الناس دروس وفترات في حياتنا وبنوصل ونستقر في الاخر مع النضج للناس اللي شبه قلوبنا.
علشان كدا بلاش الهدف يبقى زيادة عدد خلي الهدف في جودة الناس اللي حواليك

21/02/2026

سذاجه تاني …. لأ
الطيبه حلوة قوي و فطرة ربنا اللي خلق الخير فيها و لكن …

18/02/2026

رمضان كريم علينا جميعاً
كل عام وكلنا بخير وطيبين وفي أتم الصحه وبالغ السعادة.
أعاده الله علينا وعليكم بالخير واليمن والبركات .

06/01/2026

كل عام واخواتنا وحبايبنا الاقباط طيبين وبخير وسعادة
عيد ميلاد مجيد ، عيد سعيد عليكم جميعاً ❤️

31/12/2025

عام جديد عام سعيد عليكم جميعاً ❤️

12/12/2025

إيه اللي بيخلينا نقف عن تحقيق أحلامنا إيه اللي بيخلينا نحس إن طاقتنا محدوده قصاد أي حاجه نفسنا نحققها

08/11/2025

احياناً بنبلغ من القوة على اشياء لا يتحملها اغلب البشر بنصبر و نتحمل الصعاب التي لم تخطر ببال احد و لكن مهما بغلت قوتنا يأتي بنا الوقت الذي يجبرنا ان نشعر بالتعب عندما تتكلم اجسادنا و تعبر عن الدمار عندما تترجم كل ما نخفيه و نتعايش رغم عنه حينها نفكر في ما وصلنا اليه بالكتمان و الصبر و القوة على الصعب المبالغ فيه .
المشكله ليست في القوة ولكن في طريقه استخدامنا للقوة صحيح..!!
القوة لها اشكال فمن الممكن ان نقوى على الصعب مع تدميره الخفي و ايضاً نقوى على الصعب بأن يكون لنا دفاعات أقوى تجعلنا نشعر بالصعب و لكن نقول له معنا ما يقوينا عليك ليس فقط ما يقوينا لتحملك…

08/10/2025

علموا ولادكم ان الرجولة و الانوثة في الاحترام
علموهم ان الشتايم و الالفاظ مش هتزود سنهم مش هتزود من شخصيتهم و كاريزمتهم بالعكس
للاسف بقالي فترة كبيرة في احتياج اني اتكلم في الموضوع دة لانه حيوي و حساس

الشباب كلهم بقوا بيكبروا بالالفاظ و ساعتها صحابهم يحكموا عليهم انهم كبروا ويقربوا منهم لما يتحرروا من القاموس المتعارف عليه في الكلام سن المراهقه اهم سن نعلم و نلاحظ مخارج الكلام و التعبير عن نفسهم و النقاش المتداول في البيت او مع الصحاب علموهم ان الاحترام في
الكلام بيزيدهم نضج و حكمه

تحديداً كلامي عن الشباب الصغير مش اللي عدى العشرين و الثلاثين دول خلاص شقوا طريقهم و عارفين امتى و ازاي يقولوا ايه حتى الالفاظ ليها حيز ووقت وناس بيخرجوا دة معاهم

انا تحديداً بتكلم عن الشباب الصغير و المراهق اللي لسه بيكتسب من البيت طريقه الكلام و الالفاظ و اللي بيكتسب من الشارع و الصحاب
اتكلموا معاهم بدون خجل ان كلامك يدل عليك و الفاظك كل م كانت في مكانها السليم بتكبر في عين اللي قدامك
اتكلموا معاهم ان الشتايم و الالفاظ المتطورة بين الصحاب و بتمس الاهالي اللي ولا ليهم و لا عليهم بيتشتموا علشان هزار دة شئ يقلل منك ميزودهمش ابداً
شويه تعب و مجهود علشان دة حقهم علينا مش رفاهيه ابداً

28/09/2025

كلنا متعودين اننا نظهر اقوياء مش مكسورين مش تعبانين دائماً بنصدر الشكل دة في السوشيال ميديا و مع الناس اللي بنتعامل معاهم كمان اتعودنا ان ضعفنا والكسر اللي بيحصل جوانا دة لو ظهر يبقى ضعف و محدش بيحب يبان ضعيف واتربينا على كدة..
بس احياناً بنفقد السيطرة على نفسنا و الكسر بيبان في ملامحنا وكلامنا بيبان ب إننا بنختفى بيبان ب إننا بنكون مطفيين روحنا تعبانه ومتغيره

بس الحقيقه ولأني شخصياً بمر احياناً بالحاله دي اننا نقول اننا مكسورين او تعبانين او طاقتنا خلصت مش ضعف لان الضعيف ميقدرش يقول انا مكسور و محتاج مساعده انا طاقتي خلصت و محتاج ناس معايا تساعدني اشحنها من تاني دي قوة انك قادر تعبر و عايز تبقى احسن و تقف من
تاني

الحياه بتجبرنا من المسؤليات اننا مينفعش نقع مينفعش نضيع و دة الحقيقه حكمه عظيمه من ربنا دون تدخل بشري انك بتلاقي نفسك بتغرق بس بتحاول تنقذ غيرك مش نفسك ف بتنجو من الغرق مش من اجلك انت ممكن لو مفيش اللي مربوط فيك كنت غرقت فعلاً

في الاخر اللي بوصله من الكلام هو ان مش ضعف انك تقع و تتكسر و تحس انك متدمر لان كلنا بنمر بيها بس القوة انك تقول وتبين دة وتطلب اللي يساعدك انك تقوم وتكمل و الأهم انك تساعد نفسك لانك لو مش عايز تساعد نفسك محدش هيقدر يساعدك

20/09/2025

العلاقات مش سهل تتكون زي م كل الناس بتقول لسبب بسيط جداً لو بصينا حوالينا هنحس اننا مختلفين جداً وهنقول لنفسنا امال فين اللي شبهنا فين اللي روحه زينا فين اللي قلبه بيشبه قلوبنا احياناً مجرد اننا نبص في ملامح الاشخاص بنستبعد اننا ممكن نكون في اي علاقه معاهم مش علشان شكلهم لا خالص علشان بنوصل للي جواهم من مجرد النظر ليهم بنحس احنا ارواحنا ممكن تتلاقى اوان دة مستحيل يحصل؛
العلاقات المريحه اللي بنبقى فيها صعب تتكرر و صعب فعلا ً نلاقي ناس نبقى على طبيعتنا معاهم ولا في مجال لتصنع ولا لتجميل ولا بنتحرج نتكلم في اي حاجه ولا بنتكسف من حاجه وبنبقى حاسين ان الناس دي فهمانا زي م احنا فاهمين نفسنا واحياناً بنتفاجأ ب انهم شايفين فينا حاجات احنا مش واعيين ليها من كتر تعمقهم فينا الراحه في العلاقات مش سهله ولا سهل تتكون ابداً علشان كدة لازم نتمسك بيهم منسيبش ايدينا بسهوله مفيش علاقه مفيهاش خلافات بس قوة العلاقه بتظهر هنا هنا و بس هيظهر التمسك و الحنيه و الأمان المتبادل بينهم
اننا نلاقي فعلاً منطقه الراحه و الشفافيه في العلاقات شئ مش سهل ابداً