طلاب من أجل مصر - صيدلة قنا الأهلية

08/10/2026

بكل فخر واعتزاز، تتقدم أسرة طلاب من أجل مصر – كلية الصيدلة الأهلية بخالص التهاني والتبريكات لدكاترتنا الأعزاء بمناسبة فوزهم بأربع منح ماجستير مقدمة من أكاديمية البحث العلمي والتكنولوجيا ضمن برنامج «خطوة بخطوة» (Step by Step).

ألف مبروك لدكاترتنا المتميزين:
💊 د. إيمان حسن سليمان
💊 د. ماريا مجدي بلامون
💊 د. محمد عزب عزيز
💊 د. إيمان عبد الباقي محمد الحفني

إنجاز نفخر به جميعًا، ويعكس ما يتمتع به دكاترتنا من تميز علمي وبحثي واجتهاد يستحق كل تقدير، ويضيف إنجازًا جديدًا ومشرفًا إلى سجل كلية الصيدلة.

وقد تحقق هذا الإنجاز تحت إشراف الدكتور عبد الفتاح حسن محمد، والدكتور مصطفى محمود بدران، أعضاء هيئة التدريس بالكلية، كل الشكر والتقدير لجهودهم ودعمهم المستمر للباحثين والكوادر المتميزة.

ونِعم الدكاترة ونِعم القدوة
فخورين بيكم وبكل خطوة بتخطوها في طريق العلم والبحث العلمي، وفخورين إننا بنتعلم على إيد نماذج مشرفة نفتخر بيها ونشوفها بتكبر وتحقق نجاحات جديدة.

نتمنى لكم مزيدًا من النجاح والتوفيق، ومنها لأعلى دائمًا بإذن الله.

ألف مبروك لدكاترتنا.. فخورين بيكم وبإنجازكم، وفخورين بكل إنجاز يضاف لاسم كليتنا.

06/10/2026

🇪🇬 في ذكرى انتصارات أكتوبر المجيدة 🇪🇬

في مثل هذا اليوم، السادس من أكتوبر عام 1973، سطّر أبطال القوات المسلحة المصرية واحدة من أعظم صفحات التاريخ، وكتبوا ببطولاتهم وإرادتهم ملحمة العبور والنصر. ✨

نستذكر اليوم بكل فخر تضحيات أبطالنا وشهدائنا، الذين قدموا أرواحهم دفاعًا عن الأرض والكرامة، لتبقى راية مصر عالية خفاقة. 🇪🇬❤️

ستظل ذكرى أكتوبر شاهدًا على أن الإرادة والعزيمة قادرتان على تجاوز أصعب التحديات، وأن حب الوطن والعمل من أجله يصنعان المجد.

رحم الله شهداءنا الأبرار، وحفظ مصر وشعبها وجيشها، وأدام عليها الأمن والسلام. 🇪🇬

كل عام ومصر في عزة ومجد وانتصار. ❤️



ًا 🇪🇬

05/10/2026

كل أول مرة بتبقى مميزة… 🤍

أول مرة نروح مدرسة، أول مرة ندخل الجامعة، أول مرة نروح مكان جديد، وأول مرة نحضر محاضرات ونبدأ نفهم يعني إيه حياة جامعية فعلًا.

وعشان كده، حبينا يكون أول يوم محاضرات لدفعتنا مختلف ومميز، ونساعدكم تبدأوا من غير توتر أو توهان، وتكونوا عارفين الأساسيات من البداية، سواء في المواد أو الأماكن أو أي حاجة ممكن تحتاجوا مساعدة فيها.

وكان من أهم وأكبر الداعمين للفرقة الأولى، ولينا كلنا، د. عبد الفتاح، اللي حرص يشرح للطلاب اللائحة وأساسها، ومواد الدراسة، ويشاركهم مجموعة من النصائح المهمة اللي أكيد هنحتاجها في بداية مشوارنا.

وكمان كان لدفعاتنا الأكبر دور كبير، من توجيه الطلاب للأماكن، ومساعدتهم، والرد على استفساراتهم، ومساندتهم في كل اللي احتاجوه. 🤍🌿

نتمنى يكون أول يوم ليكم كان لطيف، وإنكم تكونوا خرجتوا منه فاهمين أكتر، وتوهانكم قل شوية، والأهم… تفتكروا دايمًا إنكم في أسرتكم، وإننا معاكم في كل خطوة. 🫂

أهلًا بيكم في كليتكم، وأهلًا بيكم وسط أسرتكم. 🌿
أسرة طلاب من أجل مصر – جامعة جنوب الوادي الأهلية 🤍

03/10/2026

01/10/2026

تهنئ اسرة طلاب من اجل مصر بجامعة جنوب الوادي الاهلية

معالي السيد الاستاذ الدكتور / عباس منصور " رئيس جامعة قنا الاسبق "

بمناسبة صدور القرار بتولية معاليه رئاسة جامعة جنوب الوادي الأهلية ♥️

تمنياتنا له بالتوفيق والسداد ان شاءالله تعالي ♥️

25/09/2026

مش مجرد صيدلي بيديك الدواء… 💊

أحيانًا المريض مش محتاج يعرف اسم الدواء وبس،
محتاج حد يشرحله ياخده إزاي، إمتى، وبأي جرعة.

وممكن تكون أبسط نصيحة… هي اللي تمنع غلطة كبيرة.
لأن دور الصيدلي مش بس صرف الدواء،
دوره كمان الإرشاد، التوعية، والمسؤولية. 🤍

في اليوم العالمي للصيادلة، بنحتفل بكل صيدلي بيستخدم علمه وخبرته عشان يخلي العلاج أكثر أمانًا وفعالية. 💚

كل عام وكل صيادلة العالم بخير. 💊🌿

23/09/2026

Sooooon🔥🤌🏻

19/09/2026

وراء كل صورة اتاخدت… حكاية.
ووراء كل تفصيلة في اليوم… مجهود.
وفي كل لحظة… ذكرى اتصنعت.

من ساعات التحضير والتجهيز، والتزيين وترتيب كل تفصيلة، للتنظيم والاستقبال، للتصوير والضحك واللحظات العفوية… كان يومنا مليان تفاصيل يمكن عدّت بسرعة، لكن الصور هتخلينا نفتكرها واحدة واحدة. 📸✨

ولفريقنا…
كل تفصيلة اشتغلتوا عليها، وكل وقت اتحط، وكل مجهود اتبذل، كان جزء من الصورة الكبيرة اللي وصلنا لها في الآخر. 🤍
يمكن محدش شاف كل اللي حصل قبل اليوم، لكن إحنا عارفين قد إيه اليوم ده كان وراه شغل.

ولدفعتنا الجديدة 4 …
إنتوا مش بس كنتوا ضيوف اليوم، إنتوا كنتوا أهم جزء فيه.
أول خطوة، أول تجمع، أول صور، وأول ذكرى ليكم كـ Clinical Pharmacy Family.

فبين إيدين حضّرت، وناس استقبلت، وناس صورت، وناس رتبت…
اتعمل يوم واحد جمعنا كلنا.

Welcome Day — Dof3a 4
يوم خلص… بس ذكرياته لسه بتبدأ. 💊✨

أهلًا بيكم في العيلة،
وأهلًا بينا كلنا في بداية حكاية جديدة. 🤍

15/09/2026

مش كل حاجة حلوة بتظهر قدام الناس بتكون بدأت بسهولة…
في حاجات وراها تعب، وقت، تفاصيل كتير، وناس قررت إنها تعمل حاجة تستحق. 🤍

وأخيرًا… قدرنا نوصل لليوم اللي كنا بنشتغل عشانه من البداية.
Welcome Day | دفعة 4 💊✨

يوم مليان تفاصيل، ضحك، حماس، وذكريات جديدة لسه بتتكتب…
يوم قدرنا فيه نرحّب بالـFreshmen ونخلي أول خطوة ليهم في كلية الصيدلة مختلفة، دافئة، ومليانة طاقة حلوة. 🫶🏻

بس الحقيقة إن اليوم ده مش مجرد يوم عدى وخلاص،
ومش مجرد صور اتاخدت، أو تجهيزات ظهرت قدامكم بشكل perfect.

كل تفصيلة شفتوها وراها وقت، مجهود، أفكار، محاولات، تعديلات، ومسؤوليات اتقسمت بينا…
وورا كل حاجة حلوة في اليوم ده Team قرر يشتغل بجد.

اشتغلنا كفريق، وكل واحد فينا كان له دور،
ومهما اختلفت الأدوار والمسؤوليات، كان هدفنا واحد:
إننا نقدم يوم يليق بالدفعة الجديدة، ويكون بداية حقيقية حلوة لمشوارهم في Faculty of Pharmacy. 💊

والأجمل من النتيجة نفسها، هو الطريق اللي وصلنا بيها للنتيجة دي.
لأن كل اللي ظهر بالشكل ده هو نتاج قوة واتحاد طلاب صيدلة،
وإيمان إن لما نجمع أفكارنا ومجهودنا وطاقتنا في اتجاه واحد، نقدر نعمل حاجة أكبر بكتير من مجهود أي شخص لوحده.

يمكن الـFreshmen شافوا يوم لطيف،
لكن إحنا شفنا وراه أيام من الشغل،
وشفنا كل فكرة اتحولت لتفصيلة،
وكل تفصيلة اتحولت لجزء من الصورة الكبيرة. 💚

Thank you لكل حد تعب، ساعد، اقترح، نفّذ، تابع، وقف جنب غيره، أو حتى عمل حاجة صغيرة محدش خد باله منها…
لأن مفيش حاجة اسمها مجهود صغير لما تكون النتيجة معمولة بإخلاص. 🫂

ويمكن أهم حاجة خرجنا بيها من اليوم ده مش بس إننا عملنا Perfect Welcome Day،
لكن إننا أثبتنا لنفسنا إننا لما نكون إيد واحدة، نقدر نعمل كتير جدًا.

دي مجرد بداية.
وإحنا لسه عندنا كتير نقدمه، وكتير نتعلمه، وكتير من الذكريات اللي لسه هنعملها سوا. ✨

وفي النهاية،
إحنا مش مجرد ناس جمعتهم كلية واحدة،
ولا مجرد Team اشتغل على Event…

إحنا أسرة. 🤍

أسرة طلاب من اجل مصر كلية الصيدلة،
بكل تعبها، وضحكتها، واختلافاتها، ونجاحاتها،
وكل مرة بنثبت فيها إن مع بعض… بنقدر نعملها أحسن.

Proud of what we created.
Proud of every person behind it.
And even prouder to call this our family. 💊🤍