نضرة

05/02/2026

https://www.facebook.com/share/17ykyrmknH/

معاكم صاحب نضرة
طالب في كلية الصيدلة جامعة طنطا
فورميولات دمحمود صممت لتقضي علي منتجات المقاطعه

29/01/2026

خلى بالك ..

واقفين فى الصيدلية ...دخلت علينا أم شابة شايلة طفلها على ايديها
طلبت مننا دواء اسمه " موتيليوم "

ولكن كصيادلة فاهمين سألنا سؤال مهم جدا للأم

ليه عاوزة تاخدى علاج موتيليوم ؟!
هل بتعاني من أى مشاكل فى المعدة ولا حاجة تانية

قالت : أبدا معنديش مشاكل فى المعدة ولكن عندي مشكلة فى افراز اللبن وقليل خالص والطفل عمال يعيط ومعنديش قدرة مادية اشتريله لبن صناعي

مين قالك على العلاج ده ؟
واحدة صاحبتي قالتلى قريت عنه انه بيعمل كده وكويس وامشي عليه هيزود اللبن على طول

كان الرد مننا :
للأسف… كتير من الأمهات مش عارفين إن
Motilium (Domperidone) مش دواء بسيط زي ما الناس فاكرة.
🔴 الحقيقة اللي لازم تعرفيها:
موتيليوم ممكن يزوّد هرمون البرولاكتين، آه…
لكن في نفس الوقت:
⚠️ ممكن يأثر على كهرباء القلب
⚠️ ممكن يسبب اضطراب في ضربات القلب
⚠️ وفي حالات نادرة… ممكن يسبب مضاعفات خطيرة تصل للوفاة!

القصة دي مش تخويف…
دي توعية عشان صحة الأم أهم من أي زيادة لبن.
💡 لو في مشكلة في الرضاعة:
✔️ فيه حلول آمنة
✔️ فيه طرق طبيعية
✔️ وفيه أدوية بديلة تحت إشراف طبي
👩‍⚕️ متاخديش أي دواء لزيادة اللبن من نفسك

اسألي الصيدلي أو الطبيب الأول…
عشان اللي بيبان حل سريع، ممكن يكون خطر كبير.
📌 في صيدليتنا… صحتك وصحة طفلك أهم من أي وصفة متداولة على السوشيال ميديا.

تابعونا على قناة الواتساب لمعرفة معلومات أكتر ...لينك القناة فى أول كومنت 👇

مع صيدليات عياد ... #صحتك-تزداد

29/01/2026

متخافش يا صاحبي دي حلويات انت بس اللي الميكرو لحست مخك

29/01/2026

كنت بس الرجال رجال

كتاب العقاقير

27/12/2025

إيه هو "الفايبرهانس" اللي قالب الدنيا؟ 🤔 وليه هو أهم اكتشاف لشعرك؟ 💇‍♀️✨
كتير مننا بيقرأ كلمة (FiberHance) على علب الشامبو والبلسم البراندات الجديدة، وبنفتكرها مجرد اسم للدعاية.. بس الحقيقة إن ورا الكلمة دي ثورة علمية حقيقية أنقذت شعر ملايين البنات! 👇
📜 أصل الحكاية (تاريخ سريع):
زمان، كانت كل منتجات الشعر بتعتمد على "السيليكون" اللي بيغلف الشعراية من بره بس عشان تلمع، أو "البروتين" اللي ساعات بينشف الشعر.
لحد ما علماء شركة (Ashland) العالمية قرروا يطوروا مادة جديدة كلياً مشتزة من "سكر العنب" (الجلوكوز). المادة دي مش بس بتغلف الشعر، دي حجمها صغير جداً لدرجة إنها بتقدر تخترق الشعراية نفسها وتدخل للعمق (Cortex).
💡 ليه الفايبرهانس مهم واختراع عبقري؟
1️⃣ بني آدم جديد: الشعراية من جوه عبارة عن روابط (زي السلاسل)، الصبغة والحرارة والفرد بيكسروا الروابط دي فالشعر يتقصف ويقع. الفايبرهانس بيمسك الروابط المكسورة دي ويبني "كباري" جديدة جوه الشعراية.
2️⃣ قوة 3 أضعاف: الدراسات أثبتت إنه بيخلي الشعراية تستحمل الشد والحرارة 3 مرات أكتر من الشعر العادي.
3️⃣ مش فرد، ده علاج: هو مش بيفرد الكسرة، هو بيخلي الشعراية نفسها "جامدة" وصحية وبتلمع من غير ما يغير طبيعتها، عشان كدة هو مثالي للشعر الكيرلي والمصبوغ.
✅ الخلاصة:
لو بتجهزي لفرحك أو شعرك مجهد من الصبغة والمكواة، دوري دايماً على منتج مكتوب عليه (FiberHance™ bm solution).. ده مش مجرد ترطيب، ده "إعادة بناء" لشعرك من أول وجديد. 💪❤️
قولولنا.. جربتوا منتجات فيها فايبرهانس قبل كدة؟ وحسيتوا بفرق؟ 👇
#فايبرهانس

23/10/2025

13/09/2025

كفاية عك بقى واستهتار بصحة أولادنا..

البيتاديرم والكيناكومب وغيرهم من الكورتيزونات زي ماهم بيظهرولك مفعول سحري، فبردو بيعملوا كوارث في الخفاء..

أولا لازم تبقي عارفه إن جلد طفلك هيمتص الكريمات الموضعية بشكل أكبر من جلد البالغين، وكمان منطقة الحفاض بالتحديد بتمتص الكريمات دي بشكل كبير جدا..

ثانيا كريمات الكورتيزون لما تستخدميها ع جلد أولادك عشان شوية التهابات طبيعي جدا تلقي التحسن ظهر بسرعة بأمر الله، ولكن مع الوقت واستمرارك ع الكريمات دي مع كل التهاب هيحصل:
- تغيير لون الجلد
- ضمور وضعف في طبقات الجلد
- نمو البكتيريا والفطريات بيكون أسهل
- ظهور خطوط حمرا زي علامات التمدد

كل ده ممكن يحصل وأكتر كمان، عشان كده بلاااااااش كورتيزونات موضعية للأطفال، ولو ضروري يعني ممكن نستخدم Hydrocortisone 1%، تقريبا ده أكتر كورتيزون آمن لجلد الطفل ولا يستخدم لفترات طويلة بردو..

التفاصيل دي مهمة جدا بخصوص أطفالنا، والتوعية فيها هي الأساس.. ❤️

13/09/2025

فيه حاجات تمشي مع بعض زي الشاي بالنعناع.. وفيه حاجات لو اجتمعوا، ممكن تودي المريض على السريع من العيادة للإنعاش..

واحد من أخطر الـ Drug Interactions اللي بيعدّي كده من تحت الترابيزة هو الـ Tizanidine + Ciprofloxacin

إحنا بنتكلم عن تفاعل قاتل ببطء.. بس شكله بريء.

يعني مريض عنده تشنجات عضلية بياخد Tizanidine زي أقراص الـ Sirdalud، وداخل العيادة ب Infection معينه استوجبت كتابة الطبيب للـ Ciprofloxacin..
تمام.. هو بعد شوية مش هيكون محتاج حاجه للتشنج العضلي، هو هيكون محتاج إنعاش قلبي وتنفسي..

اللي بيحصل علميًا إن الـ Ciprofloxacin هو Potent CYP1A2 inhibitor، والـ Tizanidine بيعتمد على الإنزيم ده عشان يحصله Metabolism في الكبد.
فلما الenzyme يتقفل بالـ Ciprofloxacin.. تركيز ال Tizanidine في البلازما يزيد لحد 10 أضعاف.. أنت متخيل !

والنتيجة..
- طبعا Bradycardia ساحقة.
- وكمان Hypotension ممكن ينزل الضغط لدرجة "أنا فين ومين دول؟"
- بالإضافة ل Sedation يخلي المريض ينام نوم أهل الكهف.
- وفي كمان حالات مسجلة Loss of consciousness & ICU admission.

يعني الموضوع مش هزار وكل المراجع العلمية بتقولك ع الأتنين دول..
“CONTRAINDICATED – DO NOT COMBINE.”

فلو شفت الـ Ciprofloxacin والـ Tizanidine في نفس الروشتة راجع الدكتور بشكل مباشر..

ده تفاعل ممكن يقلب رحلة علاج بسيطة لـ Code blue في المستشفى. 💙

17/03/2025

بقلوب يعتصرها الألم ننعي وفاة العلامة الشيخ أبو إسحاق الحويني ، نسأل الله له الرحمه ولاهله الصبر والسلوان

16/03/2025