23/07/2025
Humni Waloo Bu’uura Aadaa Oromoorraa Maddu Humna Misoomaa Guddaati.
==
Biyya keenya rakkoowwan walxaxaafi hiyyummaa hamaa keessa turte keessaa baasuun gara badhaadhinaatti ceesisuuf humni mootummaa qofti gahaa miti. Mootummaan Naannoo Oromiyaas dhugaa jiru kana bu’uurarraa hubachuun kuufamaa rakkoo kaleessarraa as ce’e, fedhii har’aafi dorgommii haala qabatamaa addunyaa keessa jiru waliin walsimuuf humnoota waloo qindeessuun fayyadamaa jira. Humna uummataafi dhaabbilee deeggartoota misoomaa qindeessuun hojiiwwan gurguddoo hojjechuun bu`aa qabatamaa galmeessisaa jira.
Humnootni waloo bu’uura aadaa keenyaa qabu kun osoo faayidaarra hin oolin turuus yeroo ammaa Mootummaan Naannoo Oromiyaa sirna ummataa cimaa ittiin ijaaraa jira. Mootummaanis ummata Oromoo bu’uura humna waloo qaban kana sirnoomsuun humna misooma dabalataa taasisuufi sirna uummataa cimaa ijaaruu irratti xiyyeeffannoon hojjetaa jira.
Sirnoonni bu’uura duudhaafi eenyummaa uummata Oromoo irratti ijaaramuun hojiirra oolfamanis dhimmoota Misooma Waloo, Haqa Fudhatamaa, Aadaa waliif waliin dhaabbachuufi Nageenya Waloo irratti kan xiyyeeffataniidha. Hojii hanga ammaatti hojjetameenis bu’aawwan jajjaboo ta`an galmaa’anii jiru.
Tajaajila Lammummaa hojiirra oolaa jiruun manneen barnootaa, daandii, riqaalee, manneen harka qalleeyyii suphuufi haaraa ijaaruu, Ashaaraa magariisaafi k.k.f irratti bal’inaan hojjetameera. Sirni kun hawaasa bal’aa hirmaachisu bira darbee hojiiwwan maallaqa mootummaan hojjetamuu qaban tajaajila lammummaan hojjechuun baasii mootummaa birrii biliyoonatti lakkaa’aman hambisaniiru.
Manni Murtii Aadaa rakkoo haqa argachuufi dhugaa baasuu, baasii ummataa sababa deddeebiin hawaasa keenya mudaataa ture hiikuu, baay’ina galmee gara manneen murtii idilee dhaqanii hir’isuun dhaqqabummaa haqaa mirkaneessuu irratti gumaacha guddaa taasisaniiru.
Buusaa Gonofaadhan rakkoolee hawaas–dinagdee uumamaafi nam-tolchee hedduu furuun danda’amee jira. Akkasumas Gaachana Sirnaatiin ummanni Oromoo gurmaa’
