ዘርማና አርዴ በብልጽግና

09/07/2021

16/06/2021

15/06/2021

ሰኔ 14 ቀን 2013 ዓ.ም የመንግሥት መሥሪያ ቤቶች ዝግ ይሆናሉ፦ ምርጫ ቦርድ

ለ6ኛው ሀገራዊ ምርጫ ድምፅ የሚሰጥበት ሰኔ 14 ቀን 2013 ዓ.ም የመንግሥት መሥሪያ ቤቶች ዝግ እንደሚሆኑ የኢትዮጵያ ብሔራዊ ምርጫ ቦርድ አስታወቀ።

ዜጎች ዕለቱን ለድምፅ መስጫ ብቻ መጠቀማቸው ስለሚያስፈልግ የፌዴራል እና የክልል (ከሐረሪ እና ከሶማሌ ክልል ውጪ) መንግሥታዊ ተቋማት ሰኔ 14 ቀን 2013 ዓ.ም ሥራ ዝግ እንዲያደርጉ ቦርዱ አሳስቧል።

ማንኛውም መንግሥታዊ ያልሆኑ እና የግል ተቋማት በተመሳሳይ ሰኔ 14 ቀን 2013 ዝግ እንዲያደርጉም አሳውቋል።

የአስቸኳይ ጊዜ አገልግሎት የሚሰጡ ተቋማት፣ ሆስፒታሎች፣ የዕለት ተዕለት አገልግሎት ሰጪዎችም (ሆቴሎች፣ ሬስቶራንቶች፣ የትራንስፓርት አገልግሎት…) በዝግ ቀናት የሚያደርጉትን አገልግሎት በተመሳሳይ የሚያከናውኑ ሲሆን የመተባበር ግዴታው እነዚህን ተቋማት እንቅስቃሴ መዘጋት አያስገድድም ተብሏል።

የትራንስፓርት አገልግሎት በተለመደው መንገድ የሚቀጥል ቢሆንም ዜጎች ድምፅ ከመስጠት ውጪ ከፍተኛ እንቅስቃሴን የሚፈልጉ ሁነቶችን እና ዕቅዶችን እንዳይይዙ እና እንቅስቃሴያቸውን ድምፅ ለመስጠት ብቻ እንዲያደርጉ ብሔራዊ ምርጫ ቦርድ አበረታትቷል።