08/05/2026
ئایا ئاوا خۆت ناسیوە؟
گەورەیی مرۆڤ بەوە ناپێورێت کە چەندە بێدەسەڵاتە لە ئاست خراپەدا، بەڵکو بەوە دەپێورێت کە "دەسەڵاتی هەیە و نایکات". زۆرن ئەوانەی خراپە ناکەن چونکە بۆیان ناڕەخسێت، بەڵام شکۆمەندی ڕاستەقینە لای ئەو کەسانەیە کە هەموو ڕێگاکانیان بۆ واڵایە و تەنها لەبەر پاکی نەفس و شکۆی خودا، سنوورەکان دەپارێزن.
یوسف (سەلامی خوای لەسەر بێ)؛ وانەی ئیرادە و خۆناسین
چیرۆکی یوسف لەبەر ئەوە "باشترین چیرۆکە"، چونکە لە لوتکەی گەنجی و لە ژوورێکی داخراودا، توانی بە "نا"یەکی گەورە بەرپەرچی چێژێکی کاتی بداتەوە. گەورەیی ئەو لە نەبوونی ئارەزوودا نەبوو، بەڵکو لە سەرکەوتنی ئیرادەیدا بوو بەسەر ئارەزووەکانیدا.
مۆبایلەکەت؛ ژوورە داخراوەکەی تۆیە چاك بزانە!
ئەمڕۆ سۆشیاڵ میدیا هەمان تاقیکردنەوەی یوسفی بۆ هەموومان دووبارە کردووەتەوە. مۆبایلەکەی دەستت ئەو ژوورە داخراوەیە کە تاوان تێیدا تەنها یەک "کلیک" دوورە. ئاسانیی گەیشتن بە خراپە، تاقیکردنەوەکەی قورستر و وردتر کردووە.
کۆتا پەیام:
تۆ سەرپشکیت؛ یان دەبیتە کۆیلەی ئەو چێژانەی کە "بە ئاسانی" دەستت دەکەون، یان دەبیتە ئەو مرۆڤە کامڵەی کە گەورەیی خۆی لەو "نا"یانەدا دەبینێتەوە کە بە ئارەزووەکانی دەڵێت. مێژوو تەنها ناوی ئەو "یوسفانە" دەنووسێتەوە کە لەبەردەم دەرگا داخراوەکاندا، ڕوویان لە خودا کرد.
یوسف سەرمەشقی وانەیەکەی هەمیشەییە کە خوای گەورە تۆماری کردووە بۆتۆ کە وانەی لێوەرگری نەك هەر چەندین بارە سەیری دراماکەی بکەیت.
#ئیرادە
