Juplus - Joint University Plus

03/01/2014

有人話唔識跳舞 唔敢去舞會
睇一睇片 我驚你跳得好過郭富城呀

http://www.firstdancefabulous.com/ - Clip from The Wedding Dance Expert video series teaches the box step to music.

17/12/2013

幾得意喎幫人寄信

聖誕．傳情

小時候，我們會互相郵寄聖誕卡，在打開信箱的一刻，我們急著找自己的信件，眼見在一疊疊信中出現彩色信封，琢磨著信封的筆跡，小心把它剪開，沉迷在文字所引起的回憶，面上自然流露笑意與興奮，簡單的快樂卻令人樂上一整天。

我們在成長過程中不經已錯失了這個階段，失去了這原始快樂，你們想回到「那些年」嗎？

Mymailbox852帶你回味那時，只要填下表格，您將會在郵箱裡找到這份愛意。

表格：www.goo.gl/d9cH8Y

1. 「聖誕老人」回信服務：您會收到版主充滿暖意的回信。
2. 代寄服務：將心意送到您關心的人手上。
3. 聖誕祝福：您可以留下對其他收信者的祝福，為其他人帶來快樂。

14/12/2013

[old news]
考試加油啦大家
http://www.youtube.com/watch?v=1lyHQLyZUuM =88

skule nite 1t3 warns students about the hardships of engineering at an university of toronto engineering exam. originally performed in skule nite 1t0 - direc...

10/12/2013

話說中大上星期個五十周年校慶匯演 - 百萬零一夜已經完滿結束 仲有篇感想添
一間大學有一個全大學都參與得既盛事真係好

05/12/2013

香港中文大學五十周年校慶匯演 - 百萬零一夜

12月7日晚上8時，烽火台。
百萬大道從未有過的一夜。

05/12/2013

所以我不嬲都話 我係讀G-BUS既人才

本港教育制度屢受抨擊，中產家長都讓子女遠赴外地升學。 據統計處在09至10年調查，全港有7.5萬名25歲及以下

04/12/2013

又回到最初的起點

03/12/2013

Oh, Thats Fxxking true

02/12/2013

OMG.!!!its coming

01/12/2013

Studying with my friends ....
but i still enjoy studying with you,my friends

01/12/2013

mass dance 上星期五完滿結束
UST ! good show (y)

30/11/2013

《你的大學・印象・現實》 你又點睇？

***香港大學***

外人印象：位處的薄扶林地段矜貴，讀過港大的同樣自命不凡，以前讀港大號稱天子門生，今日香港大學依舊是精英主義的代表，亦因為以前的殖民地政府培養建制精英，有人戲稱「殖大」，A&F和Hollister是港大校服，有些hall的獨特文化令港大更加與別不同

局內人一號感想：港大人最功利現實、睇唔起人？Sor，呢個唔係局外人誤解，而係事實。上勁莊，R intern part-time整靚cv，建立人際網絡, 又真係呢度常態wor。成日講champ，講搏盡無悔，即係咩意思？一句到尾，咪即係要威，要贏人囉。唔好講咩盡左力就無悔，係呢度你唔outstanding，冇人會記得你。港大人未必會睇唔起「摺」、「撻皮」既人，但就會選擇遺忘。你有美好身段，點解唔著番件A&F、Hollister？你有能力，點解唔做啲 champ野出黎俾人睇？

局內人二號感想：你地啲人話Kong U人功利，其實香港學生又有邊個唔係吖，你話我地寸嘴，咁都要有番咁上下實力先有呢樣自信掛，你話精英主義，我又覺得追求卓越冇咩問題，汰弱留強，係咁架啦。唔係搏盡無悔，咁係咪hea do hea玩先係王道呢。Come on James，唔好咁天真，個世界就係咁，講到咁偉大咁有理想，出到來社會咪又係做死狗，咁點解唔早啲適應呢？

***中文大學***

外人印象：馬料水大學，感覺很偏僻，但校園遼闊、優美，要搭校巴穿梭往來（據聞也帶來不少麻煩），名氣跟港大相若，但感覺上比較樸素，有點鄉土味，文化氣息相對濃厚，也總有一班熱衷政治社運的年青人，o camp早排經常給人批評太淫亂，還有很特別的書院制

局內人感想：其實交通都好方便, 但唔知點解入到cu確實好似去左另一個與世隔絕既地方咁。有書院制，意思唧係有玩書院ocamp又有住宿既人都會對書院好有歸屬感，其他既同學就同書院無乜關係；近排多左幾間新書院，事前好多人恥笑佢地，又話少人又話剩，但好似識落讀新書院既同學都覺得新書院既生活幾融洽幾close…至於淫亂，其實一早無左呢回事

事實上，同學都好純樸，衣著簡單，經常見住宿同學著住camp tee 踼拖去上堂, 談吐亦都好樸實, 除左經常會有人dem beat宣傳比較煩之外…近年起左好多新building，亦都加左幾條校巴線，開始好難記得每一幢大樓既簡寫，搭錯校巴亦都屢見不鮮…另外因為起係山區，無乜遮擋，離太陽比較近，無論搽幾多防曬，中大既同學亦都會曬黑，女仔通常都會介意呢件事，慎提！

***科技大學***

外人印象：University of Stress and Tension，競爭奇烈、考試奇多、壓力奇大，年年都有人自殺，無甚u life可言，簡言之就是「讀、毒、獨」，男多女少，毒男集中營

局內人感想：科大的chur是眾所周知，要應付assignments與projects的確要花同學不少時間，但如果有心想擴闊社交圈子，科大內仍有一定的活動參加，不至於要日日上高登。

另外身邊不少人話科大悶、dry，究其原因是科大位處西貢，交通不便，住hall想離開科大根本無處可去，不想當灰姑娘– 在12時前返hall，只可以去調景嶺食糖水，或者去西貢吹吹海風。當然變相同學亦有較多機會在科大一起相處，更容易識到交心朋友 。

***城市大學***

外人印象：又一城市大學，成座商埸咁，聚腳點，大、中學生都喺度開會，好多MK，校方管理似學店

局內人感想：（利申:唔敢自稱局內人）係真係幾方便，不過冇咩嘢食（貴野或者AC1/2，南山邨選擇又唔多）週圍都係冷氣，唔使點行，如果你識解讀房冧把，其實好易搵。乜都好細，包括亞洲最大單層圖書館，係幾有學店感覺，管理好有效率好商業化，但大學整體欠缺人味，同時學生層面的學術氣氛水平都不高，功利主義者大有人在。

高層係cy基地，但學生又有膽搞六四紀念館，民主牆長期熱鬧。據聞有四大淫soc,不過小弟一介頹摺毒拎，冇機會／唔得閒了解…

***浸會大學***

外人印象：出國民教育本小冊子的當代中國研究所出、旁邊有解放軍軍營、傳理系好勁，嗯…其實對浸大沒甚麼印象。

局內人感想：相比其他大學，政治方面明顯較為冷感。又稱大家樂大學，除左宿舍飯堂，全線由大家樂包起你早午晚餐，以貴夾縮水馳名。CCTV is everywhere.

（以下為較具爭議既個人意見）

乃是眾大學中唯一由宗教辦學團體興辦的大學，相當一部分老師有宗教背景，愛心雖然爆棚，但如果論大學係自由既展現的話，浸大的背景明顯欠此承托，在政治與道德方面的規矩亦偏向嚴謹保守。學生會積弱多時，積弱到一個地步連共產黨插旗既價值都無（？）由於位處九龍塘豪宅段，擴建一直難以開展，反而插旗既樓盤越來越多（例如廣播道一號）。

其實浸大真係冇咩寫…

***嶺南大學***

外人印象：好遠好遠和好遠，與世隔絕的地點，和極度不便的交通，校舍好像蠻小的。文化氣息感覺上挺重，博雅教育最出名。

局內人一號感想：嶺南人好團結，凝聚力好強！無論對外，對內，大家會為左公義同嶺南人的權益發聲，抗爭！但嶺南人有時都幾自卑，因為始終覺得唔夠人強，競爭力唔及其他人。可能因為咁，嶺南人都特別努力，希望人地見到自己的誠意，認真態度同努力！嶺南人相處融洽，亦比較樸素，大部份人都不求回報，幫助大家！

局內人二號感想：嶺南名氣不大，大學排名不高，不少同學總有點自卑，總覺得前途比不上其他大學的同學。

即使畢業在即，部份同學對「被逼」入讀嶺南依然耿耿於懷，不時找機會把其他院校比下去。「其實嶺南讀書氣氛好過三大囉！」「唓！KONG U仔、CU仔好柒jar嘛，淨係識讀書，我覺得嶺南幾好囉，如果比我JUPAS排多次，我都係會揀返LING U。」每次聽起來，總覺得有點酸溜溜。

另外，嶺南今年可謂經歷多事之秋。社區學院因超額收生被冠學店之名，部份學生更被逼在“街市”上堂。學校工人受盡剝削，薪金無理一減再減。來年更空降「梁粉」校長而引來議論非非。近年，嶺南管理層行政可謂錯漏百出，除了輸了學生對管理層的信心，更賠上學生最珍惜的校譽 。

***樹仁大學***

外人印象：剛剛升格為大學，感覺上未有大學的配套，校舍小到像間中學，除了新傳系比較出名一點以外，其他科都是水泡中的水泡。無論叫樹大或者仁大都奇奇怪怪的…

局內人感想：新聞系絕對是樹仁的一個大系，大的不是人數，而是資源。有專用的系房，有新建的剪片房、綠幕室，還有通常在畢業後就會慨嘆為何當初不懂珍惜的週會，即每星期系方碌人情卡邀請社會名流來演講的玩意。這樣說還未夠巨體，如果量化來說（尤其新傳系學生之間經常有這類討論），校方每給十個資源新聞系，就會給其他各系一個資源。其實不要說所謂硬設施，連一些軟設施，例如畢業後的幫助就業服務，我所認識其他系的學生也幾乎沒有這種服務，或許是因為新聞廣告業這行頭較為窄，老師（是的，不會稱呼為教授的，始終新聞系不是很學院系的）的人脈可以很廣吧。

校內資源失衡的問題，形成新聞系學生的作風。因為自知資源多，普遍新聞系的學生是很有自尊心的，他們相信自己一言一行也是外人（尤其是同事與老闆）對樹仁留下甚麼印象的參考。就如最近一個前本系學生當了保安業，同系的學生較多的回應可說是「影衰新聞系」，不論是否事實，但由此可見，爭取個人的榮辱亦即是幫學系爭取榮辱的想法是不難看到。其實在我看來，可以不用那麼著緊自己的言行對學系的聲譽有甚麼影響，這樣會很拘謹的，只要在崗位內做好自己就是了。

（文章截自http://www.punchmagazine.hk/?p=1363）