YP Cai Hall

YP Cai Hall Contact information, map and directions, contact form, opening hours, services, ratings, photos, videos and announcements from YP Cai Hall, South Tower, 5 Baptist University Road, Kowloon Tong.

【留影機🎞️⏳D-1】今日是我在蔡元培堂的最後一天，我像一捲即將收盒的菲林。這小小的房間，就是我的暗箱——晨光從百葉窗縫滲入，在牆上留下條紋狀的曝光；深夜桌燈照亮筆記本，像底片上逐漸顯影的字跡。那些與室友分享的宵夜、走廊盡頭的電話聲、雨天晾...
20/05/2026

【留影機🎞️⏳D-1】

今日是我在蔡元培堂的最後一天，我像一捲即將收盒的菲林。

這小小的房間，就是我的暗箱——晨光從百葉窗縫滲入，在牆上留下條紋狀的曝光；深夜桌燈照亮筆記本，像底片上逐漸顯影的字跡。那些與室友分享的宵夜、走廊盡頭的電話聲、雨天晾不乾的衣物氣味，都化作銀鹽粒子，深埋在情感的乳劑層裡。

離別不是切斷，而是把這整捲日常輕輕捲回鐵罐。我會把它收進行囊最深處，等日後回到屬於我的暗房，用懷念的藥水慢慢沖洗。屆時，蔡元培堂的每一道光影，都將重新浮現——清晰、溫暖，永不褪色。

【留影機🎞️⏳D-2】話咁快就要quit hall啦 ㅠㅠ ，一開頭尷尷尬尬嘅時候好似先係冇幾耐嘅事。記得有一次我哋三個都要上930堂，各自鬧鐘一齊響，但最後0人出席，晏晝起身見到大家笑咗出嚟。又記得每次有人飲醉酒返到房，其他兩個喺張床望住...
19/05/2026

【留影機🎞️⏳D-2】

話咁快就要quit hall啦 ㅠㅠ ，一開頭尷尷尬尬嘅時候好似先係冇幾耐嘅事。記得有一次我哋三個都要上930堂，各自鬧鐘一齊響，但最後0人出席，晏晝起身見到大家笑咗出嚟。又記得每次有人飲醉酒返到房，其他兩個喺張床望住佢真係好好笑，一度笑一度攞個垃圾膠袋俾佢。朝夕相對嘅roommate真係佔咗我hall life一大部份，好開心識到你哋！
——4樓 Queenie

住咗咁耐hall 我相信對得最多嘅一定係自己roommate。雖然我同winnie係part房入嚟，我哋大家本身都以為好了解對方。好似所有嘢都好random 但其實又好似命中注定咁 ，亦都係住hall呢段時間俾我深入認識多咗呢個人。你會發現，做roommate同做朋友真係好唔同。生活上好多唔同嘅小習慣都需要就住對方。一開始都會有唔滿意嘅地方，但係呢啲嘢就係需要時間磨合，冇話邊個會百分之百適合對方。同時好多時候你又會好需要你嘅roommate ，有時多咗個人可以分享感受同關心你幾唔錯。
—— 6樓 Heather

——————————————————————————————
Roommate，剛剛開始可能並不熟悉對方，但是隨着日常生活小小的分享，會逐漸了解和你同睡的室友。生活習慣不同、瑣碎不滿，都是日常。時間讓我們學會彼此遷就，慢慢習慣對方的存在。開心時有人分享，低潮時有人關心。這段同住日子，讓我更深認識她，也明白沒有誰天生適合誰，願意磨合才是緣分。

【留影機🎞️⏳D-3】住左一年hall，每日刷牙、去廁所都會撞到unitmate。由一開始只會係撞到個陣會吹幾句，去到依家會直接開房門搵大家玩、食宵夜，傾通宵，真系好開心。quit hall就冇得日日打開廁所門就見到大家，我會掛住你地的！—...
18/05/2026

【留影機🎞️⏳D-3】

住左一年hall，每日刷牙、去廁所都會撞到unitmate。由一開始只會係撞到個陣會吹幾句，去到依家會直接開房門搵大家玩、食宵夜，傾通宵，真系好開心。quit hall就冇得日日打開廁所門就見到大家，我會掛住你地的！
——4樓 Peggy

話咁快就要quit hall啦，老實講我最唔捨得一定係我嘅unit mate，喺呢一年入面我哋真係經歷咗好多開心嘅時候，無論係一齊慶祝生日，定係傾偈傾到天光，太多太多回憶不能細數。我真係好感激今年同你哋一齊住，仲記得當初第一日入hall，仲好尷尬咁打招呼，四個本來完全唔識嘅人，而家無話不談真係好難得，過咗幾耐都好我都唔會忘記一齊過嘅時光，多謝你哋💕
—— 5樓 鯊魚

——————————————————————————————
Unitmate，深夜直接晃到對面房間聊天的自然——你裹著棉被，我揉著眼睛，就這樣有一搭沒一搭地開始新的一天。我們見過不同時間的模樣、期末前的黑眼圈，也一起大笑過無數次，分享宵夜、幫忙收衣服。簡單的兩間房，裝滿了這一年最踏實的溫暖。未來即使各奔東西，推開門再也看不到熟悉的身影，我也會記得：曾經有兩扇門，連著最平凡的日常，與最剛好的陪伴。

【留影機🎞️⏳D-4】好開心第一次住呵就住最好玩嗰層，成班男人聚埋一齊嘅化學反應就係癲。雖然今年嘅層活動唔算頻繁，人數唔係咁疊馬，但係個個都係精英。2樓係一個好特別嘅地方，有多人喺層一齊玩一齊癲，總會有人肯陪我去做想做嘅事。打夜波、游夜水、...
17/05/2026

【留影機🎞️⏳D-4】

好開心第一次住呵就住最好玩嗰層，成班男人聚埋一齊嘅化學反應就係癲。雖然今年嘅層活動唔算頻繁，人數唔係咁疊馬，但係個個都係精英。2樓係一個好特別嘅地方，有多人喺層一齊玩一齊癲，總會有人肯陪我去做想做嘅事。打夜波、游夜水、行夜山，每日玩到朝早食hallcan。quit hall之後會好掛住同大家生活嘅每一日，會好唔慣一起身冇得行去隔離房搵你哋。多謝你哋
—— 2樓Fung

好開心今年入咗最warm最leng嘅女層 成為豬豬包包嘅一員>^< 大家一齊扮靚靚 食超好食嘅食物💓 每晚一推開道門就一定會有人死陪我食飯打機影靚相 無論我開心定唔開心都有一大班豬豬包包陪我喊陪我笑 ₍ᐢ⸝⸝•ω•⸝⸝ᐢ₎ 啱啱入Hall嘅時候 我仲係一個咩都唔識嘅year 1 但係Returning都會帶住我哋一齊玩同傾偈 你哋真係超級warm！！好多謝你哋帶俾我咁完美嘅hall life 好幸運可以認識到你哋每一個 喺4樓嘅時間之後一直都會係我ulife最美好最珍貴嘅回憶 我一定唔會忘記4樓嘅你地！最愛豬豬包包🧡🧡
—— 4樓 Hazel

——————————————————————————————
在宿舍的同一樓層裡，總會有各種不同的活動將我們聚在一起。無論是開心地玩耍、輕鬆地聊天，還是一起挑選或分享日常用品，每一刻都充滿了溫馨與笑聲。每一天，都有嶄新的主題和活動等著我們參與，讓彼此的距離更近，也讓這個共同生活的空間變得更加熱鬧與溫暖。

【留影機🎞️⏳D-6】今年慶幸可以做到第一組嘅組爸，唔單止有一堆好fit 嘅組partner同我一齊搞組，組仔女每次都死join我地啲reu。眨吓眼就過咗九個月，臨到quit hall 做爸媽定係仔女嘅，都會好唔捨得Cai hall呢個地方...
15/05/2026

【留影機🎞️⏳D-6】

今年慶幸可以做到第一組嘅組爸，唔單止有一堆好fit 嘅組partner同我一齊搞組，組仔女每次都死join我地啲reu。眨吓眼就過咗九個月，臨到quit hall 做爸媽定係仔女嘅，都會好唔捨得Cai hall呢個地方… 希望今年咁多位仔女都可以感受到舍堂嘅溫暖啦，永遠記住喺呢度嘅一點一滴。
—— 第一組 Marcus

想將我喺爸媽度得到嘅開心回饋出去，所以就算有冇hall住都想做爸媽。好似係一種好傻嘅事，因為同其他地方唔同，一做就一年，有時會覺得幾難頂，一嚟冇錢，二嚟玩得多都會攰，試過做到好迷唔知為乜，但係當你見到啲仔女玩得開心盡興就會覺得點都值得。住hall嘅日子雖然唔長，但呢幾百日入面，大家一齊喺同一組玩都係一種緣份，所以一直都珍惜呢種關係。開心識到我啲仔女，開心可以同你哋玩，希望可以成為你地喺蔡元培堂入面，你地會重視嘅回憶。
——第二組 Rock

——————————————————————————————
在蔡堂，組爸媽也是一種身份。他們不是真正的父母，卻在O Camp那三天兩夜，替你擔心、陪你熬夜、帶你熟悉這個地方。像一卷老底片，溫柔地替你擋光，讓你在陌生的環境裡，慢慢顯影出自己的樣子。後來你才知道，他們也是從組仔女走過來的。曾經這個時候，他們也坐在台下聽自己的組爸媽說話；今年換他們站在前面，把曾經收到的溫暖，一格一格傳下去。組爸媽不會一直在你身邊，但當你回頭，他們永遠在那格底片上——不是最亮的那個，卻是讓整張照片剛剛好的那個。在蔡堂，組爸媽教會你一件事：被照顧過的人，有一天也會學會照顧人。而這卷菲林，就是這樣一格格曝光下去的。

【營火晚會】一年嘅宿期即將蒞臨尾聲🔚大家仲記唔記得當初喺Ocamp相處嘅點點滴滴呢🤩想再同一班hallmates回憶Ocamp嘅感覺就記得參加下星期嘅campfire啦🔥我哋會一齊着hall polo㗎🧡📆日期：五月二十日（星期三）⏰時間：...
15/05/2026

【營火晚會】

一年嘅宿期即將蒞臨尾聲🔚大家仲記唔記得當初喺Ocamp相處嘅點點滴滴呢🤩想再同一班hallmates回憶Ocamp嘅感覺就記得參加下星期嘅campfire啦🔥我哋會一齊着hall polo㗎🧡

📆日期：五月二十日（星期三）
⏰時間：晚上七時正
📍地點：香港浸會大學 善衡校園 蒙民偉廣場（Main Po)

如有任何疑問，請與常務秘書劉敬鋒（96515239）聯絡。

*【歡送會-元續於Cai🕊️】*話咁快就黎要quit hall啦🥹相信大家都好唔捨得😭歡送會到時唔單止會收到新一期嘅蔡訊同quit hall禮物💝仲會有野食添🙆🏻‍♀️一齊回顧喺蔡元培堂嘅點點滴滴啦🫶🏻📆日期：二零二六年五月十八日（星期一）...
15/05/2026

*【歡送會-元續於Cai🕊️】*
話咁快就黎要quit hall啦🥹相信大家都好唔捨得😭歡送會到時唔單止會收到新一期嘅蔡訊同quit hall禮物💝仲會有野食添🙆🏻‍♀️一齊回顧喺蔡元培堂嘅點點滴滴啦🫶🏻

📆日期：二零二六年五月十八日（星期一）
🕣時間：晚上七時正至九時正
📍地點：冒季美牧師紀念禮堂 (G9)
👕服飾：各層圓領衫

如有任何疑問，請聯絡內務副主席陳語嫣 (96624008)

【留影機🎞️⏳D-7】時間真係過得好快,話咁快就quit hall啦。組係我喺呢度識嘅第一班人，估唔到喺ocamp識咗之後一玩就玩到咁癲，令我喺蔡元培堂留低咗好多大大小小嘅回憶。完咗ocamp之後班爸媽都成日搞好多活動俾我哋聚埋一齊玩，同組...
14/05/2026

【留影機🎞️⏳D-7】

時間真係過得好快,話咁快就quit hall啦。組係我喺呢度識嘅第一班人，估唔到喺ocamp識咗之後一玩就玩到咁癲，令我喺蔡元培堂留低咗好多大大小小嘅回憶。完咗ocamp之後班爸媽都成日搞好多活動俾我哋聚埋一齊玩，同組班人真係差唔多日見夜見，想像唔到quit咗呵之後無得再成日一齊玩，會有幾唔捨得佢哋丫😭
—— 第三組 Samantha

仲記得當初ocamp第一次見嘅時候怕怕羞羞咁，跟住夜晚大家已經打成一片。好難得可以識到一班咁啱玩嘅人，一個眼神一句嘢就已經知大家諗緊咩，開心嘅時候一齊死玩，唔開心嘅時候一齊傾計傾天光。另外今年玩得咁開心，真係好多謝組爸媽喺背後默默付出，佢哋好照顧我哋嘅感受，令到我哋可以無憂無慮咁玩。好好彩可以識到大家，令我人生多咗個好精彩好重要嘅回憶。
——第四組 Ryan

——————————————————————————————
做組仔女，一生人一次。
入宿第一天，最常碰見的就是組裡的人。O Camp的三天兩夜，來自不同樓層的我們被拉在一起，組爸媽帶著我們認識蔡堂的每一格風景。那時候我們還不懂，只是跟著跑、跟著笑，玩得盡興就好。後來才明白，組文化從來不只是那三天。它把各層的人繫在同一格底片上——不管同層與否，但我們同組，所以走廊碰見會多聊兩句。O Camp會結束，菲林不會。認識久了，那些原本陌生的臉孔慢慢顯影，變得清晰、變得熟悉。你以為組只是一時的組合，後來發現——在你最需要的時候，最先站出來的，往往就是這班人。組仔女只有一屆，但組是一輩子的顯影。它是你在蔡元培堂，最早擁有的後盾。而後盾的意思是：不管過了多久，你回頭看，那格底片上的所有人，都還在。

Address

South Tower, 5 Baptist University Road
Kowloon Tong

Website

, , ,

Alerts

Be the first to know and let us send you an email when YP Cai Hall posts news and promotions. Your email address will not be used for any other purpose, and you can unsubscribe at any time.

Contact The University

Send a message to YP Cai Hall:

Shortcuts

Share