03/04/2025
*राजे शहाजी महाविद्यालय अंबेलोहळ येथे पदवी प्रमाणपत्र वितरण समारंभ*
गंगापूर (प्रतिनिधी) कृषी व ग्रामीण विकास प्रतिष्ठान संचलित राजे शहाजी महाविद्यालय अंबेलोहळ ता. गंगापूर जि. छत्रपती संभाजीनगर येथे पदवी वितरण समारंभ मोठ्या उत्साहात पार पडला .
पदवी प्रमाणपत्र वितरण समारंभास प्रमुख पाहुणे म्हणून प्रा. डॉ.भारती गवळी संचालक परीक्षा व मूल्यमापन मंडळ डॉ. बाबासाहेब आंबेडकर मराठवाडा विद्यापीठ छत्रपती संभाजीनगर या होत्या. कार्यक्रमाचे प्रास्ताविक संस्थेचे कार्यकारी संचालक श्री गणेश बनकर पाटील यांनी केले. त्यांनी विद्यार्थ्यांच्या जीवनातील पदवीचे महत्त्व सांगून पुढील वाटचालीसाठी विद्यार्थ्यांना शुभेच्छा दिल्या. डॉ.भारती गवळी यांनी पदवी प्राप्त विद्यार्थ्यांनी आई-वडिलांची महाविद्यालयाची व देशाची सेवा करावी असे प्रतिपादन केले तर कार्यक्रमाचे अध्यक्ष शिवाजी दादा बनकर पाटील यांनी पदवी पूर्व व पदव्युत्तर यांच्या मधला टप्पा म्हणजेच पदवी प्रमाणपत्र वितरण समारंभ होय असे प्रतिपादन केले सर्व मान्यवरांनी पदवी प्रमाणपत्राचे वितरण करून विद्यार्थ्यांना पुढील वाटचालीसाठी शुभेच्छा दिल्या कार्यक्रमाचे आभार वरिष्ठ महाविद्यालयाचे प्राचार्य डॉ. केसकर एस.बी.यांनी मानले कार्यक्रमासाठी विद्यार्थी शिक्षक व शिक्षकेतर कर्मचारी यांची उपस्थिती होती.
