11/10/2025
বিশ্ববিদ্যালয় নিৰ্বাচন মানে কেৱল ভোট নহয়, ই এক গৌৰৱময় পৰম্পৰা — একাডেমিক সমাজৰ গণতান্ত্ৰিক চেতনাৰ প্ৰতীক। এই নিৰ্বাচনৰ সৈতে জড়িত আছে সুকীয়া গৰিমা আৰু মাহাত্ম্য।
তথাপিও, সাম্প্ৰতিক দিনত বিশ্ববিদ্যালয় চৌহদত যি ধৰণৰ আক্ৰোশমূলক আৰু নিকৃষ্ট নিৰ্বাচনী প্ৰচাৰ দেখি আছোঁ, সেয়া অতিকৈ দুখজনক। আমি সদায় শান্তিপূৰ্ণ, সন্মানজনক আৰু সচেতন ৰাজনীতিৰ পক্ষপাতী।
এখন পোষ্টাৰ, এখন বেনাৰ—প্ৰতিখনত বহুজনৰ অক্লান্ত পৰিশ্ৰম, সময় আৰু আশা জড়িত থাকে। বিগত কেইবছৰ ধৰি বিশ্ববিদ্যালয়ৰ নিৰ্বাচন দেখি আহিছোঁ, কিন্তু ছাত্ৰ ৰাজনীতিত এনে অপ্ৰত্যাশিত আৰু নিকৃষ্ট পৰিৱেশৰ সাক্ষী হ’ব লাগিব বুলি কেতিয়াও ভবা নাছিলোঁ। ছাত্ৰ ৰাজনীতিৰ এনে পতনশীল ৰূপ দেখা সঁচাকৈ হতাশাজনক।
আহক, আমি সকলোৰে মাজত এক ইতিবাচক বতাহ বোৱাই দিওঁ — পৰস্পৰক আঘাত নিদি, আদৰ্শ আৰু সন্মানৰ সৈতে আগুৱাও।বিশ্ববিদ্যালয়ৰ এই চৌহদ হ’ব লাগে একতা, সচেতনতা আৰু শ্ৰদ্ধাৰ প্ৰতীক — সংঘাতৰ নহয় ।
