26/09/2019
ഞീഴൂർ പഞ്ചായത്തിലെ ഏക സർക്കാർ കോളേജ് ആയ കോളേജ് ഓഫ് അപ്ളയിസ് സയൻസ് നാളെ (16-9-2019) കടുത്തുരുത്തി തിരുവാം പാടി ദൂതപാണ്ഡൻചിറയിലുള്ള സ്വന്തം കെട്ടിടത്തിലേക്ക് പ്രവർത്തനം ആരംഭിക്കുന്നു.
കടുത്തുരുത്തി ഐ എച്ച് ആർ ഡി കോളേജ് ആരംഭിച്ച 2000 മുതൽ വാടക കെട്ടിടത്തിലാണ് പ്രവർത്തനം. ഞീഴൂർ പഞ്ചായത്തിലെ ഏക സർക്കാർ കോളേജ് ആണ് നാളെ (16-9-2019) കടുത്തുരുത്തി തിരുവാം പാടി ദൂതപാണ്ഡൻചിറയിലുള്ള സ്വന്തം കെട്ടിടത്തിലേക്ക് പ്രവർത്തനം ആരംഭിക്കുന്നത് .നിലവിൽ ഉള്ള
വാടക കെട്ടിടത്തില് ഞെങ്ങിഞെരുങ്ങി അദ്ധ്യായനം നടത്തുന്ന വിദ്യാര്ത്ഥിനികളുടെ ഭാവിയാണ് ഇതിലൂടെ ശോഭനമായിരിക്കുന്നത് . 2000 ത്തിൽ കോളേജ് ആരംഭിച്ചതു മുതല് അഭയാര്ത്ഥികളെന്ന കണക്കേ അലയുകയാണ് കോളേജും വിദ്യാര്ത്ഥികളും. BSc. Computer Sciences ( 40 Seats )
BSc. Electronics ( 40 Seats )
B.Com with Computer Applications ( 40 Seats) എന്നീബിരുദ കോഴ്സുകളാണ് നിലവിൽ കോളേജിലുള്ളത്. സ്വന്തം കെട്ടിടമില്ലാത്തത് കുറച്ചൊന്നുമല്ല വിദ്യാര്ത്ഥിനികളേയും അദ്ധ്യാപകരേയും രക്ഷിതാക്കളേയും ബുദ്ധിമുട്ടിക്കുന്നത്. പുതുതായി കേളേജ് പ്രവർത്തനമാരംഭിക്കാനിരിക്കുന്ന സ്ഥലത്ത് എത്തിച്ചേരണമെങ്കിൽ വിദ്യാർത്ഥികളും ജീവനക്കാരും ബുദ്ധിമുട്ട് നേരിടേണ്ടി വരും .കാരണം ഈ പ്രദേശത്തേക്കുള്ള പൊതു ഗതാഗതത്തിന്റെ അപര്യാപ്തതയാണ് .ഈ പ്രദേശത്തു താമസിക്കുന്നവർ മണിക്കൂറുകൾ കടുത്തുരുത്തിയിൽ കാത്തുനിന്നാണ് പൊതുഗതാഗതം ലഭിക്കുന്നതത് .ഈ പ്രദേശത്തേക്ക് KSRTC യുടെ കൂടുതൽ സർവ്വീസുകൾ വേണമെന്നത് നാട്ടുകാരുടെ വർഷങ്ങളായുള്ള ആവശ്യങ്ങളിൽ ഒന്നാണ് .
