অসমীয়া বিভাগ, গড়গাঁও মহাবিদ্যালয়

17/05/2026

আমাৰ নতুন শিক্ষাবৰ্ষৰ বাবে নামভৰ্তিৰ প্ৰক্ৰিয়া আৰম্ভ কৰা হৈছে...

08/05/2026

✅অসমীয়া বিভাগৰ উদ্যোগত দক্ষতা বিকাশমূলক কৰ্মশালা সম্পন্ন

✅যোৱা ৬ আৰু ৭ মে' তাৰিখে দুদিনীয়া কাৰ্যসূচীৰে দক্ষতা বিকাশমূলক এখনি কৰ্মশালা অনুষ্ঠিত হৈ যায়।
কৰ্মশালাত দুটি গুৰুত্বপূৰ্ণ বিষয়ত শিক্ষাৰ্থীসকলক প্ৰশিক্ষণ প্ৰদান কৰা হয়।
✅কৰ্মশালাখনিৰ সমন্বয়ক তথা অসমীয়া বিভাগৰ সহকাৰী অধ্যাপক ড° দেৱযানী বকলীয়াল আৰু ড° অংকুৰ দত্তই ক্ৰমে 'অনাতাঁৰ সংবাদ প্ৰস্তুতি আৰু উপস্থাপন কৌশল' আৰু 'ছপা আৰু বৈদ্যুতিন মাধ্যমৰ বিজ্ঞাপন: লেখন কলা-কৌশল' সম্পৰ্কে কৰ্মশালা প্ৰদান কৰে ।
✅কৰ্মশালাত অংশগ্ৰহণকাৰী শিক্ষাৰ্থীসকলে বাতৰি পৰিৱেশন আৰু বিজ্ঞাপন প্ৰস্তুতি সম্পৰ্কীয় ব্যৱহাৰিক অনুশীলনত অংশ লোৱাৰ সুযোগ পায়। অংশগ্ৰহণকাৰী শিক্ষাৰ্থীসকলে এই দক্ষতা বিকাশমূলক অনুষ্ঠানত অংশগ্ৰহণ কৰি বিশেষভাৱে উপকৃত হোৱা বুলি অভিমত প্ৰকাশ কৰে।
✅উল্লেখ্য যে বৰ্তমান ছপা তথা বৈদ্যুতিন মাধ্যমত দক্ষ মানৱ সম্পদৰ চাহিদা ক্ৰমান্বয়ে বৃদ্ধি পাইছে। এনে প্ৰেক্ষাপটত এইধৰণৰ উদ্যোগ শিক্ষাৰ্থীসকলৰ বাবে অতি ফলপ্ৰসূ হ'ব বুলি অনুষ্ঠানটিৰ মুখ্য সমন্বয়ক তথা অসমীয়া বিভাগৰ মুৰব্বী অধ্যাপক প্ৰণৱ দুৱৰাই আশা প্ৰকাশ কৰে।

02/04/2026

অভিনন্দন লক্ষ্যজিৎ হাজৰিকা। আমাৰ প্ৰাক্তন শিক্ষাৰ্থী লক্ষ্যজিৎ হাজৰিকাই ডিব্ৰুগড় বিশ্ববিদ্যালয়ৰপৰা 'ভাৰতীয় উপন্যাসত তৃতীয় লিংগৰ প্ৰসঙ্গ'-ৰ বিষয়ত সন্মানীয় পিএইচডি ডিগ্ৰী লাভ কৰিছে। তোমাৰ উত্তৰোত্তৰ উন্নতি কামনা কৰিলোঁ।

28/03/2026

#বিশ্ব_থিয়েটাৰ_দিৱস
২০২৬

27/03/2026

🏆

17/03/2026

ধেমাজিৰ 'বিদ্যা: দ্য লিভিং স্কুল'ত বিভাগৰ শিক্ষক-শিক্ষাৰ্থী

11/03/2026

✅ঝুমইৰ গীতৰ সুৰত মুখৰিত গড়গাঁও মহাবিদ্যালয়

✅দুদিনীয়া কৰ্মশালাত ঝুমইৰ গুৰুখ্যাত শিল্পী ভদ্ৰ ৰাজোৱাৰ

11/03/2026

✅গড়গাঁও মহাবিদ্যালয়ৰ ছাত্ৰ একতা সভাৰ সংগীত বিভাগ, শাখা সাহিত্য সভা আৰু অসমীয়া বিভাগৰ উদ্যোগত, আভ্যন্তৰীণ মান নিৰূপণ কোষৰ সহযোগত লোকগীতৰ অমূল্য সম্পদ ঝুমইৰ গীতৰ চৰ্চা তথা যুৱ প্ৰজন্মৰ মাজত জনপ্ৰিয় কৰাৰ লক্ষ্যৰে ৯ আৰু ১০ মাৰ্চ তাৰিখে দুদিনীয়া কাৰ্যসূচীৰে 'ঝুমইৰ গীতৰ কৰ্মশালা' অনুষ্ঠিত হৈ যায়।
✅শিক্ষাৰ্থীসকলৰ সাংগীতিক আৰু সাংস্কৃতিক দক্ষতা বিকাশৰ উদ্দেশ্যে আয়োজিত এই কৰ্মশালাখন উদ্বোধন কৰি মহাবিদ্যালয়ৰ অধ্যক্ষ ড° সব্যসাচী মহন্তই উদ্যোক্তাসকলৰ এই পদক্ষেপ প্ৰশংসনীয় বুলি মন্তব্য কৰে।
✅ছাত্ৰ একতা সভাৰ উপদেষ্টা ড° দিলীপ কুমাৰ ডেকাই শুভেচ্ছামূলক বক্তব্য আগবঢ়োৱাৰ পাছতে মুখ্য সমল ব্যক্তি ঝুমইৰ গুৰুখ্যাত, বিশিষ্ট অনাতাঁৰ শিল্পী ভদ্ৰ ৰাজোৱাৰে ঝুমইৰ গীতৰ ভাৱ, ভাষা, সুৰ, প্ৰকাৰ ইত্যাদি সম্পৰ্কে শিক্ষাৰ্থীসকলক আভাস দিয়ে।
✅কৰ্মশালাখনৰ অন্যতম মুখ্য সমন্বয়ক তথা ছাত্ৰ একতা সভাৰ সংগীত বিভাগৰ উপদেষ্টা ড° দেৱযানী বকলীয়ালে আঁত ধৰা উদ্বোধনী অনুষ্ঠানটোত মহাবিদ্যালয়ৰ উপাধ্যক্ষ দিগন্ত কোঁৱৰ, অসমীয়া বিভাগৰ বিভাগীয় প্ৰধান প্ৰণৱ দুৱৰা, আভ্যন্তৰীণ মান নিৰূপণ কোষৰ সমন্বয়ক ড° সুৰজিৎ শইকীয়া, কৰ্মশালাখনৰ অন্যতম মুখ্য সমন্বয়ক নমামী দত্ত, কাৰীকৰি সমন্বয়ক ড° অংকুৰ দত্ত‌‌, সংগীত বিভাগৰ সম্পাদিকা ধৰ্মিষ্ঠা বৰুৱা, ছাত্ৰ একতা সভাৰ আন আন বিষয়ববীয়াৰ লগতে বিভিন্ন বিভাগৰ অধ্যাপক-শিক্ষাৰ্থী উপস্থিত থাকে।
✅মুখ্য সমল ব্যক্তি ভদ্ৰ ৰাজোৱাৰৰ লগতে সহযোগী প্ৰশিক্ষক জিণ্টু কুৰ্মী, সোমেশ্বৰ কুৰ্মী, গড়গাঁও মহাবিদ্যালয়ৰ বাণিজ্য বিভাগৰ সহযোগী অধ্যাপক ড° অনিল তাঁতী আৰু গণিত বিভাগৰ সহকাৰী অধ্যাপক সুজাতা গোৱালাই আগবঢ়োৱা দুদিনীয়া কৰ্মশালাত শতাধিক শিক্ষাৰ্থীয়ে অংশগ্ৰহণ কৰি উপকৃত হোৱা বুলি অভিমত প্ৰকাশ কৰে।

27/02/2026

27/02/2026

https://forms.gle/mBYArGbcTPy8oGG98

পঞ্জীয়ন লিংক