Jaffna University Students' Union

03/02/2026

எதிர்வரும் பெப்ரவரி 04 அன்று சுதந்திர தினத்துக்கு எதிராக வடக்கு கிழக்கு மாகாணங்களில் நடைபெறவுள்ள கரிநாள் பேரணிக்கு அனைத்து தரப்புக்களும் பங்கேற்று வலுச்சேர்க்குமாறு யாழ்ப்பாண பல்கலைக்கழக மாணவர் சமூகமாக அழைப்பு விடுக்கின்றோம்.❤️💛✊

29/01/2026

18/01/2026

நேற்றைய தினம் பொங்குதமிழ் பிரகடன 25 ஆண்டு நினைவை உணர்வெழுச்சியுடன் யாழ் பல்கலைக்கழக மாணவர்கள் நினைவேந்தினர்.

▪️யாழப்பாணப் பல்கலைக்கழக மாணவர் ஒன்றியம்

16/01/2026

25 ஆம் ஆண்டு நினைவு

பொங்கு தமிழ் பிரகடனம்

நாளை மதியம் 12 மணியளவில் அணைத்து மாணவர்களும் பொதுமக்களும் உணர்வோடு அணி திரள்வோம்.

▪️யாழ்ப்பாணப் பல்கலைக்கழக மாணவர் ஒன்றியம்

15/01/2026

எழும் 2057இல் தமிழர் இடர்கள் பகலவனை கண்டு பணியும் பனிபோல் மறைந்து தமிழ் சிந்தனைகள் ஒன்று பட்டு தமிழர் தேசமாக பரிணமிக்கட்டும்

தமிழர் தேசிய திருநாள்
(தமிழ்ப்புத்தாண்டு & தைப்பொங்கல்)

ஆருயிர் கொடுக்கும் ஆதவனுக்கும் அரிசியிட்ட உழவருக்கும் அத்தனை உயிர்களுக்கும் நன்றியாய் இருப்போம்

▪️யாழப்பாணப்ப பல்கலைக்கழக மாணவர் ஒன்றியம்.

10/01/2026

இன்று மலையக மக்களின் உரிமைக்காக உயிர் நீத்த தியாகிகளை உணர்வெழுச்சியுடன் யாழ்ப்பாணப் பல்கலைக்கழக மாணவர்கள் நினைவேந்தினர்.

▪️யாழ்ப்பாணப் பல்கலைக்கழக மாணவர் ஒன்றியம்

10/01/2026

இன்று உலக தமிழாராய்சி மாநாட்டு படுகொலை நாள்

1974-ஆம் ஆண்டு யாழ்ப்பாணத்தில் நடைபெற்ற நான்காவது உலகத் தமிழாராய்ச்சி மாநாட்டில் நிகழ்ந்த படுகொலைச் சம்பவம், ஈழத் தமிழர்களின் வரலாற்றில் ஒரு கறைபடிந்த மற்றும் திருப்புமுனை ஏற்படுத்திய நிகழ்வாகும்.

உலகத் தமிழாராய்ச்சி மன்றத்தின் மூலம் இரண்டு ஆண்டுகளுக்கு ஒருமுறை உலகத் தமிழாராய்ச்சி மாநாடு நடத்தப்படுவது வழக்கம். மலேசியா (1966), சென்னை (1968), பாரிஸ் (1970) ஆகிய இடங்களைத் தொடர்ந்து, நான்காவது மாநாடு 1974-ஆம் ஆண்டு ஜனவரி 3 முதல் 10 வரை ஈழத்தின் கலைக்கூடமான யாழ்ப்பாணத்தில் நடைபெற்றது.

அப்போதைய ஸ்ரீலங்கா அரசாங்கம் இந்த மாநாட்டை யாழ்ப்பாணத்தில் நடத்தப் பல முட்டுக்கட்டைகளைப் போட்டது. வெளிநாட்டு அறிஞர்களுக்கு விசா மறுப்பு, மண்டபங்களுக்கு அனுமதி மறுப்பு எனப் பல தடைகளைத் தாண்டியே இம்மாநாடு கோலாகலமாகத் தொடங்கியது.

மாநாட்டின் இறுதி நாளான ஜனவரி 10 அன்று, யாழ்ப்பாணம் வீரசிங்கம் மண்டபத்திற்கு வெளியே பல்லாயிரக்கணக்கான மக்கள் திரண்டிருந்தனர். தமிழகத்திலிருந்து வந்திருந்த அறிஞர் பேராசிரியர் நயினா முகம்மது உரையாற்றிக் கொண்டிருந்தார்.
அந்த அமைதியான கூட்டத்திற்குள், அப்போதைய ஸ்ரீலங்கா பொலிஸ் படை அத்துமீறி நுழைந்தது.

* மக்கள் மீது தடியடி நடத்தியும், கண்ணீர்ப்புகைக் குண்டுகளை வீசியும் பொலிஸார் அட்டூழியம் செய்தனர்.
* துப்பாக்கிச் சூடு நடத்தப்பட்டதில், மேலே சென்றுகொண்டிருந்த உயர் அழுத்த மின் கம்பிகள் அறுந்து மக்கள் கூட்டத்தின் மீது விழுந்தன.
* மின்சாரம் தாக்கியும், கூட்ட நெரிசலில் சிக்கியும் 9 முதல் 11 தமிழர்கள் அந்த இடத்திலேயே உயிரிழந்தனர்.

50-க்கும் மேற்பட்டோர் காயமடைந்தனர்.
பலியான தியாகிகள்
இந்தத் துயரச் சம்பவத்தில் பலியானவர்களில் முக்கியமானவர்கள்:
* வேலுப்பிள்ளை கேசவராஜன் (மாணவன்)
* சின்னத்தம்பி நந்தகுமார் (மாணவன்)
* இராசதுரை சிவானந்தம் (மாணவன்)
* ஜோன்பிடலிஸ் சிக்மறிலிங்கம் (ஆசிரியர்)
* சின்னத்துரை பொன்னுத்துரை (வைத்தியர்)
மற்றும் ஏனைய பொதுமக்கள்.

இந்தச் சம்பவத்திற்குப் பிறகுதான், அகிம்சை வழியில் போராடிக்கொண்டிருந்த தமிழ் இளைஞர்கள் "இனிப் பேச்சுவார்த்தை பலன் தராது" என்ற முடிவுக்கு வந்து, ஆயுதப் போராட்டத்தை நோக்கி நகரத் தொடங்கினர்.


வெறும் அரசியல் காரணங்களுக்காக அல்லாமல், தனது மொழியைக் கொண்டாடக் கூடியிருந்த மக்கள் மீது நடத்தப்பட்ட தாக்குதல் என்பது தமிழ்மொழி எழுர்ச்சியை சகிக்க முடியாத சிங்கள பேரினவாதத்தின் முகத்திரையை கிழித்தது.



▪️யாழப்பாணப் பல்கலைக்கழக மாணவர் ஒன்றியம்

09/01/2026

மலையக மண்ணில் எம்மவரின் அடிப்படை உரிமைக்காக தங்கள் இன்னுயிரைத் தியாகம் செய்த எம்சொந்தங்களை நினைவுகூறுவோம்.

மலையக தியாகிகள் தினம்

யாழ்ப்பாணப் பல்கலைக்கழக பொதுநினைவுத்தூபி முன்பாக

10.01.2026 அன்று நண்பகல் 12 மணியளவில் பொதுத்தூபியில் அனைத்து மாணவர்களும் உணர்வுடன் ஒன்று கூடுவோம்.

▪️யாழ்ப்பாணப் பல்கலைக்கழக மாணவர் ஒன்றியம்

02/01/2026

தையிட்டி நில மீட்பு உரிமைப்போராட்டம் நாளை 8 மணியளவில்

"மக்களுக்காக மாணவர்கள்"

▪️யாழ்ப்பாணப் பல்கலைக்கழக மாணவர் ஒன்றியம்

01/01/2026

தமிழர் இன்னல்கள் இவ்வருடத்திலாவது இடையற உரிமைகள் மீள்ந்திடவே எழட்டும் இருபத்தாறு

இனிய ஆங்கில புத்தாண்டு வாழ்த்துக்கள்

▪️யாழ்ப்பாணப் பல்கலைக்கழக மாணவர் ஒன்றியம்

29/12/2025

நாங்கள் இனவாதிகள் இல்லை.சிங்கள மக்களுக்கு எதிரானவர்கள் இல்லை.நாங்களும் புத்தரை வணங்குகின்றோம்.மதிக்கின்றோம்.ஆனால் அத்துமீறி தமிழர்நிலங்களில் நடைபெறும் திட்டமிடப்பட்ட சிங்கள பெளத்த ஆக்கிரமிப்பையே எதிர்க்கின்றோம்.சிங்கள மக்கள் பெரும்பாண்மையாக இருக்கும் நிலங்களில் புத்தர்சிலை வைப்பதை நாங்கள் ஒருபோதும் எதிர்த்ததில்லை.அதனை வரவேற்கின்றோம்.வணங்குகின்றோம்.தமிழ் மக்களுடைய நிலங்களில் தமிழ் மக்களுடைய குடிப்பெரும்பாண்மையை திட்டமிடப்பட்ட வகையில் மாற்றும் நோக்கில் ஆக்கிரமிக்கப்படுவதை தான் நாங்கள் எதிர்க்கின்றோம்.இதனை சிங்கள மக்கள் புரிந்து கொள்ள வேண்டும்.நாங்கள் மனிதநேயமிக்கவர்கள்.அதில் என்றும் மாற்றுக்கருத்தில்லை.

▪️யாழ்ப்பாணப்பல்கலைக்கழக மாணவர் ஒன்றியம்