18/04/2022
السلام عليكم.
المرحلة ديال الباك بدات ف2020 صراحة بديتها و أنا ناشط حتاش كتحس راسك واقف على الأواخر ديال واحد المرحلة جديدة من حياتك زعما ما بعد الباك...ما عليناش هداك العام بالضبط كانت كورونا و كل واحد فينا كيريح بوحدو الملل وداك الشي و بعد المرات من قلة ما يدار كنت انا وصاحبي كنريحو بجوج حتى كيجي الاستاذ يقول لينا واحد ينوض و تا واحد فينا مكيبغيش و كيجيب لينا المدير و يخرجنا بجوجناا وفاش نرجعو عند الاستاد يقول لينا نقست ليكم النقط كنقولو هانية داك الشي كون كان عندو قيمة انسقطو من يامات الأولى إعدادي مهم داز الأيام ضحك و نشاط مرة نكتب مرة لآ مرة ندخل مرة لا صافي ولينا كنسمعو السيمانة الجاية عندكم فروض!!! أواه ولكن عواض نحفض كيف الناس بديت نوجد النقلة 😅 وصل نهار الفرض شحال من أستاد كان مزير مقدرتش نقل عندو كاين لي كيحصلني مع مع وخلاني نكمل عادي كاين لي نقص ليا النقط... وخاا هكاك التعبير نفعني بعدا كاين المواد لي جبت فيهم 10 و كتر شويا ولكن شي مواد خرين على سبيل المثال الاجتماعيات متلا جبت النقط الاخيرة فالقسم 7 ولكن الفلسفة قلت لسقراط معارف والو تا أيه ما عارف والو مهم جبت فيها 4 بقى فيا الحال الصراحة خصوصاً الاجتماعيات عمرني نزلت على 12 تال داك العام. مهم وصلو الفرض الثاني و نفس البلان تقريبا النقط طايحين ؟؟ الفرض الثالث جبت شوياا مزيان. النتائج خرجو لقيت 14 ما عجبنيش الحال صراحة حتاش كنت طايح فالجهوي جبت غا 6 مهم بقيت كنفكر واش هكا لي باغي نيت انا وكدا... حتا درت العزيمة لراسي براسي كنسمع عندكم الفرض قبل بسيمانة كنحفض الاجتماعيات وليت كنجيب النقطة الأولى الاسلاميات، الرياضيات مانزلتش على 20 الفلسفة 17 كتنطح ف 15 اللغة الفرنسية من بكري أنا عندي معاها حتاش هي المادة المفضلة هادي ما عنديش فيها مشكيل ... مهم ناضي و فرحان شي حاجة سميتها المراجعة ولات عزيزة عليا سبحان الله لدابا كنتعجب حتاش الاجتماعيات كيف كنقولو قلنا كثيرة و كلها حفاضة ولكن الى تبعتي واحد الطريقة والله تا تغير الرأي ديالك إن شاء الله، مهم الكلام طويل بزاف و الباك مشى و أنا خديت منو 16,68 كون ما الفلاسفة لي نقص لينا النقط حتاش مكندخلوش عندو الشهر الاخير كنت انجيب 17 ولكن هانية هاانية. وبالنسبة للنقط ديالي أنحطهم ليكم فأول كومنط لا تقول هاد خونا طالقها علينا وصاف.
والله اوفق الجميع ❤️
