12/02/2025
أحسن بوسط تقدر تقراه فحياتك كاملة، لدلك حاول ماتفلتش عليك تا حرف حيت غادي يفيقك من السبات العميق و يقدر يصدمك، غادي نشارك معكم تفسير الحديت لي كاين فالصورة و بالمختصر المفيد 🤍👇 :
1 : يُقبض العلم : يعني يختفي العلم الشرعي بوفاة العلماء، فينتشر الجهل بالدين، ويضعف الفهم الصحيح للشريعة الإسلامية، مما يؤدي إلى انحراف الناس عن الحق، هدشي حتى هو وصلنا ليه نسبيا، الناس مافهماش الدين حق المعرفة و إنتشار الجهل تا هو وصلنا ليه .
2 : تكثُرَ الزلازل: يعني كترة الهزات الأرضية في أماكن مختلفة، مما يعكس اضطراب الكون وكثرة الكوارث الطبيعية، هدشي تاهو وصلنا ليه فظرف سنتين عشنا خمسة زلازل المغرب جوج مرات و تركيا و غير هادي يوماين كان زلزال بحري مابين كوبا و الهيندوراس .
3 : يتقارب الزمان : يمكن أن يُفسَّر بعدة طرق، منها أن الوقت يمر سريعًا بلا بركة، أو أن وسائل النقل والاتصال تتطور، فيسهل التنقل والتواصل بسرعة، هدشي تاهو وصلنا ليه ولينا كنعيشوا تقارب الشهور الأعوام بسبب مواقع التواصل الاجتماعي الفايسبوك و إنستاغرام و يوتيوب تا ولا نهار كيدوز بسرعة و حتى وسائل النقل ولينا كنشوفوا قطارات فائقة السرعة بحال tgv .
4 : تظهر الفتن : أي تكثر المحن والاختبارات الصعبة التي تبتلي الناس، مثل الفتن الدينية، والسياسية، والاجتماعية، مما يؤدي إلى النزاعات والصراعات، حتى هدشي وصلنا ليه غلاء المعيشة فالدول بسبب التضخم و الصراعات السياسية ما بين الدول و الفتن لي ولينا كنشوفوا فمواقع التواصل أو فالشارع.
5 : يكثر الهرج : أي يكثر القتل وسفك الدماء بين الناس بلا سبب واضح، بسبب الفتن أو الظلم أو الحروب، للأسف وصلنا لهدشي و الدليل الحروب فالدول العربية كفلسطين و سوريا و السودان .
أخيرا بغيت نسولك نتا لي كتقرا السؤال حتالين غتبقى تعاني من التسويف و المماطلة فإعلانك للتوبة مع الخالق، متخليش الشيطان يبقى سارحك، راه نتا من أمة محمد و مبشر بالجنة فيق و رجع للطريق قبل ماتندم ديال بصح، إلا حسيتي براسك فعلا كنتي غافل و بغيتي ترجع للله من دابا هنيئا لك، لكن كيف فقتي بارطاجي هدشي حيت ملايين منك مسروحين خاصهم يفيقوا و يرجعوا لطريق الله كيف فقتي نتا خاص وحداخر يفيق 🤍
