24/10/2022
السلام عليكم هي الأولى و من بعد بغيت نقول واحد الحاجة لي مهمة بزااف و هي أن الكلمات عندها واحد التاثير كبير فالحياة ديالنا و تقدر تبدل بزاف ديال الأفكار لي كاينة فعقلنا و منقدروش نحيدوها و اليوم بغيت نقوليكم راه حتى واحد ما حسن من الآخر و بالضبط كندوي على القراية و كلنا جعلنا سيدي ربي سواسية و عندنا نفس العقل و شحال من مرة كنسولو راسنا أشمن عقل عند داك السيد ولا ديك السيدة مهم القرايين راه ا خويا ولا ختي عندنا نفس العقل غير واحد الفئة كتعرف تخدموا واحد الفئة لا مكنعيقش و نقوليكم راه كنخدم عقلي و لكن ماشي من ديك الفئة لي كيعتاقدوا هاد الأفكار. مهم بزااف ديال الناس مكيحاولوش إخدموا هاد العقل و لكن كيزيدوا إحتكوا بالناس لي كتقوم على الإحباط ديالهم من جميع الجوانب و غالبا مكتكون الجمل الشهيرة ديالهم:
أنا معنديش مع ديك الحاجة
حاولت بزاف و مقدرتش
أنا مكتشوفش راسي فديك الحاجة ولا داك التخصص
و هنا يا أخي الكريم أختي الكريمة بغيت نقوليك بلي سيدي ربي مكتبش عليك تقرأ داك التخصص ولا ديك الحاجة وإلا شاف فيك أهل لذلك و نتا مؤهل و قادر وشاف فيك المسؤولية و القيادة و نتا اهل للمهمة يعني بلا متقول تقدر حيت تقدر دير غير مجهود و راه مكنقولش ليك غنجيب كلشي من الدقة الأولى ولكن حاول اش غتخسر و ديك الفكرة ديال معنديش الوقت حياها من راسك حيت الوقت كل ديالك و فبلاصت ما تبقا طالع نازل فمواقع التفاخر الإجتماعي تقدر تهز ورقة و تكتب دكشي لي نتا باغيه فحياتك و تخلي ديما الورقة قدامك و تخلي هدفك واضح وواحد الحاجة صورة ماماك و باباك خليها ديما قدامك و متنساش دكشي لي دارو و مزال كيديروا على قبلك باش تهز الشكارة و تجلس فالطاولة و تقرأ بحالك بحال الآخرين و تحملوا كاع الهضاري عليك المهم نتا تقرأ و تفرحهم و تهز ليهم رأسهم قدام الناس وفالخر تفكر الميمة الحنانة لي كتحيدها لراسها و تعطيها ليك و الشيباني الحنين لي تقوس الضهر ديالو باش نتا تستاقم هدشي خليه ديما قدامك🖐
