19/05/2026
AN FARA UPLOADING ƊIN O'LEVEL RESULTS A PORTAL ƊIN JAMB
O'Level Results Upload: na nufin ɗora sakamakon jarrabawar kammala karatun sakandire (NECO, WAEC, NBAIS, Ko NABTEB) a shafin hukumar JAMB, domin cika sharaɗin samun gurbin karatu, a kowacce daga cikin manyan makarantun ƙasar nan.
• YANZU JAMB TA BUƊE UPLOADING - ME HAKAN YAKE NUFI ?
Hakan yana nufin, dukkannin ɗaliban da s**a yi rijistar JAMB UTME 2026 ba tare da ɗora sakamakon jarrabawarsu ba (Awaiting Result) zasu iya halartar JAMB CBT Centre mafi kusa da su, ɗauke da sakamakon jarrabawar O'Level - tare da Slip ɗin JAMB, domin Uploading.
• NAWA CBT CENTRES SUKE KARƁA DOMIN UPLOADING ƊIN O'LEVEL ?
Mafi yawan Accredited JAMB CBT Centres suna karɓar Naira Dubu Ɗaya (1,000) ne domin yin Uploading.
• SAKAMAKON JARRABAWARMU BAI FITO BA (KO BAMU RUBUTA BA MA) TUKUNNA - TOH YA MATSAYINMU WAJEN YIN UPLOADING ?
Babu wata matsala, kuma wannan ba abin ɗaga hankali bane, zaku iya zuwa CBT Centre ku yi uploading ɗin - a duk lokacin da sakamakonku ya futo, domin ba a rufewa kwata-kwata, har zuwa kammala kakar admission.
• TOH IDAN ZAMU YI UPLOADING, DOLE SAI MUNJE CBT CENTRE ƊIN ?, KO ZAMU IYA TURA RESULTS ƊINMU AYI MANA ?
Dolene ku halarci JAMB CBT Centres a lokacin da za a yi muku uploading, domin a sabon tsarin da hukumar JAMB ta kawo wajibine ɗalibi yayi thumprint (biometric verification) kafin uploading ɗinsa na o'level ya hau.
• SHAWARARMU GAREKU:
Kada kuyi gaggawar yin uploading ɗin, har sai makarantun da kuke nema sun fitar da Cut-Off Mark (tunda ba a rufewa kwata-kwata), saboda a shekarun baya an sha samun matsalolin saukar results ɗin da ɗalibai s**a yi uploading da wurwuri - saboda gyaren-gyaren da JAMB ta dinga bijirowa da su.
Amma yin uploading a lokacin da makarantun da kuke nema s**a fitar da Cut-Off Mark - zai bawa sakamakon o'level ɗinku tsaro (tunda ba za a daɗeba zaku samu Admissions).
FATAN KUN AMFANA DA BAYANAN...
RUBUTAWA: Miftahu Ahmad Panda
WhatsApp - 08121124840
