SAMANFIL

SAMANFIL Contact information, map and directions, contact form, opening hours, services, ratings, photos, videos and announcements from SAMANFIL, College & University, San Jose del Monte.
(1)

Ang Samahan ng mga Mag-aaral na Nagtataguyod sa Wikang Filipino (SAMANFIL) mula sa Bulacan State University - Sarmiento Campus ay organisasyong makatutulong sa pagpapaunlad ng disiplinang Filipino.

PSST...YOOHOO, DITO ANG TINGIN! 😁Markahan na ang inyong kalendaryo at sama-sama tayong makiisa sa Gawad Parangal para sa...
21/08/2026

PSST...YOOHOO, DITO ANG TINGIN! 😁

Markahan na ang inyong kalendaryo at sama-sama tayong makiisa sa Gawad Parangal para sa mga lumahok at nakibahagi sa mga patimpalak na handog ng SAMANFIL ngayong ika-22 ng Agosto 2026, sa oras na 3:00 N.H. hanggang 5:00 N.H., sa pamamagitan ng Google Meet.

Matapos ang pagpapakita ng husay, talento, at pagkamalikhain sa pagkatha ng mga kalahok ngayong Buwan ng Wika 2026, nararapat lamang na ating kilalanin at ipagdiwang ang mga naging bahagi ng makulay na programang ito. Ngunit, kung hindi ka man nagkamit ng gantimpala sa patimpalak, ang paglahok at pakikibahagi mo ay isa na ring medalya. Dahil ang tagumpay ay hindi lang nasusukat sa sertipiko at medalya—nasusukat din ito sa kung gaano natin ibinigay ang ating makakaya para magbahagi ng kaalaman.

Hihintayin namin kayo roon, Samanpeeps! Kita-kits! 😉

✒️: Marcus Gonzaga
🎨: Dwayne Lazaca


"The Filipino is worth dying for." — Benigno "Ninoy" Aquino Jr.Sa bisa ng Batas Republika blg. 9256, itinatadhana ang ik...
20/08/2026

"The Filipino is worth dying for."
— Benigno "Ninoy" Aquino Jr.

Sa bisa ng Batas Republika blg. 9256, itinatadhana ang ika-21 ng Agosto bilang isang Special Non-Working Holiday sa buong kapuluan bilang pag-alala sa ika-43 anibersaryo ng pagkamatay ni Dating Senador Benigno "Ninoy" Aquino Jr. Ang kaniyang buhay at sakripisyo ang naging mitsa upang magising ang natutulog na diwa ng bansa at ibalik ang kalayaang ninakaw ng diktadurya.

Ito ay panahon ng pagninilay sa halaga ng demokrasyang ating tinatamasa ngayon. Ang kaniyang pag-alay ng buhay ay isang tanda na dapat tayo ay manindigan sa katotohanan at huwag hayaang mawala muli ang ating kalayaan.

Sana'y patuloy nating tuparin ang tungkuling ipagtanggol ang ating bayan—sa paraang alam natin at kaya nating gawin.🇵🇭

✒️: Allysa Avril Orande
🎨: Aidhen Nalvin Pagal


Narito na ang sagot sa ating Fun‑Diwa kahapon! 🎉 Maraming salamat sa bawat isa na naglaan ng oras at sumubok sumagot sa ...
19/08/2026

Narito na ang sagot sa ating Fun‑Diwa kahapon! 🎉

Maraming salamat sa bawat isa na naglaan ng oras at sumubok sumagot sa ating pagsusulit. Masaya kaming nakita ang inyong interes at pagmamahal sa pagkilala ng ating wikang pambansa na ayon sa ating Saligang Batas. Nawa'y nagbigay ito ng dagdag na kaalaman at kasiyahan sa inyong araw. Tingnan na lamang sa ibaba kung nakuha mo ang tamang kasagutan! 😉

Hanggang sa susunod na Fun‑Diwa na puno ng aral at saya, Samanpeeps! Patuloy nating kilalanin at mahalin ang sariling wika at pagkakakilanlan! ✨

✒️: Allysa Avril Orande
🎨: Dwayne Lazaca
🧠: Princess Geraldine Gelera



Talino sa ating wika, halina't linangin at subukin sa ating Fun‑Diwa! 🧠✨ Madalas ka rin bang malito kung ano nga ba tala...
18/08/2026

Talino sa ating wika, halina't linangin at subukin sa ating Fun‑Diwa! 🧠✨

Madalas ka rin bang malito kung ano nga ba talaga ang wikang Pambansa ayon sa ating Saligang Batas? Madalas magkaroon ng kalituhan kung alin sa mga ito ang tiyak na nakasaad sa batas. Kaya naman, dito mo na masusubok kung talagang alam mo ang tamang kasagutan! Basahin nang mabuti at piliin ang tamang sagot gamit ang mga reaksyon sa ibaba. 😉

Huwag nang patagalin pa ang pag-iisip ng sagot, ilabas mo na ang iyong galing sa ating wika! 🤓

PAALALA: Ang sagot sa ating Fun‑Diwa ay ilalabas bukas, kaya’t manatiling nakatutok! 👀

✒️: Jasmine Rose
🎨: Dwayne Lazaca
🧠: Princess Geraldine Gelera


May pithaya ka ba sa buhay? 👀✨‎‎Pamilyar ka ba sa salitang “pithaya”? Narinig mo na ba ito mula sa iba? ‎Halina’t sama-s...
17/08/2026

May pithaya ka ba sa buhay? 👀✨
‎
‎Pamilyar ka ba sa salitang “pithaya”? Narinig mo na ba ito mula sa iba? ‎Halina’t sama-sama nating tuklasin ang kahulugan at lalim ng salitang ito.
‎
‎Bilang tao, ang bawat isa sa atin ay may pithaya—mga bagay na nais nating makamit. Ito ang nagsisilbing gabay natin upang patuloy tayong mangarap, magsikap, at makilala ang ating sarili sa bawat hakbang ng buhay.
‎
Kaya ngayon, maaari ka bang magkomento ng iyong pithaya? At nawa'y matupad mo ito! Padayon, Samanpeeps! ✨🌻

✒️: Ezekiel Daya
🎨: Rhyza Leih Tolo
🧠: Princess Geraldine Gelera



MALIGAYANG ANIBERSARYO, LALAWIGAN NG BULACAN! ✨ Ngayong ika-15 ng Agosto, ipinagdiriwang natin ang ika-448 na anibersary...
15/08/2026

MALIGAYANG ANIBERSARYO, LALAWIGAN NG BULACAN! ✨

Ngayong ika-15 ng Agosto, ipinagdiriwang natin ang ika-448 na anibersaryo ng makasaysayang pagkatatag sa Lalawigan ng Bulacan. Sa bisa ng Proklamasyon No. 968, itinalaga itong Special Non-Working Holiday bilang pagkilala at buong-pusong pakikiisa sa selebrasyon. Mayaman ito sa kasaysayan, kultura, at mga bayaning nag-alay ng dangal at kalayaan para sa ating bansa.

Kaya naman, bilang mga Bulakenyong nagmamahal sa sariling atin, ingatan at itaguyod natin ang kasaysayan at adhikain ng ating bayan. Pagkakaisa at pagmamahal natin ang magsisilbing lakas upang mas lalo pa itong umunlad at magtagumpay. Isang puso, isang hangarin—pagsulong para sa mas maunlad na Bulacan na ating minamahal. ✨

MABUHAY ANG BULAKENYO! MABUHAY ANG BULACAN! 🇵🇭✊🏻

✒️: Allysa Avril Orande
🎨: Marcus Gonzaga


14/08/2026

KUMUSTA O KAMUSTA? HMM... DEPENDE KUNG 3 'YAN! MALIIII! WKWKWKWKW 🤣

Madalas natin itong gamitin sa bawat pagkikita, pagbubukas ng usapan, at sa bawat pagbati sa ating kapuwa. Ngunit, gaano ba talaga natin ito kilala? 🤔✨

Sa likod ng salitang ating binibigkas ay may nakatagong kasaysayan, kuwento ng pagtanggap, at paghubog ng ating sariling pagkakakilanlan bilang mga Pilipino. Akala natin ay simpleng salita lang ito, ngunit may mas malalim pa pala itong pinagmulan na nagpapakita kung paano nabuo at lumago ang ating wika sa paglipas ng panahon. Handa ka na bang malaman at tuklasin ang tungkol sa ating paboritong pagbati? 😁

Kung oo... ano, tara? Tara na, Samanpeeps! Kilalanin natin ang tunay na kuwento at tamang gamit nito mula sa bagong trivia video na hatid ng SAMANFIL, na inyong kasama sa pagtuklas, pagpapahalaga, at pagmamahal sa ating sariling wika! 📚✨

✒️: Marian Joyce Ariola
🎥: Adrian Hernane
🎨: Maridel Joy Cuanilo, at Aidhen Nalvin Pagal
🧠: Jenaica Andrea Magaan



Tinig ng Wika, Tula ng Diwa. ✨Bawat salitang nabubuo ay may dalang damdamin na naghihintay na marinig. Iparating ang nil...
12/08/2026

Tinig ng Wika, Tula ng Diwa. ✨

Bawat salitang nabubuo ay may dalang damdamin na naghihintay na marinig. Iparating ang nilalaman ng iyong puso na nakalaan para sa sining ng Spoken Word Poetry. Gaganapin ito ngayong darating na ika-13 ng Agosto. Huwag nang hayaang manatili lamang sa papel ang iyong kuwento at pananaw. 😉

Lahat ng iyong nais sabihin ay may puwang at halaga rito, maliit man o malaki ang iyong karanasan. Ihanda na ang sarili, at buong lakas-loob na ibahagi ang iyong talento. Siguradong hindi lamang galing ang lilitaw kundi pati na rin ang ganda ng iyong kaisipan. 💖

Para sa panuntunan at pamantayan sa pagmamarka, mangyaring basahin lamang ang dokumentong nasa loob ng link na ito:
‎🔗: ‎https://drive.google.com/drive/folders/1mmSfyCoOvfow8yoR9ZdHy-_gbAsg67uN

Upang maging opisyal na kalahok sa aktibidad, sagutan lamang ang google form link na ito:
‎🔗: https://forms.gle/CgU39u1RGN3rUm2z9

Matapos sagutan ang google form, mangyaring sumali sa gc link sa ibaba:

Spoken Word Poetry: https://m.me/j/AbYkLrKXUG3OTXWv/?send_source=gc%3Acopy_invite_link_t

Halina't maging bahagi upang isigaw ang iyong diwa at maipagmalaki ang ating wika! 📜🗣️

✒️: Allysa Avril Orande
🎨: Dwayne Lazaca


SAMANPEEPS, TARA NA’T IPAKITA ANG DIWA NG WIKA SA PAGSULAT NG IYONG KATHA! ✍🏻✨Sa sining ng mga salita, parirala, at pan...
12/08/2026

SAMANPEEPS, TARA NA’T IPAKITA ANG DIWA NG WIKA SA PAGSULAT NG IYONG KATHA! ✍🏻✨

Sa sining ng mga salita, parirala, at pangungusap ay kaakibat nito ang pagsulong sa wikang Filipino. Ngayong Buwan ng Wika, isa sa mga handog ng SAMANFIL ang patimpalak sa pagsulat ng tula at sanaysay. Kaya’t huwag nang magpatumpik-tumpik pa—ipamalas na ang galing at linangin ang kasanayan. Naghihintay na ang kompetisyon sa inyong malugod na paglahok! 🤩
‎
‎Para sa panuntunan at pamantayan sa pagmamarka, mangyaring basahin lamang ang dokumentong nasa loob ng link na ito:
‎??: https://drive.google.com/drive/folders/1mmSfyCoOvfow8yoR9ZdHy-_gbAsg67uN

Upang maging opisyal na kalahok sa aktibidad, sagutan lamang ang google form link na ito:
‎🔗: https://forms.gle/CgU39u1RGN3rUm2z9

Matapos sagutan ang google form, mangyaring sumali sa gc link sa ibaba:

Pagsulat ng Tula:
https://m.me/j/AbaYJNgMOX7IVSrj/?send_source=gc%3Acopy_invite_link_t

Pagsulat ng Sanaysay:
https://m.me/j/AbbOM-j5xMQ4Atjl/?send_source=gc%3Acopy_invite_link_t
‎
IHANDA NA ANG INYONG SARILI, PARA SA PAGSULAT NG TULA AT SANAYSAY! SALI NA! 😉🙌🏻

✒️: Jacob Cyrus Badulis
🎨: Erica Mae Compracion



Isang makabuluhang hakbang tungo sa pagkakaisa at paglilingkod sa bayan! ✊🇵🇭Matagumpay na idinaos ng organisasyong Young...
10/08/2026

Isang makabuluhang hakbang tungo sa pagkakaisa at paglilingkod sa bayan! ✊🇵🇭

Matagumpay na idinaos ng organisasyong Young Ones Movement ang Regional Launching o panrelihiyong paglulunsad sa Heroes Hall, San Fernando, Pampanga, mula 2:00 N.H. hanggang 7:00 N.G., ngayong ika-8 ng Agosto.

Nagtipon ang mga kinatawan mula sa Bataan, Bulacan, Nueva Ecija, Pampanga, Tarlac, at Zambales, kasama ang mga miyembro ng organisasyong SAMANFIL na buong-pusong nakiisa sa layunin ng aktibidad. Pinangunahan naman ni Pangulo Venerando Bajado ang mga boluntaryo bilang Panrehiyong Direktor sa Bulacan at mobilisasyon ng Young Ones Movement. Higit pa rito, pinasigla pa lalo ang pagtitipon dahil sa pagdalo ni Senador Risa Hontiveros, na siyang naging panauhing pandangal at inspirasyon sa lahat.

Sa ganitong pagkakaisa, mas lalong tumibay ang ugnayan at nabigyang tuon ang hangaring maglingkod para sa nakararami. Pinatutunayan nito na ang bawat isa, kabilang ang mga kasapi ng Young Ones Movement ay may mahalagang ambag sa pag-unlad at pagtataguyod ng ating lipunan. Tunay na naging makabuluhan at puno ng pag-asa ang bawat sandali ng pagtutulungan sa nasabing pagtitipon.

Patuloy tayong magkaisa at magtulungan tungo sa mas maunlad na kinabukasan ng ating bayan! ✨

✒️: Allysa Avril Orande
🎨: Dwayne Lazaca



Address

San Jose Del Monte

Website

Alerts

Be the first to know and let us send you an email when SAMANFIL posts news and promotions. Your email address will not be used for any other purpose, and you can unsubscribe at any time.

Contact The University

Send a message to SAMANFIL:

Shortcuts

Share

Category