SLSU T.O - Kapisanan ng Filipino

31/08/2026

𝐀𝐫𝐚𝐰 𝐧𝐠 𝐦𝐠𝐚 𝐁𝐚𝐲𝐚𝐧𝐢 | 𝐀𝐠𝐨𝐬𝐭𝐨 𝟑𝟏, 𝟐𝟎𝟐𝟔

Kagaya ng ating mga magigiting na bayani, nawa’y mamayani sa ating puso’t isipan ang paninindigan para sa katotohanan, katarungan, at kabutihan para sa ating bansa at lipunan.

Nawa’y maging bayani rin tayo sa ating sariling paraan. Sapamamagitan ng pagtindig laban sa katiwalian at kawalang-katarungan, at sa paggamit ng ating tinig para sa tama.

𝑷𝒂𝒌𝒂𝒕𝒂𝒕𝒂𝒏𝒅𝒂𝒂𝒏 𝒏𝒂𝒕𝒊𝒏 𝒂𝒏𝒈 𝒂𝒏𝒈 𝒌𝒂𝒃𝒂𝒚𝒂𝒏𝒊𝒉𝒂𝒏 𝒏𝒊𝒍𝒂 𝒂𝒚 𝒉𝒊𝒏𝒅𝒊 𝒍𝒂𝒏𝒈 𝒅𝒂𝒑𝒂𝒕 𝒊𝒏𝒂𝒂𝒍𝒂𝒍𝒂, 𝒌𝒖𝒏𝒅𝒊 𝒊𝒔𝒊𝒏𝒂𝒔𝒂𝒃𝒖𝒉𝒂𝒚 𝒅𝒊𝒏.

𝐀𝐫𝐚𝐰 𝐧𝐠 𝐦𝐠𝐚 𝐁𝐚𝐲𝐚𝐧𝐢 | Pagpupugay sa mga bayaning nagbigay-daan sa ating kalayaan at pagkakakilanlan bilang isang bansa. Habang inaalala natin ang kanilang mga sakripisyo, nawa’y maging inspirasyon sila upang gawin ang tama at gampanan ang ating mga tungkulin nang may integridad.

Sa isang mundong higit na konektado sa pamamagitan ng teknolohiya, kung saan ang bawat salita, kilos, at desisyon ay may kakayahang makaapekto at makaimpluwensya sa iba, nawa’y gamitin natin ang mga pagkakataong ito nang may responsibilidad at malasakit. Sa paggawa ng mabuti, pagpapalaganap ng tamang impormasyon, at pag-aambag sa ikabubuti ng ating komunidad, naipagpapatuloy natin ang diwa ng kabayanihan sa makabagong panahon.

Sapagkat ang kabayanihan ay hindi lamang alaala ng nakaraan, kundi isang pagpapahalagang patuloy na isinasabuhay para sa bayan at sa mga susunod na henerasyon.

29/08/2026

Ngayong araw, buong pusong bumabati ang Kapisanan ng Filipino sa aming minamahal na tagapayo, Dr. Raniel G. Aninapon!! 🎂

Maraming salamat po, sir, sa palagi ninyong paggabay, pag-unawa, at suporta sa amin. Sa bawat gawain at proyekto ng KanFil, lagi kayong nandiyan upang magbigay ng payo, tumulong, at maniwala sa aming mga kakayahan. Nawa'y maging kasing saya at makabuluhan ng inyong mga naibabahagi sa amin ang araw na ito. Hiling namin ang patuloy na mabuting kalusugan, maraming biyaya, tagumpay, at masasayang sandali kasama ang mga taong mahalaga sa inyo.

Maligayang kaarawan po, Dr. Raniel! Salamat sa pagiging aming gabay at sa pagiging bahagi ng aming pamilyang KanFil. Mahal po namin kayo!

Mabuhay po kayo! 🎉

26/08/2026

𝐏𝐚𝐬𝐢𝐤𝐥𝐚𝐛𝐚𝐧 𝐧𝐢 𝐓𝐨𝐦𝐚𝐬 𝟑.𝟎 | 𝐀𝐠𝐨𝐬𝐭𝐨 𝟐𝟔, 𝟐𝟎𝟐𝟔

Ang taunang 𝐏𝐚𝐬𝐢𝐤𝐥𝐚𝐛𝐚𝐧 𝐧𝐢 𝐓𝐨𝐦𝐚𝐬 𝟑.𝟎 ay muling nagbalik sa taong ito nang mas mainit at may siklab. Nilahokan ito ng iba’t ibang akademikong organisasyon ng 𝘚𝘰𝘶𝘵𝘩𝘦𝘳𝘯 𝘓𝘦𝘺𝘵𝘦 𝘚𝘵𝘢𝘵𝘦 𝘜𝘯𝘪𝘷𝘦𝘳𝘴𝘪𝘵𝘺 - 𝘛𝘰𝘮𝘢𝘴 𝘖𝘱𝘱𝘶𝘴 𝘊𝘢𝘮𝘱𝘶𝘴.

Kabilang sa mga dumalo ay ang 𝙔𝙤𝙪𝙣𝙜 𝙀𝙣𝙩𝙧𝙚𝙥𝙧𝙚𝙣𝙚𝙪𝙧'𝙨 𝙎𝙤𝙘𝙞𝙚𝙩𝙮 (𝙔.𝙀.𝙎.), 𝙀𝙡𝙚𝙢𝙚𝙣𝙩𝙖𝙧𝙮 𝙀𝙙𝙪𝙘𝙖𝙩𝙤𝙧'𝙨 𝘾𝙡𝙪𝙗, 𝙎𝙤𝙘𝙞𝙖𝙡 𝙎𝙘𝙞𝙚𝙣𝙘𝙚 𝙆𝙖𝙗𝙖𝙣𝙖𝙮 𝙎𝙤𝙘𝙞𝙚𝙩𝙮 (𝙎𝙎𝙆𝙎), 𝙎𝙘𝙞𝙈𝙖𝙎𝙤𝙘, 𝙇𝙖𝙗𝙤𝙧𝙖𝙩𝙤𝙧𝙮 𝙃𝙞𝙜𝙝 𝙎𝙘𝙝𝙤𝙤𝙡 (𝙇𝙃𝙎), 𝙏𝙝𝙚 𝙄𝙣𝙛𝙞𝙣𝙞𝙩𝙚𝙨, 𝙃𝙪𝙢𝙖𝙣 𝙆𝙞𝙣𝙚𝙩𝙞𝙘𝙨 𝙎𝙤𝙘𝙞𝙚𝙩𝙮 (𝙃𝙪𝙆𝙞𝙎𝙤), at 𝙀𝙣𝙜𝙡𝙞𝙨𝙝 𝘾𝙞𝙧𝙘𝙡𝙚.

Ipinamalas ng bawat organisasyon ang kanilang natatangi at makabuluhang pagtatanghal sa malikhaing paraan.

Sa taong ito, ang panalo ay ang 𝐇𝐮𝐦𝐚𝐧 𝐊𝐢𝐧𝐞𝐭𝐢𝐜𝐬 𝐒𝐨𝐜𝐢𝐞𝐭𝐲 (𝐇𝐮𝐊𝐢𝐒𝐨) sa ikatlong pagkakataon, sinundan sila ng 𝐄𝐧𝐠𝐥𝐢𝐬𝐡 𝐂𝐢𝐫𝐜𝐥𝐞, at 𝐋𝐚𝐛𝐨𝐫𝐚𝐭𝐨𝐫𝐲 𝐇𝐢𝐠𝐡 𝐒𝐜𝐡𝐨𝐨𝐥 (𝐋𝐇𝐒).

𝑷𝒂𝒕𝒖𝒏𝒂𝒚 𝒍𝒂𝒎𝒂𝒏𝒈 𝒏𝒂 𝒂𝒏𝒈 𝒘𝒊𝒌𝒂, 𝒕𝒂𝒍𝒆𝒏𝒕𝒐, 𝒂𝒕 𝒌𝒖𝒍𝒕𝒖𝒓𝒂𝒏𝒈 𝑷𝒊𝒍𝒊𝒑𝒊𝒏𝒐 𝒂𝒚 𝒉𝒊𝒏𝒅𝒊 𝒍𝒂𝒎𝒂𝒏𝒈 𝒌𝒂𝒎𝒂𝒉𝒂𝒍-𝒎𝒂𝒉𝒂𝒍 𝒂𝒕 𝒏𝒂𝒕𝒂𝒕𝒂𝒏𝒈𝒊, 𝒌𝒖𝒏𝒅𝒊 𝒎𝒂𝒊𝒑𝒂𝒈𝒎𝒂𝒎𝒂𝒍𝒂𝒌𝒊 𝒓𝒊𝒏.

.0

26/08/2026

𝐈𝐧𝐭𝐞𝐫-𝐇𝐢𝐠𝐡 𝐒𝐜𝐡𝐨𝐨𝐥 𝐚𝐭 𝐈𝐧𝐭𝐞𝐫-𝐂𝐨𝐥𝐥𝐞𝐠𝐢𝐚𝐭𝐞 𝐂𝐨𝐦𝐩𝐞𝐭𝐢𝐭𝐢𝐨𝐧 | 𝐀𝐠𝐨𝐬𝐭𝐨 𝟐𝟔, 𝟐𝟎𝟐𝟔

Ginanap kanina sa 𝘔𝘪𝘯𝘪-𝘛𝘩𝘦𝘢𝘵𝘦𝘳 ng 𝘚𝘰𝘶𝘵𝘩𝘦𝘳𝘯 𝘓𝘦𝘺𝘵𝘦 𝘚𝘵𝘢𝘵𝘦 𝘜𝘯𝘪𝘷𝘦𝘳𝘴𝘪𝘵𝘺 - 𝘛𝘰𝘮𝘢𝘴 𝘖𝘱𝘱𝘶𝘴 𝘊𝘢𝘮𝘱𝘶𝘴 ang isang natatanging patimpalak sa 𝙌𝙪𝙞𝙯 𝘽𝙚𝙚 para sa High School Category, at 𝙏𝙖𝙡𝙪𝙢𝙥𝙖𝙩𝙞 at 𝙋𝙖𝙜𝙥𝙖𝙥𝙖𝙠𝙞𝙩𝙖𝙣𝙜-𝙏𝙪𝙧𝙤 naman para sa College Category.

Ang aktibidad ay dinaluhan ng mga kalahok mula sa iba’t ibang paaralan at pamantasan ng Southern Leyte. Kabilang na rito ang 𝑺𝒐𝒖𝒕𝒉𝒆𝒓𝒏 𝑳𝒆𝒚𝒕𝒆 𝑺𝒕𝒂𝒕𝒆 𝑼𝒏𝒊𝒗𝒆𝒓𝒔𝒊𝒕𝒚 - 𝑻𝒐𝒎𝒂𝒔 𝑶𝒑𝒑𝒖𝒔 𝑪𝒂𝒎𝒑𝒖𝒔, 𝑺𝒂𝒊𝒏𝒕 𝑱𝒐𝒔𝒆𝒑𝒉 𝑪𝒐𝒍𝒍𝒆𝒈𝒆, at 𝑺𝒕𝒐. 𝑵𝒊ñ𝒐 𝑨𝒄𝒂𝒅𝒆𝒎𝒚.

𝙈𝙖𝙗𝙪𝙝𝙖𝙮 𝙖𝙣𝙜 𝙒𝙞𝙠𝙖𝙣𝙜 𝙁𝙞𝙡𝙞𝙥𝙞𝙣𝙤!

24/08/2026

𝐒𝐞𝐫𝐞𝐦𝐨𝐧𝐲𝐚 𝐧𝐠 𝐏𝐚𝐠𝐭𝐚𝐭𝐚𝐚𝐬 𝐧𝐠 𝐖𝐚𝐭𝐚𝐰𝐚𝐭 | 𝐀𝐠𝐨𝐬𝐭𝐨 𝟐𝟒, 𝟐𝟎𝟐𝟔 🇵🇭

Sa bawat marangal na pagtaas ng watawat, ipinapamalas natin ang pagkakaisa, paggalang sa ating mga simbolo ng bansa, at pagpapahalaga sa diwa ng pagiging makabayan.

Nawa’y magsilbing paalala ang seremonyang ito na ang pagmamahal sa bayan ay naipapakita sa pamamagitan ng disiplina, pagkakaisa, at tapat na paglilingkod sa kapwa at sa bayan.

𝑴𝒂𝒃𝒖𝒉𝒂𝒚 𝒂𝒏𝒈 𝒅𝒊𝒘𝒂𝒏𝒈 𝒎𝒂𝒌𝒂𝒃𝒂𝒚𝒂𝒏! 🇵🇭

16/08/2026

14/08/2026

🎉 PAKIGHIMAMAT 2026 🤝

Mainit na tinanggap ng Kapisanan ng Filipino ang mga bagong kasapi sa idinaos na Pakighimamat 2026 noong Agosto 13, 2026. Isinagawa ang gawaing ito upang palakasin ang ugnayan ng mga mag-aaral at g**o sa pamamagitan ng isang masaya at makabuluhang pagtitipon.

Nagsimula ang programa sa pagpapakilala ng mga mag-aaral mula una hanggang ikaapat na taon, kasama ang mga g**o, na nagsilbing pagkakataon upang higit na makilala ang bawat isa. Sinundan ito ng isang munting salu-salo, kung saan sabay-sabay na nagsalo ang lahat sa loob ng silid-aralan bilang simbolo ng pagkakaisa at pagbabahaginan.

Matapos ang salu-salo, naging tampok ang mga interaktibong laro na naghatid ng tawanan, sigla, at diwa ng pagtutulungan sa bawat grupo.

Bilang pagtatapos ng programa, ipinamahagi ang mga munting handog para sa mga bagong kasapi, iginawad ang mga gantimpala sa mga nanalong grupo, at nagsama-sama ang lahat para sa pagkuha ng mga larawang panggunita bilang pag-alala sa matagumpay na Pakighimamat 2026.

Maligayang pagdating sa pamilya ng Kapisanan ng Filipino! 🌿

14/08/2026

🧹 School Clean-Up Drive 2026

Sa diwa ng bayanihan at pagmamalasakit sa ating pamantasan, matagumpay na nakiisa ang Kapisanan ng Filipino sa School Clean-Up Drive na ginanap sa Graduate School noong Agosto 11, 2026.

Ang bawat walis, bawat pagpulot, at bawat pagtutulungan ay patunay na ang malinis na kapaligiran ay bunga ng sama-samang pagkilos. Maraming salamat sa lahat ng nakiisa at naglaan ng oras upang maging bahagi ng gawaing ito.

12/08/2026

Matagumpay na isinagawa ng Kapisanan ng Filipino (KanFil) ang seremonya ng pagbubukas ng Buwan ng Wika 2026 noong Lunes, Agosto 10, sa SLSU–TO Covered Court, na may temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Dinaluhan ang makabuluhang pagdiriwang ng mga opisyal ng pamantasan, mga g**o, kawani, at mga mag-aaral ng Southern Leyte State University–Tomas Oppus Campus (SLSU–TO). Layunin ng programa na higit na mapalalim ang pagpapahalaga sa wikang Filipino, kultura, at pagkakakilanlang Pilipino, kasabay ng pagkilala sa mahalagang papel ng makabagong teknolohiya sa larangan ng edukasyon at pananaliksik.

Tampok sa unang bahagi ng programa ang masiglang pambungad na sayaw na inihandog ng mga kasapi ng Kapisanan ng Filipino. Sa pamamagitan ng kanilang pagtatanghal, naging makulay at masigla ang pagsisimula ng pagdiriwang.

Isa rin sa tampok na gawain ang “Parada ng Kasuotan,” na nagbigay-diin sa yaman at pagkakaiba-iba ng kasuotang Pilipino. Sinundan ito ng Paggawad ng Pinakamagandang Kasuotang Pambansa para sa tatlong kategorya—Guro, Kawani ng Administrasyon, at Mag-aaral—na pinangunahan ng Tagapayo ng Kapisanan ng Filipino.

Kinilala ang mga nagwagi hindi lamang dahil sa kaaya-ayang kasuotan, kundi higit sa lahat, dahil sa pagpapakita nila ng pagmamalaki, pagpapahalaga, at patuloy na pag-iingat at pagpapayaman sa mga tradisyong bahagi ng ating pambansang pagkakakilanlan.

Ang pagbubukas ng Buwan ng Wika 2026 sa SLSU–TO ay hindi lamang pagdiriwang ng wikang Filipino at kulturang Pilipino. Higit pa rito, nagsisilbi itong paalala na ang wika ay patuloy na umuunlad kasabay ng pagbabago ng panahon. Sa pagpasok ng artificial intelligence (AI) sa larangan ng edukasyon at pananaliksik. Patuloy na isinusulong ng Kapisanan ng Filipino ang isang pamayanang akademiko na hindi lamang marunong gumamit ng makabagong kasangkapan, kundi marunong ding pahalagahan ang sariling wika bilang tulay tungo sa kaalaman, pagkakakilanlan, at yaman ng impormasyon.

Sa pagtatapos ng programa, Hinimok ang lahat na makilahok at aktibong makibahagi sa sumusunod pang gawain bilang bahagi ng Buwan ng Wika 2026, upang higit pang mapalalim ang pagpapahalaga at pagmamahal sa sariling wika at kultura.

07/08/2026

🇵🇭✨PARADA NG MGA KASUOTAN 2026✨🇵🇭

Bilang pagsalubong sa pagbubukas ng Buwan ng Wika 2026, inaanyayahan ang mga estudyante at faculty ng Southern Leyte State University – Tomas Oppus Campus na makiisa sa Parada ng mga Kasuotan ngayong Lunes, Agosto 10.

Isuot ang ating Barong Tagalog at Filipiniana at sama-sama nating ipamalas ang ganda at yaman ng ating kultura, wika, at pagkakakilanlang Filipino. 🇵🇭✨

Makiisa sa parada. Isuot ang kultura. Ipagmalaki ang pagka-Filipino!

🌾Sa makabagong panahon, patuloy nating buhayin at ipagmalaki ang wikang Filipino bilang tulay sa yaman ng impormasyon at salamin ng ating pagkakakilanlan.

“Wikang Filipino at AI: Kasangkapan sa Pananaliksik at Tulay sa Yaman ng Impormasyon”