18/08/2023
IN PAG-ISTIGHFAR KUNSI SIN KAHANUNG
SARTA' LAWANG DAKULA' SIN HIKA-UGTUNG SIN LIDJIKI
_____________________
عَنِ ابْنِ عَبَّاسٍ، أَنَّهُ حَدَّثَهُ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «مَنْ لَزِمَ الِاسْتِغْفَارَ، جَعَلَ اللَّهُ لَهُ مِنْ كُلِّ ضِيقٍ مَخْرَجًا، وَمِنْ كُلِّ هَمٍّ فَرَجًا، وَرَزَقَهُ مِنْ حَيْثُ لَا يَحْتَسِبُ»
مصدر: مختصر سنن أبي داود
Nag-sabda in Rasulullah (sallallahu alayhi wasallam):
"Hisiyu² in tutugan niya (madaran siya) mag-istighfar , na hinangan siya sin Allahu ta'ala daing ha tyap² kasigpitan niya tampat lalabayan (guguwa'an),
iban daing ha tyap² kasusahan niya paratungan siya kahanung (kahayang) ,
sarta' lidjiki'an pa siya daing ha tiranan wala' niya na-huna² (naimangkan).
[Kitab: mukhtasar Sunan Abi Dāud]
_____________________
✓ In ma'na sin AL-ISTIGHFAR - amuna in pagpangayuh ka'ampunan pa Allahu ta'ala ha unu² na pardusahan atawakan kasa'an amuin nahinang sin hambu'uk iypun .
_____________________
✓ daing ha mga kalimat amuin pag-usalun ha pag-istighfar :
"استغفر اللَّهَ وَأَتُوبُ إليه"
Astaghfirullah wa atuwbu ilayhi
- "رب اغْفِرْ لِي وَتُب علي" .
Rabbigh-firliy wa tub àlayya
- "أستغفر اللَّهَ الَّذِي لَا إلَهَ إلَّا هُوَ الْحَيُّ الْقَيُّومُ وَأَتُوبُ إليه" .
Astaghfirullah alladzi Laa ilāha illa huwal-hayyul Qayyūmu wa atūbu ilayhi
- "استغفر اللَّه سُبْحَانَ اللَّهِ وبحمده" .
Astaghfirullah , subhanAllah wa bihamdihi
__________________
NOTE:
In Nabi natu' Muhammad (sallallahu alayhi wasallam) ha sakahaba' adlaw dih na mgbawa' daing ha 70x pa 100x (times) in pagbassahun niya istighfar adlaw².
__________________
Mura²han damayan isab in kitaniyu katan
dihilan tawfiq iban hidayah sin Allahu ta'ala mgpataud sin ammal- ibadat natuh lamud na ddtu in pag-istighfar adlaw² ha salugay sin kabuhi' natuh .
Amiin Ya Rabbal -àlamin ..... 🙏
