25/05/2026
الوداعی تقریب 2026، سپیریئر کالج فتح جنگ، اپنے اندر بے شمار خوبصورت یادیں، جذبات اور کامیابیوں کی ایک روشن داستان سمیٹے ہوئے تھی۔ اس سال رخصت ہونے والی سیکنڈ ایئر کلاس نے نہ صرف تعلیمی میدان میں شاندار کامیابیاں حاصل کیں بلکہ پورے سال ادارے کے نظم و ضبط، وقار اور روایات کو بھی بھرپور انداز میں برقرار رکھا۔ کالج کی ہر تعلیمی، ہم نصابی اور تفریحی سرگرمی میں اس کلاس نے بھرپور شرکت کی اور اپنی صلاحیتوں، اعتماد اور بہترین کردار سے ہر موقع پر ادارے کا نام روشن کیا۔
خصوصاً راولپنڈی بورڈ کے پارٹ ون امتحانات میں بوائز اور گرلز دونوں کی پہلی پوزیشن حاصل کرنا طلبہ کی غیر معمولی صلاحیتوں، اساتذہ کی محنت و بہترین رہنمائی اور ادارے کے اعلیٰ تعلیمی ماحول کا واضح مظہر ہے۔ یہ کامیابی نہ صرف اس کلاس بلکہ پورے ادارے کے لیے باعثِ فخر اور اعزاز ہے۔
آج کی اس الوداعی تقریب میں جہاں طلبہ نے اپنی خوبصورت یادوں کو تازہ کیا، وہیں ادارے کے ساتھ اپنی وابستگی، محبت اور احترام کے جذبات کا بھی بھرپور اظہار کیا۔ ان طلبہ نے ہمیشہ اساتذہ کے احترام، نظم و ضبط اور ادارے کی عزت و وقار کو مقدم رکھا، اور یہی خوبیاں انہیں ایک یادگار کلاس بناتی ہیں۔ یقیناً یہ طلبہ اپنے ساتھ ادارے کی بے شمار حسین یادیں لے کر جا رہے ہیں، جبکہ ادارہ بھی ان کی شائستگی، کامیابیوں اور مثبت کردار کو ہمیشہ یاد رکھے گا۔
ہمیں پورا یقین ہے کہ یہ باصلاحیت طلبہ اپنی آئندہ زندگی میں مزید کامیابیاں حاصل کریں گے، اپنے والدین، اپنے علاقے اور اپنے ادارے کے لیے فخر کا باعث بنیں گے اور ہر میدان میں اپنی صلاحیتوں کا لوہا منوائیں گے۔ دعا ہے کہ اللہ تعالیٰ انہیں زندگی کے ہر مرحلے میں کامیابی، عزت، خوشیاں اور آسانیاں عطا فرمائے اور انہیں ہمیشہ ترقی و کامرانی کی راہوں پر گامزن رکھے۔ امین
