15/05/2026
جامعہ کوہاٹ کے 15ویں کانووکیشن کے موقع پر ڈیپارٹمنٹ آف اسلامک سٹڈیز کی جانب سے کامیاب طلبہ و طالبات کو دلی مبارکباد پیش کی گئی۔ اس پُروقار تقریب میں مختلف شعبہ جات کے 800 طلبہ و طالبات کو ڈگریاں تفویض کی گئیں، جن میں بی ایس، ایم فل/ایم ایس اور پی ایچ ڈی پروگرامز شامل تھے۔
تقریب کے مہمانِ خصوصی خیبر پختونخوا کے وزیر برائے اعلیٰ تعلیم مینا خان آفریدی تھے، جبکہ اعلیٰ حکام، معزز مہمانان، اساتذہ کرام، والدین اور مختلف شعبہ ہائے زندگی سے تعلق رکھنے والے افراد نے بھرپور شرکت کی۔
ڈاکٹر قاضی عبدالمنان، چیئرپرسن ڈیپارٹمنٹ آف اسلامک سٹڈیز نے اس موقع پر اپنے ڈیپارٹمنٹ کے گریجویٹس سے ملاقات کی اور پیغام دیتے ہوئے کہا کہ:
"کانووکیشن کسی بھی طالب علم کی تعلیمی زندگی کا ایک اہم سنگِ میل ہوتا ہے۔ ہمیں اپنے طلبہ و طالبات کی کامیابیوں پر فخر ہے۔ امید ہے کہ یہ گریجویٹس علم، تحقیق، اخلاق اور کردار کے میدان میں اپنی جامعہ اور ملک کا نام روشن کریں گے۔” مزید ان کا کہنا تھا کہ ڈیپارٹمنٹ آف اسلامک سٹڈیز جامعہ کوہاٹ معیاری تعلیم، تحقیق اور اسلامی فکر کے فروغ کے لیے مسلسل کوشاں ہے، اور طلبہ کی علمی و اخلاقی تربیت کو اپنی اولین ترجیح سمجھتا ہے۔چیرپرسن نے وائس چانسلر صاحب کا بھی شکریہ ادا کیا کہ ایک بہترین اور منظم طریقے سے کانوکیشن کو منعقد کرایا
کانووکیشن کے اختتام پر تمام کامیاب گریجویٹس کو مبارکباد پیش کی گئی اور ان کے روشن مستقبل کے لیے نیک تمناؤں کا اظہار کیا گیا۔
