19/05/2026
!الوداع پیارے بیٹے
العلیم ہائر سیکنڈری سکول بستی شاہ گل محمد کے کلاس سیکنڈ ایئر کے پیارے اور قابلِ فخر طلباء! 🌸
آج جب آپ اپنی تعلیمی زندگی کے ایک خوبصورت مرحلے کو مکمل کر کے نئے سفر کی طرف بڑھ رہے ہیں تو دل عجیب سی خوشی اور اداسی دونوں محسوس کر رہا ہے۔ خوشی اس بات کی کہ ہمارے یہ ہونہار طلباء اب زندگی کے بڑے میدانوں میں اپنے خواب پورے کرنے کے لیے قدم بڑھا رہے ہیں، اور اداسی اس بات کی کہ سکول کی وہ رونقیں، وہ کلاس رومز کی باتیں، وہ شرارتیں، وہ قہقہے اور وہ روزانہ کی ملاقاتیں اب یادوں کا حصہ بن جائیں گی۔
آپ سب نے اس ادارے کی فضا کو اپنی محنت، اخلاق اور خوبصورت انداز سے ہمیشہ زندہ رکھا۔ ایک استاد کے لیے اس سے بڑا فخر اور کیا ہو سکتا ہے کہ اس کے شاگرد زندگی میں آگے بڑھیں، کامیاب ہوں اور اپنے کردار سے معاشرے میں اچھی پہچان بنائیں۔
یاد رکھیں! کامیابی صرف اچھے نمبروں کا نام نہیں بلکہ اچھے اخلاق، سچائی، احترام اور انسانیت کا نام بھی ہے۔ جہاں بھی جائیں اپنے والدین، اساتذہ اور اپنے ادارے کا نام روشن کریں۔ مشکلات آئیں تو ہمت نہ ہارنا، کیونکہ محنت کرنے والے لوگ ایک دن ضرور کامیاب ہوتے ہیں۔
دعا ہے کہ اللہ تعالیٰ آپ سب کو زندگی کے ہر امتحان میں کامیابی عطا فرمائے، آپ کے نصیب روشن کرے، آپ کو علم و عمل کی بلندیوں تک پہنچائے اور ہمیشہ خوش و سلامت رکھے۔ آمین
آپ کا ہمیشہ اس ادارہ اور اپنے اساتذہ کرام کے دلوں میں ایک خاص مقام رہے گا۔
