12/03/2026
آج انصاف سٹوڈنٹس فیڈریشن سرحد یونیورسٹی پشاور کی جانب سے افطار ڈنر کا اہتمام کیا گیا، جس میں آئی ایس ایف ضلع پشاور کے مختلف یونٹس کے عہدیداران اور کارکنان نے شرکت کی۔ اس موقع پر انصاف سٹوڈنٹس فیڈریشن اقراء نیشنل یونیورسٹی کے نوجوانوں کو بھی خصوصی طور پر مدعو کیا گیا تھا۔
اقراء نیشنل یونیورسٹی کی جانب سے یہ ٹیم عامر خان کی نگرانی میں شریک ہوئی، جس میں انصاف سٹوڈنٹس فیڈریشن اقراء نیشنل یونیورسٹی کے سابق صدر عامر خان چمکنی، سابق چیئرمین ارسلان خان، سابق سوشل میڈیا سیکرٹری صوفیان خان سمیت دیگر نوجوانوں نے شرکت کی۔
تقریب میں آئی ایس ایف خیبر پختونخوا کے سینئر نائب صدر ثناءاللہ شاہ، صوبائی الیکشن کمیٹی کے رکن بلال شنواری، صوبائی ترجمان مراد باغی اور دیگر عہدیداران بھی موجود تھے۔
اس موقع پر سینئر نائب صدر ثناءاللہ شاہ نے خطاب کرتے ہوئے کہا کہ رمضان المبارک ہمیں صبر، اتحاد اور حق کے ساتھ کھڑے رہنے کا درس دیتا ہے۔ انہوں نے کہا کہ عمران خان کی ناحق قید ایک آزمائش ضرور ہے لیکن یہ وقت بھی گزر جائے گا اور انشاءاللہ حق کی فتح ہوگی۔ انہوں نے مزید کہا کہ انصاف سٹوڈنٹس فیڈریشن کے نوجوان اپنے قائد کے نظریے اور ملک میں آئین و قانون کی بالادستی کے لیے اپنی جدوجہد جاری رکھیں گے۔
تقریب کے اختتام پر شرکاء نے اس عزم کا اعادہ کیا کہ عمران خان کی رہائی اور ملک میں انصاف کی بالادستی کے لیے اپنی آواز بلند کرتے رہیں گے۔
