Govt. Girls College Tharushah

20/04/2026

1. HSC پارٽ-I ۽ پارٽ-II سالياني امتحان 2025-26 کي منظم ۽ شفاف بڻائڻ لاءِ هدايتون جاري ڪيون ويون آهن.

2. هر ڪاليج ۾ موبائل ڪليڪشن پوائنٽس قائم ڪرڻ لازمي آهي.

3. انهن پوائنٽس تي مقرر عملي کي معاوضو ملندو، جنهن جي ادائيگي BISE ذريعي ڪئي ويندي.

4. امتحاني هال ۾ موبائل فون آڻڻ وارو شاگرد نقل (ناجائز ذريعا) استعمال ڪندڙ تصور ڪيو ويندو.

5. اندروني ۽ ٻاهرين امتحان وٺندڙ/نگران امتحان جي شفافيت جا ذميوار هوندا.

6. ويجيلنس ٽيمون امتحان دوران مڪمل طور تي سرگرم ۽ چوڪس رهن.

7. امتحان دوران ڪنهن به قسم جي ريفريشمينٽ (کاڌو/پيئڻ) مهيا نه ڪئي ويندي.

8. امتحاني مرڪزن جي سيڪيورٽي ۽ سنڀال کي يقيني بڻايو وڃي.

9. مرڪز جي مين گيٽ تي چوڪيدار مقرر ڪرڻ لازمي آهي.

18/04/2026

ضروري اطلاع 📢

گورنمينٽ گرلز ڊگري ڪاليج ٺاروشاه جي آء. ٽي فوڪل پرسن شاهد راڄپر جي پڌرائي موجب اڄ ڇنڇر جي ڏينهن موڪل هجڻ جي باوجود امتحاني سلپن جي ورهائڻ جو سلسلو جاري رهندو.
شاگردياڻين ۽ انهن جي والدين کي هدايت ڪجي ٿي ته هو سلپ کڻي وڃن.

پروفيسر منصور حيدر چنا
انٽرنل سپريٽينڊنٽ
اگزيم 26
جي جي ڊي سي ٺاروشاه

14/04/2026

نوٽيس

گورنمينٽ گرلس ڊگري ڪاليج ٺاروشاھ جي سڀني شاگردياڻين کي اطلاع ڏجي ٿو ته بورڊ آف انٽرميڊيٽ اينڊ سيڪنڊري ايجوڪيشن نوابشاھ طرفان ڪاليج ۾ امتحاني سلپون اچي ويون آھن۔ ان ڪري سڀاڻي 15-04-2026 تي ڪاليج مان پنھنجون امتحاني سلپون کڻي وڃن۔

منصور حيدر چنا
انٽرنل سپريٽينڊنٽ ايگزيمنيشن 2026

09/04/2026

نه ڄاڻان ٻيهار، ڪير ملندو ڪنهن سان

گرلز ڊگري ڪاليج ٺاروشاه
اپريل جي نائين تاريخ، 2026

اڄ سڀ منظر مرشد لطيف جي سهڻي بيت جيان هئا.

ڪڻا منجهه قرار، هئا هيڪاندا سنگ ۾،
ڳاهي ڳاهه فراق جي، ڪيا ڌارئون ڌار،
نه ڄاڻان ٻيهار، ڪير ملندو ڪنهن سان .

فرسٽ ائير ڪلاس طرفان انٽر ڪلاس لاءِ الوداعي پارٽيءَ جو اهتمام
مختصر پر باڪمال تقريب، کوڙ ڳالهيون، ڪجهه ٽهڪ، ڪجهه لڙڪ... الائي ڪيتريون يادگيريون
وقت جي ڪنهن نازڪ موڙ تي بيٺل هڪ لمحو، جتي ٽهڪن جي پويان وڇوڙي جو درد به لڪل
هر ڪو کلندي خاموش ٿي هڪ ٻئي کي الوداع چوندو رهيو. اها رڳو هڪ پارٽي نه هئي، پر يادگيرين جو هڪ باب بند ٿيڻ هو.
وقت پنهنجو سفر جاري رکندو...
نوان ماڻهو، نوان خيال، نوان احساس پر ڪجهه لمحا جيڪي اسان ڪڏهن به وساري ناهيون سگهندا. ان ڪري الوداع رڳو لفظ ناهي، اهو هڪ احساس آهي—جيڪو دل جي ڪنهن ڪنڊ ۾ هميشه جيئرو رهندو.

ڊاڪٽر علي رضا قاضي
پرنيسپال
جي.جي.ڊي.سي. ٺاروشاه

08/04/2026

’الغزالي لائبرري‘ جو تعليمي سير

گرلز ڊگري ڪاليج ٺاروشاه
اپريل جي 8هين تاريخ، 2026

شاگردن توڻي شاگردياڻين جي ذهني نشو نما لاءِ هم نصابي سرگرميون ڪيتريون ضروري آهن، سڌريل دنيا ۾ هاڻي ان تي بحث ناهي رهيو.
پاڻ به ان ڳالهه کي ڳنڍ ڏئي ساهه سان سانڍي ڇڏيو آهي. وقت به وقت هم نصابي سرگرميون تعليمي ڪارووهنوار جو حصو اڻ ٽٽ حصو رهيو آهن.
انهيءَ خيال خاطر شاگردياڻين کي ٺاروشاه جي ’الغزالي لائبرري‘ جو تعليمي دورو ڪرايو. ساڻ پروفيسر غلام شبير سهتو، پروفيسر منصور حيدر چنا، پروفيسر وحيد علي گوپانگ، پروفيسر رضوانه خانزاده، پروفيسر حنا ڪوثر ۽ پروفيسر عاتڪه عمر شامل رهيا. ’الغزالي لائبرري‘ جو شمار ساهتيءَ توڻي سنڌ جي ڪجهه وڏن ڪتبخانن ۾ ٿئي ٿو. پروفيسر ڊاڪٽر نعمت الله سومرو صاحب هڙؤن وڙؤن خرچ کي لائبرريءَ کي ساهه سان سانڍيو ويٺو آهي.
وزٽ دوران شاگردياڻين کي ڊاڪٽر صاحب جي طرفان هڪ تفصيلي ڄاڻ ڏني وئي... ڪتابن جو تعارف ڪرايو ويو... ڀلا جن جي دوستي ڪتابن ساڻ هجي ته باقي انهن کي ڇا گهرجي.
گرلز ڪاليج ٺاروشاه جي شاگرياڻين جي اڳيان هڪ باڪمال، شاندار ۽ مختصر سير جيڪو هنن جي حياتين ۾ سدائين روشن رهندو.

07/04/2026

بـرپــٽن ۾ زنـدگيـون اُسـري پون

گرلز ڊگري ڪاليج ٺاروشاه
اپريل جي ستين تاريخ، 2026

استاد بخاريءَ چيو:

جهنگ جهر ۾ روشنيونُ اڀُري پون،
بـرپــٽن ۾ زنـدگيـون اسـري پون.

اسان به انهن روشين جي پويان مسلسل ڊُڪون پيا... انهن زندگين لاءِ جاکوڙيون پيا... کوڙ سارا سونهان ساڻ آهن.. اسان جي مدد لاءِ ڪيترائي هٿ وڌن ٿا.. انهن سڀني جون لکين مهربانيون...
ڪالهه واري پروگرام ۾ سنڌ جي نامياري محقق مختيار احمد ملاح جي ڪتاب ’سيد اَلهندو شاه ۽ سندس قائم ڪيل مدرسه اسڪول نوشهرو فيروز‘ تي اڀياسي ويهڪ جي شاندار ميڊيا ڪوريج ڏيڻ تي ڪنڊياري مان مهر آدم چنڙ ۽ ٺاروشاه مان شاهد راڄپر صاحب جون مهربانيون ادا ڪجن ٿيون.. انهن جا احسان ياد رهندا..

06/04/2026

ڪتاب ’سيد اَلهندو شاه ۽ سندس قائم ڪيل مدرسه اسڪول نوشهرو فيروز‘ تي اڀياسي ويهڪ

گرلز ڊگري ڪاليج ٺاروشاه
اپريل جي 6هين تاريخ، 2026

سنڌ جي نامياري محقق مختيار احمد ملاح جي ڪتاب ’سيد اَلهندو شاه ۽ سندس قائم ڪيل مدرسه اسڪول نوشهرو فيروز‘ تي گرلز ڪاليج ٺاروشاه ۾ هڪ اڀياسي ويهڪ ٿي. پروفيسر منصور حيدر چنا ماڊريٽر جا فرض انجام ڏنا، مهان خاص طور پروفيسر ڊاڪٽر نعمت الله سومرو شريڪ رهيا، صدارت ڪاليج جي پرنسيپال ڊاڪٽر علي رضا قاضي، تقريرون ڪندڙن ۾ پروفيسر غلام شبير سهتو، پروفيسر ثنا اسماعيل، پروفيسر رضوانه خانزاده شامل رهيا.
پروگرام ۾ انٽر ۽ فرسٽ ائير ڪلاس جي شاگردياڻين حصو ورتو. پروفيسر صائمه ترنم، پروفيسر حنا ڪوثر، پروفيسر عاتڪه خانزاده پڻ شريڪ رهيون.
مختصر اڀياسي ويهڪ اندر ڪتاب جي روشنيءَ ۾ ’سيد اَلهندو شاه ۽ سندس قائم ڪيل مدرسه اسڪول نوشهرو فيروز‘ جون ڳالهيون بحث هيٺ آنديون ويون. ورهاڱي بعد ٺاروشاه هاءِ اسڪول جي نئين سر تعمير ڪندڙ قاضي غلام علي جو مدرسه هاءِ اسڪول پڙهڻ ڊاڪٽر بلوچ سان هاسٽل ۾ رهڻ ۽ اهم ڳالهه ته سيد صاحب جي جوڙايل شاندار درسگاهه جو ساهتيءَ سميت سڄي سنڌ تي اثر بيان ڪيو ويو ۽ اهو پڻ ته محقق محترم مختيار احمد ملاح صاحب جس لهڻي جنهن هيڏا قيمتي مضمون گڏ ۽ ايدٽ ڪري سنڌ جي تاريخ ۾ هڪ نمايان اضافو ڪيو. ڪتاب جي اشاعت جي سلسلي ۾ پروفيسر ارشاد علي اوٺي صاحب جي خدمتن کي پڻ ساراهيو ويو.
آخر ۾ پروگرام کي ان نوٽ تي پورو ڪيو ويو ته علمي ۽ ادبي حوالي سان اهڙا پروگرام جيڪي شاگردياڻين کي پنهنجي تاريخ سان روشانس ڪن ٿا، جي انعقاد جو سلسلو جاري رهندو.

05/04/2026

*📢 Important Announcement*

An academic session has been organized to explore the work and personality of Syed Alhindu Shah, one of the most distinguished educational figures of Sindh. The session will be based on a book authored by the renowned scholar *Mukhtiar Ahmed Mallah* (Additional Secretary, CED, Government of Sindh).

This scholarly gathering will be held at Government Girls Degree College Tharushah on April 6, 2026, and will be chaired by *Dr. Ali Raza Kazi* (Principal).

The event is being organized with the special support of Professor Irshad Ali Otho (Principal, Government Degree College Daulatpur) and Professor Dr. Naimatullah Soomro (Associate Professor, S.N.M.S. Government Degree College Tharushah).

31/03/2026

زنـدگـي جي آرزوءَ ۾ جـستجـو ٿڪجي نه ٿـي

گرلز ڊگري ڪاليج ٺاروشاه
مارچ جي 31هين تاريخ، 2026

سڀاڻي لاءِ اڄ کان تياري... استاد بخاريءَ چيو هو ته:

ڇو ڪٿي رڪجون رفيقو، ارتقا رڪجي نه ٿـي،
زنـدگـي جي آرزو ۾ جـستجـو ٿڪجي نه ٿـي.

ڪاليج ۾ صفائيءَ جو ڪم.. مسلسل عزم همٿ ۽ حوصلي سان گڏ..

ڊاڪٽر علي رضا قاضي
پرنسيپال

07/03/2026

07/03/2026

خون اپنا ہو یا پرایا ہو
نسل آدم كا خون ہے آخر

جنگ مشرق میں ہو کہ مغرب میں
امن عالم كا خون ہے آخر

ساحر لدھیانوی....

گرلز ڊگري ڪاليج ٺاروشاه طرفان دنيا لاءِ نياپو..