12/07/2023
د حقوقي کلینیک د شپږمي دورې د محصلانو د فراغت غونډه ترسره سوه.
نېټه: ۲۱-۴-۱۴۰۲ل.ل
نن چهارشنبه د بُست پوهنتون د حقوقو او سیاسي علومو پوهنځی اړوند د حقوقي کلینیک د شپږمي دورې د محصلینو د فراغت په پار د پوهنتون د غونډو په تالار کي ښکلې غونډه ترسره سول، چي په یاده غونډه کي نږدې دیارلس تنه محصلان له نهه میاشتنيو نظري او عملي زده کړو څخه فارغ او د ټولني خدمت ته وړاندي سول.
په یادو مراسمو کي د پوهنتون علمي مرستیال ښاغلی عبدالله ضیائي، د حقوقو او سیاسي علومو پوهنځی رئيس ماسټر نورالله عزیزي، د قضاء وڅارنوالۍ څانګي آمر بشیراحمد ساپي ، د مسلکی پراختیا مرکز (PDC) آمر ښاغلي عبدالودود طراح، د حقوقي کلینیک مسؤلینو،استادانو، مدافع وکیلانو او فارغه محصلانو ګډون کړی وو.
یاده غونډه کي علمي مرستیال د مسلکیتوب او نظري زده کړو ترڅنګ د عملي زده کړو پر اړتیا او ارزښت علمي څرګندونې وکړې او ور پسي د حقوقو او سیاسي علومو پوهنځی رئیس د حقوقي قضایاوو او په ټولنه کي د هغوي په مسلکي ډول د څېړنو پر ابعادو هر اړخیزي خبري وکړي. چي په پای کي د حقوقي کلینیک د شپږمې دورې پر فارغه محصلانو برلیکونه وویشل سول، د یادونې وړ ده چي یاده دوره د بُست پوهنتون په خپل لګښت پای ته ورسیده.
په درنښت
د خپرنیزو او فرهنګي چارو مدیریت
