معلمى وطلاب مصر

13/08/2026

فاضل أقل من شهر على بداية الدراسة نفسك فيه مع بداية العام الجديد

12 سبتمبر 2026.. موعد بداية العام الدراسي الجديد 2026 /2027.
مع اقتراب عودة أولادنا للمدارس..
بصفتك ولي أمر، قول لنا بصراحة:
إيه أكتر حاجة مضايقاك ونفسك تتعدل أو تتلغي؟
وإيه الحاجة اللي تتمنى وجودها واستمرارها في العام الدراسي الجديد؟
شاركنا رأيك في التعليقات
هنرصد أبرز ما يطرحه أولياء الأمور من ملاحظات ومقترحات قبل انطلاق العام الدراسي الجديد #إيجبتك

09/08/2026

إنا لله وإنا إليه راجعون، ولا حول ولا قوة إلا بالله العلي العظيم.
ولكل أجلٍ كتاب.. 💔
لازم الكل يعرف قصة البطل زياد..
مقالش «أنا مالي».. بطل رغم صغر سنه ❤️‍🩹
الشاب الجميل ده زياد محمد، لسه مكملش 18 سنة، لكن وقت الجد أثبت إن البطولة مش بالسن.
امبارح في شاطئ البيطاش بالعجمي، وبعد رفع الراية الحمراء 🚩 والتحذير من خطورة البحر، نزل 6 أشخاص للمياه وبدأوا يستغيثوا.
زياد سمع صراخهم.. مقالش «أنا مالي»، ومقالش إنهم نزلوا رغم التحذيرات.. جرى ونزل ينقذهم.
وبمساعدة أصحابه، قدر زياد ينقذ الـ6 أشخاص ويرجعهم لأهلهم سالمين.
لكن زياد.. ما رجعش. 💔
بعد المجهود الكبير اللي بذله في إنقاذهم، غلبه التيار، ورحل عن الدنيا وهو لسه في بداية حياته.
6 أرواح نجت.. وشاب صغير ضحّى بحياته عشان ينقذهم.
رحم الله زياد، البطل اللي رغم صغر سنه، كان قلبه كبير وشجاعته أكبر. 🤲❤️
مقالش «أنا مالي».. اختار ينقذ غيره، وهيفضل اسمه شاهد على الشهامة والجدعنة.
﴿وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا﴾

25/07/2026

الدرس الأول من
2027

20/07/2026

القوائم المحدثة للجامعات والمعاهد المعتمدة رسميا للعام الدراسى 2026 2027

28/04/2026

عامل مدرسة يتح.رش بطالبة ابتدائي بسوهاج

🚨 عامل مدرسة الرشاد الابتدائية بمحافظة سوهاج متهم بالتحررش بطالبة فى المدرسة

🎯تم ضبط المتهم وإحالته للنيابة العامة، وحبسه 15 يوم على ذمة التحقيق

اتحد عدد من الإجراءات

1️⃣ إيقاف مديرة المدرسة لحين إنتهاء التحقيقات
2️⃣ إحالة إدارة المدرسة للتحقيق

11/04/2026

فى حاجة غلط.. الطالب اللى مصاب لازم يتعاقب هو كمان.
👇👇 ده ملخص بيان تعليم #اسكندرية حول واقعة مدرسة الشاطبي

📌 خناااقة عادية بين طلاب بالصف الأول الإعدادي بمدرسة الشاطبي بالإسكندرية يوم الخميس الماضى، داخل الفصل، تصاعد الخلاف.. الطالب المصاااب قام بالاعتداء على زميله بالألفاظ خارجة وأفعال خادشة للحياء، مما اضطر الطالب الاخر للدفاع عن نفسه وعضه من ودنه.
🚨 وقررت الإدارة:
فصل الطالب المتسبب لمدة أسبوعين
إحالة المقصرين للتحقيق
تشديد المتابعة داخل المدارس لمنع تكرار الواقعة
أولا جهد مشكور من لإعلان نتيجة التحقيق بمنتهى الشفافية... ونتمنى ان تشمل العقوبة الطالب المعتدى عليه لانه السبب فى الشجار.. والاعتداء بالألفاظ والأفعال الخادشة للحياء وفقا لنتائج التحقيق.. وهو ما يلزم معاقبته على ذلك..
منقول من الصحفية
Abear Badawy

24/03/2026

ثالثة ثانوى

15/03/2026

عينه اتصفّت…

⭕ده محمد، طفل في الصف الثاني الابتدائي، لسه مكملش 8 سنين.

🎯الخميس اللي فات، داخل الفصل، اثنين من زملائه.كتّفوه… وحطّوا قلم رصاص في عينه.

⭕النتيجة كانت إصابة خطيرة استدعت تدخلاً جراحيًا عاجلًا.المفاجأة التي كشفها الأطباء بعد العملية اللى استمرت 3 ساعات :سنّ قلم الرصاص كان مغروسًا داخل قرنية العين، وتم استخراجه جراحيًا... محمد الآن تحت المتابعة الطبية

تقرير المستشفى بيتكلم ان فى انفجااار بمقلاة العين..
الواحد مش قادر يستوعب لما فى ثانية ابتدائي وبيحصل كده لما يكبروا هيحصل ايه..
ذنب العيل الصغير ده فى رقبة مين
منقول من الصحفية Abear Badawy

15/03/2026

جدول اختبار شهر مارس #الجيزة بالتوفيق للجميع

10/03/2026

تعريفة الركوب الجديدة بمواقف #كفرالشيخ بعد زيادة