06/06/2015
صباح الجمال - بكره اول امتحان لطلبة ثانوية عامة
فحابب فى البداية ان كلنا ندعيلهم عشان كلنا كنا فى هذا الموقف الحرج :D
بالنسبة لحضرتك كطالب ثانوية عامة محتاج الآتى
- الpost ده يكون اخر post هتشوفه على Facebook مش عايزين نشوفك هنا تانى انهاردة
- لو الشيطان صورلك انك هتكتب post فى لحظة تقولنا فيه أدعيلى انا داخل اذاكر او يقولك طلع الطاقة السلبية اللى جواك فى post عن المذاكرة صعبة دى مش هتاخد دقيقة .. قوله عيب! عملناها قبل كدا مش كل مرة تسوحنا و نقعد ساعة إلا ربع بنرد على الNotifications بتاعت الpost
- إبدأ نظم يومك و ما تقعدش تقول لسه لسه خلص بدرى و نام أحسن ما تطبق و تروح مش شايف و تنسى حاجات انت مذاكرها
- إعرف ان التوفيق من عند ربنا ملوش علاقة بإنت قد ايه مذاكر حلو
- روح بوس إيد امك و ابوك و قولهم يدعولك دول عندهم كلمة السر
- لما تتعب او تسرح خد Break إقرأ فيه صفحة واحدة من القرآن هتفوقك جدا .. صدقنى الشيطان ساعتها هيقنعك بكل الطرق ان المذاكرة مهمة اوى عشان تسيب المصحف ده إلى جانب البركه الربانية و إنشراح الصدر الأساسيين
- حبيبى لو بعد الشر مصاحب قولها ناخد انهاردة Break نقيم فيه العلاقة .. فاكس اوى تضيع نص اليوم بتكلمها فى التليفون و بتحكوا عن المأساة بتعاتكم
- ركعتين قضاء الحاجة و ركعتين السحر و الدعاء قبل الفجر و صلاة الفجر حاضر .. ما ينغعش تفوت واحدة
إضحك كل ما تحس بتوتر اوعى تخاف او تقلق .. الموضوع بسيط ما تخليش حد يوهمك انه كبير بس تمشى صح تسهل على نفسك تمشى غلط تصعبها
ربنا معاكم
