12/07/2019
البوست ده هينقذك من كارثه ممكن تحصلك شير لعل ربنا ينفع بيك الناس
مبدئيا كلنا عاملين ايميل فيس بوك دا شئ بديهى اصبر بس وخليك صبور ايميل الفيس ده ممكن يتسرق منك بسهوله جدا جدا جدا اى عيل صغير هيسرقك بدون مجهود
فيه ناس طبعا حويطه وفاهمه دول مثلا نسبه عشرين ف الميه دول انا مش بخاطبهم انا بخاطب باقي الناس
- كلنا ضايفين رقم موبايل للفيس بوك
ارجع شوف الرقم ده كان رقمك واتقفل ورلا رقم عمك ولا خالك الخ اتاكد ان الرقم ده رقمك انت او ابوك او امك ولسه شغال وكمان متسجل باسمهم بحيث لو الفون ضاع بالخط الخ تعرف تطلع على الشريحه علشان ترجع ايميلك
- يفضل انك تعمل الموافقة على تسجيل الدخول عن طريقة رسالة فيها كود بيبعتهولك على الموبايل علشان يتاكد انك صاحب الايميل مش حد بيحاول يخترقه كمان علشان الخاصيه دى ممكن تضايقك لو تليفونك مش معاك او انت ف مكان فيه واى فاى ومفيهوش شبكه او خطك اتكسر او اتوقف فيه اماكنيه ف الاعدادات انك تكتب عشر اكواد تدخل بيهم بدل الرساله ال بتوصل على الموبايل ولما يخلصوا بتطلب غيرهم الفيس بيوفرهملك تقدر تاخدهم سكرين وتحتفظ بيهم او تكتبهم فى ورقه وتحفظهم فى محفظتك او شنطتك
- الكارثه الكبرى ايميل الياهو ال بنقعد بالسنين من ساعة م عملنا الاكونت مبنفتحوش شوف انت حاطط ايميل ايه وحاول تفتحه ضيف فيه رقم تليفونك ال شغال ال متسجل باسمك وهتلاقي كام حاجه تخص الامان اعملها ال من ضمنها انك هتعمل ايميل ياهو تانى جديد وتضيفه ك ايميل احتياطى بحيث لو نسيت الايميل او رقمك ال فيه ضاع او نسيت الباسورد ترجعه عن طريق الايميل البديل الاحتياطى
وخلى كلمة السر صعبه فى الفيس والياهو بلاش تواريخ الميلاد وارقام التليفون الخ زى م هو موجود فى الصوره المرفقة بالمنشور
وعلشان متنسهاش وتنسى الايميل وكلمة السر الخ سجلهم على الخط كانهم رقم موبايل او اكتبهم ف ورقه والزقها فى الدولاب او على الحيطه او على خشب المهم اى مكان بحيث ميكونش سهل حد غريب يشوفهم وفى نفس الوقت موجودين فى مكان امن جدا انت تقدر ترجعله لو نسيت حاجه منهم
_ هتلاقي فى خيارات الامان على ايميلك اصدقاء موثوق فيهم فعلها واختار من تلات الى خمس اصدقاء تقدر اهل بيتك او اصدقائك المقربين بحيث لو ايميلك اتهكر او حصل مشكله يساعدوك تفتح ايميلك بسهوله
_ مهم جدا جدا جدا تكتب تاريخ ميلادك ال موجود فى بطاقتك علشان لو ايميلك اتقفل بسبب بلاغات عن ايميلك انك بتنتحل شخصيه حد الخ هتصورلهم صورة بطاقتك ومن خلالها هيطابقوا تاريخ ميلادك ال ف البطاقه مع تاريخ الميلاد ال على الفيس بوك وهيرجعولك الايميل لو التاريخ مختلف انسى انه يرجع تانى
_ غير كلمة السر بتاعتك بكلمه سر قوية زى م قولنا وانت بتغيرها اختار تسجيل الخروج من الاجهزة الاخرى
وادخل فى الاعدادات هتلاقي اجهزة كتير انت سجلت دخولك منها وفى الغالب هتلاقي انك سجلت دخولك من اماكن انت مروحتهاش قبل كده ف متخافش وهتلاقى اسماء التليفونات ال انت سجلت دخولك منها والمتصفحات
احذف كل ده هيطلعك من الايميل لان فونك من ضمن الاجهزة دى وهتسجل دخولك تانى عادى خالص
- احتياطيا سجل دخولك من متصفح من جهاز كمبيوتر عندك فى البيت واختار انك تحفظ المتصفح ده
علشان لو حصل معاك مشكلة او طلب منك تدخل من متصفح سجلت منه دخولك قبل كده تقدر تلاقى بديل فلنفرض مثلا فونك اتسرق ولا ضاع والخط مش باسمك وانت عامل مصادقة ثنائية عن طريق رسالة على الخط هتجيب الخط منين وانت كده مش سامح لمتصفح تانى بالدخول غير ال على الفون ال اتسرق هتقدر تدخل عن طريق المتصفح ده ال انت حفظته
#حاجات كتير دول اهمها صدقنى والله هينفعوك جدا متطنش البوست وشيره وانا لو افتكرت حاجات تانيه هعدل البوست واكتبها
انا من شويه فتحت اتاكد من النصايح ال نصحتهالكم لقيتنى ضايف كذا ايميل للاكونت بتاع الفيس بوك منهم ايميل هوت ميل انا كنت ناسيه فحذفته ومنهم ايميل ياهو انا كنت ناسى الباسورد بتاعه وضايف فيه رقم كان معاى زمان ونسيته فحذفته ومنهم ايميلين افتكرتهم مفتحتهمش من اربع سنين فتحتهم واكدتلهم ارقام التليفونات وربطتهم ببعض
