BIS-Benha UNI

15/09/2025

هام ‼️ لجميع الطلاب الذين تم عمل المقابلات لهم🔸🔸🔸🔸🔸🔸
(برامج انجليزى -برامج عربى -الشعبه الانجليزيه)
تم تحميل باقى المصروفات الدراسية النهائيه
على جميع الطلاب سرعه سداد المصروفات اليوم وغدا وسيتم بدء استلام الملفات يوم الاربعاء للبرامج ويوم الخميس للشعبه الانجليزيه
🔴الطلاب الغير محملين بمصروفات تم رفضهم بالمقابله وعليهم التوجه للكليه لاختيار برنامج اخر
🟢اى طالب لم يتم عمل المقابله ودفع ثمن المقابله والمظروف والرسوم الاداريه وتم التحميل بالمصروفات لا يتم الدفع الابعدالتوجه للكليه
🟣الطلاب المشعبين على البرامج ولم يتم دفع المصروفات الاداريه والمقابله تم الغاء تشعيبهم
🔵عند عدم سداد المصروفات فى المده المحدده سيتم الغاء التشعيب ورفض قبوله بالبرنامج

13/09/2025

هام جدا ‼️ الطلاب الاتى اسمائهم من المحولين والمرشحين للكلية سرعه السداد لاجراء المقابلات لان اخر ميعاد للسداد غدا الساعه ١٢ ظهرا واخر ميعاد للمقابلات يوم الاثنين ١٥ -٩ -٢٠٢٥
https://drive.google.com/drive/folders/1SJqwphzNZqNvSrbBZBmiXMpyl0V1CnkS?usp=sharing

09/09/2025

أكيد معظمكم اتعامل قبل كده مع فريق أسرة طلاب من أجل مصر سواء في خطوات التشعيب، الكشف الطبي، الإنترفيو أو حتى سحب الملفات .
تيم الأسرة بيتمنى لكم كل التوفيق في المرحلة الجاية 🤍
ويا ريت تدعموا الأسرة
اسرة طلاب من اجل مصر - كلية التجارة جامعة بنها
في الفيديو ده لأنه مهم جدًا بالنسبة لينا، ودعمكم هيفرق معانا 🙌🏻♥️

06/09/2025

تنبيه مهم لطلاب BIS الجداد 💙🎓

الجروبات الرسمية للجامعة هي المصدر الوحيد للمعلومات الصحيحة بخصوص (الجداول – المحاضرات – السكاشن – الإيفنتس – أي أخبار مهمة).

⚠️ عشان كده لازم تملاوا الفورم ده فورًا، عشان توصلكم لينكات الجروبات الرسمية 👇
🔗 https://forms.gle/7qFxwhzVkSVj2cvX8

وجودكم في الجروبات دي ضروري جدًا عشان تتابعوا كل جديد وما يفوتكوش أي محاضرات او سكاشن .

لازم تكون صورة البطاقه واضحه كاملة بصورك الطالب
في حالة وجود اي مشاكل او عائق يمنعك من ملئ الفورم
تواصل مع الرقم دا علي الواتساب وابعتله الورق المطلوب ❤️
01228095843

03/09/2025

الطلاب الاتى اسمائهم من الطلاب المحولين والمنسقين
الشعبه العربى
الشعبه الانجليزى
البرامج الخاصه ABA _BIS
سرعه سداد الرسوم الدراسيه من خلال خدمات فورى فقط وليس امان او مصارى وغيرها( يتم الدفع من اليوم وحتى السبت ٦/٩/٢٠٢٥ الساعه ١٢ظهرا حتى يتثنى اعلان كشوف المقابلات ليوم الاحد ٧/٩/٢٠٢٥
ولن يتم اجراء المقابله واستلام الملف الابعد سداد الرسوم
والرسوم المحمله على الطلاب حاليا هى رسوم المقابله والمظروف والرسوم الاجباريه للكليه
وبعد عمل المقابله سوف يتم تحميل باقى الرسوم على طلاب البرامج والشعبه
بالنسبه لطلاب العربى تم تحميل جميع الرسوم المقرره
وانتظار اعلان اسماء الطلاب لتحديد المقابله الشخصيه واستلام الملفات وسوف يتم الاعلان على الصفحه موعد
يتم الدفع من خلال خدمات فورى ـ تعليم - جامعه بنها- نظام ابن الهيثم وكود الطالب معلن بالكشوف
واسماء الطلاب لتقديم الملفات

اسماء الطلاب من خلال الرابط التالى
https://drive.google.com/drive/folders/1UgyRhqehdqYREwg5UKtQfpzCr9eCQXZ0?usp=sharing
💳 المصروفات المقررة حاليًا:
تشمل (رسوم المقابلة + المظروف + الرسوم الإلزامية للكلية).

شعبة العربي:
• انتظام: 1430 ج
• انتساب: 2135 ج

شعبة البرامج الخاصة واللغة الإنجليزية:
• انتظام: 2930 ج
• انتساب: 3635 ج

02/09/2025

⚠️ تنبيه مهم لطلاب كلية التجارة – جامعة بنها
قبل ما تبدأ أي خطوة في التقديم، لازم تعمل حاجتين أساسيتين و بشكل سريع .

1️⃣ الكشف الطبي 🩺

الكشف الطبي إلزامي لكل الطلاب الجدد.

موقع الكشف الطبي
https://medical-fitness.bu.edu.eg/ar/register

خطوات الكشف الطبي:
https://www.facebook.com/share/p/177jDWppaS/

معلومة مهمة الطلبة المحولين عليهم يعملوا الكشف الطبي فقط (ملهمش تشعيب).

2️⃣ التشعيب 📂
التشعيب ببساطة هو إنك تحدد القسم اللي هتكمل فيه دراستك داخل الكلية .

خطوات التشعيب:
https://www.facebook.com/share/p/1Eu5yUevB6/

بتدخل بالكود بتاعك اللي هتلاقيه في البوست حسب انت انتظام ولا انتساب

و كلمة المرور هي الرقم القومي بتاعك لحد ما تدخل و تغيرها

كود الطالب = رقم الجلوس (هيفضل ثابت طول فترة الدراسة).

طب لو الدنيا لخبطت معاك؟😉
إحنا معاك خطوة بخطوة، وده أرقام المسؤولين اللي هيساعدوك مباشرة:
📞 أحمد أيمن – مسؤول أسرة طلاب من أجل مصر: 01008413654
📞 عبدالله ناصر – مسؤول أسرة طلاب من أجل مصر: 01228095843

او توجه لمبني الشعبة الدور الثالث هتلاقي تيم الأسرة موجود لمساعدتك في التشعيب و الكشف الطبي

متنساش♥️
امسح الـ QR وانضم للصفحات الرسمية للطلاب الجدد علشان تتابع كل جديد ويكون التيم معاك دايمًا.🥰

30/08/2025

بالتوفيق لجميع الطلاب ❤️

28/08/2025

📢 بوست تغطية كامل لأسئلة الكشف الطبي

✅ أول حاجة لازم نفهمها :
الكشف الطبي بدأ خلاص ولازم تسجل قبل يوم الأحد 31. يعني السرعة مطلوبة جدًا
---

❓طب مين اللي يسجل دلوقتي؟
✅ التسجيل متاح للمرشحين لكلية التجارة – جامعة بنها فقط.

👥 مين المرشحين؟
اللي جالهم كلية التجارة جامعة بنها في نتيجة التنسيق معملوش تحويل من إداره الجامعة.

❌ مين مش مسموحله يسجل دلوقتي؟
المحولين. بيانات المحولين هتنزل خلال 10 أيام وبعدها يقدروا يسجلوا عادي.

👤 مين هما المحولين؟
اللي فتحوا ملف تحويل في إدارة الجامعة لكلية التجارة – جامعة بنها.

⚠️ طب لو جالي كلية تانية ولسه ما فتحتش ملف تحويل اقدر اسجل؟
لا يا فندم لازم الأول تفتح ملف تحويل في الإدارة، وبعدها تستنى اسمك يوصل الكلية، وساعتها تقدم للكشف الطبي.
---

❓إزاي أسجل للكشف الطبي؟
خطوات التسجيل موضحة بالصور في لينك البوست ده ✅
https://www.facebook.com/share/p/1FRLUsYgTt/

ولو وقفت معاك:
1.تتواصل معانا مباشرة 💬
2.أو تيجي بنفسك لمقر أسرة طلاب من أجل مصر في الكلية، والتيم هيساعدك خطوة بخطوة ♥️
---

❓وأنا رايح للكشف الطبي آخد معايا إيه؟
❗ لازم تلتزم بالميعاد واليوم والساعة اللي اخترتهم في التسجيل.
❗ من الموقع اللي سجلت فيه اطبع:
1.استمارة الكشف الطبي.
2.استمارة استلام البطاقة الصحية.
اطبعهم من أي مكتبة وخدهم معاك.
❗ كمان لازم تجيب صورتين شخصيتين.

---
لينك الجروب الخاص بالتقديمات والاستفسارات
https://chat.whatsapp.com/HVmUCj0yuHgBIoYbgk7TzO?mode=ac_t

كده الصورة كاملة أي سؤال تاني سيبلنا كومنت وهنرد عليك .💙

27/08/2025

🚨 مستني إيه؟!
الكشف الطبي هو أول خطوة رسمية علشان تبدأ رحلتك مع كلية التجارة ✨

📌 مهم جدًا
الحجز متاح دلوقتي لطلاب كلية التجارة المرشحين، لكن مش للمحولين (بيانات المحولين هتنزل قريب ف خلال 10 أيام وهتقدروا تسجلوا عادي)

🗓️ يبدأ التسجيل الإلكتروني اليوم الأربعاء 27/8
🩺 وتبدأ إجراءات الكشف الطبي يوم الأحد 31/8
⏳ آخر موعد للتسجيل وإجراء الكشف الطبي: 30 سبتمبر 2025

💡 ملحوظة
بعد انتهاء فترة الحجز، هيتم تخصيص أسبوع كامل لإجراء الكشف الطبي للطلاب اللي اتخلفوا عن الموعد المحدد.

💵 رسوم الكشف الطبي
400 جنيه مصري تدفع من خلال (كود فوري)، ودي مقابل الملف الطبي ، البطاقة الصحية، الملف الإلكتروني لكل طالب .

خطوات التسجيل موضحة بالصور في البوست ✅️
لو قابلتك أي مشكلة في التسجيل تواصل معانا أو لو حابب تيجي الكلية بنفسك توجه لمقر أسرة طلاب من أجل مصر – كلية التجارة، وهتلاقي التيم موجود يساعدك خطوة بخطوة ❤️

🔗 رابط التسجيل:
https://medical-fitness.bu.edu.eg/ar/register

جروب الاستفسارات

https://chat.whatsapp.com/FTaK61B7kpcEIinxOL3ROT

24/08/2025

تعلن كلية التجارة جامعة بنها عن بدء الكشف الطبي للطلاب المستجدين للعام الأكاديمي 2026/2025، والذي يشمل طلاب كلية التجارة وفق التفاصيل التالية :
بداية الحجز للكشف الطبي :
تاريخ البدء الرسمي : الأحد 31 اغسطس 2025،.
آخر موعد للتسجيل وإجراء الكشف الطبى : 30 سبتمبر 2025 .
ملحوظة : سيتم تخصيص اسبوع بعد انتهاء فترة الحجز لاجراء الكشف الطبى على الطلاب الذين تخلفوا عن الموعد المحدد للكشف عليهم.
طريقة حجز الكشف الطبى:
- يجب الدخول الى اللينك الخاص بنظام حجز الكشف الطبي الخاص بجامعة بنها وهو
https://medical-fitness.bu.edu.eg/ar واتباع الآتى :
- ادخال كافة البيانات الخاصة بالطالب
- دفع المصروفات المخصصة للكشف وقيمتها 400 جنيهاً مصرياً من خلال ( كود فورى ) ، وذلك نظير الملف الطبى والبطاقة الصحية والملف الإلكترونى لكل طالب .
- اختيار تاريخ محدد لحجز الموعد المتاح للطالب
- طباعة استمارة الكشف الطبى ومرفقاتها ( وذلك بعد دفع القيمة المققرة لمصروفات الكشف الطبى ) .
- التوجه بالإستمارة الى العيادة الطبية بالكلية فى نفس موعد الحجز الذى قام الطالب بإختياره لتوقيع الكشف الطبى عليه.
تنبيه هام :(( على الطلاب الإلتزام بالموعد المحدد لهم وتوقيع الكشف الطبى بنفس اليوم الذى قام الطالب بإختيارة اثناء الحجز وعدم التخلف عنه نهائيًا ))

19/08/2025

🚀 البرامج المميزة في تجارة بنها 👩🏻‍🎓
BIS و ABA
بدل ما تدور كتير، جمعنالك كل المعلومات المهمة في بوست واحد 💯

📌 في البوست ده هتلاقي:

1- تفاصيل المواد الدراسية علي مدار الأربع سنين
https://www.facebook.com/share/p/173iokPKTN/

2-تفاصيل المصروفات الخاصة بالبرامج
https://www.facebook.com/share/p/171bJN4emi/

3- الأوراق المطلوبة للتقديم
https://www.facebook.com/share/p/1Af1WG2E28/

4- كل اللي محتاج تعرفه عن إجراءات التحويل لكلية التجارة جامعة بنها
https://www.facebook.com/share/p/16kfVhKH9s/

5- تفاصيل الكشف الطبي
https://www.facebook.com/share/p/19hpADBm83/

6- الفيديو الترويجي ل BIS
https://www.facebook.com/share/p/15ZGJaq4it/

7- الفيديو الترويجي ل ABA
https://www.facebook.com/share/p/1WCbD3FsE5/

تنسيق كلية تجارة - جامعة بنها للعام 2025/2026

الشعبة العلمية
انتظام 235
انتساب 231

الشعبة الأدبية
انتظام 243.5
انتساب 241

❓ الحد الأدنى لتنسيق القطاع
الشعبة العلمية 228 انتساب موجه
الشعبة الادبية 231 انتساب موجه

يعني ببساطة ده تنسيق اقل كلية تجاره تقدر تقدم بيها لو جالك كلية اخري خارج نطاق جامعة بنها و غير تجارة و عايز تقدم بنقبل التحويل ب الحد الادني ده لكن اقل من كده لا للاسف .

❓أكتر الاسئلة اللي بتتكرر❓

• البرنامج بيقبل ايه ؟
بيقبل خريج ثانوية عامة حديث فقط 2025 ، يعني مينفعش تكون مخلص ثانويه عامه في سنه اخري و تيجي تقدم .

• في شرط لدرجة الانجليزي ؟
ايوه لو هتخش البرامج باللغه الانجليزيه لازم تكون جايب 34 نظام حديث او 30 نظام قديم لو اقل من كده تقدر تخش البرامج دي بس بالعربي
القبول بيتم بناءً على ترتيب المجموع الاعتباري:
(درجة الإنجليزي + مجموع الثانوية)
📊 وهنقبل من الأعلى للأقل حسب الأعداد المطلوبة.

• ايه الفرق بين BIS و ABA ؟
حسب اهتمامات حضرتك
برنامج BIS بيجمع بين التكنولوجيا و البيزنس
برنامج ABA متعمق أكتر في المحاسبة و تحليل الارقام

• طب BIS احسن ولا تجارة انجلش ولا ولا ..؟
تجارة انجلش فيها 4 تخصصات وانت بتختار التخصص اللي بتحبه وكل تخصص ملوش علاقه ولا وجه مقارنه مع BIS
و BIS زي ما وضحنا بيجمع بين المجالين و بيتوسع ليك في فرص الشغل في القطاع التجاري او القطاع التكنولوجي ف هي حسب قدرة حضرتك و اهتمامك في الجمع بين المجالين ،
شاطر في التكنولوجيا.. فاهم بيزنس ♥️🧑🏻‍💻

• لو انا مش شاطر في الانجليزي أو الرياضة ينفع ادخل البرنامج ولا هيكون صعب ؟
مش صعب خالص ومفيش اي مشكله نهتم فقط باللي بناخده و نتعلمه هنلاحظ تطور في المستوي خلال السنين لكن مش اكيد لازم تكون بيرفكت من الاول والدكاترة واخدين ده في الاعتبار وكل شيء ممكن يتوضح مره واتنين .

•في فرق بين BIS بنها و BIS العبور ؟
لا مفيش فرق نفس المواد و نفس أعضاء هيئة التدريس .. العبور مقر دراسة فقط

• ازاي بختار اني عايز ادرس في العبور ؟
مفيش حاجه اسمها نعمل تحويل للعبور لان العبور مقر دراسه فقط تابع لجامعة بنها ( ولو انت في كلية تانية و عايز تدرس البرامج في العبور بنعمل تحويل في إداره الجامعة ل تجاره بنها ) وخلال فتره التقديمات بتختار في ملف التقديم الخاص بيك انك عايز تدرس في العبور .

• واخيرا التقديم امتي و الناس المحولين نعرف منين ان اتقبلنا ؟
بعد نتيجة تقليل الاغتراب سيتم الإعلان عن كافة التفاصيل علي البيدج وبالنسبة للتحويل بدل انت خدت وصل من اداره الجامعه خلاص انتظر لحد ما ملفات التحويل تيجي الكلية و يتم الإعلان.
وتابع الجروب الخاص باستفسارات التقديمات
https://chat.whatsapp.com/FTaK61B7kpcEIinxOL3ROT

لو لسة عندك اي استفسار تاني .. احنا في الخدمة ، سيب سؤالك في الكومنت وهنرد عليك 😉💙.

17/08/2025