19/09/2025
بوست مجمع لكل الفرق ❤
بداية مرحلة جديدة وفى نفس الوقت اخر مراحل فى حياتك الدراسية
#أولا نورتونا فى كلية تجارة جامعة عين شمس وبأذن الله نكون على
معاكم على مدار ال 4 سنين
فرقة أولى كسنة تحول ما بين حياة دراسية فى المدارس وحياة جامعية ككليات دايما خداعة لو مركزتش فى الدراسة وعملت لنفسك أهداف السنة هتسرقك وهتبص تلاقى نفسك فى وقت الامتحانات وانت متعرفش انت بتدرس ايه اصلا
علشان كده هنكون بننبهك باستمرار بالوقت وضرورة التركيز فى مذاكرتك ولمك لكل المواد
عندك التيرم ده 6 مواد:-
محاسبة - اقتصاد - رياضة - ادارة - لغة - علوم سلوكية
بأذن الله هنبدأ معاك كورساتك بالمواد العملية وهى
محاسبة - اقتصاد - رياضة
هنكون معاك بملازم متابعة لمحاضرات الكلية بدقة ومليانة اسئلة وتطبيقات من امتحانات السنين السابقة
#متقلقش إحنا معاك لحظة بلحظة لحد تخرجك بأذن الله ❤
------------------------------------------------------------------------
>> خلصت سنة التجارب وعملت كل حاجة نفسك فيها وأكيد اتعلمت كتير جدا من سنة اولى
الناس الى مقدرتش تجيب تقدير وطلعت صافى قدامك فرصة فى تانية تعوض تقديرك
الناس الى طلعت بمواد لازم تكون اتعلمت من الى حصل معاك وتعوض ده
عندك التيرم ده 6 مواد:-
المحاسبة - الاقتصاد - الرياضة - الادارة - اللغة ( اقتصاد ) - التسويق
>> بأذن الله هنبدأ التيرم ده أهم 3 مواد:-
المحاسبة - الاقتصاد - الرياضة
#ملحوظة:-
حضورك من الأول هيفيدك فى إنك تسمع المنهج أكتر من مرة وده هيساعدك جدا فى الامتحان ومش هتقعو فى نفس مشاكل سنة أولى
-------------------------------------------------------------------------
#البعبع 😕
طلبة الفرقة الثالثة أما بعد 😀 طبعا انتو داخلين على سنة دراسية جديدة وبيتقالكم من اول ما دخلتم الكلية إنها أصعب وأتقل سنة 😕
الكلام ده طبعا صح بس مش فكرة صعبة على أد ما هى تقيلة
طيب ايه الاختلاف ما بين الى فات وما بين تالته؟
أولا بتبدأ المحاسبات تتعدد معاك بمعنى إنك السنتين الى فاتو كنت بتاخد محاسبة عامة كل تيرم, السنة دى هتاخد محاسبتين كل تيرم
محاسبة تكاليف + محاسبة حكومية
ثانيا بتدرس مادة جديده ومستقلة بذاتها ووهى مادة ( الحاسب الألى )
وبيجى بعدهم 3 مواد شبه نظرى وهم ( اقتصاد - اداره - لغة >> اقتصاد )
طيب المفروض اذاكر فى تالته ازاى؟
المهم فى تالته هو انك تحضر محاضراتك من الاول سواء فى الكلية لو فهمت من الدكاترة او فى السنتر, لانك لازم تكون فاهم الى بتاخده جدا جدا علشان يتسهل عليك بعد كده فى المذاكرة, ده غير إن المناهج مش صغيرة فا فكرة إنى هلحق الم فى الاخر دى صعبه شوية 😕
#أخيرا المواد الخاصة بالفرقة الثالثة لازم تاخدها مع محاضرين ليهم خبره فى تكوينة كل مادة وعارفين دماغ كل دكتور متواجد فى كل مجموعة ومتابعين كويس جدا جدا لمحاضرات الكلية وللمجموعات فيما بعد
>> وإحنا كسنتر سمايل بنوفرلك ده فى هيئة التدريس الخاصة بالفرقة الثالثة > كمان على أد ما قدرنا خلينالك مواعيد كورساتك مش متداخله مع مواعيد حضورك فى الكلية >> لو مفصلتش نفسك عن الكلام ده وركزت فى حاجة واحده بس إنى عاوز اذاكر وانجح واخلص على خير هتتوه جدا
إحنا كسنتر سمايل زى ما الناس متعوده معانا على مدار السنين السابقة بنوفرلك محاضرين عندهم إختلاف فى طريقة الشرح والالقاء وكمان بما انها اخر سنه ليك فا هيوجهوك تقدر تعمل ايه علشان تكون جاهز لما بعد الدراسه بأذن الله
رابعة عندك التيرم الاول 6 مواد:-
المؤسسات - النظم - الاحصاء - اللغة - الاسواق والمؤسسات - الاقتصاد
>>> هتكون ملازمنا متابعة لكل الى اتقال فى المحاضرات بأذن الله
