09/10/2023
سيشن يوم الجمعه إللي جايه بتاعه الكول سنتر من غير شروط عشان تخشها و مش هسيبك غير و إنت عارف تعمل أي عشان تشتغل كول سنتر بإذن الله. ❤️
قررت اخش ف خناقه مع معهد عنتيل ف السوق ، و أنا أعرف شخصيا معاهد أحسن منه بمراحل بس مبيتكلموش عنه عشان عارفين إن المعهد ده بيقفل أي معهد صغير لسه بيبدأ لو انتقدته و الناس عاوزه تاكل عيش ف بتسكت.
⚠️ ف والله ل استمر ف الحاجات المجاني و ف إني أعرف الناس على الاماكن إللي تستحق تاخد معاها كورسات ، لأني طالب و عارف يعني أي بتبقي خايف عل الجنيه إللي إنت واخده من عيلتك ولا سلفه ولا إشتغلت عشان تحوشه و خايف ترميه عل الارض ف مكان ميستحقش حرفيا.
⚠️ عشان بنتقدهم ، بيبعتولي ناس عشان تاخد معايا برايفيت و بعد كده يشوهوا ف صورتي ، و ده إللي حصل معايا بالفعل أول م بدأت البيدج و قولت إن المعهد النمساوي أحسن منهم.
أنا كل همي إن محدش ياخد معاكوا و يتغفل ف 5000 سعر كورس ال B2 و في الاخر الانستراكتور إللي تديله تقوله أول مره أدرس من كتاب Aspekte neu, و أنا إللي اصححلها الجرامتيك ، و أنا إللي اشرح للناس إللي معايا الجرامتيك ، عشان هي مش عارفه تشرحه.
في أول مره عرفت توقف البيدج عشان كنت لوحدي ، بس دلوقتي معايا رجاله عل البيدج. 😂❤️
