Brothers In Sciences

29/01/2017

17/07/2016

اية هى الكواركات ؟؟
هو جسيم أولي وأحد المكونين الأساسيين للمادة في نظرية النموذج القياسي لفيزياء الجسيمات (المكون الآخر حسب هذه النظرية هو الليبتونات) لها كتلة ولكن أبعادها صفرية، تتم مشاهدتها عند حدوث تصادم شديد بين البروتون والإلكترون. وقد أطلق موري جيلمان هذا الاسم على الكوارك. منها ستة أنواع.
للكواركات جسيمات مضادة مثل بقية الجسيمات الأولية تدعى "كواركات مضادة"، حيث تتميز الكواركات والكواركات المضادة بأنها الجسيمات الوحيدة التي تتآثر مع بعضها باستخدام القوى الأربع الرئيسة الموجودة في الطبيعة. تشكل الكواركات معظم الجزء الداخلي للمادة، وهي مترابطة مع بعضها بقوى شديدة. هذه القوى التي تربط الكوارك مع بعضها البعض تدرس في فرع من الفيزياء يدعى الكروموديناميكا الكمية (Quantum-chromodynamic )
تجتمع الكواركات معا لتشكل جسيمات مركبة تسمى هادرونات، الأكثر استقرارا التي هي البروتونات والنيوترونات، وهي مكونات نواة الذرة. لا يمكن أن تظهر الكواركات بشكل مفرد حر فهي دائما محتجزة ضمن هادرونات ثنائية (ميزونات) أو ثلاثية (باريونات) مثل البروتونات والنيوترونات وفى كمان تجمع خماسى بس دة عايز موضوع لوحدة .
للكوارك ست أنواع وتسمى بالنكهات وهي: العلوي، السفلي، الساحر، الغريب، القمي، والقعري. كل من الكوارك العلوي والسفلي له كتلة أقل من باقي الكواركات الأخرى. فالكواركات الأثقل تتحول إلى علوية وسفلية بسرعة خلال عملية تسمى اضمحلال الجسيم: حيث تتحول حالة الكتلة الأثقل إلى حالة كتلة أخف. لهذا فالكوارك العلوي والسفلي هما الأكثر استقرارا ووجودا في الكون، في حين أن الكواركات المسماة بالساحر والغريب والقمي والقعري يتم إنتاجها فقط من خلال اصطدامات عالية الطاقة (مثل المستخدمة في الأشعة الكونية ومعجلات الجسيمات

15/07/2016

المرة اللى فاتت اتكلمنا عن بوزون هيغز وقولنا انة جسيم اولى طب اية هى الجسيمات الاولية ؟؟ هو التعريف بتاعها ان هى البنية الأولىية لكل مادة الكون وأنها لا تحتوي بنية داخلية أو عناصر أصغر منها ضمنها، في حين تتشكل معظم الجسيمات الأكبر من مكونات ذرة وذرات وجزيئات العناصر والمركبات من هذه الجسمات الأولية أساسا. تحدد نظرية النموذج العياري في فيزياء الجسيمات هذه الجسيمات بانها : كواركات وليبتونات وبوزونات قياسية. كل واحد من الجسيمات الاولية دى هنتكلم عنة بالتفصيل ان شاء الله بس دة مش اكيد ان البوزون والكوارك والليبتون يفضلو هما الجسيمات الاولية وزى ماعتبرنا ان الذرة هى اصغر جسم واكتشفنا بعد كدة تكوينها من بروتونات والكترونات وبروتونات ممكن برضو نكتشف تكوين للجسيمات الاولية دى ومتبقاش اولية =D لان فى نظرية بتقول انهم كمان بيتكونو من اوتار من الطاقة ودى نظرية الاوتار

13/07/2016

يعنى اية كتلة ؟؟ هو مايحتوية الجسم من مادة (دة اللى اتعلمناة ). طب لية فى اجسام ليها كتلة واجسام تانية عديمة الكتلة ؟ السؤال دة حير علماء الفيزياء لحد ماجة عالم اسكتلندى اسمة هيغز عام 1964 وافتروض وجود جسيم اولى نشأ من الانفجار العظيم سمى بوزون هيغز وكتلتة تبلغ 200 مرة كتلة البروتون هو المسؤول عن طريق ما ينتجه من مجال هيجز عن حصول الجسيمات الأولية لكتلتها ، مثل الإلكترون والبروتون والنيوترون وغيرها . وتمكن العلماء من رصده عمليا بنسبة 99.999% بواسطة مصادم الهادرونات الكبير (LHC) الموجود في مختبر سيرن حيث تصل فيه سرعة البروتونات إلى سرعة الضوء تقريبا. والأعظم من ذلك أنه في معجل الهادرونات الكبير تم تصويب شعاعي بروتونات كل منهما بسرعة مقاربة لسرعة الضوء ضد بعضهما رأسيا، ثم تمت دراسة نتائج هذا الاصطدام الذي يماثل ظروف الانفجار العظيم على مستوى مصغر. ولتمثيل ظروف اللحظة الزمنية 10−35 من الثانية الأولى بعد الانفجار العظيم، والتي يُعتقد أن بوزونات هيجز تكونت عندها, يتطلب تخليقها ظروفا قد تصل إلى 5000 مليار إلكترون فولت. تم تأكيد وجود جسيم هيغز من قبل سيرن يوم الاربعاء في 4 يوليو 2012 .طبقا للنموذج العياري ليس جسيم هيغز مشحونا ، وأن عزمه المغزلي مساويا للصفر

13/07/2016

تأثير دوبلر
دى حاجة كدة العلماء استخدموها علشان يقدرو يحددو او يرصدوا التغير فى الطول الموجى لمصدر (ضؤ او صوت ) استخدمها عالم الفلك الأمريكي هابل عام 1929 في رصد النجوم ، واكتشف أن مجرة أندروميدا تقع خارج مجرتنا المعروفة بدرب التبانة ولا تنتسب إلينا . ثم رصد هابل السماء ووجد العديد من تلك المجرات البعيدة . وكانت دهشته كبيرة عندما وجد عن طريق ظاهرة دوبلر أن كل تلك المجرات تبتعد عنا بسرعات عظيمة وفي جميع الاتجاهات ، ووصل لهذا التفسير عندما وجد أن أطياف تلك المجرات منزاحة بدرجات متفاوتة نحو اللون الأحمر ، فكان هذا الاكتشاف اكتشافاً عظيماً إذ عرفنا أن الكون يأخذ في الاتساع.

26/05/2016

What do black holes sound like?

Janna Levin, professor of physics and astronomy at Columbia University and author of Black Hole Blues, describes the noise that black holes make this way: “You could say black holes are playing drums out there. Space-time is the drum, and black holes are the mallets.” The collision of two black hole...

22/05/2016

طبعا كلنا رحنا حديقة الحيوان وشفنا الزرافة وعجبتنا جدا خصوصا رقبتها الطويلة ,بس حد فيكوا سال نفسه هى ليه طويلة كدة ؟؟؟
- سمعاك ياللى بتقول خلقة ربنا هنعترض !!
- طبعا ونعم بالله بس برده ربنا ادانا العقل عشان نفكر ونفسر , انا بقى هقولك البحث العلمى وصل لحد فين فى الموضوع ده :D
نحج علماء، للمرة الأولى، في رسم الخريطة الجينية (الجينوم) للزرافة، وكشفوا النقاب عن الجينات التي تسهم في تفسير كيف طور أطول حيوان على الأرض طول رقبته.
- ازاى , ركزوا بقى كويس تمام
يعتبر نمو الزرافة أمر بالغ الصعوبة، إذ أن ضخ الدم لمسافة مترين أعلى من الصدر حتى المخ يحتاج قلبا "بمحرك تيربو".
وتحتاج الزرافة أيضا لصمامات أمان خاصة تمكنها من الانثناء من أجل الشرب ورفع رأسها مرة أخرى دون أن تفقد الوعي.
وكانت بنية جسم الزرافة الفريد لغزا طالما حير علماء الأحياء ومنهم تشارلز داروين.
والآن بمقارنة جينوم الزرافة بأقرب أقربائها وهو حيوان الأوكابي قصير الرقبة، حل العلماء جزءا من اللغز بتحديد تغييرات في عدد قليل من الجينات المسؤولة عن تنظيم شكل الجسم والدورة الدموية.
ويشير هذا إلى أن الرقبة الطويلة والقلب القوي تطورا جنبا إلى جنب بدعم من عدد قليل نسبيا من التغييرات الجينية.
ونقلت رويترز عن موريس أجابا الباحث بالمعهد الإفريقي للعلوم والتكنولوجيا في تنزانيا قوله: "توجد نظريات كثيرة بشأن كيفية نمو رقبة الزرافة بهذا الطول. لكن يبدو أن تطور القلب والأوعية الدموية حدث بالتوازي مع تطور الهيكل العظمي".
والكشف عن العوامل الجينية المعنية بجهاز القلب والأوعية الدموية الاستثنائي للزرافة قد يفيد أيضا، نظرا لأن هذه الحيوانات تبدو قادرة على تجنب الأضرار التي تصيب أجهزة الجسم البشري المصاب بارتفاع ضغط الدم.
- طبعا عرفتوا دلوقتى , صح
شير و عرف غيرك بقي ;)

07/05/2016

احنا خدنا في المدرسه ان مينفعش حاجه تشتعل من غير اكسجين ، طيب الشمس ازاي مشتعله من ملايين السنين في الفضاء من غير اكسجين ؟ ايوا عارف ان فيها نسبة اكسجين بسيطه جدا لا تتعدي الـ 1% و ده مش كفايه انه يخليها تشتعل و تطلع الطاقه الحرارية الهائلة دي من ملايين السنين و حتي الان ؟ :D
فعلا يا جماعه من شروط احتراق اي شئ وجود اكسجين يعني لو في شقه بتولع و قدرت تمنع عنها الاكسجين هتطفي و فعلا نسبة الاكسجين في الشمس لا تتعدي الـ 1% و دي ببدأ اول شراره بس ،
يعني و يكأنك بتزق عربيه عشان تدور ، الزق بتاعك مش هيمشيها علي طول انت يادوب هتديها زقه بس و بعدين المحرك يدور و يحركها :D .. اهي نسبة الاكسجين البسيطه دي هي الزقه ، طيب فين المحرك بقي ؟؟
المحرك أو السبب الأساسي اللي مخلي الشمس مشتعله حتي الان من حوالي 4.6 مليار سنه ( و ده تقدير العلماء لـعُمر الشمس ) و لسه مستمره في اشتعالها هو
(( الاندماج النووي )) اللي بيحصل في الشمس يا كبير :D
نزل حواجبك بس و بلاش الاندهاش ده الله يرضي عليك :D بص يا سيدي
اهم معلومه عن مكونات الشمس و اللي أغلب الناس عارفاها انها بتتكون من غازين أساسيين :
الهيدروجين و الهيليوم ، و دول اللي بيشغلوا حوالي 98% من حجمها
حلو اوي ، إيه بقي اللي بيحصل جوا الشمس ؟
هيجي 4 ذرات هيدروجين ملو هدومهم كده كل ذرة منهم كتلتها و لتكن 2 جرام مثلا .. اوكيشن ؟؟؟
هيقولوا يا جماعه الاتحاد قوة و متنسوش الذئب يأكل من الغنم القاصية .. طب نعمل ايه ؟
احنا نتحد سوا و نبقي شخص واحد .. و نغير اسمنا ده زهقنا منه .. طيب نسمي نفسنا ايه
ايه رأيك في هيليوم ؟ اسم حلو و موضه الايام دي ... خلاص توكلنا علي الله :D
بس ثواني احنا كل واحد مننا كتلته 2 جرام و إحنا 4 .. كده اما نبقي شخص واحد هيبقي كتلته 8 جرام و هنتخن :D
هنتخن يعني ؟؟ مانتخن ، المهم نبقي كده
المهم اما اندمجوا و بقوا شخص واحد ، أو ذرة واحده اسمها هيليوم لقينا كتلتها مطلعتش 8 جرام !!
دي طلعت أقل !!! لا انزلوا الصيدليه اوزونوها تاني .. مفيش فايده وزنها فعلا أقل حوالي 7 جرام
يادي النيله ؟؟ فرق الكتله ده راح فين
هو انا مقولتلكش ؟؟ :D مهو أصل اينشتاين قالك فرق الكتله ده بيتحول لطاقه في النظرية النسبية :D
- قول وربنا ؟؟ هي النسبيه دي ورايا ورايا !!
اها والله ، الراجل كتب علي السبوره عنده معادله بتقول (E=mc^2)
E = مقدر الطاقة .... m = الكتلة ...... C^2 = مربع سرعة الضوء
و قال ان فرق الكتله اللي بينشا نتيجه الاندماج ده بيتحول لطاقه هائلة و ده اسمه قانون تكافؤ الكتلة و الطاقة
- طاقة هائلة ايه ياعم بطل أفوره ده يادوب جرام مش هيفرق حتي لو اتحول لطاقه 　
لااا مهو دي التركااايه بقي يا برنس :D متستقلش بالجرام ، و ده لييييه بقي ؟؟
عشان الجرام ده هيتضرب في مربع سرعه الضوء .. اقولك الطاقه اللي هتطلع قد ايه ؟ بس متحزش في نفسك
90 مليون مليون جول ، أو 21.5 ألف طن من ماده TNT المتفجره َ!!!
تخيل بقي ان كل 4 ذرات هيدروجين يتجمعوا و يطلعوا الطاقه الهائله دي و الاندماج شغال بقي مش بيقف
و الهيدروجين مش بيخلص في كمية كبيره اوي منه و بيحصل تفاعلات تانيه بين باقي العناصر بتنتجه فاطمن .
و ده السبب اللي مخليك متدفي و انت اعد دلوقتي ^^
* طبعا أرقام الكتل اللي كتبتها فوق دي مش صح خالص
كتله الـ 4 ذرات هيدروجين متجمعه = 6.693 * (10)^-27 كليوجرام
و كتلة ذرة هيليوم واحده = 6.645 * (10)^-27 كيلوغرام
و بالتالي فرق الكتله مش جرام طبعا ، الفرق هيساوي = 0.048 *(10)^-27 كيلوجرام
بس محبتش اكتب الارقام دي في نص الكلام عشان مترفعش حاجبك تاني و تتنح :D
لكن الجرام الواحد بيطلع فعلا كمية الطاقة اللي ذكرتها

06/05/2016

(cosmic microwave background radiation)
هي أشعة كهرومغناطيسية توجد في جميع اركان الكون بنفس الشدة والتوزيع وهي تعادل درجة حرارة 2.725 درجة كلفن. من الاخر دى صورة بتوضحلنا الكون ابتدا ازاى
يفسر نموذج الانفجارالعظيم تلك الأشعة. فعندما كان الكون صغيرا جدا وقبل تكون النجوم والمجرات كان شديد الحرارة جدا وكان يملأه دخان ساخن جدا موزعا توزيعا متساويا في جميع أنحائه. وكانت مكونات هذا الدخان من بلازما الهيدروجين، أي بروتونات وإلكترونات حرة من شدة الحرارة وعظم الطاقة التي تحملها. وبدأ الكون يتمدد ويتسع فبدأت بالتالي درجة حرارة البلازما في الانخفاض، إلى الحد الذي تستطيع فيه البروتونات الاتحاد مع الإلكترونات مكونين ذرات الهيدروجين.وخلال الفترة الزمنية بعد الانفجار العظيم من 100 إلى 300 ثانية ـكونت بنسب قليلة عن الهيدروجين أنوية عناصر تتلوه في الثقل، مثل الديوتيريوم والهيليوم.وبدأ الكون أن يكون شفافا. وكانت الفوتونات الموجودة تنتشر في جميع الأرجاء إلا أن طاقتها بدأت تضعف، حيث يملا نفس عددالفوتونات الحجم المتزايد بسرعة للكون. وهذه الفوتونات هي التي تشكل اليوم إشعاع الخلفية الميكروني الكوني CMBR. وما نجده منها اليوم يغمر السماء فقد انخفضت درجة حرارته عبر نحو 13.7 مليار من السنين إلى 2.725 كلفن.

06/05/2016