Food Processing Student Council - FPSC

23/03/2023

كل عام و انتم بخير
رمضان كريم 🌙

22/09/2021

اهرب يا ياسين اهرب ربنا معاك

17/03/2019

hi

10/09/2017

احلى دفعة داخلة دي ولا ايه ولا ايه ؟😂

30/08/2017

طبعا كلنا فاكرين زمان ايام الطفولة لما ماما كانت تندهلك و تقلك
"يلا يا حبيبي تعاله كل سبانخ عشان تبقا قوي زي باباي"
و مهما حاولت تهرب كنت لازم تاكل من الطبخه المشؤمه دي 😂
و اللي للأسف اكلتها و استحملت طعمها البشع ده علی الفاضي 😃

خلونا نشرح الموضوع من بدايته في أوائل القرن ال19 واحد من العلماء عمل بحث عن نسبة المغذيات في السبانخ و وجد ان نسبة الحديد فيها 2.2 ملغ لكل 100 جرام، لكن لما جه ينشر الورقه البحثيه الي فيها الكلام غلط الغلطة الي اتعذب بسببها أجيال كامله 😂 و هي انه نسي الفاصلة العشريه و كتب ان السبانخ فيها 22ملغ لكل 100 جرام ، الصحف اتكلمت و نشرت ان السبانخ هي افضل مصدر الحديد و فيها نسبة نسبة حديد تزيد 5 أضعاف اي خضار تاني و الكلام ده استمر لعقود من الزمن و بسببه اترسخت في افكار الأباء ان حديد يعني سبانخ و الفكره انتشرت من جيل للتاني

و السبانخ حاليا كغذاء مش مرغوب فيه اوي لسبب ان جذورها عندها قدره عاليه جدا لأمتصاص النترات من التربه و الي ممكن تعمل حالات تسمم

هننهي كلامنا النهارده بشوية نصائح :

متاكلش اي خضار في حديد و لو حتی بنسبة بسيطة مع اي حاجه فيها كالسيوم لانه ممكن يتحد معاها و يسببو حصوات في الكليه علی المستوی البعيد
من اهم مصادر الحديد الحمص و اللحوم لو بتعاني منحتى فقر الدم فمنظمة الصحه العالمية بتقلك تاكل لحوم 3 مراات علی الاققل في الاسبوع
و اخيرا الشاي يا جماعة محدش يشربه بعد الاكل انت كدا بتكسر اي حديد بتاكله 😃!
استنونا في المقال الجاي و هنتكلم عن الشاي و فوائده لما تستخدمه صح

و ابقا وري الكلام ده لست الكل و قلها متعملش سبانخ تاني 😂

29/08/2017

صناعة الاغذيه واحده من اكبر الصناعات في مصر، و علی عكس باقي الصناعات اي فرد فينا بيتعامل مع الصناعة دي بشكل شبهة يومي طبعا لأن مين فينا هيبطل اكل 😃
الحياة متنفعش من غيره 😂

زي ما كل واحد جنب بيته عارف مين الجزار الكويس او محل الألبان النضيف و بيشتري منه لازم برضه نكون عارفين الشركات النضيفه الي نشتري منها 😃
و لكن للأسف احنا في مصر معندناش علم ولا وعي كافي عن علوم الأغذية عموما أو الاغذيه المصنعه بالذات، و علی عكس الرائج او المعروف في بلدنا فالأغذيه المصنعة انضف بكتير من الي بتتباع عند المحلات و ده لأن طريقة تصنيعها تمت تحت بيئة معقمه 😄
و ده سبب نظره للأن اي حاجه بتتباع في السوبر ماركت بتبقا فيها مواد حافظه و ده مش صح، في من المنتجات دي بيكون معامل معاملات كتير زي البسترة او التجميد و دي حاجات آمنة صحيه جدا
و عشان كدا اول موضوع هنتكلم فيه هو الأغذيه المجمده زي الخضار المجمد، ولما بنقول كلمة مجمد الناس بيجلها خوف من اي منتج متجمد عموما، و ده بسبب قلة معرفه بأزاي التجميد ده بيتم.
في البدايه عاوزينكم تعرفو ان في نوعين من التجميد:
تجميد سريع و تجميد بطئ (Fast freezing & slow freezing)
التجميد البطئ الموجود عندنا في البيت بياخد حوالي 3 ساعات، و الخضار بيتجمد كليا سواء قشرته الخارجيه او قلبه من جوا، و التجميد ده ليه نوع من الضرر وهو انه بيكون بلورات ماء كبيره في الحجم عاوزك بقا تتخيل ان البلورات دي مقصات عمالة تقص في غشاء الخليه بتاع الخضار و بسبب كدا لما نيجي نسيحه عشان نطبخه بيفقد كم كبير جدا من الفوائد الغذائيه الي في

اما التجميد الموجود في المصانع هو التجميد السريع و ده بيكون تجميد لحظي بحيث ان المنتج بيتكون حواليه طبقة جليديه خارجية يعني المنتج يبقا قشرته بس متجمدة و من جواه لسه فريش، الي يفرق ده عن التجميد العادي بتاع البيت انه بيعمل الطبقة الجليدية دي من بلورات ماء صغيره جدا متقدرش تقطع غلاف الخليه و بتحافظ علی الفوائد الغذائيه في الخضار
و عشان كدا لو ست الكل حبت انها تجمد الخضار فالأحسن أنها تشتريه مجمد مش تجمده بنفسها.
ده كان اول مقال لينا بعد توقف سنتين من الكتابه 😃
لو عجبكم الموضوع ممكن تدعمونا ب like او share عشان نكمل سلسلة المقالات دي و الي هدفنا بيها نرفع الوعي العام بعلوم الأغذية

29/08/2017

عملتوا ايه في انترفيو النهاردة ؟

12/12/2016

مجال الاغذية مجال حساس و مهم في مصر و اكتر حاجة من السهل جدا انك تطلع عليها اشاعات او انك تدس حاجة في المنتج و بعد كده تصورو و تنزله على مواقع التواصل الاجتماعي و الاشاعة تزيد الي ان تكون قضية و ناس كتير تتأذي في الموضوع من عمال الي مهندسين . عشان كدة المصانع عندها معمل جودة و traceability للمنتج من ساعة ما يجي من المورد الي ان تورد للموزع . ده غير المواصفات القياسية المصرية اللي اي مصنع لازم يتبعها عشان منتجه ينزل السوق .
الاشاعة دايما بتطلع على المنتج الناجح من شركة مونديليز العالمية اللي بتشتغل اعلى من المعايير المصريةفي منتج اريو كادبوري فور نزولها السوق او هاينز "الرائدة في مصر في صناعة الكاتشب " ( العالمية ) او في الاشاعة الحالية في شركة اديتا و شركة اديتا اللي بتنتج العشرات من المنتجات من ساعة ما وعينا على الدنيا و منتجها الاكثر من ناجح تودو براونز او كوكاكولا او بيبسي و شيبسي و اندومي ليه مثلا محدش بيتكلم على المنتجات اللي فعلا محتاجة رقابة اللي بتتعمل تحت السلم بالمعنى " بدون ذكر اسماء " و الدولة سايباها !! حتى اللي في ايد الدولة و بتطلعو على شكل تموين محدش بيتكلم عنها و منتجاتها !! .
قبل ما تعمل شير لللاشاعة نعقل الكلام و نسأل اللي فاهم ايه الوضع في الاشاعة دي .

12/12/2016

اولا لو دورتوا ببساطة على جوجل هاتلاقى الماده دى اسمها هاتلاقيه مكتوب Acetylated distarch adipate تعالى نفسر براحة اول حاجة كلمة starch لو ترجمتها هاتلاقيها نشا أيوه صح هو النشا بتاع البيت محطوط معاه acetic acid الى هو لو سمعت عن كيمياء فى حياتك هتعرف انو الخل ألى بيبقى موجود عندك فى البيت ف سؤال واحد ازاى دهن الخنزير و ازاى اصلا دهن ده حامض و ده كاربوهيدرات نقطة تانية مفييش فى مصر مضافات للأغذية غير حلاال و محدش بيستخدمها اصلا لأن الاسعار مبتفرقش كتير على فكره و شركة كبيرة زى ايدتا اكيد مش هتعمل كده
فككوا منه ده راجل حوارتجى بس كده ✋✋

Todo Brownies

06/10/2016

شركة نستلة للأيس كريم العالمية أصبحت شركة فرونيري Froneri بعد الإندماج 50% مع شركة R& R للأيس كريم التي أفتتحت في ألمانيا أول فرع لبيع الأيس كريم سنة 1932 لمؤسس إيطالي وهو Regina Roncadin

18/09/2016

اهلًا بطلاب الدفعة الجديدة و نتمنى لكم عام دراسي سعيد