22/08/2017
ونرجع تانى ونقوووووووووووول منورين الكون وعلم النفس حياه بقى وكده 😍😍
يلا بينا 5 علم نفس هنتكلم عن علم نفس الطفل شويه بقى
الاطفال حياه زينه الحياه الدنيا غالبا كلنا بنتعامل مع اطفال قرايبنا خواتنا ولادنا جرانا او او
حتى لو ناخد معلومه نعلمها لغيرنا
ازاااااااااااىى اربى طفلى صح وازاى اتعامل معاه ؟
مبدئيا كده ننسى الى اتربينا عليه خالص ونروح رحله كده في علم النفس
اولا
مطلوب من حضرتك تربى طفلك على التعاون وليس الطاعه
مفيش حاجه اسمها اسمع كلام منغير مناقشه ده كلام مش صح
1- اطلب ولا تأمر
مبدئيا عدل كلامك ممنوع اسلوب الامر
مثال * فارس رتب سريرك - البس هدومك عدل - اغسل سنانك او او اوااامر
الصح *فارس ايه ريك ترتب سريرك ؟ يلا بينا - فارس ممكن تلبس هدومك - ممكن تغسل سنانك ؟
اطلب الطلب مباشر
اطلب طلب مفهوم وواضح هو مش فاهم يعنى ايه البسها عدل ده اديه كلام يفهموا حسب ادراكه البسيط جدا بالنسبه لادراك حضرتك
قياسا بقي على اوامر كتير جدا ده مثال وجود انت بقي
اتعلمها مع اى طفل ايا كان علاقتك بيه حسسه انه ليس بالعبد الذى يامره السيد فيطاع
2- حضرتك اب او ام وليس بظابط شرطه
بلاس اسئله س وج مع الطفل والسخريه والاستهزاء
مثال *فارس مثلا كسر شئ فى البيت
عملتها امتى ؟ وفين ؟ والساعه كام ؟ كام شخص شافك ؟ فى دافع ولا مفيش ؟
لو رد عليكى وقالك مش قاصد
بلاش تقوليلوا الكلام ده تقوله فى النيابه اه قصدى لما ابوك يجى
غالبا المشهد ده بيتكرر كل يوم فى كل البيوت
حتى بيوتنا
حتى معانا واحنا كبار
ده غلللللللط
ممنوع تسخرى من الطفل مش بس قدام الناس ولا حتى بينك وبينه
ممنوع اسلوب الاستجواب ده
ممنوع تحسسيه ان ابوه مامور سجن الى مهمته يخوف ويعاقب
غلط غلط
علميه ميخافش يقول غلط واسف واتعلمت من غلطى
علميه يراقب نفسه ويتعرف على اخطاءه ويعترف بيها ويقبل العقاب ومراحل اعلى كمان هيعاقب نفسه
علميه ان الرقيب الضمير مش بابا لما يجى
علميه ان العقاب مش معناه اوجعك واهينك معناه بس انك تعرف ان ده غلط وتفهم ان لكل تصرف حساب
3- التعاون والمشاركه
علمى طفلك يساعدك
مثلا *فارس حبيبى يلا بينا نرتب الاوضه يلا بينا نغسل الكوبيات * واقوم معاه وامسك ايده لما يخلص اسقفله
احسسه ان التعاون احساس جميل
اوبااااااااااااا كده مستوى غريب جدا طيب اكيد شخص بيقرا ايوه ايوه سمعاك بيقول اومال اعاقبه ازاى واعلمه ازاى يراقب غلطه
حضرتك فى مستويات وفى وقت معين ابدا اعاقب فيه وكمان اساليب بناءه جدا وغير مضره نفسيا
ولكن دى بقى البوست الجاااااى وعليك خير
تابع
منشن بقى للامهاااااااااااااات واى شخص بيتعامل فى حضانه او مع اططفال او او او حد حابب يتعلم
نشير ونعلم الناس لعل وعسى يكون سبب فى انك تشارك فى تربيه سليمه
الجيل بيضيع مننا عاوزين ننقذه ونبنى جيل جديد
سوى نفسيا نلحقه
يلا بينا
منورين الكون
😍😍
