20/06/2026
شهاده المعهد الفني للصناعات المتطوره, هي شهاده تعليم فني متوسط.. دا صحيح!
-لاكن, المعهد فعلا سمعته كويسه جدا !!
-عندك 100 طريق تقدر تمشيه بعد المعهد وتكون انسان ناجح وتوصل لكل الي شايف انك تستحقه. لاكن تكون قد المسئوليه!
مسئوليه انك عندك هدف ولازم تتعب علشان توصله.
-أدرس في المعهد القسم الي تحبه, كله له مستقبل, الموضوع متوقف علي طريقه تفكيرك, وازاي هتتعب.
--------------------------------------------------------
- انا طارق عاطف, خريج قسم حاسبات, قبل ما حتي يكون في الشعب الي موجوده. دفعه 2014.
- شهاده تخرجي (فني حاسبات) معترف بيها في المانيا من زمان ,كنت نزلت منشور بكدا.
- من سنه حصلت علي الجنسيه الالمانيه.
- محاضر وممتحن examiner في غرفه الصناعه والتجاربه في المانيا, لكل اقسام ال IT
( اقسام الحاسبات , منها برمجه وشبكات ..ألخ , التعليم الفني والمتوسط والتعليم المزودج(الفني والجامعي مع بعض))
-بشارك في وضع الامتحانات النهائيه, غير تصحيح اوراق الامتحانات و بنقاش مشاريع الطلبه منهم الالمان والاجانب طبعا.
-محاضر لغه المانيه وبمتحن الطلبه للحصول علي شهادات اللغه الالمانيه, زي Telc و ÖSD من A1 ل C2
----------------
الي عايز اقولوا: عندك الاختيارين, يائما تطلع باكتر استفاده من المعهد, بانك تتعلم وتاخد كل الي تقدر عليه من علم. وتطور من نفسك وتتعلم لغات, وتعيش ايام المعهد, بحلوها وكمان بايام ضغط امتحاناتها, حقيقي دي احلي ايام حياتك, وهتتعرف علي مهندسين, حقيقي من اكثر المحاضرين جمالا ورقي.. وتتعلم منها.. ممكن يكونوا بعد كدا زملائك في العمل.. وتكمل طريقك بعد المعهد... وربنا يكرمك.
-او انك تفضل ساخط, انك مجبتش مجموع كبير.
- بسعي اني اهتم بخريجي التعليم الفني في مصر, واجبلهم منح في المانيا: تابعوا الاكونت باستمرار.. ان شاء الله في القريب العاجل, نجيب منح من شركات زي سيمنز وغيرها لمتفوقين المعهد.
صفحتي
https://www.facebook.com/profile.php?id=61586399472071
