https://www.facebook.com/105465662285630/

الصفحة المش رسمية للفرقة الأولي _ إعلام القاهرة, كلية الإعلام جامعة القاهرة, Giza (2026)

28/09/2022

📌 هام لطلاب الفرقة الأولي :

• حيث تم إنشاء الجروب الرسمي للفرقة الأولي بكلية الاعلام جامعة القاهرة التابع لإدارة الكلية " رسمياً "

• والذي سيتضمن جميع المعلومات المؤكدة والرسمية التابعة من ادارة الكلية

https://www.facebook.com/groups/659326098934520/?ref=share

• ويجب ارسال " بطاقة الترشيح " لأدمن الجروب.

27/09/2022

📌 هام :

09/09/2022

📌 اعلان هام :

كشف بأسماء الطلاب المستجدين بالفرقة الأولي بكلية الاعلام جامعة القاهرة للعام الدراسي 2022_2023.
والذي يتضمن الأسماء ب 《 الترتيب الأبجدي، الرقم الجامعي، كود الدفع 》

" البيانات دي لازمة للتسجيل بدايةً من يوم الاثنين الموافق 12. 9

https://drive.google.com/file/d/1AWJce1GgEL8j5lHtoUsX51Tcs_vABQ55/view?usp=drivesdk

07/09/2022

📌 تعديل هام بخصوص دفع المصروفات لشعبة اللغة العربية.
حيث سيتم دفع المصروفات ودفع رسوم فتح الملف في نفس الوقت.
علماً بأن مبلغ المصروفات تحديداً سيتم معرفته من قبل شئون الطلبة بالكلية.

07/09/2022

📌 اعلان هام.
للطلاب الراغبين في الالتحاق بال EMCCU.
علماً بأن رسوم الامتحان هي 1073 جنيه شامل تكلفه الخدمة.
وكود الدفع لفوري سيتم استلامه من الكلية.

07/09/2022

📌 إعلان هام :
تم تحديد موعد التقديم لطلاب كلية الاعلام جامعة القاهرة طبقاً للجدول التالي.

05/09/2022

📌《 الكشف الطبي وخطوات التسجيل 》

الكشف الطبي :
يوم الأربعاء 28 سبتمبر من حرف (أ) الي(غ)
يوم الخميس 29 سبتمبر من حرف (ف) الي(ي)
• في مستشفى الطلبة - ميدان الجيزة
• من 9:30 إلي 11:30 صباحاً للطالبات( الإناث )
• من 11:30 إلي 1:30 ظهراً للطلاب( الذكور )

الأوراق المطلوبة:-
• 2 صورة شخصية + بطاقة الرقم القومي أو شهادة ميلاد مميكنة
• صورة من استمارة النجاح بالثانوية العامة.
• استمارة الكشف الطبي المطبوعة من الموقع الإلكتروني.
من هنا : http://medcheck.cu.edu.eg
• إحضار أصل و 2 صورة من إيصال سداد فوري.

◾️ الكشف الطبي 👨‍⚕️

الخطوات :
1- هتدخل ع اللينك ده https://medcheck.cu.edu.eg/page.php?pg=iindex.php و هتدوس علي كلمة تسجيل بيانات و هتكتب رقمك القومي اللي في البطاقة و لو مش معاك بطاقة موجودة في شهادة الميلاد

2- هيتفتحلك صفحة فيها اسمك و رقمك القومي و تتأكد انه اسمك و رقمك القومي مفروض هتلاقي بيانات شخصيه و طبية بسيطة كملهم.

3- الصفحة ال بعدها هيطلب منك انك تدخل رقم الموبيل و البريد الإلكتروني علشان يتبعتلك من خلالهم كود دفع مصاريف الكشف من فوري

4- خطوة دي هتطبع استمارة الكشف الخاصة بيك
لو مفهمتش ممكن تتفرج علي الفيديو .

هيجيلك كود هتروح تدفع من فوري دي تخص خطوه رقم (3) و مصاريف حوالي 20 جنيهآ مصري
دفعت و طبعت يبقي تتوجه علي مستشفي الطلبة في ميدان الجيزة و هنبقي نعرفكم توصلها ازاي قبلها بيوم لو حد مش عارف
هتروح حسب حرفك يوم ايه و لو مش مناسبك ميعاد للاسف هتستني لحد ما باقي الكليات تخلص و بعدين تروح ايام التخلفات
الايام :
من حرف ( أ ) الي حرف ( ز ) >>>>>>> يوم

من حرف ( س ) الي حرف ( ق ) >>>>>>> يوم

من حرف ( ك ) الي حرف ( ي ) >>>>>>> يوم
--------------------------------------------------------------------------
📌 تمام هاخد معايا ايه ؟ّ
1- صورة بطاقة او شهادة ميلاد
2- صورة من استمارة النجاح لثانوية عامة " في ناس اكيد معاهم صور الاخطار اللي قدموا بيه
3- استماره الكشف الطبي اللي طبعتها فوق
4- اصل و 2 صوره من ايصال فوري ابو 20 "جنيه "
5- صورتين شخصية عند عدم رفع صورتك ف بياناتك الشخصية " خليهم معاك احتياطي "

《 - مكان الكشف الطبي هتركب مترو فيصل وتسأل على مستشفي الطلبة ومش هتاخد دقيقتين وهتوصل 》

25/08/2022

الأوراق المطلوبة للتقديم لكلية الاعلام جامعة القاهرة
اصل شهادة الثانوية العامة
اصل شهادة ميلاد كومبيوتر+صورة
8صور شخصية
بطاقة الترشيح
نتيجة القدرات
صورة البطاقة الشخصة
للذكور نموذج 2 جند
نموذج 6 جند

25/08/2022

انت عارف انك هتخش《 اعلام كريديت 》بس مش هتدفع 27 الف جنيه 🤓؟

• في ناس كتير رابطة credit بانك هتدفع فلوس، معدا ان دا بُيشير لنظام ال 《 Credit Hours أو الساعات المعتمدة 》

• وكلية الاعلام نظام دراستها بالساعات المعتمدة. سواء قسم عربي ال هتدفعله 1700 جنيه، او رقمي 22 الف جنيه او انجليزي " ال انت فاكره كريديت😂" وهتدفعله 27 الف

• والتحويل بيكون للبرامج الخاصة زي الرقمي والانجليش

• بزمن مش بعيد أوي كدا، كنا شغالين بنظام ممكن نسميه " أتكل علي الله😂".
أنت هتخلص ال 4 سنين بتوعك و " تتكل علي الله ". فاهم بقا مش فاهم بتحب أيه مش مشكلتي !

• ال لحد ما اعتمدنا نظام الساعات المعتمدة.
أنا مش هركزلك انت هتاخد كام سنة، بس انت اختار مقرراتك واختار عدد الساعات اللي انت هتدرس فيها.
يعني اه، انت ممكن تخلص جامعة ف 3 سنين مش 4سنين.

طب ازاي بنحسبها🤓؟

• الساعة المعتمدة = 50 دقيقة

• وخلي بالك ان دا بيختلف من النظري والعملي.
بمعني !؟
الساعة النظرية = ساعة معتمدة

يعني أنا دلوقتي قعدت ساعة في محاضرة تفكير نقدي، وهي " محاضرة نظرية ". اذا انا كدا خلصت ساعة من عدد الساعات المعتمدة بتعتي

طب ولو نزلت عملي اذاعة وتلفزيون مثلا !؟

الساعة العملية = نصف ساعة معتمدة
" ودا بيبقا غالباً في الكليات، وممكن تختلف. "

فلو أنا قعدت ساعتين عملي، كأني خلصت ساعة واحدة معتمدة

• في كلية الاعلام، لازم تخلص " 132 ساعة معتمدة ". عشان تقدر تتخرج وتحصل علي درجة البكالوريوس.

طب وكل دا هيتوزع علي ال 4 سنين ازاي ؟

• وبما انك مش لازم تمشي بالقاعدة دي بحذافيرها، فا عموما الفصل الدراسي الرئيسي الواحد. لا يزيد عن 21 ساعة. ولا يقل عن 12 ساعة

• في كل سنة، هيبقا عندك " تلت فصول Semester ".
اتنين منهم اجباري، و واحد اختياري

• الفصل الدراسي الأول والثاني " اجباري " : مدة دراسته كل فصل فيهم من 14 ل 16 اسبوع

• الفصل الدراسي الثالث، او الفصل الدراسي الصيفي " اختياري " : مدة دراسته من 6 ل 8 اسابيع

• تقدر تستغل الفصل الصيفي :

• في انك تخلص مقررات اساسية عندك، فا بتالي هتخلص عدد اكبر من الساعات في وقت اقل " ممكن تخلص بدري

• تقدر تعيد مواد انت رسبت فيها في الوقت دا

• تقدر تعيد مادة انت نجحت فيها اصلا بغرض انك تحسن ال GPA

طب وازاي بيتحسب ال GPA بتاعنا ؟

• ال " GPA أو متوسط الدرجات ". كل مادة هيبقا ليها 100 درجة، بيتم تقسيمهم ل 60 درجة فاينل.
و 40 درجة للشفوي والكويزات وغيرها " ودي بتتحدد من دكتور المادة ال انت اختارته "

• بيتم حساب ال GPA التراكمي من المعادلة دي.

معدل الطالب = مجموع نقاط الساعات المعتمدة لكل المقررات المسجلة في الفصل الدراسي " ال انت خلصتها " ÷ عدد الساعات المعتمدة لجمیع المقررات المسجلة في الفصل الدراسي

• ودي بتبقا مجموع النقاط " ال هو ال GPA ". وبيبقا في تقدير ال هو A او A+ او B وهكذا.

• ولو انخفض ال GPA بتاعك لأقل من 0.2 بعد أي فصل دراسي، هيتوجهلك إنذار أكاديمي لتوجيهك بضرورة رفع هذا المعدل " دا غير طبعا انهم هيقرفوك ولدكتور هيركز معاك💁🏻‍♀️"

《 والجدير بالذكر ان النظام دا أصبح من الأنظمة الناجحة دلوقتي، وال بدأت تطبقه كليات كتير زي كلية الاعلام، وكلية الهندسة وكلية الحاسبات والمعلومات وغيرهم 》

24/08/2022

إعلان مهم، سيتم عقد إمتحان القبول لكلية الإعلام جامعة القاهرة العام الجامعى 2023/2022
_ الطلاب الوافدين ، الحضور إلى مقر الكلية
- الشهادات المعادلة حجز الأختبار من خلال موقع مكتب التنسيق و الحضور الى مقر الكلية فى الموحد المحدد
- الطلاب المحولين من سنوات سابقة حد أقصي لسنة الحصول على شهادة الثانوية العامة العام الجامعى ٢٠٢١ ،حجز الأختبار من خلال موقع مكتب التنسيق و الحضور الى مقر الكلية فى الموحد المحدد )
يوم الثلاثاء الموافق 30/08/2022
بمقر كلية الأعلام جامعة القاهرة
الساعة 10 ص

23/08/2022

《 حبة معلومات عن اعلام قسم انجلش، وازاي تقدم في ال EMCCU 💁🏻‍♀️》

• أولا كدا، خلينا متفقين ان اعلام كريديت مش معناها اعلام انجليزي😂👍🏻. دا نظام ال credit hours او نظام الساعات المعتمدة. " هنكتب عنه بوست استنوه👀"

• وخلينا متفقين بردو ان اين كان قسم اعلام ال انت هتخشه، لازم تبقا عملت " امتحان القدرات " ونجحت فيه.
ولازم عشان تدخلها تكون جايب درجة اعلام. " يعني مش عشان نتا دافع هتدخلها من غير درجتها😂💁🏻‍♀️"
ولازم تكون جبت 40 في الانجليزي في الثانوية العامة ولازم تنجح في امتحان الانجليزي إللي الكلية هتعمله.

•︎ المصاريف وشوية معلومات كدا💁🏻‍♀️:

• اعلام انجلش مصاريفها حوالي 27 الف جنيه.

• انجليش : هتطورلك لغتك أكيد وفيها كمان قسم جنرال ممكن تجمع فيه بين أنك تدرس أكتر من تخصص سوا زي صحافة وعلاقات عامة وإذاعة سوا

• الدراسة بتكون كلها بالانجليزي، ماعدا مادة اللغة العربية. " طبعا مش بتبقا لازم تكون انترناشونال عشن تقدر تتكيف مع اللغة فيها. بيبقا الحوار مش معقد للدرجة "

• عدد الشعبة عادةً أقل من 250 طالب، مش أعداد كتيرة.

• هتاخد في سنة أولي مواد زي
Introduction to the press.
Introduction to radio and television Introduction to Marketing Communications
Introduction to computersElective Principles of Economics
Principles of Statistical Analysis
وغيره أكيد.

• بيبقى فيها " التخصص عام او General "

• طب أيه اللإضافة اللي في قسم انجلش عن قسم عربي🤓 ؟ :

• أكتر حاجة بتميزه. هو " التخصص ال General ".
فا بدل ما هتكون متخصص في علاقات عامة بس مثلا. انت هتبقا متخصص في ال 3 شُعب وبنفس الكفاءة !
ودا طبعا هيتيحلك فرص عمل أكبر بكتير من تخصص واحد.

• القسم بيبقا فيه دورات تدريبية عملية كتير، زي انك تنزل training في الأهرام مثلا، وبتقدم منح كبيرة لطلابها المتفوقين.

• دلوقتي لو اشتغلت في اي marketing agency. هتلاقي الشغل ومصطلحات ال marketing كلها بالانجليزي. وال مش هيكون عندك فيها مشكلة لانك كدا كدا دارس كل دا بالانجلش🤷🏻‍♀️.

• دا غير طبعاً ان سوق العمل دلوقتي بيخلي الأولوية للي عنده انجليزي كويس.

• ومواقع " ال Freelancing " شغلك وتعاملك كله هيبقا بالانجلش.
• فا من الاخر كدا، ال قسم دا هيديك فرصة أفضل في سوق العمل، سواء الأوفلاين أو الأونلاين.

• خطوات التقديم📝 :
1• اول حاجة انت هتقدم عادي كأنك في اعلام عربي وتقدم ورقك و كمان هتدفع مصاريف اعلام عربي.
" ندي مثال ان انجليزي بتاخد 27 الف، فا نتا هتدفع مثلا 1700. لما تكمل الاجراءات بعد كدا هتدفع 2530. يعني كأنك دفعت فلوس مقدماً يعني "

2• هتخش اعلام قسم انجليزي، وهتقولهم انك عايز تخش القسم دا. هتاخد " استمارة " هتملاها، وهتدفع فلوس 《 امتحان الانجلش ال بيحدد انت هتخش القسم ولا لأ، بيبقا حوالي 300 جنيه 》

• Head of english section : Dr Nermeen Al Azrak

• https://www.facebook.com/English.Section.EMCCU
بيدج ال english section
• https://m.facebook.com/story.php?story_fbid=2400983750043571&id=306562992819001
مثال عن المنح اللي بيقدمها القسم.

• https://m.facebook.com/story.php?story_fbid=527163245873089&id=100057382542979
مثال عن ال training ال بيقدمها القسم.

22/08/2022

الطلاب الاعزاء المغتربين، كل عام وانتم بخير، تقرر فتح باب التقدم للسكن بالمدن الجامعية لجامعة القاهرة للعام الدراسي 2022-2023
للطلاب المستجديين ابتداءا من يوم 20 اغسطس وينتهي في 20 سبتمبر 2022

---------------------
ادخل على الرابط التالي وقم بملئ استمارة التقديم الالكترونية الخاصة بجامعة القاهرة
www.hostel.cu.edu.eg/studentapplications

بالنسبة للكود المطلوب يمكن الحصول عليه من على الموقع
www.mycuid.cu.edu.eg
بالنسبة لكلمة المرور : هو رقم سري من اختيارك بحد ادنى 4 حروف او ارقام ويسهل تذكره لتتمكن من فتح الاستمارة مرة اخرى اي وقت.
============================
الخطوة الثانية : تحميل الملف الورقي الخاص بالمدن من الموقع السابق
من الجانب الايمن
- ادخل على ارشادات التقدم والاقرارات
- ثم اختر جامعة القاهرة واضغط عرض التعليمات
- قم بتحميل الملف الخاص بحالتك وطباعته ثم استيفاء اختامه من بلدك
============================
الخطوة الثالثة : رفع الملف الكترونيا الى موقع مراجعة الملفات بعد تحويلهم الى صيغة pdf
الموقع https://eservices.cu.edu.eg/
الاوراق هي ( استمارة التقديم الالكترونية + الملف الورقي الخاص بالمدن الذي قمت بتحميله بعد استيفاء اختامه)
+ المرفقات
(وصل كهرباء اومياة او تليفون...او اي اثبات سكن – صورة البطاقة للطالب و ولي الامر – صورة شخصية رسمية – الفيش - صورة بطاقة الضامن )
----------------------------
-سيتم الاكتفاء بالملف الالكتروني ولا داعي لاحضار الملف الورقي ويجب الانتباه انه في حالة نقص او عدم وضوح الملف الالكتروني سيسقط حقك في السكن، وفي حالة ثبوت اي تلاعب في الاوراق المرفوعة سيتم اتخاذ الاجراءات القانونية المناسبة لذلك .
لن يتم قبول الصور الشخصية غير الرسمية
---------------------------
ينصح باستخدام موقع https://www.ilovepdf.com/ar لتحويل صور اوراق الملف الى صيغة pdf

الصفحة المش رسمية للفرقة الأولي _ إعلام القاهرة

28/09/2022

27/09/2022

09/09/2022

07/09/2022

07/09/2022

07/09/2022

05/09/2022

25/08/2022

25/08/2022

24/08/2022

23/08/2022

22/08/2022

Address

Website

Alerts

Shortcuts

Share

Category