08/01/2023
أضف إلى معلوماتك القانونية 👈ازاي تملا بيانات ايصال الامانه ؟
موضوع بسيط جدااا لكن بعض الناس بتغلط فيه للاسف ، فحبيت اوضحه في نقاط بايجاز شديد.
* فيه دفاتر بتتباع في المكتبات ، فيها ايصالات مطبوعه ( زي اللي في الصوره ) ، وتقدر برضه تكتبه في ورقه عاديه لو مكنش معاك ايصال مطبوع.
ونقدر نحدد اهم العناصر وفق الترقيم اللي في الصوره كما يلي :-
* خانه ( ١ ) بتكتب فيها اسم الشخص اللي انت هتمضيه علي ايصال الامانه ، يعني الشخص اللي خد منك الفلوس.
* خانه ( ٢ ) بتكتب فيها عنوانه بالتفصيل من واقع بطاقه الرقم القومي بتاعته.
* خانه ( ٣ ) بتكتب فيها رقم بطاقته بالكامل ( ١٤ رقم ).
* خانه ( ٤ ) بتكتب فيها تاريخ صدور البطاقه ، وده بيكون في اعلي اليسار في خلفيه البطاقه ، عباره عن الشهر والسنه.
* خانه ( ٥ ) بتكتب فيها اسم حضرتك.
* خانه ( ٦ ) بتكتب فيها المبلغ بالارقام ثم بالحروف.
* خانه ( ٧ ) بتكتب فيها اسم الشخص التابع ليك ، اللي المفروض هيستلم الفلوس من الشخص الموقع علي الايصال.
* خانه ( ٨ ) توقيع الشخص رقم ١ اللي استلم منك الفلوس.
خانه ( ٩ ) البصمه بتاعت نفس الشخص اللي استلم الفلوس ، رقم ١.
* الخطوط الحمراء دي المكان اللي بتقطع منه اصل الايصال عن كعب الايصال رقم ( ١٠ ) وده المفترض انه بيكون موجود في دفتر ايصالات الامانه ، زي الشيكات كدا. .......
ملحوظات هامه :-
* الافضل ان الايصال كله يحرر بخط من وقعه.
* ضروري جداا ان الايصال كله يتملي في ذات لحظة كتابته ، وبنفس القلم ، يعني متمضيهوش ايصال علي بياض وتيجي انت تكتب الصُلب بعدها بشهور.
* ضروري تحتفظ بصوره بطاقه الرقم القومي لشخص الموقع علي الايصال.
* متكتبش تاريخ علي الايصال ، لانك لو كتبت تاريخ ومر عليه ثلاث سنوات لم ترفع الايصال خلالها ، هتكون الدعوي سقطت بالتقادم ، وانا عارفه ان فيه رأي فقهي بيقول ان العبره بتاريخ الامتناع عن تسليم المبلغ وليس بتاريخ تسلمه شبيه بقايمه المنقولات كدا ، لكن الاتجاه المضطرد في المحاكم انه بعد ثلاث سنوات من تاريخ الايصال المحكمه بتحكم بانقضاء الدعوي.
* لو مفيش واقعة تسليم حقيقيه لفلوس ، وكان الايصال مجرد ضمان لأي معامله ، فخلي بالك من حاجتين :-
اولا : المبلغ اللي انت هتكتبه يكون متناسب مع الواقع بقدر الامكان ، يعني متكتبش ارقام مبالغ فيها وغير منطقيه ، يعني مثلا مينفعش راجل عاطل لا يعمل و
