مكتب فن الترجمة للترجمة المعتمدة والتدريب

  • Home
  • Egypt
  • Mansoura
  • مكتب فن الترجمة للترجمة المعتمدة والتدريب

مكتب فن الترجمة للترجمة المعتمدة والتدريب خبره فى مجال الترجمة المعتمدة والتدريب... عندنا خدمة Translivery واللي من خلالهاهنوصلك الملفات المترجمة لحد باب بيتك.....

22/08/2026

✈️ "سافر عاريًا!" .. لما خطأ لغوي يدمّر حملة إعلانية بالكامل!
​تخيل شركة طيران بتصرف مبالغ ضخمة على حملة إعلانية عشان تروّج لمقاعدها الجلدية الفاخرة، وفجأة تكتشف إن الجمهور بيضحك عليها والسوق كله بيتريق!
​ده بالضبط اللي حصل مع شركة الطيران الأمريكية Braniff Airways لما حبّت تتوسع في أسواق أمريكا اللاتينية.
​📌 إيه اللي حصل؟
​الشعار الأصلي بالإنجليزية: "Fly in Leather" (يعني استمتع بالسفر على مقاعدنا الجلدية).
​الترجمة للإسبانية: "En cuero" (بالمناسبة أنا مابفهمش إسباني، واستعنت بالذكاء الاصطناعي عشان يتأكد لي من الصياغة ودقتها بالإسباني!).
​الكارثة: في اللهجة الدارجة لبعض دول أمريكا اللاتينية (زي المكسيك)، عبارة "En cuero" معناهـا "عاريًا"! 😳
​النتيجة: الشعار بقى يتقرأ: "سافر عاريًا!"
🤗🤗🤗🤗🤗🤗🤗🤗🤗🤗🤗🤗🤗
أوصيكم بذكر الله و الصلاة على سيدنا محمد صلى الله عليه و سلم
👋👋👋👋👋👋👋👋👋👋👋👋👋
محمد مطاوع

13/08/2026

لطلبة أولى ترجمه😊

25/07/2026

قصة نجاح روان هاني ملهمة لكل طالب ترجمة! 🌟
​لما بنشوف طالب أثبت إن الشغف والإصرار هما السلاح الحقيقي للمترجم، بنحس بفخر وفرحة مش طبيعية. روان هاني بدأت معانا التدريب تقريباً من2019 وهي لسة طالبة في الكلية، والنهاردة ما شاء الله بقت مترجمة مؤتمرات شاطرة ومحترفة بنفتخر بيها جداً!
​عارفين إيه اللي يخلي أي متدرب أو طالب ياخد روان قدوة ويمشي على نفس مسارها؟ الصفات والخطوات دي:
​دعم الأهل والثقة: والدها كان دايماً مديها الثقة الكاملة، وبيدعمها ويقدمها للتصرف والكلام بثقة، وده كان أساس قوة شخصيتها.
​المبادرة والشغف: ما استنتش لما نعمل مجموعة تدريب، بل بادرت وأقنعت أصحابها وتكونت المجموعة وبدأوا فوراً!
​التحدي والمعافرة: كانت بتسافر خلال فترة التدريب من مسافة بعيده عشان تحضر التدريب فى المنصورة عشان خاطر تتعلم وتطور من نفسها.
​المرونة وتقبل النصيحة: لما لَفَتَ انْتِبَاهَهَا زمان إن عندها مشكلة في اللكنة الإنجليزية (Accent)، ما زعلتش؛ بالعكس، اشتغلت على نفسها جداً لحد ما بقت بتتكلم بطلاقة وتميز!
​تطوير الذات المستمر: ما كانتش بتركز على الترجمة بس؛ كل مرة كانت بتتواصل معايا كنت بكتشف إنها بتتعلم حاجة جديدة زي السوفت سكيلز، ولما جينا نجدد تصميمات شهادات المكتب ساعدتنا بنفسها لأنها كانت متعلمة فوتوشوب!
الإتقان والأمانة المهنية: بعد ما خلصت التدريب وتخرجت، كنا بنسند ليها بعض أعمال الترجمة في المكتب، وكانت دايماً بتأديها على أكمل وجه وبأعلى جودة.
بناء العلاقات والتواصل الذكي: كانت دايماً متطلعة وتسعى لعمل شبكة علاقات قوية في المجال؛ لدرجة إنها نسقت ورشة عمل كاملة بيننا وبين مؤسسة ثانية وكانت هي المنسق والرابط بيننا بكل احترافية.
السعي الدائم والإطلاع: دايما كنت بلاحظ حرصها على التعلم و حضور ورش العمل،و الدورات التدريبية. فضلاً عن تواصلها المستمر معايا بعد التخرج لاستشارتي في استكمال الدراسات العليا.
فخورين بيكِ جداً يا روان، وبقيتِ أستاذة ومثال مشرف!
لكل طالب أو متدرب بادئ طريق: الطريق مش بعيد ولا مستحيل، اشتغل على نفسك، اتقبل النصيحة، وطوّر مهاراتك باستمرار وستصل بإذن الله! 🚀
👋👋👋👋👋👋👋👋👋👋
محمد مطاوع

يسرنا أن نعلن عن فتح باب التسجيل في **الدورة التدريبية الصيفية للترجمة**.. جهزنا لك أقوى تدريب عملي ينقلك في حتة تانية خ...
18/07/2026

يسرنا أن نعلن عن فتح باب التسجيل في **الدورة التدريبية الصيفية للترجمة**.. جهزنا لك أقوى تدريب عملي ينقلك في حتة تانية خالص، ومعاه عروض تخلي القرار أسهل بكتير:
# # # 🔥 أقوى عروض الصيف:
* **عرض الـ Early Bird (للحقّيقة):** لو حجزت مكانك خلال الأسبوع ده، ليك **خصم 20%** كامل قيمة الدورة. الحق مكانك ووفر!
* **عرض الصحاب (الشلة):** اللمة تحلى، والخصم يكبر! لو سجلت أنت وصاحبك ليكوا **خصم 15%**، ولو تلاتة أو أكتر الخصم بيوصل لـ **25%** لكل واحد فيكم.

08/07/2026

قدر الله و ما شاء فعل 🙂
⚽️⚽️⚽️⚽️⚽️⚽️⚽️⚽️⚽️⚽️⚽️⚽️⚽️⚽️⚽️⚽️⚽️
إمبارح عشنا فاجعة كروية حقيقية؛ حامل اللقب المنتخب الأرجنتيني🇦🇷 قلب تأخره بهدفين نظيفين عشان يفوز على مصر🇪🇬 في أتالانتا (World Cup holders Argentina come from 2-0 down to beat Egypt in Atlanta). ميسي، بعد ما ضيع ضربة جزاء، جاب التعادل قبل ما يسجل إينزو فرنانديز هدف الفوز القاتل (Lionel Messi, who missed earlier penalty, equalised before late Enzo Fernandez winner). والمنتخب المصري🇪🇬، اللي اتلغى له هدف وهو متقدم 1-0، اتهم الفيفا علنًا بالتلاعب والمحاباة لمصلحة ميسي بعد الخروج (Egypt, who had a goal disallowed when they were winning 1-0, accuse Fifa of 'fix' and for favouring Messi after exiting tournament). والأرجنتين دلوقتي رايحة تلاعب سويسرا في ربع النهائي (Argentina set to face Switzerland in quarter-finals).
​🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬
لازم نفخر بلعبتنا اللي كانوا رجالة في الملعب. إحنا خسرنا ماتش بس كسبنا احترام العالم كله (earned the world's respect)، ولعبنا وسط الكبار كفريق كبير.
وبالتوفيق لمنتخبنا العربى( المغرب ) غدا .
👋👋👋👋👋👋👋👋👋👋👋
و فى الختام
أوصيكم بذكر الله و الصلاة على سيدنا محمد صلى الله عليه و سلم
🤗🤗🤗🤗🤗🤗🤗🤗🤗
محمد مطاوع

30/06/2026

تعالوا نفرح بمنتخبنا العربى و نتعلم مصطلحات جديدة كما ذكر فى بعض المواقع الأجنبية 👇
تخيل معايا الماتش بدأ بسرعة البرق والجنون ومصر تقدمت بعد ما استغلت أخطاء المنافس (Profiting from errors).
الموضوع ما وقفش هنا، لأن إيران احتسبولهم ضربة جزاء بس الحارس أنقذ الموقف وتصدى لضربة الجزاء (Penalty was saved).
بعدها إيران رجعت في النتيجة بتسجيل هدف التعادل بقوة (Slamming in an equaliser).
محمد صلاح—محارب الفراعنة—خرج بالفعل مصاب في تبديل سريع بعد ٥٧ دقيقة (Subbed after just 57 minutes)، والتقارير بتقول إن الإصابة المتوقعة ممكن تكون في العضلة الخلفية اليسرى—الـ (Left hamstring)—أو في الركبة اليسرى (Left knee)، لكن لسه النوع المؤكد متشخصش.
في الوقت بدل الضائع—الـ (Injury time)—إيران سجلت هدف وتم إلغاؤه بداعي التسلل (Ruled out for offside) بعد مراجعة الـ (Offside review).
النهاية كانت— تعادل درامى (Dramatic draw)، والكل احتفل بجنون (Wild celebrations)! مصر اتأهلت (Automatic progression)بفضل الصمود ل دور الـ٣٢، وممكن نقول إن إيران كانت على بعد خطوة من خطف فوز تاريخي (Inches away from grabbing a famous win) لما الكورة خبطت في العارضة (Headed against the bar).
🤗🤗🤗🤗🤗🤗🤗🤗🤗
أوصيكم بذكر الله و الصلاة على الحبيب محمد صلى الله عليه وسلم.
👋👋👋👋👋👋👋👋👋
محمد مطاوع

تخيل" Experience "ممكن تترجمها إلى شوفت !فكرت قبل كده إيه الفرق بين إنك "تتفرج" على فيلم.. وإنك "تعيشه"؟​في بودكاست كنت ...
26/06/2026

تخيل" Experience "
ممكن تترجمها إلى شوفت !
فكرت قبل كده إيه الفرق بين إنك "تتفرج" على فيلم.. وإنك "تعيشه"؟
​في بودكاست كنت بسمعه، الضيف حكى قصه؛ كان رايح السينما مع مراته (اللي شغالة ممرضة ورقيقة الحس ومشاعرها فياضة)، وكان رايح معاها من باب الدعم لأنه عارف إنها هتتأثر بالفيلم عاطفياً.
​وهو بيحكى للمذيعة سألها ، قالها:
​"Did you ever experience the movie Titanic?"
​استوقفتني كلمة Experience.. ليه ما قالش Watch؟
​Watch: مجرد فعل ، بتوجه عينك للشاشة وتتابع الأحداث بشكل عابر.
​Experience: لغوياً وفي القواميس، بتعني "المعايشة" والانغماس الكامل، إنك تدوق الحالة، تتأثر بيها وجدانياً ونفسياً، وتتحول جواك لذكرى حية مش مجرد ساعتين لقطات وخلصت.
​هو ما سألهاش عن المشاهدة، هو سألها عن "الحالة العاطفية" وهل عاشت التجربة بكل جوارحها ولا لأ.
​الدرس المستفاد للمترجمين :
الحس اللغوي مش رفاهية، ده هو الروح. المترجم المحترف مش مكنة بترجم كلام؛ المترجم بيفكك الأبعاد النفسية والاجتماعية ورا كل لفظ، عشان ينقل "الروح والإحساس" مش مجرد رص كلمات في القاموس.

وبما إن السياق فى البودكاست كان كوميدي وفكرنى بمشهد هانى مع رياض فى فيلم اللى بالى بالك فأنا رأيى إن "Experience " هنا فى السياق ده ممكن نترجمها عادى إلى "شوفت"
🤗🤗🤗🤗🤗🤗
أوصيكم بذكر الله و الصلاة على الحبيب محمد صلى الله عليه وسلم
👋👋👋👋👋👋👋👋
محمد مطاوع

24/06/2026

"احنا كمترجمين، لازم نكون ملمين بالأحداث اللي بتحصل حوالينا عايز أحكيلكم قصة مباراة مصر و نيوزلاندا من موقع (BBC Sport) في بطولة كأس العالم (FIFA World Cup)!
الماتش ده كان في دور المجموعات (Group Stage).
في الشوط الأول خلصت المباراة بتقدم نيوزيلندا، بس الفراعنة عملوا ريمونتادا (came from behind) قوية بعد شوية تعديلات تكتيكية ذكية (tactical tweaks).
المنتخب اتعادل، يعني (equalized)، وبعدين جابوا الجول التاني ببطولة محمد صلاح من جملة ثنائية متقنة (neat one-two) خطيرة، وبعدها الهدف التالت!
الهدافون (scorers) كانوا مصطفى زيكو ومحمد صلاح وتريزيجيه، والـ (Assists) كانت من محمد هاني وزيكو وصلاح.
الماتش اتلعب في الاستاد (Venue) المخصص، وكان في حضور جماهيري كبير (Attendance).
ورجل المباراة (Player of the match) كان فخر العرب محمد صلاح.
ألف مبروك لمصر ولكل العرب!"
🤗🤗🤗🤗🤗🤗🤗🤗أوصيكم بذكر الله و الصلاة على الحبيب محمد صلى الله عليه وسلم
محمد مطاوع
👋👋👋👋👋👋👋👋👋👋

16/06/2026

بما إننا في أجواء كأس العالم، ودي فرصة ما تتعوضش لينا كمترجمين عشان نطور حصيلتنا اللغوية، تعالوا نشوف إزاي نقدر نترجم أحداث الماتشات الكبيرة زي ماتش مصر وبلجيكا الأخير اللي اتلعب في مدينة (**Seattle**).
المباراة دي ما كانتش مجرد ماتش عادي، دي كانت مواجهة من العيار الثقيل أو (**Heavyweight clash**). منتخبنا الوطني (**Football national team**) واجه ظروف صعبة جداً في الملعب، خصوصاً مع التحذير الشديد من موجة الحر اللي أعلنت عنها الأرصاد هناك أو الـ (**Heat advisory**).
الماتش بدأ بضغط عالي وضراوة هجومية (**Offensive intensity**)، وفعلًا قدر إمام عاشور يفتتح التسجيل (**Open the scoring**) في الدقيقة 19 بعد تمريرة حاسمة ذكية (**Clever assist**) من محمد صلاح. الجرايد الأجنبية وصفت الهدف ده إنه "صدمة مبكرة" (**Early blow**) للدفاع البلجيكي.
في الشوط الثاني، بلجيكا رمت بكل ثقلها وحصلت على ركلة ركنية (**Corner kick**) اتلعبت بدقة، وقدروا يسجلوا منها هدف التعادل (**Equalizer**) في الدقيقة 66. الماتش بعد كده بقا سجال، وضاعت من الفرقتين فرص محققة للتسجيل (**Clear-cut chances**)، وشوفنا استبسال دفاعي (**Defensive resilience**) من رجالتنا حافظ على النتيجة لحد صفارة النهاية (**Final whistle**)، عشان ينتهي اللقاء بالتعادل (**Stalemate**) وحصد نقطة ثمينة.
استغلوا البطولة دي يا شباب وابدأوا سجلوا المصطلحات الرياضية دي عشان تفيدكم في شغلكم الجاي في الترجمة الفورية والتحريرية! ✍️⚽
🤗🤗🤗🤗🤗🤗🤗🤗🤗🤗
أوصيكم بذكر الله والصلاة على الحبيب سيدنا محمد صلى الله عليه وسلم
👋👋👋👋👋👋👋

17/05/2026

قال الله تعالى
"قَدْ جَاءَكُم بَصَائِرُ مِن رَّبِّكُمْ ۖ فَمَنْ أَبْصَرَ فَلِنَفْسِهِ ۖ وَمَنْ عَمِيَ فَعَلَيْهَا.." الآية دي حابب أناقشها معاكم من وجهة نظر لغوية ومن ناحية الترجمة، بس قبل ده كله، الآية دي وقعت قدامي وغيرت نظرتي للحياة تماماً؛ بقيت كل ما تقابلني مشكلة أو أقع في حيرة، بطمن وبفتكر إن ربنا سبحانه وتعالى خلى الحق واضح ومنور للكل، والباطل برضه واضح، والشر والخير باينين زي الشمس، وإحنا اللي في إيدينا نختار نمشي في أي طريق، واليقين ده ريحني جداً وخلاني أتعامل بمنطلق إن ربنا مبيسيبش حد تايه لو فعلاً بيدور على الحقيقة، والنتيجة دايماً بتعتمد على قرارنا إحنا بالرؤية أو التجاهل. وطبعاً مهما حاولنا نترجم القرآن، بتفضل اللغة العربية بإعجازها وبيانها في حتة تانية خالص، والترجمة مجرد محاولة لتقريب المعنى، زي ما بنشوف في ترجمات شهيرة للآية دي بتقول: "Clear proofs have come to you from your Lord. So whoever sees, it is for his soul, and whoever is blind, it is against it"، وفيه نص تاني بيقول: "Insights have certainly come to you from your Lord. Then whoever sees, it is for his own good, and whoever becomes blind, it is to his own loss". بس أنا ليّ تأمل ورأي شخصي متواضع في اختيار الكلمات، ومع إنه صواب يحتمل الخطأ، بس بشوف إن استخدام كلمة "Perceive" بدل "See" بيعبر أكتر عن "البصيرة" وإدراك القلب مش بس العين، وكلمة "Ignore" أو "Overlook" أدق من "Blind" لأنها بتوضح إن الموضوع اختيار وتجاهل للحق اللي ربنا منوره قدامنا مش مجرد فقدان نظر، ربنا يجعلنا دايماً من المبصرين للحق.
👋👋👋👋👋👋👋👋👋
محمد مطاوع

Address

منية سندوب/بالقرب من الشهر العقارى
Mansoura

Website

Alerts

Be the first to know and let us send you an email when مكتب فن الترجمة للترجمة المعتمدة والتدريب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category