اولا احنا فريق من كلية هندسة اسمه Hydrobots داخلين مسابقه ان شاء الله اسمها MATE International ROV Competition
-ايه هو ال ROVاصلا ؟
ال ROV ببساطه هو روبوت مائي بيقوم بشوية مهمات استكشافيه تحت المياه زي التعرف علي البيئه البحريه و مقدار التلوث و بيقدر يقوم باعمال الصيانه و التركيب والكشف عن الالغام ومراقبة الحدود البحريه غير انه مهم جدا في شركات البترول وحاجات اكتر كمان واكثر دقه كل ده من خلال ال
تحكم عن بعد .
-طيب ايه هو هدف المسابقه ؟
هدف المسابقه انها تبني و تقوي صناعة الROV في مصر عن طريق انها بتقوي الصله بين شركات التصنيع و الجامعات غير كده ان المسابقة للطلاب وده بيخلي عندهم وعي بالتكنولوجيا خصوصا للروبوتات اللي تحت المياه و يقدروا يصنعوا و يصمموا ROV بتقوم بمهمات مختلفه وهما لسه بيدرسوا
المسابقه كل سنه بتحدد شروط مختلفه و مهمات مختلفه عشان الروبوت يقوم بيها.
المسابقه بتتم علي 3 مراحل : 1- تصفيه بين الفرق الموجوده علي مستوي الجامعه الواحده.
2- تصفيه علي مستوي جامعات مصر.
3- الفريقين اللي اتأهلوا من المرحله التانيه بيدخلوا اخر مرحله علي مستوي العالم ودي بتتم ف امريكا في ولاية فلوريدا
سنة 2012 و 2013 فريق" Ceatus " من كلية هندسه جامعة المنصوره حصل على المركز الأول وعلى درع المسابقة والتأهل للمسابقة الدولية بالولايات المتحدة الأمريكية بولاية فلوريدا.
اخر حاجه احنا محتاجين دعمكوا جدا .. ومحتاجين الفكره توصل لاكبر عدد من الناس سواء اللي مهتمين بمجال صناعة الrobots او لأ
