https://www.facebook.com/107099894281859/

Alligators . Sci - Svu, Nag` Hammadi (2026)

29/09/2022

الفوتشوب دلوقتي بقى من أشهر المهن وأهمها على الاطلاق وعلشان احنا في Alligators مهتمين بكل ماهو مفيد بنقدملك "كورس معالجة الصور ببرنامج الفوتشوب💻". 🥰

مع المحاضر المتميز : محمد أحمد سلامة

- تخصص التصميم السينمائي والمسرحي جامعة عمان الأهلية.
- مصور ومدرب فوتوغرافي.
- مدرب لبرنامج المعالجة الرقمية فوتوشوب.
- قام بانشاء جروب تعليم الفوتوشوب قدم أكثر من ورشة عمل ودورات تدريبية في مجال الفوتوشوب.

الكورس هيكون عبارة عن يومين:الجمعة والسبت الموافق 30/9 _ 1/10 الساعة 5مساءً على برنامج زووم، لمعرفة محتويات الكورس والماده العلميه وباقي التفاصيل هتلاقيهم في أول كومنت.
للتسجيل والحضور :
https://forms.gle/uKMwyfaJGJEvNtmg9
آخر موعد للتسجيل الجمعة الساعة ٣ عصرًا .
- الكورس بالتعاون مع 🛑 NTY Team 🛑 .
🐊♥️

23/09/2022

لعاب الإنسان يحتوى على مسكن آلام يسمى " أوبيورفين " ، وهو أقوى ب 6 مرات من مسكن الآلام العادى " المورفين " المعروف .
✔️By / Yasmin Taher
🐊♥️

20/09/2022

استكمالا لسلسلة مقالاتنا العلمية .... حبينا نتكلم علي Topic مهم ، وهو :

مقال النهاردة عن أسباب نمو الخلايا السرطانية causes of cancer cell growth

طبعا كلنا عارفين أن السرطان هو مرض بيحدث نتيجة تطور خلايا شاذة الجسم مش بيقدر يتحكم في النمو بتاعها الخلايا دي بيكون ليها القدرة على التسلل وتدمير أنسجة الجسم السليمة وكمان بيكون ليها القدرة السريعة على الانتشار في جميع أنحاء الجسم .

طيب ايه اللي بيخلي الخلايا دي تنمو وتتكاثر بسرعة كدا ؟!
جيس وات ؟!

_ السبب الرئيسي في نمو الخلايا الغير طبيعي دة هو تغيرات وطفرات ف الحمض النووي داخل الخلايا .

طيب هتقولي وايه اصلا وظيفة الحمض النووي داخل الخلايا ؟

_ هقولك أن الحمض النووي بيتجمع داخل الخلية في عدد كبير من الجينات الفردية ، الجينات دي كل چين منها بيحتوي على مجموعة من التعليمات اللي بتخبر الخلية بالوظائف اللي المفروض تعملها ، بالإضافة إلى كيفية نموها وانقسامها ، ف بالتالي لما يحدث خطأ في التعليمات دي ممكن تؤدي إلى توقف الخلية عن أداء وظيفتها الطبيعية ، وممكن كمان تسمح للخلية أنها تبقى سرطانية .

طيب وهي ايه اصلا اسباب الطفرات الچينية دي ؟!

انا هقولك
الطفرات الچينية دي ممكن تكون وراثة يعني الجنين ورثها عن والديه مثلا والنوع دة من الطفرات بيكون مسئول عن نسبة صغيرة من انواع السرطان ، او الطفرات الچينية اللي بتحدث بعد الولادة يعني مش بتكون وراثية .

طب برده ايه السبب فيها ؟؟

_ممكن يكون بسبب التدخين أو التعرض للإشعاع أو المواد الكيميائية المسببة للسرطان أو السمنة والهرمونات والالتهابات المزمنة وعدم ممارسة الرياضة .

وكدا نكون وصلنا لاخر مقالنا ، اللهم علمنا ما ينفعنا، وانفعنا بما علمتنا ..♥️
✔️By / Rokaya Hamdi
🐊♥️

18/09/2022

✔️By / Alaa Ahmed
🐊♥️

17/09/2022

تسمع عن الساعات المعتمدة ؟!
طيب تعرف حاجه عن ال GPA ؟!
أكيد تعرف السمر كورس ! 💔😂
الفيديو دا فيه الخلاصة ♥️
🐊♥️
By / Ahmed Heshmat

13/09/2022

في فصل الشتاء عندنا الواحد مننا بيبقي لابس كذا حاجة وبرضو بيبقي حاسس بالبرودة مع ان درجات الحرارة في النهار مش بتنزل أكتر من ٢٠ مئوية !!

تخيل معايا بقي في الدول الاوروبية الناس بيبقي حالها ازاي ؟
يحضر في مخيلتي علاء ولي الدين في المسرحية وهو مش عارف يلبس البالطو 😂

وأكيد معظمكم برضو لو سألناه هيقول أنهم هيلبسوا هدوم كتيييييرة

الفكرة بقا ازاي نحافظ علي درجة حرارة جسمنا في درجات حرارة بتوصل في النهار ل ٥ مئوية وأكتر برضو وفي الليل بتوصل ل لأكتر من سالب ٢٠ تحت الصفر ؟؟

متخيل سالب ٢٠ وأكتر ؟؟
متخيل متسلقين الجبال الجليدية والناس اللي بتعمل مخيمات عالجبال
مُتخيل الناس في التلج اللي بينزل في لبنان 🇱🇧😄

ف الحقيقة أن التكنولوجيا كان ليها دور كبير زي ما ليها ادوار في شتي مجالات الحياة ؛ عن طريق صناعة ملابس مش بتسرب حرارة الجسم وبتحفظها لأكبر وقت ممكن ودي اسمها Omni Heat Technology ازاي طيب هنعمل دا ؟

ببساطة شديدة بيتم تطريز الملابس من الداخل بمواد معدنية زي الفضة علي هيئة نقط زي ما واضح في الكومنتات

طيب دي هتعمل ايه برضو ؟ دي هتعمل زي عاكس حرارة ؛ الحرارة اللي هتطلع من الجسم هتخبط في المواد دي وتنعكس عالجسم ودايرة وشغالة 👈👉
وبالتالي مفيش تسرب حراري هيحصل وبالتالي هنقدر نتحرك في ابرد المناطق بسهولة و يُسر

تقدر تشوف الفيديو اللي في الكومنتات علشان تعرف أكتر

Have a nice day 👋

🐊♥️
By / Zeyad FakhrEldeen

10/09/2022

الإنسان بطبعه ميقدرش يعيش لوحده علي طول ..👌

⏪ هل جيت ف يوم وسألت نفسك الأسئلة دي؟! 🤔
➖ هل أنا عندي القدرة علي العمل التطوعي ، وهقدر أستفيد منه؟!!
➖ هل هقدر أبني شخصيتي زي ما أنا بتمنى !!
➖ طيب ايه هو هدفي في الحياة ، وامتي هقدر أحقق الهدف دا وازاي؟ ⌛
➖ ليه مش عارف أحدد المهارات المناسبة ليا؟!!
📌مع (تيم NTY)هتقدر تعرف الإجابة بكل بساطة، وهنساعدك توصل للي بتحلم بيه.🌌

من خلال لايڤ علي الفيسبوك يوم الاتنين بتاريخ 12/9 الساعة 7:30 مساءا بتوقيت مصر.
وهنتكلم فيه عن : 📥

✍🏻 ايه هو العمل التطوعي وكيفية الاستفادة منه .
✍🏻 شهادات الاعتماد .
✍🏻 كيفية بناء شخصية بمهارات متعددة.
✍🏻وضع الهدف وكيفية تنفيذه.

💢 مع مهندس: محمد عبدربه 💢
🔹بكالوريوس علوم زراعية قسم الصناعات الغذائية.
🔹أخصائي تغذية علاجية.
🔹مهندس جودة وسلامة غذاء.
🔹 مؤسس تيم NTY.
🔹ليدر العلاقات العامة بتيم صناع الحياة الفيوم سابقا.
🔹عضو سابق ومشارك في عدة ادوار مختلفه ب اكثر من تيم تطوعي.
🛑 بالتعاون مع NTY Team 🛑
اعلم أن: النجاح هو بداية أي طريق، ولكن الاستمرارية فيه هو الوصول لنهاية حلمك.🎀✨

عشان تقدر تحضر معانا سجل ف الفورم دا :
https://forms.gle/rE2uxwnjGarpA3UHA

🐊♥️

09/09/2022

📢 يتبقى من الزمن 24 ساعة فقط على التسجيل فى سيشن مهارات حل المشكلات واتخاذ القرار 💚

- التفاصيل فى البوست السابق 👇

- للتسجيل :
https://docs.google.com/forms/d/e/1FAIpQLSeKiUI7KIx93bNeI6kqMBDd1iKUInQEDBvrURO_xi7EIEd1CQ/viewform

🐊♥️

07/09/2022

هتفضل قافل علي نفسك لحد امتي؟!

📌لو نفسك تبدأ فى سوق العمل يبقى ضرورى تتعلم مهارة حل المشكلات ، وفن اتخاذ القرارات.

🔏 من المهم إنك تعرف مفاتيح الشخص القيادي الناجح وهو إنه يقدر يحل أي مشكله تواجهه مهما كانت صعوبتها.

👈🏻 لمياء ياسر عبدالله :
هي 📥
⏪ مدربة معتمدة من المجلس البريطاني ، مدربة تنمية بشرية وتنمية ذاتية ، مدربة إعداد قادة ومدربين ، مدربة حل المشكلات وإدارة الأزمات ، مدربة في GB Academy .
⏪ كاتبة محتوي.
⏪ مدربة في فريق المدرب الأفضل.
ورئيسة لجنة الإعلام بفريق كيان، ورئيسة لجنة التنمية البشرية في اتحاد الشباب العربي.
⏪ قيادي لجنة التدريب بفريق أثر، قيادي المنتدي الرابع بفريق أثر ، سفيرة مشواري للنشئ.

من خلال السيشن ستتعرف علي↘️
✅مفهوم المشكلة، وأنواعها، استراتيجيات حل المشكلات.
✅ متي تظهر المشكلة ؟
✅ ما بديل كلمة المشكلة ؟ وما أثرها علي النفس ؟
✅ فروقات المسميات في المشكلة وأخطرهم ، وفائدة التعرض لمشكلة.
✅ المهارات المكتسبة.
✅ كيف نتمكن من اتخاذ القرار؟

كن علي يقين : أن أول خطوات النجاح هو اتخاذ القرار.🪄
✔️ للتسجيل املئ الفورم :
https://forms.gle/41Ekxi5NqG6uQd5X8
✔️ آخر موعد للتسجيل 10/9/2022
🛑 بالتعاون مع NTY Team 🛑
🐊♥️

06/09/2022

بقولكوا اي يا شباب تيجو نطلع الساحل بدل الملل دا ؟
_ لا يعم مش ناقصة انت كل شوية يغمي عليك واحنا عايزين نستمتع بالخروجه دي وكل شوية هاتو ميه بسكر بلاها خالص 😂

الشاب دا بقا مريض سكري ..
المرض دا بيكون بسبب زيادة نسبه السكر فالدم سواء بسبب عدم استجابة خلايا الجسم للانسولين او بسبب عدم إنتاج الأنسولين الكافي لاحتياجات الجسم .

المرض دا ليه أنواع ..
بدايه بالسكري الصغار المعتمد علي الأنسولين ودا بيظهر ف الأطفال والشباب ودا سببه ان البنكرياس يعيني مش قادر يفرز انسولين اصلا ودا بيتعالج بانه ياخد حقن انسولين مباشره زي الشاب بتاع الساحل بالظبط كدا ودا بيكون وراثه او ضعف في الجهاز المناعي ، اما النوع التاني سكري الكبار ودا شائع وبيصيب الناس اللي كبيره في السن والبنكرياس فيه بيكون اتهلك ودا علاجه بانه بياخد حبوب واحيانا حقن انسولين والمرض دا بسبب السمنه اللي هو كرشي سر سعادتي وقله الحركه ووراثيا ، اما التالت وهو سكر الحمل ودا بتاع الستات بس براءة للرجاله ، ودا بيجي بسبب تأثير هرمونات الحمل عالجسم والمرض دا بيختفي بعد الولاده لو كانت ملتزمه بعلاجها ..

وكدا بيكون وصلنا لنهاية مقالنا ، اللهم علمنا ما ينفعنا، وانفعنا بما علمتنا ...♥️

By / Yara Mohammed
🐊♥️

03/09/2022

شابتر Alligators بيعلن عن شريك نجاح جديد 😌♥️
شراكة Alligators Chapter مع NTY Team 🤝✊
🛑 تيم New Technology Youth 🛑

https://www.facebook.com/Team-NTY-101578615921673/

↩️ فريق تنموي مجتمعي يسعى للارتقاء بالمجتمع ومحاولة صنع إنسان نموذجي قادر علي تحقيق أهدافه والنهوض ببلده وهو فريق يتكون من مجموعة من الشباب من مختلف الجامعات والكليات المصرية .

↩️ من خلال شراكتنا الجديدة سنوفر لكم :
✔️ مؤتمرات علمية مختلفة .
✔️ كورسات وورش عمل .
✔️ ندوات فى شتى المجالات .
✔️ محتوى ثقافى جذاب .
✔️ محتوى ترفيهى متميز .
🐊♥️

31/08/2022

ليه يُفضل أنك تتجوز من بره العيلة ؟

الله – سبحانه وتعالي- بيقول في كتابة الكريم
بسم الله الرحمن الرحيم
(يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا )

هنتكلم من الناحية العلمية هااا 😂

الاجابة ببساطة : هي الامراض الوراثية اللي هتظهر بسبب ظهور الصفات المتنحية ( اللي مش ظاهرة عالفرد الواحد بس هتظهر عالاطفال لو اتنين حاملين لنفس المرض واتجوزوا )
والامراض اللي بتظهر للأسف غالبًا ملهاش علاج او علاجها غالي وممكن يستمر طول حياة المولود

ايه هي الامراض اللي ممكن تظهر ؟ :-
- Thalassaemia اضطراب للدم بيحصل فيه انخفاض لنسبة الهيموجلوبين
- Haemophilia سيولة الدم
- Cystic Fibrosis تلف في بعض اعضاء الجسم
- Huntington disease تلف في اعصاب المخ
- Polycystic Kidney تكيس الكلي
- Fragile x mental retardation اعاقة ذهنية
- Retinoblastoma سرطان في شبكية العين
- Phenylketonuria نقص في انزيم معين بيسبب مشاكل في التغذية
- أقول تاني ولا كدا كفااية ؟ 😂

طاب يعم انا هعمل اللي في دماغي وهتجوزمن العيلة هاا ايه ممكن اعمل بقا ؟؟

عندك طريقتين للتأكد من عدم وجود امراض وراثية :
الاولي هي الاخصاب خارج الرحم "IVF" علشان يتم متابعة الجنين والتأكد انه معندهوش امراض وراثية هتظهر بعدين نزرعة في رحم الام .

التانية هي عمل فحوصات للجنين في بطن الام عن طريق السائل الامنيوني او عشاء الكوريون المحيطين بالجنين او عمل منظار لرؤية الجنين واخذ عينة من دم الحبل السري .

لو نتيجة الفحوصات دي سلبي كدا أقدر اقولك يا زين ما أخترت الف مبروك وربنا يجعله ذرية صالحة 😂💕

طاب لو طلعت ايجابي هنعمل أيه ؟؟ 🤔
العلاج هيكون في الحالة دي ع حسب المرض اللي موجود في الجنين، فيه امراض ممكن تتعالج بأدوية تاخدها الام او اجراء جراحة للجنين او نقل الدم او مكملات غذائية ، لكن للأسف فيه امراض بيكون الحل فيها هو انهاء الحمل

وبكدا يكون خلصنا موضوعنا 🤗
By / Zeyad Fakhr Eldeen
🐊♥️

Alligators . Sci - Svu

29/09/2022

23/09/2022

20/09/2022

18/09/2022

17/09/2022

13/09/2022

10/09/2022

09/09/2022

07/09/2022

06/09/2022

03/09/2022

31/08/2022

Address

Website

Alerts

Shortcuts

Share

Category