Open Source Dentistry

Open Source Dentistry صفحة مهتمة بتقديم كل ما هو جديد في مجال ممارسة طب الاسنان .. تابعونا ..

24/08/2020

🌈 ازاي تشتغل indirect صح من غير مشاكل؟ 🤔

بعد كثير من الحركات البلهلوانية و تمزقات الضهر و الرقبة 😞
بيجيلك سؤال .. هوا انا ليه مبشتغلش indirect بدل البهدلة اللي انا فيها دي 🤨 ..
في البوست ده باختصار هنتكلم مع بعض عن ازاي تشتغل indirect صح و بكفاءة كل مرة فتابعونا ☺

🌟 الـ Position 🛀..

🔹 احفظ الـ position لكل سنة .. و الكرسي بتاعك بعجل و كرسي العيان بمواتير و الله بيتحرك عادي فاتحرك و ظبط الدنيا .. شوف ايه الوضع المريح ليك و الانسب . و كل شغلك يكون في معظم الاحيان Supine و خصوصا في الـ Upper .. مع ملحوظة هامة جدا ❗انه راس المريض يكون عند كوعك عشان متضطرش انك ترفع كتفك و يبقا عليه تحميل و بالتالي هتطلع شغل وحش و كتفك هيألمك و الشغل هيبقا متعب ليك ..

🔹 تاني حاجة لازم كرسي الدكتور رجليك تكون ملامسة الارض و ضهرك منصوب و لازق في ضهر الكرسي .. و رقبة ميكونش فيها اي انحناءات

🔹طبعا موضوع الـ Ergonomics محتاج بوست لوحده فنكتفي بهذا القدر 😅

🌟 الـ Mirror ..

دراعك اليمين في الشغل 💪 .. بتعمل بيها percussion و vision و illumination وtransillumination فمش لازم تهملها خالص .. فهنقول كام حاجة تخلي معاك زي الفل و مريحاك في الشغل 😃 ..

🔹 1- هات Front facing mirror .. و دي السطح العاكس بيبقا مطلي على القزاز من فوق و بالتالي مش هتعملك ghost image زي الـ Back facing mirror المنتشرة بكثرة عندنا .. مش هتكلم عن الـ concave mirror اللي تقريبا انقرضت خلاص و كانت بتعمل distortion للـ image .
فرق السعر بسيط و فيه حاجات محترمة من الـ Front facing مش بتعدي التلاتين جنيه فالموضوع مش مكلف 👍

🔹 2- اشتغل بـ Rubber dam .. ده هيريحك في الـ isolation و الـ Retraction للـ Tongue and Cheeks غير كده هيمنع ترسب البخار او الـSaliva على سطح المراية و بيخلي الرؤية واضحة ..

طب لو مضطر اشتغل بالمراية و فيه بخار و مش حاطط Rubber dam 🤔.. فيه سائل Anti-Fog موجود في السوق المصري و سعره مش غالي .. ممكن تستخدمه ..

🔹 3- قدر الامكان لو حصل تغبيش او صدأ على السطح العاكس او خدش استبدلها فورا 🏃‍♀ لأنها هتعملك fatigue في عينك و هتلاقي نفسك بتشتغل direct في الاخر ..
و خلي عندك استوك احتياطي من المرايات الجديدة اول باول تستبدل المستهلك من المرايات القديمة

🔹4- لو فيه debris نظفها اول بأول بـ air water stream 💦 و ممكن تدرب الاسستنت انها تقوم بالكلام ده بصورة دورية .. و حتة صغيرة مهمة .. ياريت تنبه على اي مريضة و هي جاية لميعاد دكتور الاسنان متحطش روج غير انه هيطلع عينك في نضافته في بعض الاحيان ممكن يمسك في المراية و ميطلعش و يبوظها و خصوصا لو متنضفش كويس و دخل الاتوكلاف .. كده شكرا 🙃

🌟 الـ illumination ✨

لو ظروف الاضاءة سيئة عمرك ما هتعرف تشتغل صح لا direct او Indirect .. فتعالوا نشوف ازاي تظبط الدنيا في الـ light 👍

🔹1- هات كشاف كويس يكون ليد و لو هالوجين يفضل النوع الايطالي لأن الهالوجين الصيني خامته سيئة و بيصفر و يغبش مع الوقت فمش هيخدم على المدى الطويل ..

🔹2- دوريا حافظ على الكشاف خالي من الاتربة .. و يتنضف بمنظف زجاج عشان ميسبش صابون وراه و يغبش الزجاج او البلاستيك و التنضيف يشمل العدسة و السطح العاكس !

🔹3- مياخدكش الشغل و متنساش تعدل اللايت كل مرة تحتاجه او ممكن تعلم الممرضة تعمل tracking كل فترة باللايت على المكان اللي بتشتغل فيه و ريح دماغك

🔹4- لو من القلة المحظوظة 💲 ممكن تجيب head light اضافي و ده حل سهل و بيكون اللايت مثبت على مكان شغلك مع حركة راسك .. و ده بيجي مع الـLoupes او ممكن تشتريه لوحده من الشركات اللي بتبيع الـ Loupes

🌟 الـ Magnification 🔍

دي خطوة يعني مش الكل هيقدر عليها في بداية شغله بس لو توفرت امكانيات مادية توكل على الله .. ميزة الـ Magnification انه هيكبرلك الدنيا فبالتالي بتشوف التفاصيل الدقيقة من غير ما تحتاج تقرب للمكان اللي بتشتغل فيه .. فتعالى نشوف ازاي ممكن نظبط الموضوع ده :)

🔹1- اشتري Custom made لو تقدر .. لأنه بيبقا مظبوط عليك كوويس و واخد مقاساتك الشخصية من حيث interpupillar distance و مقاس نظرك و حتى حجم الـ Frame و غيره و مش كل شوية عشان سندته بالغلط او اتحركت العدسات يمين او شمال تحتاج تظبطه

🔹2- مش لازم تجيب حاجة الماني او ايطالي دلوقتي فيه حاجات كوري و صيني باسعار منافسة .. فالطبيب المصري المكافح الموضوع بقا accessible عن زمان ليه .. و مصروف الـ Loup بقا على قد الايد

🔹3- قبل ما تشتري اطلب من الشركة تأجر او تجرب الحاجة قبل ما تشتريها عشان تشوف نوعية العدسات المحطوطة و هل فعلا هتريحك و لا لأ .. لأنه ساعات ناس كتير بتشتري مباشرة من غير تجربة و مش بتستريح في الفريم او نوع العدسات .. و بترمي اللوب و مش بتسخدمه

🔹4- ما تجبش Loup اقل من 3.5X لأنه مش هيخدمك في شغل الاسنان كويس .. و كمان هات اللوب اللي دائرة الشغل بتاعته تكون كبيرة قدر الامكان حتى لو على حساب التكبير .. عشان يسمحلك بالحركة البسيطة و رقبتك متبقاش متسمرة على مجال ضيق من الرؤية .. الكلام دا مهم جدا و خصوصا لو اول مرة هتشتغل باللـ Loupes

🔹5- الميكروسكوب عظيم 🔬 بس متجيبوش الا لو اتقنت الـ Indirect technique بتاعتك .. و اشتغلته كتير .. و فيه برضو انواع مصري ليه و بتقدم جودة مميزة زي ميكروسكوب د. وائل سعيد صادق :)

🌟 استخدم كل حواسك 👀 ..

🔹 خلى حواسك تساعدك و انتا شغال Indirect يعني لو هتحوش calclus او هتعمل Excavation شغل حاسة اللمس و حس بالـ Tactile sensation لو الحاجة soft و لا Hard مع الـ Hand instruments بتاعتك

🌟 اتدرب كتير 🏋‍♂ ..

🔹 متخافش الـ Indirect مش كيميا و سهل جدا و اي دكتور senior كان زيك و يمكن اوحش بس مع التدريب و الشغل ايدينا بتتحسن و تظبط ..

ممكن تعمل تدريب لايدك انك تجيب كاست و المراية و في البيت تحاول تعمل Preparation لـ Class II و لا Crown .. او تنزل تدريبات شبه اللي هنحطها في التعليقات وتطبعها و تمرن ايدك عليها
واحدة واحدة ايدك هتظبط و هتكتسب قدرات خاصة انك عينك تربط بين الحركة العكسية في الماية و حركة ايدك و تبقا و لا خليفة خلف الله خلف خلاف المحامي :D

بس كده يا دكاترة 😄 .. ده البوست بتاعنا النهارده و يا رب يكون مفيد لكل الدكاترة كبار و صغيرين و اكيد كل الاضافات و التصحيحات مرحب بيها ❤

و كالعادة علق بتم ليصلك كل جديد 👍 و لا تنسونا من صالح دعائكم 💟

24/08/2020

🌈 تعمل ايه لو الـ Polishing paste نشف؟؟🤷‍♀

🔵 كتير بنشتري Polishing paste علبة كبيرة عشان نوفر اكتر .. و كتير جدا بسبب تعرضه للهواء لفترة طويلة او عدم احكام اغلاق العلبة بصورة كويسة بيحصل و بنلاقي الشوية المتبقيين نشفوا و حجروا😞 ... لو حصل ده معاك الحل بسيط 👇 ...
🔸 ضيف كمية مناسبة من الجلسرين و اخلطه مع الـ polishing paste باي اداة عندك في العيادة لغاية ما تحصل على مزيج متجانس و اقفل العلبة كويس سيبه يوم ...
🔸هتلاقي بعدها الـ polishing paste رجع طري و ناعم و متماسك زي ما اشتريته اول يوم 👍..

و كالعادة علق ب" تم " ليصلك كل جديد 👍و لا تنسونا من صالح دعائكم 💖

18/05/2020

🌈ليه الـ Inferior Alveolar nerve block مش بيشتغل كويس ؟ 🤔

⭐ بأعلى نسبة فشل و نسبة نجاح تتراوح بين 47% و 73% 😭 ..
دايما الـ Inf. alv. NB عامل كابوس لكل دكتور اسنان و في البوست ده هنحاول نطرح المشاكل و الحلول لهذه المشكلة المتكررة لينا كلنا 👇 ..

🚧 1- التكنيك ... 💉
بفتكر ايام سنة رابعة و احنا مستنيين الامتياز يعدوا علينا عشان يدوا بنج .. ايوا رغم انه مفروض بسيط لكن اي متدرب جديد شوية عقبال ما يتقن التكنيك .. فانك تذاكر كويس التكنيك .. و هنسيب فيديو في العليقات للتكنيك السليم ..

🚧 2- كيمياء البنج ... 🧪
مش كل الناس زي بعضها ... و كيميا البنج مش بتمشي على خط مستقيم مع كل الناس .. يعني فيه ناس الارتيكين بيمشي معاها زي الفل و فيه ناس مش بيجيب معاها نتيجة غير بنج الصحة الميبافاكيين ... و ناس تالتة عايزة دماغ ليدوكايين :D ..

🚧 3- العيب في النيرف نفسه .. 🤨
بص سعادتك من اغرب النيرفات اللي خلقها ربنا النيرف الثعباني INF ALV هتلاقي اشتغلات للصبح ... من اول bifid nerve و الـ bifid canal و thick lingula ده غير انه الـ Foramen نفسه يطلع قدام شوية و لا ورا عن مكانه المتوقع .. فكمية اشتغالات ضخمة ممكن تلاقيها في كل الحالات

🚧 4- Accessory nerves 🌵
زي الـ Nerve to Mylohyoid و Cutaneous cervical nerves دي الـ block مش بيشملها .. و لازم تديلها anasthesia مخصوصة ..
و كمان اوقات كتير الـ Lingual nerve بيساهم في ال، Sensory innervation

🚧 5- Nerve anastomoses
و دي بنلاقيها خصوصا في الـ Lower anteriors ساعات الاسنان دي بتاخد innervation من الناحيتين

🚧 6- اسباب نفسية .. 🙃
و دي تتعلق بخوف المريض نفسه .. و ده بيخلي الـ pain threshold واطي جدا لأنه دايما متوقع الالم في كل لحظة .. حتى لو الم بسيط هيكبره

🚧 7- البنج نفسه بايظ ..❌
مفروض البنج ميتعرض للضوء و درجة حرارة تخزينه متزيدش عن 37 درجة مئوية ... اي تخزين خطأ عند الدكتور او التاجر .. هيدينا بنج منخفض الكفاءة او بايظ ... كمان تاريخ الصلاحية ممكن يأثر .. و اكيد بنج قرب تاريخ انتهاؤه او منتهية صلاحيته هيكون تأثيره اقل من اللي تاريخ صلاحيته لسه جديد ..

🚧 8-Central core theory of nerve block failure🏔
ببساطة شديدة كل بعدت النقطة المراد تخديرها عن مكان الحقن كل ما كان تأثير البنج اقل .. و بالتالي في حالة inf alv NB تأثير البنج بيكون اقوي في منطقة الـ Molars لأنها اقرب و البنج بيفلير اكتر في منطقة الـ Anteriors لأنها ابعد

🚧 9-inflammation 😢
و ده مش محتاج تفسير انه تكون السنة inflamed ده بيخلي تأثير البنج عليها اقل ... حتى لو Nerve block لكن طبعا الـ infiltration بيبقا تأثير البنج اقل بكتير

⭐ الملخص المفيد ⭐
🌈 طيب نقول الحلول لمنع المشكلة بقا .. و حلول تناسب طبيب الصحة متوسط المستوى صديق صفحتنا الوفي ❤ ..
☑ 1- اتأكد من تخزين البنج عندك بطريقة سليمة و انه تاريخ الصلاحية لسه شغال و يفضل لو عندك تلاجة صغيرة في العيادة لو في مكان معرض للشمس بصورة كبيرة و الاوضة غير مكيفة طوال الوقت .
☑ 2- اتأكد انك خدت الـ Landmarks كويس
☑3- اعمل Aspiration و اتأكد انك مش بتحقن في Vessel عشان لو حقنت فيه البنج مش هيشتغل .. لا كمان و لو من سعداء الحظ اللي معانا في البرنامج هتخش في systematic complication الـ aspiration بيتم عن طريق انك تحط الكربولة من غير سن الابرة و تغرس السن المدبب اللي في السرنجة جوة فلينة الكربولة .. و بعدين تحط الابرة تحقن شوية صغير و بعدين تسحب لبرة ... لو معرفتش تسحب تبقا في Muscle او space لو عرفت طلع معاك دم يبقا انتا جوا vessel
☑4- حقنت و الدنيا تمام .. خلي العيان يستنا بره لوقت ميزيدش عن ربع ساعة .. لو مشتغلش البنج ..يبقا كده failure
☑5- هتدي Gow- Gates او Akinozi ... لو العيب في التكنيك او اختلاف في anatomical variation و ميزة النوعين دول انهم بيخدروا الـ Mandibular nerve بكل تفرعاته .. فعلى رأي المثل فعلا كل ما تدي بنج و ميشتغلش اطلع فووووق
☑6- هتغير نوع البنج لو عملت الخطوة 5 و مفيش تنميل خالص .
☑7- لو البنج اشتغل بس مفيش pulpal anasthesia كفاية ... هتدي للـ Lingual و الـ Cutanous cervical nerve " cutanous coli " .. و Nerve to mylohyoid muscle .. زي الـ buccal nerve block عند الـ 8 بس من ناحية الـ Lingual ..
☑8- في حالة الـ Anterior لو هتدي بنج اضافي ادي الـ Mental افضل .. و لو مشتغلش كويس دور على الـ anstamoses مع ال Central اللي جنبه ممكن تديه infltration و تحل المشكلة دي ..
☑9- لو عملت ده كله و المشكلة زي ما هي ... قفل الحالة .. و اديله علاج كويس و اتأكد انه اي inflamation راح

اتمنى تكونوا استفدتوا ☺... طبعا كل التعديلات و الاضافات مفتوحة لكل الدكاترة 💌 ..

⭐ و لو حابين تنضموا معانا في كورس الاندو المميز لدكتور وائل سعيد و تعرفوا كل الـ Tips & Tricks ممكن تنضموا لينا في الايفنت ده ☺ :
https://www.facebook.com/events/404313976792695/

⭐ و كالعادة علق بتم ليصلك كل جديد 👍 و لا تنسونا من صالح دعائكم 💟
🔴Refernces :
https://jacobspublishers.com/why-does-inferior-alveolar-nerve-block-fail-a-review/?fbclid=IwAR3mBGgmH6g2QVx6wmxLR_gOf0VYk02PJ1tDIyDy9lq5xsmS9S3cybGuMcc

03/04/2020

🍶 مضمضات الحالات المستعصية 👩‍🔬

سلام عليكم .. ايه الاخبار ؟؟ :)
ميعادنا مع البوست التاني في موضوع المضمضات ... و تركيبات عجيبة و غريبة يمكن ناس مسمعتش عنها كتير و غير المضمضات الجاهزة اللي كلنا عارفينها و بنوصفها للمرضى في الروشتات .
التركيبات دي في المعظم بنستخدمها في الحالات الشديدة او الخاصة بالامراض المناعية او الـ Radiotherapy😥 ... و بتحتاج حاجات اشد من المضمضات التجارية اللي موجودة في السوق اللي المواد الفعالة فيها مش دايما بتناسب احتياجتنا في الحالات دي ... الوصفات دي ممكن تتعمل في العيادة .. بس الافضل لو يعملها صيدلي لو تقدر .. و كل المعايير بتكون خاصة بالكبار .. و بتستخدم و مش كلها للاطفال لأنه منهم فيه مواد بتضر الاطفال زي الTetracycline مثلا ..
نبدأ على بركة الله و نقول كام تركيبة منهم ..👍
-------------------------------------------------------------------------------------
⭐Magic Mouthwash Recipe

👩‍🔬Rx:
80 ملي Lidocaine 2%
80 ملي Melanta او Maalox " دوايين مضادين للحموضة أي واحد فيهم "
80 ملي DiPhendramine تركيز 12.5 مجم لكل 5 ملي شراب
80 مليNystatine 100 الف وحدة محلول
80 ملي Prednisone تركيز 15 مجم لكل 5 ملي شراب
80 ملي ماء مقطر

📍 الاستخدام : ملعقة او معلقتين شاي كل ست ساعات بيمضمض بيهم العيان و ممكن بلعها لو فيه عدوى ممتدة للبلعوم - ممنوع الاكل و الشرب بعدها لمدة 30 دقيقة

المضمضة دي بالاساس بتكون فعالة لحد عنده autoimmune based disease
زي معظم white lesions .. و بعض ال ulcers اللي بتيجي لوحدها او مع اجزاء من الجهاز الهضمي .. و كمان بتستخدم للاسف في حالات السرطان ﻷنه بيكون فيه معدل عالي لانقسام خلايا تبطين الفم و بالتالي بتكون مستهدفة من ادوية السرطان و بتتأثر بيه ..

وجود الكورتيزون .. بيخلي المضمضة مش الخيار الاول و ممكن استخدام مضمضة خالية من الكورتيزون كبديل ... و لكن تظل خط الدفاع الاهير في حالة عدم تحسن المريض ﻷي نوع من المضمضات التانية
--------------------------------------------------------------------------------------
⭐" Xyloxadryl" or "BMX Mouth wash"

👩‍🔬Rx:
تلات اجزاء تكافئهم مع بعض :
1 معيار Lidocaine 2%
1معيار Maalox شراب
1معيار DiPhendramine 12.5 مجم لكل 5 ملي شراب
يعني قول بفرض المعيار 40 ملي من كل نوع هيعملولك 120 ملي محترمين

📍الاستخدام : ملعقة او معلقتين شاي كل ست ساعات و ممكن بلعها لو فيه عدوى ممتدة للبلعوم .. و تترج كويس قبل الاستخدام !! ..
دي برضو مضمضة تانية ... و تعتبر بيور " oral base " .. زي ما بيقولوا .. ال Maalox بيبطن الاجزاء اللي ممكن تكون حساسة .. و الLidocaine بيخدر و الDiPhendramine بيقلل تفاعل الحساسية لو موجود .. مفيهاش مضادات حيوية او فطرية زي اللي قبلها .. مفيدة جدا في حالات الـ Radiothearpy .. و ليها ميزة اضافية انها خالية من الكورتيزون فده يخلي استخدامها اثاره الجانبية مش زي الـ Magic Mouthwash
--------------------------------------------------------------------------------------
⭐ Tetracycline Mouth bath

👩‍🔬Rx:
100 مليDexamethasone شراب بتركيز 0.5 مجم لكل 5 ملي .
60 مليNystatine 100 الف وحدة محلول
100 مليDiPhendramine 12.5 مجم لكل 5 ملي
3 كبسولات تيتراسيكلين 500 مجم

📍 الاستخدام : ملعقة او معلقتين شاي كل ست ساعات و ممكن بلعها لو فيه عدوى ممتدة للبلعوم
دي بقا من الحاجات المفضلة ... tetracycline mouth bath .. بس على نضافة .. اقول بس ايه ..Dexamethasone مضادات قوي للالتهاب .. معNystatine للفطريات .. و Tetracycline مضاد حيوي موضعي قوي و مشجع للالتئام العظمي .. و اخيراDiPhendramine كالعادة مضاد للحساسية ..
--------------------------------------------------------------------------------------
⭐ Saltwater Mouthwash

👩‍🔬Rx:
450 مية + ملعقة شاي ملح طعام + ملعقة بيكربونات صودا
الاستخدام : ملهاش أي وقت معين منين ما العيان يحس بوجع ..

📍الاستخدام :و دي بقا حاجة بسيطة ممكن نوصفها لعيان بعد الخلع .. بدل وصفة المضمضة بمية و ملح التقليدية اللي متعودين عليها ... ميزتها انه البيكربونات بتزيد قاعدية المحلول و ده بتخليه ليه قوة مضادة للباكتريا كبيرة عن المحلول التقليدي .. بالمناسبة قبل كده جاتلي مندوبة باسم تجاري ليها اسمه الكا باودر تقريبا .. و كانت العلبة سبعة ساشت ب 6 جنيه :) ..
--------------------------------------------------------------------------------------
🌈 جزء اضافي و شرح للمكونات بصورة اكبر ..

بعد ما قلنا التركيبات .. نقول ازاي نتحصل على المواد الخام في السوق المصري ..

⭐ Lidocaine تركيز 2% و دا ممكن تلاقوه في جيل للفم تقريبا بنفس التركيز و ممكن يستبدل بتانتم اخضر .. و وظيفته مخدر موضعي قوي و معروف ...
الMaalox موجود في السوق و ليه بدائل بنفس التركيب بتحتوي على هيدروكسيد المغنسيوم و هيدروكسيد الالمنيوم ... زي الميوكوجيل

⭐ DiPhendramine .. موجود في اوسيبكت شراب .. بس معاه حاجات تانية لو حد يعرف حاجة فيه لوحده يقولي .. وظيفته مضاد للحساسية ... و هتفاجأ انه موجود في ادوية الكحة و الكلاميل :) .. برضو بيساعد الكورتيزون .. في حاجات الـ Auto-immune ... و مكمل ليه ..

⭐ Prednisone .. موجود في بريدسول شرب .. و الديكساميثازون اظن موجود في الفينادون..
وظيفته " بريدسول شراب مثلا "... اخ من اخوات الكورتيزون ... و بنحتاجه في حالات الحاجات الـ Auto-immune اللي بتصيب الـMucosa زي الـLichen planus مثلا ... التركيز المفضل 15 مجم لكل 5 ملي ... و ممكن يستبدل بالديكساميثازون 0.5 لكل 5 ملي .. او الهيدروكورتيزون وش كده اساسهم كلهم ..
⭐ Nystatine محلول بنفس الأسم .. موجود و معروف في الصيدليات ..
وظيفته مضاد للفطريات معروف للاطفال الرضع ... التركيز الفعال 100.000 u ..
و اخيرا ال Tetracycline كبسولات .. شارح نفسه :) .. وظيفته مضاد حيوي و ليه ميزه غريبة انه بيحفز العضم انه يبني نفسه .... بنستخدمه لوحده كـ Mouth bath او في تركيبات المضمضة ..

⭐ Maalox هيدروكسيد الالمنيوم و هيدروكسيد المغنسيوم
دواء مشهور للحموضة .... استخدامه عندنا كمادة عازلة لل ulcer و مبطنة ليها ... بيخش في تركيبات او ممكن استخدامه لوحده ...

⭐ Saucralphate ... دواء اساسا لعلاج قرح المريء و الجهاز الهضمي ... لقيوه مفيد برضو في حالات ال ulcers ... بيستخدم برضو معانا في تركيبات مضمضات ال ulcers .. ياريت لما نستخدمه نفصله عن اي دواء نص ساعة قبلها و بعدها عشان ال drug interaction ... بتاعته كتير .. و للحوامل هو كلاس B.. فيستخدم عن الحاجة ..
------------------------------------------------------------------------------
أخيرا نتمنى انه البوست عجبكم و يكون فعلا مفيد ليكم ..
لو عجبك البوست اضغط لايك و شير و كومنت 👍 ...

و لا تنسونا من صالح دعائكم 💟

13/03/2020

🌈 كل اللي تحتاج تعرفه عن الـ Bioceramic Sealer ☺

بقلم د. Mohamed Hossam

🔴 السلام عليكم ورحمه الله .. ازيكم ازيكم 😊
كلاكيت تاني مره الـــ bioceramics

☑ لازم الاول نعرف حاجه مهمه ان الـ bioceramics = MtA
ايون هو هو والله بكل الاشكال بكل الانواع بكل الاستخدامات ، الفرق الوحيد الجوهري ان مادة bismuth oxide الموجوده ف ال Mta يتم استبدالها بـ tantalum oxide الماده وظيفتها كا radiopacifier مش اكتر

☑ الفرق التاني هو الفرق الـ chemical prop.
اللي قولنا عليه قبل كدا وال هيفرق ما بين كل ماده التانيه ف السيلر البيوسيراميك من ناحية setting time , working time , flow rate
& reaction to hydration
🔴 الحاجات دي هتفرق معانا ف ايه ؟
ان هتلاقي نوع سيلر بينشف اكتر او اسرع من التاني
ونوع سيلر بستخدم ف حالات معينه غير التاني علشان الـFlow rate بتاعه افضل مثلا وهكذا

🔴 نروح ع الكلام ال الناس بتحبه 👇

1⃣Totalfill

اول سيلر بيوسيراميك ظهر ف مصر كان الـ totalfill
ودا تبع شركه FKG ، ايون الشركه الجميله بتاعت فايلات irace
و وكيلهم ف مصر شركه one dental solutions
السيلر دا يعتبر هو بديل او المسمي التاني للـ BC sealer
التابع لشركه Endosequence ودا اشهر بيوسيراميك سيلر ب العالم تقريبا و اولهم واكترهم انتشارا ، بيقال ان التوتال فيل هو هو البيوسيراميك بتاع اندو سيكوينس بس ال نازل لمصر ..لان الاندوسيكوينس ما بيتباعش غير ف امريكا فقط !

🔹 بكام التوتال فيل ⁉ جرام و نص ب 2700 جنيه
ويعتبر اغلي بيوسيراميك ف مصر ، وبصراحه دايما ناقص عند الشركه ، ودايما بيشتريه الناس لرسايل الماجستير وما ال ذلك ، لانه بيعتبر كـ Reference لكل انواع البيوسيراميكس اللي ظهرت بعد كدا
للاسف ماليش تجربه فعليه مع التوتال فيل 🙄
ولكن خلينا نقول انه pure bioceramics
ودي نقطه مهمه هنتكلم عليها ف نوع تاني شبهه بالظبط

2⃣ Sure-Endo

🔹 تاني نوع ظهر ف مصر كان Sure-Endo
بيوسيراميك سيلر كوري ، وكيله شركه لما ميديكال لصديقنا المحترم د علاء سامي
كان 2 جرام ب 1500 ، وطبعا كان نقله نوعيه ف البيوسيراميك بسبب سعره الممتاز جدا جدا
ودا اول بيوسيراميك اشتريته لحد ما اتخرب بيتي
توووووحفه فنيه يا فندم ، بيوسيراميك بمعني الكلمه ❤
بيندرج تحت pure bioceramics

🔹لكن ايه مشكلته بالنسبالي شخصيا 🤔
ان كل الانواع البيور بيوسيراميكس fast hydrophilic reaction شديد جدا
لدرجه ان لو الكانال فيها اقل نسبه رطوبه ، لو هفوه كدا
السيلر هوب بينشف وبيحجر منك ف وسط الكانال 😣
يعني سيادتك لو عامل حاله محترمه وصعبه جدا
وجيت تعمل اوبيتوريشن ومش منشف كويس اوي
السيلر هينشف ف نص المسافه للايبيكس وهتزعل اوي اوي يا شعبان، لما تلاقي الماستر كون طلع قصير 😶
الحقيقه ان بنسبه كبيره جدا دا مش هيٱثر علي نتيجه شغلك خالص ان شاء الله بسبب البيوكومبتابيلتي بتاعت السيلر و البيواكتيفيتي وكذلك high ph reaction
اللي بيكون ليه انتي باكتيريال ايفيكت محترم جدا 👍
ولانك اصلا منظف كويس جدا من الاول ، مش كدا ولا ايه 😉😉
قشطه 👍✌

3⃣ Endo-seal MTA

🔹 بس 1500 علي 2 جرام ، غاليين يا دوك ‼
هو الموضوع ف الحقيقه ما بيتحسبش كدا خالص ..
ودايما ف كل الكورسات بنقول للشباب لما حد بيزعل من سعر اي فايل او سيستم بنقول قاعده ثابته
work with less risk & benifits more important than cost 😉

🔹 علشان كدا بعدها النجم بلال بيه موافي ، عين اعيان مصر واغني تاجر اسنان حاليا 😂😂😂 شركه بيبودنت جابلنا السيلر رقم 3 ال نزل مصر
Endo-seal MTA
bioceramics based on MTA
كوري بردو
طب ما اصلا البيوسيراميكس هو MTA ؟؟
دا حقيقي
بس السيلر دا بيزيد في الريااكشنز بتاعته و السيتنج و الوركنج تايم بتاعه علي الخصائص بتاعت الـ MTA العاديه
بمعني انه بردو هيدروفيليك جدا ، بس ماعندوش الـ fast reaction towards hydration فمش هيحجر منك وسط الكانال ..
وهيديك flow rate محترم جدا ، تقدر تضمن بيه كمان ان مع اللاتيرال كومباكش انه يدخل جوا اللاتيرال كانالز بتاعتك من غير ما يحصل بقي حته الزعل بتاعت ال pure bioceramics
ان الكون يطلع قصير او مش واصل للايبيكس
كمان ريكومنديد جدا انك تصلح بيه او ستريب بيروفوريشن مثلا ف الكانال
وهنا وصلنا للمعادله المحترمه مابين setting time & flow rate

🔹 السعر يا دوك ؟؟؟
السعر ف متناول المواطن الغلبان 😂😂😂
دا حقيقي بالنسبه للسيلرز ال فاتت اينعم سعره كويس جدا
3 جرام ب 2000 جنيه ، وساعات كدا بلال بيه بيحن علي فقراء اطباء الاسنان ، و بيعمل تخفيضات عليه وبينزل السعر سيكه 🤣 او بيدي هدايا معاه 😂

4⃣ Bioseal

🔹 بعد كدا سيدي المواطن الغلبان شركه كولتين العريقه ، قالت والله لازم ناخد حصه من التورته دي
ونزلوا سيلر بيوسيراميكس علي كونسبيت تاني خالص اسمه Bioseal
based on Guttaflow

بدون ما نرغي كتيير ، احنا اصلا رغينا كفايه يعنيguttaflow للمعرفه
cold setting guttapercha
عكس تماما الثيرموبلاستيزد جتابيركا
يعني ايه ، يعني جتابيركا سايحه سيادتك 😂
بس كولد مش سخنه خالص ، وانا شخصيا من محبي الجتافلو جدا ، لان السيلر الوحيد ال ف كبسوله زي الاملجم كدا
كبسوله بتضرب ف الاملجميتور فيها السيلر مع الجتابيركا ف نفس الوقت و بتتحقن جوا الكانال
وهوب شكرا وبتنشف علي كدا
وبالتالي دا نوع جتابيركا وسيلر مع بعض بيستخدم مع single cone
ليه كمان ؟؟
لان السيتنج رياكشن بتاعه cold اصلا
ف بالتالي بيتنج عنه setting expansion
يعني بيتمدد جوا الكانال

🔹فشركه كولتين حطت بقي البيوسيراميكس مع الجتافلو ف سيرنجه واحده اوتوميكس
بيتخلط الاتنين ب بعض و ينتج الميكس الذيذ بتاعهم
و بكدا اخدنا ميزيتين توووووحفه
bioceramics & biocomp. & bioActive
& setting expansion of sealer
سيلر و جتا بيركا وكله مع بعضه ف ليله واحده سيادتك
بس بردو لازم ماستر كون ، علشان الاسباب ال قولناها ف البوست اللي فات حضرتك

🔹 طب بكام ؟
ب 2500 و 5 جرام ، وكيله بردو لما ميديكال تبع
حبيبنا د علاء سامي ...

🔹مشكلته الوحيده بالنسبالي ف نقطتين
flow rate
بتاعه اقل شويه من اي سيلر تاني ، لام الميكس بتاعه تقيل سيكه ، علشان فيه جتابيركا مع بيوسيراميكس
تاني نقطه ان في بعض البيبرز بتخاف سيادتك من موضوع السيتينج اكسبانش دا انه يزود ال
internal stress on root structure
حاجه ثيوريتيكال كدا خالص
تمام

5⃣ FillApex MTA

🔹اخر سيلر معانا وهو FillApex MTA بتاع شركه انجليوس البرازيليه
ودا MTA based on resin sealer
مش هرغي عنه كتير ، لان للاسف كل البيبرز عليه بتقول انه مش تمام

🔹 ليه ؟
لان الخلطبيطه بتاعت ان mta يتحط مع ريزن ف نفس السيلر
للاسف عملت زي تعارض مابين الاتنين
وان وجود الريزن قلل البيواكتيفيتي و الكرستالين فورميشن بتاع MTA وكمان نتج عنه بعض
cytotoxic reactions towards surrounding tissue
وكيله شركه icare و سعره تقريبا 1100 جنيه

🔴 كدا نكون خلصنا كل انواع البيوسيراميك سيلرز ال موجوده ف مصر 🙂

واعذروني لو فيه اي اخطاء ..
و سامحوني لو في اي تقصير ف اي نقطه ..
الموضوع كله بناء علي تجربتي الشخصيه و علي البيبرز ف كل نقطه
اخوكم محمد حسام
بالتوفيق ❤

🔴 و طبعا احنا كصفحة بنشكر د. محمد على كل المعلومات القيمة .. و جزاه الله كل خير :)

🔴 و كالعادة علق ب"تم" 👍 ليصلك كل جديد و لا تنسونا من صالح دعائكم 💟

28/02/2020

🌈 التعقيم و الكلام اللي مخدناهوش في الكلية 🤷‍♀
بقلم : ا.د عمرو اكرام

الموضوع الخاص بالتعقيم و خاصةً الAutoclave
الكلام اللي مخدناهوش في الكليه 🕵‍♀
——————————————————————-

1⃣ انواع الautoclaves
🔹Class N: stands for Naked solid
🔹Class S: stands for specified by manufacturer
🔹Class B: stands for Big small sterilizers
——————————————————————
2⃣ ما هي فكرة التعقيم اصلاً

🔹التعقيم مش معناه حراره و خلاص والا كان الhot air oven كافي و هو طبعا غير كافي لأن في spores و micro organisms بتستحمل الحراره العاليه

🔹التعقيم هو ان يحصل contact بين
☑Super heated steam with micro organisms
يعني لازم البخار بحراره عاليه جداً يلامس الmicro organisms و لما بيحصل التلامس دا بيحصل
☑Release of the latent heat
يعني الحراره الكامنه العاليه في البخار بتنتقل الي الmicro organisms و تقتلها
——————————————————————-
3⃣ الـ Autoclave class N

🔹فكرته انك بتدخل heated steam جواه فتطرد الهواء عن طريق انها تاخد مكانه و لكن طبعاً بيتبقي شوية هوا في الاماكن المزنوقه زي فين؟

🔹الحاجات المجوفه زي الـ
🔸Hollow lumen of the hand piece
🔸او الحاجات اللي فيها مفصلات ( joints) زي المقصات و الforceps
شوية الهوا اللي فيهم حيعمل air bubbles حوالين الmicroorganisms فهيمنع الsteam انه يعمل contact مع الmicro organisms
الhot steam مش بيوصل الحتت دي

🔹يعني لو عندك autoclave class N تقدر تعقم بيه فقط الادوات البسيطه زي الprobes او الelevators او الsimple hand instruments
مش بيعقم الcontra ولا الjoints
اوعي تحط الادوات في sterilization pouch لازم تبقي الادوات مكشوفه علشان الsteam يعمل contact معاها

وطبعا بيبوظ الادوات لانها لازم تتنشف كويس 🤦‍♂
—————————————————————-

4⃣ الـ Autoclave class B

🔹فكرته انه بيسحب الهوا ب vacuum pump و يدخل ال super heated steam في ثلاث دورات متتاليه تحت ضغط عالي لازم يكون minus 0.8 bar و لو الضغط اقل من كده مش بيبقي كافي
🔹ولازم الاوتوكلاڤ يعدي من اختبار اسمه helix test انك بتحط انبوبه معينه طولها ٢ متر و مجوفه و رفيعه من جوه و في اخرها strip، لو الاوتكلاڤ قدر انه يغير لو الاstrip يبقي فعلاً فعال
🔹الاوتوكلاڤ class B بيعقم اي حاجه ✔
——————————————————————

5⃣ الـ Autoclave class S

🔹هو شبه class B و لكن مش ٣ دورات و تحت ضغط عالي بس مش زي الvacuum بتاع الclass B
🔹الاوتوكلاڤ class S بيعقم الادوات الsimple hand instruments سواء في pouch او خارجها

🔹مش بيعقم الادوات الhollow داخل الpouch ❌

🔹اما خارج الpouch فقد اختلفت الاراء
▪ .. رأي بيقول انه مش بيعقم اي حاجه hollow 🙅‍♀
▪ ... رأي تاني بيقول ان الحاجات الhollow الsimple يقدر يعقمها زي الsyringe او الbone graft carrier و لكن الحاجات الcomplicated زي الlumen بتاع الhand piece ميقدرش يعقمها

🔹يبقي لو عندك class S لازم تجيب معاه جهاز مخصوص لتعقيم الcontra angle
🔹 ايضاً متقدرش تعقم بيه الشاش و القطن لو داخل الpouch ❌
—————————————————————
6⃣ هو انا ليه لازم اعقم الـ contra من الداخل؟

🔹علشان تقريباً كل الcontra angle بعد ما تخلص لف بتعمل حاجه اسمها الsuck back انها تلف كام لفه العكس فتشفط الsaliva او الblood من فم المريض الا اذا شيلتها من بقه و هي شغاله و دا طبعا لايمكن يحصل كل مره ⛔
—————————————————————-
7⃣ هو ممكن يبقي اوتوكلاڤ class B و ميعقمش الادوات و ينقل امراض؟

🔹اه طبعاً لو الادوات متغسلتش كويس و كان في blood clot ساعتها الmicroorganisms حتفضل مستخبيه جواها و الheated steam مش حيلمسها و مش حتموت خاصةً لو كانت spores لأن احنا قولنا ان الحراره لوحدها مش شرط تقتل الجراثيم 🚫
——————————————————————

8⃣ هو ايه نظام الاوتوكلاڤ الصيني class B؟

🔹 دايماً بقول مش بالجنسيه 🧐 في اوتوكلاڤات صيني رديئه و في كويسه و بردو في اوروپي class B و ردئ جداً و في ناس تانيه بتغشك و تبعلم class N علي انه class B
—————————————————————-

9⃣ التعقيم هي دوره كامله مش مجرد اوتوكلاڤ

شوية تعليمات كده
🔹 .. الادوات تتغسل بالفرشه كويس جدا و يتشال منها اي اثار دم بالصابون و تتغسل تاني و تتنشف قبل ما تخش الاوتوكلاڤ

🔹.... متسيبش الادوات بدمها لتاني يوم لأن تنظيفها حيبقي صعب جداً

🔹 ... الـ ultra sonic cleaner مهم جداً

🔹... حضرتك لازم تعرف ان الاوتوكلاڤ مش غساله ترمي فيها الحاجه مش نضيفه تطلعلك بتبرق من الناحيه التانيه

🔴 احب اشكر د محمد صبري علي المعلومات اللي ساعدني كتير بيها علشان انشر الpost دا 💗
🔴 انا عارف اننا مدرسناش تعقيم كما ينبغي في الكليه بس دلوقتي بعد ما عرفت ملكش حجه
🔴 اللي عايز documents اقدر ابعتله

🔴 ارجو الدكاتره تاخد بالها في التعقيم لان دي ارواح ناس، اما بالنسبه ان الاوتوكلاڤ class B غالي فلازم تزود تمن علاجك للمريض و تفهمه لأن الزياده في تمنه مش أغلي من حياة المريض يدفعها تمن لنقل عدوه او حياته و حياة اسرته تتدمر ☢

و احنا كفريق Open Source Dentistry بنقدم جزيل الشكر لدكتور عمرو اكرام و دكتور محمد صبري على البوست المفيد ده و ان شاء الله يكون في ميزان حسناتهم 💕 😊

و كالعادة علق بـ"تم" 👍 ليصلك كل جديد و لا تنسونا من صالح دعائكم 💟

21/02/2020

🚧 من المحرمات داخل عيادة الاسنان 🚧
بقلم ✍ : د.أدهم سالم

😷 عزيزي المواطن❤ :

🔺 ١- بطل تفاصل فتمن الخدمه اللي بيقدمهالك الطبيب 💲 لان الفصال مش فصالحك انت....

🔺 ٢- مش معني ان ضرسك مخدش وقت فخلعه انه حالة سهله وتطلع تقول هوا الدكتور عمل ايه يعني !!!

🔺 ٣- وانت رايح لطبيب الاسنان دي مش حديقة ولا منتزه عشان اخد عيالي وعيال عيالي وانا رايح احشي او اخلع ضرس 👨‍👩‍👦‍👦

🔺 ٤- لما الدكتور يطلب منك تعمل اشاعه دي مش رخامه منه ولا عامل تعاقد مع بتوع الاشاعات عشان خاطر ياخد نسبه...

🔺 ٥- مش عجبك كلام الراي الطبي للدكتور شوف غيره متقعدش تجادل فالبطيخ 🍉 وخلاص عشان تعمل اللي انت عاوزه حتي لو غلط

🔺 ٦- حشو العصب والحشو العادي مش اختياري دا حسب الحالة 👉 ...

🔺 ٧- متسئلش عن التبييض وانت بتفاصل فتمن الكشف اصلا 🤦‍♀..

🔺 ٨- يا ريت المرافق اللي معاك يكون شخص واحد فقط وتقوله يبطل يفتي ويصدع دماغ الدكتور بكلام مش طبي اصلا 😵 ..

🔺 ٩- بلاش تاخدوا معاكوا اطفال 👶 عيادات الاسنان عشان ميتعقدوش ويقرفوا اي دكتور بيروحوله بعد كده...

🔺 ١٠- اذا كان ضرسك الطبيعي بتاع ربنا مستحملكش واتكسر او سوس فمبالك بحشو مهما كان غالي ونوعيه نضيفه وراد انه يتكسر بنفس الطريقه اللي باظ بيها الضرس الطببعي

🔺 ١١- وارد ان لما تروح للدكتور بعد سنه مش لازم تحرجه وتقوله انت مش فاكرني 🙃 ...هوا اصلا مش فاكر الحاله اللي قابلك ...

🔺 ١٢- انت داخل تاخد خدمه عند طبيب الاسنان فبلاش تبقي رخم مع اللي بيقدملك الخدمه 🤷‍♂ ...

🔺 ١٣- بلاش السؤال بتاع انت هتديني بنج !!؟؟ عشان ٩٠ %من خدمات الاسنان بتحتاج بنج 😕 ....

و لو عندك نصيحة تانية للمرضى ضيفها ☺

و كالعادة علق بـ " تم " 👍 .. ليصلك كل جديد و لا تنسونا من صالح دعائكم 💟

07/02/2020

🌈 تعمل ايه لو حصل معاك
Sodium Hypochlorite Accident ؟؟🤷‍♀

⭐مكسرتش upper 4 يبقا ما اشتغلتش جراحة .. معملتش Pulp Exposure يبقا مشتغلتش Operative ... محصلش معاك Sodium Hypochlorite accident يبقا مشتغلتش Endo⭐

في البوست ده 👇 باختصار هنعرف السبب و كيفية التعامل مع الـ Sodium Hypochlorite Accident 💦 ... و ازاي تتعامل معاه خطوة بخطوة ☺ ..

🔴 اﻷسباب 🤔 ...
1⃣ - القاعدية العالية "اوي"🔥 ..
فعالية الصوديوم هيبوكلورايت يعتمد على قاعديته العالية اللي بتقتل و تعقم البكتريا جوه قناة العصب .. بتوصل لـ 11- 13 PH ده غير النوع التجاري اللي بنستخدمه كلنا بيحتوي على صودا كاوية فتخيل معايا خليط من محلول قاعدي زي مية النار مع صودا كاوية ... هيعمل ايه في الPeriapical tissue الغلبانة ..

2⃣- Periapical Radiolucency 🌚
90% من الحالات بتكون في سنة Necrotic + has periapical radiolucency .. طب اشمعنا ؟
عشان في الحالة دي مقاومة periapical tissue انه الصوديوم هيبوكلورايت يعدي ليها بتكون ضعيفة جدا ... و لو جنبيها معدي كمان الـ Working length خلاص كده يبقا الـ Accident حتمت ..

3⃣-Improper irregation technique 💉
مش هقولك عشان مبتعملش negative pressure irregation و لا عشان معندكش Endovac ... لا ببساطة عشان بتستعمل ابرة تخينة جدا بالمقارنة لوسع قناة العصب😓 .. زي ابرة ال 3سم الاكثر شيوعا في الـ irregation .. بس يحصلها Lock جوه القناة و الصوديوم هيبوكلورايت ميلاقيش منفذ يتسرب منه الا انه يتجه apical ... و خلاص هيبقا الـ ِaccident لا مفر منه ..

🔴 بروتكول التعامل مع الـ Sodium hypochlorite accident 🚧

هنقسم لكل عرض خايفين منه جزء للتعامل معاه ... 👌

🔹1- العامل النفسي للمريض 😭 :
طمن المريض .. طمن المريض و قوله متخافش انه ده شيء وارد "حتى لو خدت كل الاحتياطات " 😕 ... و انه الامور خلال 3 ايام هتتحسن جدا و بعد 10 ايام الاثار كلها هتختفي 👍 .. و انه متوقع انه الورم يزيد فلازم تشوفه بكره للاطمئان عليها ..

🔹2- اﻷلم ⚡ ..
▪الالم بيبقا شديد جدا و ممكن مينمش المريض ..
هتوصفله حقنة ديكساميثازون ياخدها في وقتها حالا مع حقنة Avil .. و ممكن يكرر حقنة الديكساميثازون مرة واحدة تاني يوم ..
و هيتكتبله NSAIDs "e.g Voltaren 100 SR" + Anti Edema " e.g Alphentern or Flamogen "

▪في بعض الاحيان ممكن الالم يحتاج انك توصف للمريض Opoid analgesics ... بس ان شاء الله الحالة متكونش وصلت للدرجة دي ..

🔹3- ورم الوجه 💆‍♂ ..
▪ده هنحاول نتفاداه عن طريق اننا تسيب قناة العصب مفتوحة من غير ما تتقفل .. irregation كويس اوي بـ warm saline يتكرر كل يوم لغاية ما الورم يبدأ يخف .. ده غير كمادات المية الباردة على الجانب المصاب تلات مرات يوميا ..
▪لو تقدر تعمل Incision and drainage تاني او تالت يوم .. ده هيحسن امور كتير ..

🔹4- Secondry Bacterial Infection 🦠
▪و ده هنمنعه بوصف مضادات حيوية لمدة اسبوع .. بالاضافة الى اننا نحط الكالسيوم هيدروكسيد كـ Intracanal dressing من اليوم السابع ..

▪و بعد عشرة لـ 14 يوم مفروض الامور ترجع طبيعية تماما ... و ممكن نكمل علاج العصب للمريض بدون اي قلق باذن الله ..

🌹 طب ايه الاحتياطات اللي لازم اخدها عشان ميحصلش الموضوع ده معايا ؟🌹

1⃣ - اعمل Access محترم ...
2⃣- خد Working length مظبوط .. و اشتغل عليه بطول اقصر 2-3 مم لو الحالة Necrotic .
3⃣- Irrigation needle in all cases must be passive not "LOCKED" !!
4⃣- اعمل irrigation بالراحة و بدون استعجال
5⃣- و انتا بتعمل Irrigation دايما اتأكد من حركة الـ Needle فوق و تجت جوه قناة العصب عشان متبقاش LOCKED
6⃣- اتأكد و انتا بتعمل irrigation انه فيه Flow back بمعنى انه فيه صوديوم هيبوكلورايت بيطلع من الـOrifice على طول و انتا بتغسل القنوات
7⃣- مش هقولك هات اجهزة حديثة بالاف الجنيهات بس على اﻷقل يا مؤمن بلاش السرنجة ال 3 سم و الله ملهاش اي لازمة لا هي بتعمل Irregation عدل و هتحوش الـ Depris و لا هتأمن من مصايبها ... اضعف الايمان هات Side Vented endodontic needle ..

و بكده نكون خلصنا الموضوع ☺و لو حابب تعرف اكتر عن الاندو ممكن تنضم لينا في كورس الاندو الخاص بدكتور وائل سعيد في الايفنت ده 👇 :
https://www.facebook.com/events/2292062917735299/

و كالعادة علق بتم ليصلك كل جديد 👍 و لا تنسونا من صالح دعائكم💟

Address

المنطقة التاسعة _ خلف مستشفى الماسة
Nasr City

Telephone

01006766593

Website

Alerts

Be the first to know and let us send you an email when Open Source Dentistry posts news and promotions. Your email address will not be used for any other purpose, and you can unsubscribe at any time.

Contact The University

Send a message to Open Source Dentistry:

Shortcuts

Share

Category