Elacademya - الأكاديمية

11/04/2022

Join الأكاديمية ♥️

دى صفحة هتبقى خاصة بكورسات تجارة انجليزى ان شاء الله و هيبقى فيها حاجات كتير مهمة جدا للطلبة هتستفاد منها زى ما عودتكم ان شاء الله 🤝🤝

💥هيبقى فيها كورسات مجانية للطلبة اللى بتدرس او الطلبة اللى اتخرجت هيبقى عندهم فرصة كويسة يراجعه اللى درسوه فى الكلية

لاول مرة هندى فرصة لناس professional جدا تدى كورسات للطلبة وهتتعرفو عليهم اكتر من خلال الحصص اللى هيدوها و الورق اللى هينزل على شكل pdf و من خلال بوست تفصيلي عن
كل واحد هيشرح للطلبة😊

https://www.facebook.com/groups/453878074821773/

https://www.facebook.com/Elacademya-الأكاديمية-106247994093509/

11/04/2022

11/09/2019

إن شاء الله تم الاتفاق على المجموع الاعتبارى لتجارة انجلش ٤٠٨ و عدد الطلاب ٤٠١ طالب وجارى اعتمادها من رئيس الجامعة وبعد كدة هتتعلن للطلاب فور اعتمادها..

08/09/2019

هتكلم عن تاني مادة مهمة عندكو الترم الاول
Economics اقتصاد
مادة حلوه بتتكلم عن السوق والمنتج والطلب والعرض وزيادة وانخفاض الاسعار وتاثيرها علي المستهلك ال هو احنا
المادة بتتكلم عن تعريف الإقتصاد ، والعرض والطلب ، المرونة ، المنفعة ، التدخل الحكومي في الأسواق ، التفضيلات والاختيارات ، الإنتاج والتكلفة وأنواع المنافسة في الأسواق ، والمادة سهلة جداً محتاجه تركيز وفهم مش حفظ وبتعتمد على حاجات منطقية دايماً من أهم الحاجات اللي هتساعدك على فهم المادة هي إنك تفهم المادة مش تحفظها ، هتلاقي في المادة منحنيات كتيرة " كيرفات " تفهموها كويس لأنك لو فهمتها هتعرف تكتب صفحات ده غير إن أغلب دكاترة الإقتصاد بتحبها ، المادة من أفضل المواد اللي هتدرسها في التيرم الأول لأنها هتفيدك في حياتك كتير وهتفهم حاجات كتير ماشية إزاي.
× دكتور المادة :-
غالباً هيكون د/ وليد نبيل من أحسن دكاترة جامعة بورسعيد شرحه فوق الممتاز ولو حضرت له وركزت في المحاضرة مش هتحتاج لأي حاجه تاني ولما تييجي تذاكر هتلاقي الدنيا سهلة خالص وبتقرأ المادة وأنت مستوعب ، المحاضرة اللي هتغيبها له هتندم عليها لأنك لما تييجي تذاكرها هتلاقي نفسك مش مستوعب مقارنةً بالمحاضرة اللي حضرتها ، الحضور مهم مع دكتور وليد وهتستفاد كتير من المحاضرة ، د/وليد بيتناقش مع الطلبة في المحاضرة وبيخليك تطلع كل المعتقدات اللي في دماغك عن الجزئية اللي هيشرحها وبعد كدا بيقولك الكلام الصح العلمي عن الجزئية دي والمقررة عليك ، بيتضايق من نسبة الحضور القليلة واللي بيكتب أثناء شرحه واللي بيهرب أثناء محاضرته واللي بيدخل بعده ... إلخ.
× الإمتحان :-
الإمتحانات بتاعته هتلاقي ناس كتير بتخوفك منها لكن هي في الحقيقة مش صعبة ولا حاجه هي بتميز الطالب الفاهم من الطالب الحافظ واللي بيقع فيها بيبقي غالباً حافظ مش فاهم وياريت لما تييجي تحل فيها تكتب بأسلوب الدكتور اللي كان بيشرحه في المحاضرة وتبين إنك فاهم اللي بتكتبه مش حافظه ، لما ييجي وقتها - بإذن الله - هكلمكم عنها تاني.
× الكتاب :-
النسخة الأصلية منه في الدقي بالقاهرة لكن هيبقي متوفر في المكتبات اللي بره الجامعة نسخة متصورة منه ، د/وليد مش بيهتم إذا كان معاك الكتاب الأصلي ولا لا ، الكتاب مهم علشان هتحل الأسئلة اللي في نهاية كل فصل والأسئلة دي مهمة جداً

08/09/2019

بسم الله نبدأ
اول مادة واهم مادة عندنا في الكلية هي المحاسبة Accounting وهي اهم مادة عشان هي بيتبني عليها كل المحاسبات في الكلية.
المادة ككل :-
أسهل مادة هتكون مقررة عليك التيرم الأول والمادة دي أغلب الدفعة بتجيب فيها تقدير الامتياز والجيد جداً ، هتتعلم فيها إزاي تعمل قيود يومية ودفتر الأستاذ والميزانية العامة والتسويات وحاجات تانية سهلة تعتبر أساس المحاسبة للسنين الجاية ، المادة مسألها سهلة جداً بس بتاخد وقت ، المادة لما بتذاكرها لما تكون قافل من المذاكرة نظراً لسهولتها.
دكتور المادة :-
دكتور المادة غالباً هيكون د/محمد الاشول أحسن دكتور على مستوى جامعةبورسعيد شخصية نضيفة جداً ومحترم وبيعامل الطلاب على إنهم أولاده وبيتقبل الطلبة جداً وعنده ضمير في عمله وشرحه وتصحيحه وإمتحاناته فوق الممتاز ، لازم تحضروا وتكتبوا معاه ، أكتر دكتور بيحضر له الطلبة ، بص مهما أتكلمت عنه مش هخلص وهظلمه.
الإمتحان :-
الإمتحان بيبقي سهل جداً وثابت ومتكرر على نفس النسق مع إختلاف الأرقام بس اللي في إمتحانك بمعني إنك لو حليت 3 أو 4 إمتحانات قبل إمتحانك يبقي ضمنت - بإذن الله - الامتياز

07/09/2019

دي مواد الترم الاول:

1- مبادىْ محاسبه Financial Accounting ،
2- مبادىْ اقتصاد principles of Economies
3- رياضه Business Math ،
4- مبادىْ قانون Principles of Law ,
5- مبادىْ الاداره Principles of Management،
6- دراسات تجارية " محاسبة عربى
7- جودة Quality
وهبدا اكلمكو عن كل مادة بالتفصيل